ລິ້ງ ສຳຫລັບເຂົ້າຫາ

ເກົາຫລີເໜືອ ຈະອະນຸຍາດ ໃຫ້ຊາວນາ ເກັບຜົນລະປູກ ໄວ້ເອງ ໄດ້ຫລາຍຂຶ້ນ (ສະໄລດ໌)


ທົ່ງຜົນລະປູກ ຂອງສະຫະກອນກະເສດ ແຫ່ງນຶ່ງ ໃນເກົາຫລີເໜືອ
ເກົາຫລີ​ເໜືອ ​ໃນ​ບໍ່​ຊ້າ​ນີ້​ອາດ​ຈະ​ອະ​ນຸຍາດ​ໃຫ້ພວກ​ຊາວນາ
ເກັບຜົນ​ປູກ​ຂອງເຂົາ ​ເຈົ້າໄດ້​ຫລາຍ​ຂື້ນ ຊຶ່ງ​ເປັນ​ບາດກ້າວ
ເພື່ອ​ເພີ້ມຜະລິ​ດຜົນ​ດ້ານ​ກະສິກຳ. ​ມັນ​ອາດຈະ​ແມ່ນ​ການ​
ປະຕິ​ຮູບ​ອັນ​ສໍາ​ຄັນ​ ຂອງ​ຜູ້​ນໍາ​ໜຸ່ມ​ນ້ອຍ​ຄົນ​ໃໝ່ ທ່ານ Kim
Jong Un ​ທີ່​ໄດ້​ໃຫ້​ຄໍາ​ໝັ້ນ​ສັນຍາວ່າ ​ຈະເສີມ​ຂະຫຍາຍ
ເສດຖະກິດທີ່​ພວມປະ ສົບ​ບັນຫາຂອງ​ເກົາ​ຫລີ​ເໜືອ.

ຂ່າວ​ກ່ຽວ​ກັບແຜນທີ່​ອາດ​ເປັນ​ໄປ​ໄດ້ດັ່ງກ່າວ ແມ່ນມາ​ຈາກແຫ​ລ່ງຂ່າວ​ທີ່ໃກ້​ຊິດ​ກັບພາກ
ສ່ວນ​ກະສິກຳຂອງ​ເກົາຫລີ​ເໜືອ​ທີ່​ໄດ້ແຈ້ງ​ໃຫ້​ອົງການ​ຂ່າວ​ຂອງ​ປະ​ເທດ​ຕາ​ເວັນ​ຕົກຊາບ.

ລາຍ​ງານ​ກ່າວ​ວ່າ ຄາດ​ວ່າ​ຈະ​ມີ​ການ​ປະກາດ​ດ້ານ​ເສດຖະກິດ​ອັນ​ສໍາຄັນ ​ໃນ​ວັນ​ອັງຄານ​ມື້​ນີ້ ​ຢູ່ໃນກອງ​ປະ​ຊຸມ​ສະພາ​ປະຊາ​ຊົນສູງ​ສຸດ ທີ່​ບໍ່​ຄ່ອຍ​ໄດ້​ມີ​ກັນນັ້ນ.

ເກົາຫລີ​ເໜືອ ​ເປັນ​ປະ​ເທດ​ທີ່​ມີ​ຄວາມ​ລຶກລັບທີ່​ສຸດ​ປະ​ເທດ​ນຶ່ງຢູ່ໃນ​ໂລກ ​ແຕ່ໄດ້ ມີ​ຄາດ
ຄະເນ​ກັນ​ວ່າ ອາດ​ຈະ​ມີ​ການ​ປະກາດ​ໃຫ້​ຊາບ​ກ່ຽວ​ກັບ​ແຜນການ​ປະຕິ​ຮູ​ບ ດ້ານ​ກະສິກຳ ​ຢູ່​ໃນ​ກອງ​ປະ​ຊຸມ.

ປັດຈຸບັນ​ນີ້ ບັນດາ​ຊາວນາຢູ່​ໃນ​ເກົາຫລີ​ເໜືອ ຕ້ອງ​ໄດ້​ມອບ​ຜົນລະ​ປູກ​ສ່ວນ​ໃຫຍ່ ຂອງ​ເຂົາ​ເຈົ້າ​ໃຫ້​ແກ່​ລັດ ​ແລະ​ເກັບ​ເອົາ​ໄວ້ໃນ​ປະລິມານ​ທີ່ຈຳ​ເປັນ​ສຳ​ຫຼັບ​ຄອບຄົວ​ເທົ່າ​ນັ້ນ.
ລາ​ຍງານ​ກ່າວ​ວ່າ ພາຍ​ໃຕ້​ການປະຕິ​ຮູບທີ່​ໄດ້​ມີ​ການສະ​ເໜີ​ໄປ​ນີ້ພວກ​ຊາວນາ​ຈະ​ໄດ້​ຮັບ​ອະນຸຍາດ​ໃຫ້​ເກັບຜົນລະ​ປູກ​ຂອງ​ເຂົາ​ເຈົ້າ​ໄວ້​ເປັນ​ສ່ວນ​ໃຫຍ່ ຊຶ່ງ​ເຂົາ​ເຈົ້າ​ສາມາດຈະ​ນໍາ​ໄປ​ຂາຍ​ໃນ​ຕະຫລາດ​ໄດ້ແລະ​ເປັນ​ໂອກາດ​ທີ່​ເຮັດ​ໃຫ້​ເຂົາ​ເຈົ້າ​ໄດ້ຮັບ​ສິນ​ນໍ້າ​ໃຈທີ່​ຈະ​ຜະລິດ​ຫລາຍ​ຂື້ນ.


ພາກສ່ວນການ​ປູກຝັງ​ຂອງ​ເກົາຫລີ​ເໜືອ ​ໄດ້​ດີ້ນ​ລົນໃນ​ການ​ຜະລິດ​ອາຫານ​ໃຫ້​ພຽງພໍ​ເພື່ອ​ລ້ຽງ​ປະຊາກອນ​ຂອງ​ປະ​ເທດ 24 ລ້ານ​ຄົນ.

ທ່ານ Kim ​ໄດ້​ເຂົ້າ​ກໍາ​ອໍານາດ​ໃນ​ເດືອນ​ທັນວາ ລຸນ​ຫຼັງການ​ເຖິງ​ແກ່​ອະສັນ​ຍະ ກຳ​ມື້​ລາງ​ບິດ​າຂອງທ່່ານ ຄືທ່ານ Kim Jong II ຜູ້​ທີ່​ໄດ້​ປົກຄອງປະ​ເທດທີ່ຢູ່​ຢ່າງໂດດດ່ຽວ​ມາ​ເປັນ​ເວລາ 18 ປີນັ້ນ ​ດ້ວຍ​ຄວາມ​ເຂັ້ມງວດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG