ເກົາຫຼີເໜືອເວົ້າວ່າ ສົບຂອງມື້ລາງຜູ້ນໍາ ທ່ານກິມຈົງອິນ ຈະຖືກນໍາໄປດອຍໄວ້ຢ່າງຖາວອນ
ຢູ່ທີ່ອະນຸສອນສະຖານ ຊຶ່ງເປັນບ່ອນດຽວກັນກັບທີ່ສົບມື້ລາງບິດາທ່ານ ໄດ້ຖືກສັກຢາກັນ
ເນົ່າ ແລະວາງສະແດງນັ້ນ.
ອົງການຂ່າວສູນກາງຂອງທາງການເກົາຫຼີເໜືອ ໄດ້ກ່າວໃນວັນພະຫັດມື້ນີ້ວ່າ ສົບຂອງທ່ານ ກິມຈະຖືກນໍາໄປວາງສະແດງຢູ່ທີ່ອະນຸສອນສະຖານ Kumsusan ໃນນະຄອນພຽງຢາງ. ສ່ວນສົບຂອງມື້ລາງບິດາທ່ານ ຄືທ່ານກິມອິນຊຸງ ຜູ້ກໍ່ຕັ້ງ ເກົາຫຼີເໜືອນັ້ນ ໄດ້ຖືກວາງ
ສະແດງຢູ່ທີ່ອະນຸສອນສະຖານແຫ່ງນີ້ ນັບແຕ່ທ່ານ ໄດ້ເຖິງແກ່ອະສັນຍະກຳໃນປີ 1994.
ລາຍງານຂ່າວຍັງແຈ້ງໃຫ້ຊາບຕື່ມວ່າ ທ່ານກິມຈົງອິນ ໄດ້ຖືກຂະໜານນາມວ່າ ເປັນ
“ຜູ້ນໍາທີ່ຍັ້ງຍືນຖາວອນຕະຫລອດໄປ” ຂອງພັກຄອມມີວນິສ ຊຶ່ງຄ້າຍຄືກັນກັບບິດາຂອງ
ທ່ານ ທີ່ໄດ້ຖືກຂະໜານນາມວ່າເປັນ “ຜູ້ນໍາປະເທດທີ່ຍັ້ງຍືນຖາວອນຕະຫລອດໄປ” ພາຍ
ຫລັງທີ່ໄດ້ເຖິງແກ່ອະສັນຍະກຳ.
ພວກນັກວິເຄາະກ່າວວ່າ ການຕັດສິນໃຈທີ່ຈະວາງສະແດງສົບຂອງທ່ານກິມຈົງ ອິນ ໄວ້
ຄຽງຂ້າງຂອງບິດາທ່ານ ເພື່ອໃຫ້ສາທາລະນະຊົນໄດ້ເບິ່ງໄດ້ຊົມນັ້ນ ອາດຈະເປັນຄວາມ
ພະຍາຍາມ ໃນການເສີມຂະຫຍາຍອໍານາດທາງສາຍເລືອດຂອງຜູ້ເປັນລູກຊາຍ ແລະຜູ້ສືບ
ທອດອໍານາດແທນທ່ານ ຄືທ່ານ ກິມຈົງອຸນ. ສະມາຊິກຂອງລາຊະວົງກິມໄດ້ຮັບສະຖາ
ນະພາບຄືກັນກັບພະເຈົ້າ ຢູ່ໃນເກົາຫຼີເໜືອ.
ນັບຕັ້ງແຕ່ທ່ານກິມຈົງ ອິນ ໄດ້ເຖິງແກ່ອະສັນຍະກຳໃນວັນທີ 27 ທັນວາຜ່ານມາ ຍ້ອນ
ໂຣກຫົວໃຈວາຍນັ້ນ ເກົາຫຼີເໜືອໄດ້ຍົກຍ້ອງທ່ານ Kim Jong Un ວ່າ ເປັນ “ຜູ້ສືບ
ທອດອໍານາດທີ່ຍິ່ງໃຫຍ່ຂອງທ່ານ” ແລະກໍໄດ້ແຕ່ງຕັ້ງຢ່າງເປັນທາງການ ໃຫ້ທ່ານ Kim
Jong Un ເປັນຜູ້ບັນຊາການສູງສຸດຂອງກອງທັບ. ໃນວັນຈັນຜ່ານມານີ້ກອງທັບທີ່ມີ
ອິດທິພົນຂອງເກົາຫຼີເໜືອ ໄດ້ທຳການໂຮມຊຸມ ນຸມຄັ້ງໃຫຍ່ຢູ່ຂ້າງນອກຂອງອະນຸສອນສະ
ຖານ ເພື່ອໃຫ້ຄຳປະຕິຍານທີ່ຈະຈົງຮັກພັກດີຕໍ່ຜູ້ນຳໜຸ່ມນ້ອຍຄົນນີ້.
