ລິ້ງ ສຳຫລັບເຂົ້າຫາ

logo-print

ນິວຢອກ ບັນລຸເປົ້າໝາຍ ຂອງ ສປຊ ໃນການຫລຸດຜ່ອນໂລກເອດສ໌ ແລະໂລກກໍສາມາດເຮັດໄດ້ຄືກັນ


ດຣ. Demetre Daskalakis, ຮອງກໍາມາທິການດ້ານສາທາລະນະສຸກຂອງນະຄອນນິວຢອກ ລົມກັບນັກຂ່າວກ່ຽວກັບການຕໍ່ສູ້ກັບການລະບາດຂອງໄວຣັສໂຄໂຣນາຜ່ານການສືບທາວຫາຜູ້ທີ່ໄດ້ຕິດຕໍ່ພົວພັນກັບຜູ້ຕິດເຊື້ອແລ້ວ, ທີ່ນະຄອນນິວຢອກ, ວັນທີ 12 ພະຈິກ, 2020

ເມື່ອສີ່ປີກ່ອນ, ລັດຖະບານປະເທດຕ່າງໆໃນທົ່ວໂລກມີຄວາມມຸ້ງໝັ້ນຕໍ່ການບັນລຸເປົ້າໝາຍຂອງອົງການສະຫະປະຊາຊາດ ທີ່ຈະເຮັດໃຫ້ການແຜ່ລະ ບາດຂອງໂຣກເອດສ໌ ຍຸຕິລົງໃຫ້ໄດ້. ນັກຂ່າວຂອງວີໂອເອ Carol Pearson ລາຍງານໃຫ້ພວກເຮົາຮູ້ວ່າເປັນຫຍັງເປົ້າໝາຍເຫລົ່ານີ້ຈຶ່ງເປັນໄປໄດ້ຍາກຫຼາຍ, ແລະເມືອງໃຫຍ່ໆ ສາມາດທີ່ຈະປະສົບຜົນສຳເລັດໄດ້ແນວໃດ ຊຶ່ງບົວສະຫວັນ ຈະນໍາລາຍລະອຽດ ມາສະເໜີທ່ານໃນ ອັນດັບຕໍ່ໄປ.

ໂລກໄດ້ມີເຄື່ອງມື ເພື່ອເຮັດໃຫ້ໂຣກເອດສ໌ໝົດໄປ ໃນທົດສະວັດທີ່ຜ່ານມາ.

ຢາຕ້ານໂຣກເອດສ໌ ເຮັດໃຫ້ມັນເກືອບວ່າຈະເປັນໄປບໍ່ໄດ້ທີ່ຜູ້ທີ່ມີໂຣກນີ້ຈະສົ່ງເຊື້ອໄວຣັສ ໄປຕິດໃສ່ຄົນອື່ນໄດ້. ແລະມີຢາສໍາລັບຜູ້ມີຄວາມສ່ຽງສູງໃນການຕິດເຊື້ອເອສໄອວີ (HIV) ສາມາດກິນ ເພື່ອປ້ອງກັນບໍ່ໃຫ້ເອົາພະຍາດໄປຕິດ ຕໍ່ໃສ່ຄົນອື່ນໄດ້.

ເມື່ອສີ່ປີກ່ອນ, ລັດຖະບານປະເທດຕ່າງໆ ໃນທົ່ວໂລກໄດ້ໃຫ້ຄຳໝັ້ນສັນຍາວ່າ ຈະບັນລຸ 3 ເປົ້າໝາຍຄື: ວິໄຈ 90 ເປີເຊັນ ຂອງຜູ້ທີ່ເປັນໂຣກເອດສ໌ທັງໝົດ, ປິ່ນປົວ 90 ເປີເຊັນຂອງຜູ້ທີ່ຖືກວິໄຈ ແລະສະກັດກັ້ນເຊື້ອໄວຣັສໃນລະດັບທີ່ບໍ່ສາມາດກວດພົບອີກຢູ່ໃນ 90 ເປີເຊັນຂອງຄົນທີ່ໄດ້ຮັບການປິ່ນປົວ. ເຖິງຢ່າງ ໃດກໍ່ຕາມ, ຜູ້ຊ່ຽວຊານກ່າວວ່າ ພວກເຮົາຍັງເຮັດບໍ່ໄດ້ເຖິງຂັ້ນ ໃກ້ຈະເຮັດໃຫ້ ການແຜ່ລະບາດຂອງໂຣກນີ້ ສິ້ນສຸດລົງໄດ້ຊໍ້າ.

