ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ພິທີສົ່ງສະການ ມື້ລາງຜູ້ນຳ ເກົາຫຼີເໜືອ ທ່ານກິມຈົງອີລ ທີ່ກຸງພຽງຢ້າງ (ເບິ່ງວີດີໂອ)


South Korean vehicles turn back after being refused entry to Kaesong, North Korea, April 3, 2013.
South Korean vehicles turn back after being refused entry to Kaesong, North Korea, April 3, 2013.

ພິທີ​ສົ່ງສະການ​ອະດີດ​ຜູ້​ນໍາ​ເກົາຫລີ​ເໜືອ ທ່ານ​ກິມຈົງ​ອີລ ​ໄດ້​ເລີ້ມ​ຂຶ້ນແລ້ວ​ທີ່​ກຸງ​ພຽງ
ຢ້າງບ່ອນທີ່ປະຊາຊົນຫລາຍສິບພັນ​ຄົນ​ໄປ​ເຕົ້າ​ໂຮມ​ກັນເພື່ອ​ເຂົ້າ​ຮ່ວມ​ໃນ​ພິທີ​ຂະໜາດ
ໃຫຍ່ ​ເປັນ​ເວລາ 2 ມື້​ເພື່ອ​ເສີມ​ສ້າງ​ມູນ​ມໍລະດົກ​ຂອງ​ທ່ານ​ໃຫ້​ເຂັ້ມ​ແຂງ​ແລະ​ໂອນ​ອໍາ
ນາດ​ໃຫ້​ລູກ​ຊາຍ​ຫລ້າ​ຂອງທ່ານ ຄື​ທ່ານ​ກິມຈົງ​ອູ​ນນັ້ນ.

ພາຍ​ໃຕ້​ທ້ອງຟ້າ​ທີ່​ມືດ​ມົນ​ເຕັມ​ໄປ​ດ້ວຍ​ຫິມະ ຂະນະ​ທີ່​ຂະ​ບວນ​ແຫ່​ສົ່ງສະການ​ໄດ້​ເລີ້ມ
ຂຶ້ນ​ໃນ​ເຊົ້າ​ວັນ​ພຸດ​ມື້​ນີ້. ລົດ limousine ສີດໍາ​ທີ່​ແຊມ​ຂ້າງ​ດ້ວຍ​ຮູບ​ພາບ​ອັນ​ໃຫຍ່​
ຫລວງ​ຂອງ​ມື້​ລາງ​ຜູ້​ນໍາ​ໄດ້​ນໍາ​ໜ້າ​ຂະ​ບວນແຫ່​ແລ່ນ​ຜ່ານ​ຖະໜົນ​ຫົນທາງ​ທີ່​ປົກ​ຄຸມ​
ດ້ວຍ​ຫິມະ​ໃນ​ກຸງ​ພຽງ​ຢ້າງ ຕິດຕາມ​ມາ​ດ້ວຍ​ລົດ limousine ອີກຄັນ​ນຶ່ງທີ່​ບັນຈຸ​ຫີບ​
ສົບ​ຂອງ​ທ່ານ​ກິມຈົງ​ອີລທີ່​ປົກ​ຄຸມ​ດ້ວຍ​ທຸງຊາດ​ຢອງ​ຢູ່​ເທິງ​ຕຽງທີ່​ປະດັບ​ດ້ວຍດ​ອກ​
ໄມ້​ສີຂາວ. ພວກ​ໄວ້ອາ​ໄລ​ອາວ​ອນທີ່​ຮ້ອງ​ໃຫ້​ແລະ​ນໍ້າ​ຕາ​ຫລັ່ງ​ໄຫລພາກັນຢືນ​ລຽນ
ແຖວ​ຢູ່​ຕາມ​ຖະໜົນ​ຫົນທາງ​ສາຍ​ຕ່າງໆ ຊຶ່ງ​ບາງ​ຄົນ​ພາກັນ​ພະຍາຍາມ​ຫຍັບ​ເຂົ້າ​
ໃກ້​ຂະ​ບວນ​ແຫ່​ເວລາ​ຂະ​ບວນ​ແຫ່​ກາຍ​ໄປ ​ແຕ່​ພວກ​ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພ
ໄດ້​ບັງຄັບ​ໃຫ້​ເຂົາ​ເຈົ້າ​ຖອຍ​ຄືນ.

ພວກ​ຮູບ​ພາບ​ທີ່​ອອກ​ອາກາດ​ໃນ​ໂທລະພາບ​ແຫ່ງ​ລັດ​ເກົາຫລີ​ເໜືອ​ສະແດງ​ໃຫ້​ເຫັນ
ຮູບ​ພາບ​ຂອງ​ທ່ານກິມຈົງ​ອູ​ນ ຍ່າງ​ຄຽງ​ຂ້າງ​ລົດແກ່​ສົບ​ຂອງບິດາ​ຂອງ​ທ່ານ​ເວລາມີ
ການ​ຍົກຍ້າຍ​ຫີບ​ສົບ​ອອກ​ຈາກ​ຈັດຕຸ​ລັດKumsusan Memorial Palace ທີ່​ໃຫຍ່
ຫລວງ​ນັ້ນ.ທ່ານ​ກິມຈົງອູ​ນ ທີ່​ໃສ່​ຊຸດເສື້ອຄຸມ​ກັນ​ໜາວ​ສີດໍາ ຄ່ອຍໆ​ຍ່າງ​ກົ້ມ​ຫົວ​ລົງ
ກັບ​ຫິມະ ​ແລະ​ຍົກ​ແຂນ​ເບື້ອງ​ຂວາ​ຂຶ້ນ​ຄໍານັບ.

