ການເຈລະຈາກ່ຽວກັບໂຄງການນິວເຄລຍຂອງອີຣ່ານ ຈະກ້າວ
ເຂົ້າສູ່ອາທິດສອງ ໂດຍທີ່ບໍ່ມີຮ່ອງຮອຍສະແດງໃຫ້ເຫັນວ່າ ໄດ້
ມີຄວາມຄືບໜ້າໃນບັນຫາຂັດແຍ້ງເຊັ່ນວ່າ ໄລຍະເວລາໃນການ
ໂຍະຍານການລົງໂທດແລະການເຂົ້າໄປກວດກາ ສະຖານທີ່ນິວ
ເຄລຍແລະຄ້າຍທະຫານຕ່າງໆຂອງເຕຫະຣ່ານ.
ບັນດາຜູ້ເຈລະຈາຂອງອີຣ່່ານ ແລະຫົກປະເທດມະຫາອຳນາດ
ຂອງໂລກ ໄດ້ໃຫ້ເວລາແກ່ເຂົາເຈົ້າໄປເຖິງວັນອັງຄານໜ້າທີ່ເປັນ
ເສັ້ນຕາຍ ເພື່ອບັນລຸຂໍ້ຕົກລົງໃນຂອບເຂດທີ່ກວ້າງຂວາງ ທີ່ຈະ
ຍົກເລີກການລົງໂທດຂອງນາໆຊາດ ເພື່ອເປັນ ການແລກປ່ຽນ
ໃຫ້ອີ່ຣ່ານ ຫລຸດຜ່ອນໂຄງການນິວເຄລຍຂອງຕົນລົງ.
ການສົນທະນາຫາລືທີ່ນະຄອນ Vienna ໄດ້ຮັບການອະທິບາຍຈາກບັນດາເຈົ້າໜ້າທີ່
ວ່າ ມີການເຄື່ອນໄຫວຢ່າງຊ້າໆ ແຕ່ໄປໃນທິດທາງທີ່ຖືກຕ້ອງ ແລະເປັນທີ່ເຊື່ອກັນຢ່າງ
ກວ້າງຂວາງວ່າ ຈະມີການບັນລຸການຕົກລົງກັນໃນທີ່ສຸດ ໃນລະ ຫວ່າງການເຈລະຈາ
ໃນຮອບປັດຈຸບັນນີ້.
ລັດຖະມົນຕີຕ່າງປະເທດອັງກິດ ທ່ານ Phillip Hammond ກ່າວໃນວັນພະ ຫັດວານນີ້
ວ່າ “ຂ້າພະເຈົ້າ ບໍ່ຄິດວ່າ ພວກເຮົາໃກ້ຈະບັນການຕົກລົງໃດໆເທື່ອໃນຂະນະນີ້. ແຕ່
ພວກເຮົາຈະສືບຕໍ່ດຳເນີນການທຸກສິ່ງຢ່າງທີ່ຈຳເປັນ ເພື່ອຮັກ ສາແຮງພັກດັນໄວ້.”
ບັນດາເຈົ້າໜ້າທີ່ການທູດຂັ້ນສູງຂອງສະຫະລັດ ເຢຍຣະມັນ ຈີນ ຝຣັ່ງ ແລະ ຣັດເຊຍ ໄດ້
ເຂົ້າຮ່ວມກັບຄູ່ຕຳແໜ່ງຝ່າຍອີຣ່ານ ໃນການເຈລະຈາຫາລືລະດັບສູງ ທີ່ໄດ້ຕໍ່ເວລາອອກ
ໄປນຶ່ງອາທິດ ຫລັງຈາກຄະນະເຈລະຈາ ໄດ້ພາດເສັ້ນຕາຍ ໃນວັນທີ 30 ເດືອນມິຖຸນາ.
ລັດຖະມົນຕີ ຕ່າງປະເທດຝຣັ່ງ ທ່ານ Laurent Fabius ກ່າວໃນຕອນແລງວັນພະຫັດ
ວານນີ້ວ່າ “ທຸກສິ່ງຢ່າງໄດ້ກ້າວໄປໜ້າ ແຕ່ວ່າ ພວກເຮົາຍັງບໍ່ໄດ້ບັນລຸຂັ້ນສຸດທ້າຍເທື່ອ.”
ຮອງລັດຖະມົນຕີຕ່າງປະເທດ ຣັດເຊຍ ທ່ານ Sergei Ryabkov ກ່າວວ່າ ຫລາຍກວ່າ
90 ເປີເຊັນຂອງຂໍ້ຕົກລົງ ແມ່ນໄດ້ເຫັນດີນຳກັນແລ້ວ ແລະບັນຫາທີ່ຍັງຄ້າງຄາຢູ່ນັ້ນ
ອາດຈະແກ້ໄຂກັນໄດ້ໃນບໍ່ເທົ່າໃດມື້ຂ້າງໜ້ານີ້.