ດຣ. ຄຣິສ ໄບເຣີ (Chris Beyrer) ໄດ້ໃຊ້ເວລາ 30 ປີທີ່ຜ່ານມາ ເຂົ້າໃນການຄົ້ນຄວ້າກ່ຽວກັບເຊື້ອເອສໄອວີ (HIV) ຫລືໂຣກເອດສ໌ (AIDS). ທ່ານເປັນອາຈານສອນຢູ່ມະຫາວິທະຍາໄລ ຈອນສ໌ ຮອບຄິນສ໌ (Johns Hopkins).

ດຣ. ຄຣິສ ໄບເຣີ (Chris Beyrer) ກ່າວຜ່ານທາງ Skype ວ່າ:
"ປີ 2020 ສົມຄວນຈະເປັນປີທີ່ພວກເຮົາຈະເຫັນການຫຼຸດລົງຢ່າງຫລວງຫລາຍ ຂອງຈໍານວນຄົນຕິດເຊື້ອໃໝ່, ຄືຫຼຸດລົງຕໍ່າກວ່າ 500,000 ຄົນໃນທົ່ວໂລກ. ແລະພວກເຮົາມີຜູ້ຕິດເຊື້ອໃໝ່ ຫຼາຍກວ່າ 1.7 ລ້ານຄົນ ໃນປີ 2019. ດັ່ງນັ້ນ, ໃນຕົວຈິງແລ້ວ ພວກເຮົາຍັງຢູ່ໄກຈາກເປົ້າໝາຍຂອງການຄວບຄຸມການຕິດເຊື້ອເອສ ໄອວີ (HIV) ຫລາຍ.”

ດຣ. ໄບເຣີ (Beyrer) ກ່າວອີກວ່າ ພວກໄວລຸ້ນ ແລະຜູ້ໃຫຍ່ທີ່ຍັງໜຸ່ມ ແມ່ນມີຄວາມສ່ຽງຫລາຍເປັນພິເສດ.

ທ່ານ ບີເຣີ (Beyrer) ກ່າວຜ່ານທາງ Skype ອີກວ່າ:
"ພວກເຮົາຍັງເຫັນວ່າ ຄົນຕິດເຊື້ອໂຣກເອດສ໌ ຕອນທີ່ພວກເຂົາເຈົ້າຍັງຂ້ອນ ຂ້າງວ່າ ໜຸ່ມຢູ່, ໂດຍສະເພາະຢູ່ໃນອະນຸພາກພື້ນຊາຮາຣາຂອງທະວີບອາຟຣິ ກາ, ແຕ່ມັນກໍຍັງເປັນຄວາມຈິງຄືກັນ ຢູ່ໃນສະຫະລັດ ແລະກໍເປັນຄວາມຈິງຢູ່ໃນເຂດອາເມຣິກາລາຕິນ, ເຂດທະເລຄາຣີບຽນ, ເອເຊຍຕາເວັນອອກ, ເອເຊຍຕາເວັນອອກ ສຽງໃຕ້, ແລະຈາກນັ້ນ ພວກເຂົາເຈົ້າກໍ່ບໍ່ໄດ້ເລີ່ມຕົ້ນປິ່ນປົວໂລດ, ສະນັ້ນຂ້ອນຂ້າງເລີ້ມປິ່ນປົວໃນເວລາຕໍ່ມາ."