ພວກ​ທະຫານ​ທີ່​ເຕັມ​ໄປ​ໃນ​ຈັດຕຸ​ລັດ​ໃນ​ຂະນະ​ທີ່​ເຈົ້າ​ໜ້າ​ທີ່​ອາລັກຂາ​ຄົນ​ນຶ່ງ​ຍ່າງ​ໄປ
ແລະ​ໜ່ວຍ​ດຸລິ​ຍາງ​ທະຫານ​ຫລິ້ນ​ດົນຕີ​ຢ່າງງຽບ​ສະຫງົບ​ນັ້ນ.

ເບິ່ງພິທີແຫ່ສົບ ມື້ລາງທ່ານກິມຈົງອິລ ຈາກໂທລະພາບ ເກົາຫຼີເໜືອ

ບັນດາ​ນັກວິ​ເຄາະ​ຄາດ​ວ່າ ພິທີ​ດັ່ງກ່າວ​ນີ້​ຈະ​ດໍາ​ເນີນ​ໄປ​ຄ້າຍໆ​ຄື​ກັນ​ພິທີ ສົ່ງສະການ
ມື້​ລາງ​ບິດາ​ຂອງ​ທ່ານ​ກິມຈົງ​ອິລ ຄື​ມື້ລາງ​ປະທານ​ກິມ​ອິນ​ຊູ​ງ ຊຶ່ງ​ເປັນ​ຜູ້​ກໍ່​ຕັ້ງປະ​ເທດ
ເກົາຫລີ​ເໜືອ ​ໃນ​ປີ 1994 ນັ້ນ ຊຶ່ງ​ໄດ້​ສະ​ແດງ​ໃຫ້​ເຫັນ​ຈຸດ​ເດັ່ນ​ຕ່າງໆໃນ​ລະຫວ່າງ
ການ​ຄອງ​ອໍານາດ​ຂອງ​ທ່ານ​ແລະ​ຄວາມ​ຈົງ​ຮັກ​ພັກດີ​ທີ່​ເຂັ້ມແຂງ​ຂອງ​ຜູ້​ສືບ​ທອດ​ອໍາ
ນາດ​ຂອງ​ທ່ານ​ນັ້ນ.

ນັບ​ແຕ່​ທ່ານ​ກິ​ມຈົງ​ອິລ ​ໄດ້​ເຖິງ​ແກ່​ມໍລະນະ​ກໍາ​ໄປ​ຍ້ອນ​ໂຣກຫົວ​ໃຈ​ວາຍໃນ​ວັນ​ທີ 17
ທັນວາ​ເດືອນ​ນີ້ ​ໂທລະພາບ​ແຫ່ງ​ລັດ​ເກົາຫລີ​ເໜືອ​ໄດ້​ສະ​ແດງ​ຮູບ​ພາບ​ຂອງ​ຄວາມ​
ເສົ້າ​ໂສກ​ຫງ່ວມ​ເຫງົາຂອງ​ປະຊາຊົນ​ຊໍ້າ​ແລ້ວຊໍ້າ​ອີກໄປ​ຍັງ​ທົ່ວປະ​ເທດເກົາຫຼີ​ເໜືອ.

ພວກ​ລັດຖະບານ​ປະ​ເທດ​ຕ່າງໆ​ພາກັນ​ສິ້ງ​ຊອມ​ເບິ່ງ​ເຫດການ​ຕ່າງໆ​ໃນ​ກຸງ​ພຽງ​
ຢ້າງ​ຢ່າງ​ໃກ້ຊິດ ຍ້ອນ​ຄວາມ​ເປັນ​ຫ່ວງ​ກ່ຽວ​ກັບ​ການ​ຂຶ້ນ​ຄອງ​ອໍານາດ​ຂອງ​ທ່ານ​
ກິມຈົງ​ອູ​ນໃນ​ປະ​ເທດ​ທີ່​ພວມດໍາ​ເນີນ​ໂຄງການ​ນີວ​ເຄລຍ ມີ​ກອງທັບ​ທີ່​ຍິ່ງ​ໃຫຍ່
ແລະ​ມີ​ຄວາມ​ກຽດ​ຊັງ​ຢ່າງ​ເລິກ​ເຊິ່ງຕໍ່​ບັນດາ​ປະ​ເທດເພື່ອນ​ບ້ານ.

ສື່​ມວນ​ຊົນ​ທາງ​ການ​ໄດ້​ປະກາດ​ໃຫ້​ຮູ້​ຢ່າງ​ໄວວາ​ວ່າ ທ່ານ​ກິມຈົງ​ອູ​ນເປັນ​ຜູ້​ສືບ​ທອດ
ອໍານາດ​ຢ່າງ​ຍິ່ງ​ໃຫຍ່ ​ເປັນ​ຜູ້​ບັນຊາ​ການ​ທະຫານ​ສູງ​ສຸດ ​ແລະ​ຫົວໜ້າ​ພັກ​ແຮງ​ງານ
ທີ່​ກໍາລັງ​ປົກຄອງ​ປະ​ເທດ​ໃນ​ປັດຈຸບັນ.

XS
SM
MD
LG