ເຈົ້າໜ້າທີ່ລີເບຍ ກ່າວໃນວັນເສົາວານນີ້ ວ່າ ພະນັກງານຕ່າງຊາດ
ປະມານ 9 ຄົນ ໄດ້ຫາຍສາບສູນໄປ ຫຼັງຈາກທີ່ພວກຫົວຮຸຸນແຮງ
ລັດອິສລາມ ໄດ້ໂຈມຕີ ບໍ່ນ້ຳມັນແຫ່ງໜຶ່ງຂອງລີເບຍ.
ບັນດາເຈົ້າໜ້າທີ່ຮັກສາຄວາມປອດໄພລີເບຍກ່າວວ່າ ກອງກຳລັງ
ຮັກສາຄວາມປອດໄພ ຢຶດເອົາບໍ່ນ້ຳມັນ Al-Ghani ຄືນມາໄດ້ ຊຶ່ງ
ພວກຫົວຮຸຸນແຮງໄດ້ທຳການໂຈມຕີ ໃນວັນສຸກຜ່ານມາ. ພວກຄົນ
ຍາມຫຼາຍຄົນ ຖືກຂ້າຕາຍ ໃນການໂຈມຕີດັ່ງກ່າວ.
ບັນດາເຈົ້າໜ້າທີ່ອຸດສາຫະກຳນ້ຳມັນ ກ່າວວ່າ ຢ່າງນ້ອຍ ພະນັກ
ງານຕ່າງຊາດ 9 ຄົນ ໄດ້ຫາຍສາບສູນໄປ ຫຼັງຈາກການບຸກໂຈມຕີ
ແລະ ໃນນັ້ນ 2 ຄົນ ແມ່ນມາຈາກຢູໂຣບ. ລັດຖະມົນຕີຕ່າງປະເທດສາທາລະນະລັດເຊັກສ໌ ທ່ານ Lubomir Zaoralek ກ່າວວ່າ ພົນລະເມືອງເຊັກສ໌ຄົນໜຶ່ງແມ່ນລວມຢູ່ໃນນັ້ນ.
ທ່ານກ່າວອີກວ່າພວກຊາວຕ່າງຊາດເຫຼົ່ານັ້ນ ອາດຖືກລັກພາໂຕໄປ. ກະຊວງການຕ່າງ
ປະເທດອອສເຕຣເລຍ ກໍໄດ້ຢືນຢັນວ່າ ພະນັກງານອອສເຕຣເລຍຄົນໜຶ່ງ ໄດ້ຫາຍສາບ
ສູນໄປເຊັ່ນກັນ. ລາຍຊື່ຂອງ ພວກຫາຍສາບສູນໄປ ບໍ່ໄດ້ຖືກເປີດເຜີຍໃຫ້ຊາບ.
ຍັງບໍ່ມີຜູ້ໃດ ຮຽກຮ້ອງເອົາຄ່າໄຖ່ໃດໆ ສຳຫລັບການສົ່ງຄືນພວກພະນັກງານ ທີ່ຢັ້ງຢືນບໍ່ໄດ້ເຫຼົ່ານັ້ນ.
