ການທົດລອງຍິງລູກສອນໄຟ ຂອງເກົາຫຼີເໜືອ ຄັ້ງຫລ້າສຸດ ອາດໄດ້ປະສົບກັບຄວາມລົ້ມແຫຼວກໍຕາມ ແຕ່ມັນໄດ້ສະແດງໃຫ້ເຫັນວ່າ ລັດ ຖະບານ Kim Jong Un ແມ່ນສືບຕໍ່ສ້າງຄວາມກ້າວໜ້າ ດ້ານເທັກໂນໂລຈີລູກສອນໄຟຂີປະນາວຸດ ຂອງຕົນ ໃນການທ້າທາຍຕໍ່ການລົງໂທດຕ່າງໆ ຂອງອົງການສະຫະປະຊາຊາດ.
ພຽງຢາງ ໄດ້ທຳການທົດສອບຍິງລູກສອນໄຟໄລຍະກາງ Musudan ເທື່ອທີ 5 ແລະ ທີ 6 ຂອງຕົນ ໃນວັນພຸດມື້ນີ້ ຈາກເມືອງ Wonsan ຢູ່ແຄມຝັ່ງທະເລ. ບັນດາເຈົ້າໜ້າທີ່ທະຫານ ຂອງສະຫະລັດ ແລະ ເກົາຫຼີໃຕ້ ໄດ້ກ່າວວ່າ ລູກສອນ ໄຟລູກທຳອິດ ໄດ້ປະສົບກັບຄວາມລົ້ມແຫຼວ ບໍ່ດົນຫຼັງຈາກທີ່ໄດ້ຍິງຂຶ້ນ ແຕ່ລູກ ທີສອງ ໄດ້ບິນໄປ ປະມານ 400 ກິໂລແມັດ ກ່ອນທີ່ມັນຈະຕົກລົງໃສ່ທະເລຂອງ ຍີ່ປຸ່ນ ຫຼືທະເລຕາເວັນອອກ ຊຶ່ງເກົາຫຼີໃຕ້ ໄດ້ເອີ້ນກັນ.
ການທົດລອງລູກສອນໄຟເທື່ອແລ້ວ ໄດ້ບິນໄປໃນໄລຍະບໍ່ເຖິງ 3,000 ກິໂລ ແມັດເລີຍ ຕາມທີ່ລູກສອນໄຟ Musudan ໄດ້ອອກແບບມາເພື່ອ ໃຫ້ໄປເຖິງ ຖານທັບສະຫະລັດ ຢູ່ໃນເຂດເອເຊຍ ແລະປາຊີຟິກ. ມັນກໍປາກົດວ່າ ຍັງບໍ່ ໄດ້ສະແດງໃຫ້ເຫັນ ເຖິງຄວາມສາມາດ ໃນການບິນກັບຄືນເຂົ້າສູ່ບັນຍາ ກາດໄດ້ ຊຶ່ງຈຳເປັນເພື່ອທີ່ຈະໃຫ້ຖືກເປົ້າໝາຍໄດ້ຢ່າງແມ້ນຢຳ. ແຕ່ບັນດາ ນັກວິເຄາະ ໄດ້ກ່າວວ່າ ເກົາຫຼີເໜືອ ສືບຕໍ່ຮຽນຮູ້ຈາກຄວາມລົ້ມແຫຼວ ໃນແຕ່ ລະຄັ້ງ ແລະ ແມ່ນໄດ້ທຳຄວາມກ້າວໜ້າຫຼາຍຢ່າງ ໂດຍຈະທຳການທົດລອງ ໃໝ່ໃນແຕ່ລະເທື່ອ.
ທ່ານ Jeffrey Lewis ຜູ້ອຳນວຍການ ໂຄງການຫ້າມແຜ່ຜາຍນິວເຄລຍໃນ ເຂດເອເຊຍຕາເວັນອອກ ທີ່ສະຖາບັນການສຶກສານາໆຊາດ Middlebury ໃນລັດ California ກ່າວວ່າ ນີ້ແມ່ນບາດກ້າວທີ່ສຳຄັນຫລາຍ ຍ້ອນວ່າ ການ ທົດລອງໃນຄັ້ງກ່ອນ ມັນໄດ້ລະເບີດ ໃນເວລາບໍ່ດົນ ຫລັງຈາກໄດ້ຍິງຂຶ້ນ ຫລື ບາງທີ່ອາດໃນເວລາທີ່ຍິງຂຶ້ນນັ້ນ.
ທ່ານ Lewis ກ່າວວ່າ ການທົດລອງລູກສອນໄຟຫລາຍໆລູກພ້ອມກັນນີ້ ຍັງ ໄດ້ສະແດງໃຫ້ເຫັນວ່າ ການລົງໂທດຂອງນາໆຊາດ ມາຮອດປັດຈຸບັນ ແມ່ນ ບໍ່ມີຜົນກະທົບແນວໃດ ຕໍ່ຄວາມສາມາດໃນການຊອກຫາ ວັດຖຸສິ່ງຂອງ ແລະ ເທັກໂນໂລຈີຂອງເກົາຫຼີເໜືອ ທີ່ຈຳເປັນເພື່ອຜະລິດ ອາວຸດເຫລົ່ານີ້.
ອ່ານຂ່າວນີ້ຕື່ມ ເປັນພາສາອັງກິດ