ທ່ານໄບເຣີ (Beyrer) ກ່າວວ່າ ອັນນີ້ແມ່ນເປັນບັນຫາໃຫຍ່ສຳລັບຊາຍໜຸ່ມ. ຕາມປົກກະຕິພວກເຂົາເຈົ້າບໍ່ໄປພົບທ່ານໝໍ ແລະບໍ່ມີແນວໂນ້ມວ່າຈະໄດ້ຮັບການກວດຫາພະບາດຈົນກວ່າພວກເຂົາຈະມີອາການປ່ວຍ. ທ່ານກ່າວຕື່ມວ່າອີກວ່າ ເພາະສະນັ້ນ, ພວກເຂົາເຈົ້າຈະເສຍຊີວິດໄວກ່ວາແມ່ຍິງທີ່ມີເຊື້ອ
HIV/ເປັນໂລກເອດສ໌, ແລະພວກເຂົາເຈົ້າກໍມີເວລາຕັ້ງຫຼາຍປີທີ່ຈະສົ່ງເຊື້ອໄວ
ຣັສດັ່ງກ່າວໄປ ໃຫ້ຄູ່ຮັກຂອງພວກເຂົາເຈົ້າ.

ໂຣກເອດສ໌ ແຜ່ລາມໄປໄວຢູ່ໃນບັນດາປະເທດທີ່ມີການກໍ່ອາຊະຍາກຳເຮັດໃຫ້ແມ່ຍິງບໍລິການທາງເພດ, ຫຼືກັບຄົນຮັກຮ່ວມເພດ ຫລືກັບພວກແປງເພດ, ບ່ອນທີ່ຜູ້ຕິດຢາເສບຕິດແບບສີດເອົາຖືກລົງໂທດ, ຫຼືບ່ອນທີ່ກຸ່ມຄົນເຫຼົ່ານີ້ຖືກດູຖູກ ດູໝິ່ນ. ຫຼາຍກວ່າ 60 ເປີເຊັນຂອງການຕິດເຊື້ອ HIV ໃໝ່ ແມ່ນຢູ່ໃນກຸ່ມພວກນີ້.

ນະຄອນນິວຢອກບັນລຸເປົ້າໝາຍຂອງອົງການສະຫະປະຊາຊາໂດຍຜ່ານໂຄງ ການທີ່ຂະຫຍາຍການຮັກສາສຸຂະພາບເພື່ອລວມເອົາຜູ້ທີ່ມີຄວາມສ່ຽງທີ່ຈະຕິດເຊື້ອ HIV.

ດຣ. ດີມີຕຣີ ແດສຄາລາກິສ (Demetre Daskalakis) ((dee-MEE-tree Dahs-kuh-LAH-kiss)) ເປັນຫົວໜ້າໂຄງການໂຣກເອດສ໌ຢູ່ພະແນກສາທາ ລະນະສຸກຂອງນະຄອນນັ້ນ.

ດຣ. ແດສຄາລາກິສ ຈາກພະແນກສາທາລະນະສຸກນະຄອນນິວຢອກກ່າວວ່າ:
"ສິ່ງທີ່ພວກເຮົາໄດ້ເຮັດສ່ວນຫລາຍໃນນະຄອນນິວຢອກໃນການເຮັດໃຫ້ການລະບາດຂອງພະຍາດດັ່ງກ່າວສິ້ນສຸດລົງ ແມ່ນມາໂດຍກົງຈາກຊຸມຊົນເຊັ່ນ: ວຽກງານ ທີ່ພວກເຮົາໄດ້ເຮັດກັບບັນດາອົງການຈັດຕັ້ງທີ່ນຳພາພວກປ່ຽນເພດ. ພວກ ເຮົາຕັ້ງໃຈຟັງ ບັນດາອົງການຈັດຕັ້ງທີ່ນຳພາພວກປ່ຽນເພດວ່າເຂົາເຈົ້າ ຕ້ອງການຫຍັງແທ້ໆ ແລະ ພວກເຮົາກໍອອກແບບສິ່ງໃດສິ່ງນຶ່ງ ທີ່ເໝາະກັບ ຄວາມຕ້ອງການ ຂອງເຂົາເຈົ້ານັ້ນ.“

ດຣ. ແດສຄາລາກິສ ກ່າວວ່າການປ້ອງກັນໂຣກເອດສ໌ໄດ້ປະສົບຜົນສຳເລັດຢູ່ໃນນິວຢອກເພາະວ່າການບໍລິການດ້ານສຸຂະພາບໄດ້ສຸມໃສ່ການໃຫ້ການປິ່ນປົວ, ແລະບໍ່ແມ່ນສຸມໃສ່ການລະບຸຕົວຕົນຂອງຜູ້ທີ່ໄດ້ຮັບການບໍລິການນັ້ນ.

