ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ກອງປະຊຸມສຸດຍອດນີວເຄລຍ ໄຂຂຶ້ນໃນວັນຈັນມື້ນີ້ ທີ່ກຸງໂຊລ


ປະທານທິບໍດີ Barack Obama ເຂົ້າຮ່ວມກອງປະຊຸມສຸດຍອດ ກ່ຽວກັບການຄວບຄຸມອາວຸດ ນີວເຄລຍ ທີ່ກູງໂຊລ, ວັນຈັນ ທີ 26, 2012.
ປະທານທິບໍດີ Barack Obama ເຂົ້າຮ່ວມກອງປະຊຸມສຸດຍອດ ກ່ຽວກັບການຄວບຄຸມອາວຸດ ນີວເຄລຍ ທີ່ກູງໂຊລ, ວັນຈັນ ທີ 26, 2012.

ບັນດາ​ຜູ້​ນໍາ​ຈາກ 53 ປະ​ເທດ​ໄດ້​ເລີ້ມກອງ​ປະ​ຊຸມສຸດ​ຍອດ ​ເປັນ​ເວລາ​ສອງ​ມື້​ທີ່​ກູ​ງ​ໂຊ​ລ
ຊຶ່ງແນ​ເປົ້າ​ໝາຍ​ໃສ່​ການ​ເຮັດ​ໃຫ້​ແນ່​ໃຈ​ວ່າ ວັດຖຸ​ນິວ​ເຄລຍຈະ​ບໍ່​ມີ​ວັນຕົກ​ໄປ​ເຖິງ​ມື​ຂອງ
ພວກ​ກໍ່​ການ​ຮ້າຍ.

ເປົ້າ​ໝາຍ​ທີ່​ວ່າ​ນີ້​ແມ່ນ​ໄດ້​ເປັນ​ບັນຫາ​ທີ່​ຖື​ວ່າ​ສໍາຄັນ​ທີ່​ສຸດ ສໍາລັບ​ປະທານາທິບໍດີ​ສະຫະ
ລັດ ທ່ານ​ບາຣັກ ​ໂອ​ບາ​ມາ ທີ່​ໄດ້​ປະກາດ​ໃນ​ຕອນ​ທີ່​ເຂົ້າມາ​ຮັບ​ຕໍາ​ແໜ່​ງ​ໃໝ່ໆ​ແລ້ວ​ວ່າ
ທ່ານ​ຈະ​ນໍາພາ​ຄວາມ​ພະຍາຍາມ​ໃນທົ່ວ​ໂລກ ​ເພື່ອປ້ອງ​ກັນ​ແລະ​ຮັກສາ​ພວກ​ວັດຖຸ​ນິວ​
ເຄລຍທັງ​ໝົດທີ່​ອາດ​ສາມາດຖືກ​ຍາດ​ເອົາ​ໄປ​ໄດ້​ງ່າຍໆ​ນັ້ນໄວ້​ໃຫ້​ດີ​ທີ່​ສຸດ ຊຶ່ງ​ທ່ານ​ກໍ​ໄດ້​
ຊຸກຍູ້​ ​ໃຫ້​ມີ​ການ​ດໍາ​ເນີນ​ຄວາມ​ພະຍາຍາມ​ດັ່ງກ່າວ​ນີ້ ຢູ່​ໃນ​ກອງ​ປະຊຸມ​ສຸດ​ຍອດ​ນິວ
ເຄລຍຄັ້ງ​ທໍາ​ອິດ ທີ່​ທ່ານ​ເປັນ​ເຈົ້າພາບ​ຈັດ​ຂຶ້ນ​ຢູ່​ວໍ​ຊິງ​ຕັນ ​ເມື່ອສອງ​ປີ​ກ່ອນ​ນີ້.

ລຸນ​ຫລັງ​ການ​ຮັບ​ປະທານ​ອາຫານ​ຄໍ່າ​ແລະ​ເຮັດ​ວຽກ​ໄປ​ພ້ອມຂອງ​ບັນດາ​ຜູ້​ເຂົ້າ​ຮ່ວມ
ປະຊຸມ​ໃນ​ວັນ​ຈັນ​ມື້​ນີ້ ພວກເຈົ້າ​ໜ້າ​ທີ່​ຈັດ​ກອງ​ປະຊຸມເວົ້າ​ວ່າ ​ໄດ້​ມີ​ການ​ທໍາ​ຄວາມ​ກ້າວ
ໜ້າ​ບາງ​ຢ່າງ ນັບ​ແຕ່​ນັ້ນ​ມາ. ຄວາມ​ກ້າວໜ້າ​ຢ່າງ​ນຶ່ງ​ນັ້ນ ກໍ​ຄື​ວ່າ ທ່ານ​ໂອ​ບາ​ມາ​ໄດ້
ປະກາດ​ໃນ​ວັນ​ອາທິດ​ວານ​ນີ້​ວ່າ ປະ​ເທດ​ຢູ​ເຄຣນ​ໄດ້​ຍົກຍ້າຍທາດ​ຢູ​ເຣນຽມທີ່ ​ໄດ້​ຮັບ​
ການ​ປັບ​ເກຣດ​ໃຫ້​ສູງ​ຂຶ້ນ​ນັ້ນ ອອກ​ຈາກ​ດິນ​ຂອງ​ຕົນ​ໄປ​ໝົດ​ແລ້ວ ຊຶ່ງ​ເປັນ​ການ​ປະຕິ
ບັດ​ຕາມ​ຄໍາ​ໝັ້ນ​ສັນຍາ​ທີ່​ໄດ້​ໃຫ້​ໄວ້​ໃນ​ກອງ​ປະຊຸມ​ສຸດ​ຍອດ​ນິວ​ເຄລຍ ຄັ້ງ​ປີ 2010.

ປະ​ເທດ​ກາ​ຊັກ​ສະຖານ ຊຶ່ງ​ຄັ້ງ​ນຶ່ງ​ເຄີຍ​ເປັນ​ບ່ອນ​ເກັບສາງ​ອາວຸດ​ນິວ​ເຄລຍຂອງ​ອະດີດ​
ສະຫະພາບ​ໂຊ​ຫວຽດ​ໄວ້​ນັ້ນ ​ຊໍ້າພັດໄດ້ຂົນຂວາຍ​ເອົາ​ທາດຢູ​ເຣນຽມເກຣດສູງ​ ແລະ​
ທາດ​ພລູ​ໂຕ​ນຽມ ມາ​ໄດ້​ຫລາຍ​ກ່ວາ 13 ​ໂຕນ ​ໃນ​ໄລຍະ​ສອງ​ປີຜ່ານມາ​ນີ້ ​ໃນ​ຂະນະ
ທີ່ສະຫະລັດ​ກັບຣັດ​ເຊຍ​ໄດ້​ຕົກລົງ ທີ່​ຈະ​ທໍາລາຍ​ທາດ​ພລູ​ໂຕ​ນຽມ​ຂອງ​ຕົນ​ຖິ້ມໃນ​ປະລິ
ມານ​ທີ່​ພຽງພໍ​ສໍາ​ລັບ​ຜະລິດ​ລະ​ເບີດ​ນິວ​ເຄລຍ​ໄດ້​ຮອດ 17 ພັນ​ລູກ.

XS
SM
MD
LG