ດຣ. ແດສຄາລາກິສ ຈະຮັບຜິດຊອບດູແລໂຄງການ HIV ຫລືໂຣກເອດສ໌ ໃນໄວໆນີ້ ທີ່ສູນຄວບຄຸມແລະປ້ອງກັນພະຍາດ. ທ່ານກ່າວວ່າທ່ານຮູ້ສຶກໝັ້ນໃຈວ່າສະຫະລັດ ຈະສາມາດບັນລຸຜົນທີ່ຄ້າຍຄືກັນນີ້ ໂດຍການຟັງເບິ່ງວ່າ ກຸ່ມຕ່າງໆຕ້ອງການຫຍັງ.

ອ່ານຂ່າວນີ້ເພີ້ມເປັນພາສາອັງກິດຢູ່ຂ້າງລຸ່ມນີ້

Four years ago, governments around the world committed to U.N. goals that would end the AIDS pandemic. VOA's Carol Pearson tells us why these goals are so elusive, and how a major city succeeded.

The world has had the tools to end AIDS for the past decade.

Anti-AIDS drugs make it nearly impossible for those who are positive to pass the virus to someone else. And there are drugs that people with a high risk of acquiring HIV can take to prevent transmission.

Four years ago, governments around the world committed to achieving three targets: diagnosing 90% of those who have HIV, treating 90% of those diagnosed and suppressing the virus to undetectable levels in 90% of those being treated.

Yet, experts say we aren't even close to ending the pandemic.

Dr. Chris Beyrer has spent the past 30 years researching HIV/AIDS. He's a professor at Johns Hopkins.

Dr. Chris Beyrer, Johns Hopkins Medicine Skype:
"2020 was supposed to be the year in which we were going to see really significant declines in new infections, down under 500,000 worldwide. And we had more than 1.7 million new infections in 2019. So, we are way off the targets of actually getting control of HIV transmission."

Beyrer says teenagers and young adults are especially vulnerable.

Dr. Chris Beyrer, Johns Hopkins Medicine Skype:
"We're still seeing that people acquire HIV when they're relatively young, particularly in sub-Saharan Africa, but also true in the United States and true in Latin America, Caribbean, East Asia, Southeast Asia, and then they are not starting therapy, so quite a bit later."

This is a huge problem for young men, Beyrer says. They don't normally see doctors and are not likely to be tested until they develop symptoms. As a result, they die sooner than women with HIV, and they have had years to pass the virus to their partners, he adds.

HIV thrives in countries where it's a crime to be a sex worker, or to be gay or trans gender, where IV drug users are punished, or where these groups are stigmatized. More than 60% of new HIV infections are in these groups.

New York City achieved the U.N. goals through a program that expanded health care to include those at risk of getting HIV.

Dr. Demetre Daskalakis ((dee-MEE-tree Dahs-kuh-LAH-kiss)) headed the AIDS program at the city's health department

Dr. Demetre Daskalakis, New York City Department of Health:
"Much of what we did in New York City with ending the epidemic came directly from communities like for instance, the work that we did with transgender-led organizations. We literally listen to what the transgender-led organizations needed, and we design something to fit that need."

Daskalakis says that AIDS prevention succeeded in New York because health services focused on the providing care, and not on the identities of those being served.

Daskalakis will soon oversee the HIV/AIDS program at the Centers for Disease Control and Prevention. He says he feels confident that the U.S. can achieve similar results by listening to what different groups need.

ເບິ່ງວີດິໂອກ່ຽວກັບຂ່າວນີ້ເພີ້ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG