ໝູ່ເກາະ ເຊແຊລສ໌ (Seychelles) ທີ່ຢູ່ນອກຊາຍຝັ່ງຕາເວັນອອກຂອງອາຟຣິກາ ແມ່ນເປັນບ່ອນລວມຂອງວັດທະນະທຳທີ່ຫຼາກຫຼາຍ. ບັນດາຜູ້ອາໄສຢູ່ທີ່ນັ້ນມາເປັນເວລາດົນນານແມ່ນລວມມີຄົນທີ່ມີເຊື້ອສາຍຈີນ. ແຕ່ການລົງທຶນຂອງປັກກິ່ງໃນປະເທດທີ່ຕັ້ງຢູ່ໃນທະເລຍຸດທະສາດ ຍັງໄດ້ດຶງດູດຜູ້ທີ່ເຂົ້າມາໃໝ່ຈາກຈີນທີ່ຕ້ອງການດຳເນີນທຸລະກິດກັບປະເທດເກາະແຫ່ງນີ້ນຳອີກດ້ວຍ. ເຄຕທ໌ ບາຣເລຕທ໌ ມີລາຍງານຈາກເກາະຫຼັກ ມາເຮ ເຊິ່ງພວກເຮົາມີລາຍລະອຽດມາສະເໜີທ່ານ.
ລົດຊາດແບບຈີນ, ບາງຄັ້ງກໍມີລົດຊາດແບບ ຄຣີໂອລ (creole) ໜ້ອຍນຶ່ງ.....
ນາງ ມອລລີ ໂຣສເຊລີ, ຊາວ ເຊແຊລສ໌ ທີ່ມີເຊື້ອສາຍຈີນກ່າວເປັນພາສາອັງກິດວ່າ “ເຊັ່ນວ່າ ສ່າວ ມີນ (chow mien), ມັນແມ່ນອາຫານຈີນ – ມັນແມ່ນຈາວມ້ຽນ (chao mian). ມ້ຽນ (Mian) ແປວ່າ ໝີ່, ແຕ່ພວກເຮົາເວົ້າວ່າ ສ່າວ ມີ່ນ (chow min). ດັ່ງນັ້ນ, ມັນໄດ້ຖືກປຸງແຕ່ງຢູ່ໃນອາຫານຄຣີໂອລ.”
ຊາວຈີນທີ່ມີວັດທະນະທໍາຂອງເຊແຊລສ໌ ບໍ່ພຽງແຕ່ໄດ້ຖືກສະທ້ອນໃຫ້ເຫັນຢູ່ໃນອາຫານຢູ່ທີ່ນີ້ເທົ່ານັ້ນ, ແຕ່ມັນຍັງເປັນສ່ວນນຶ່ງຂອງຄວາມເປັນມາຂອງປະຊາຊົນ ຄືນາງ ມອລລີ ໂຣສເຊລີ ແລະຜູ້ຢູ່ອາໄສຄົນອື່ນໆໃນ ເຊແຊລສ໌ ທີ່ມີບັນພະບູລຸດເປັນຄົນຈີນນຳອີກດ້ວຍ. ນາງ ໂຣສເຊລີ ເວົ້າພາສາຈີນກາງໄດ້ຢ່າງລ່ຽນໄຫຼ ແລະໄດ້ນຳສະເໜີວັດທະນະທໍາທ້ອງຖິ່ນໃຫ້ກັບບັນດານັກທ່ອງທ່ຽວ ແລະນັກທຸລະກິດຊາວຈີນກຸ່ມໃໝ່ ຢູ່ທີ່ນີ້.
ແນວໃດກໍຕາມ, ບັນດາຜູ້ທີ່ເດີນທາງເຂົ້າມາໃຫມ່ຈາກຈີນ ແລະບັນດາຜູ້ທີ່ອາໄສຢູ່ທີ່ນີ້ມາເປັນເວລາດົນນານ ບໍ່ໄດ້ມີຄວາມຄ້າຍຄືກັນຫຼາຍປານໃດ, ທ້າວ ພອລ ສ່າວ ເຊິ່ງມີເຊື້ອສາຍຈີນເຊັ່ນດຽວກັນ ກ່າວ.
ທ້າວ ພອລ ສ່າວ, ຊາວເຊແຊລສ໌ທີ່ມີບັນພະບູລຸດເປັນຄົນຈີນ ກ່າວເປັນພາສາອັງກິດວ່າ:
"ຂ້ອຍເວົ້າແຕ່ພາສາຄຣີໂອລ. ແລະພວກເຂົາເວົ້າແຕ່ພາສາຈີນເທົ່ານັ້ນ, ດັ່ງນັ້ນບໍ່ມີທາງທີ່ຂ້ອຍຈະສາມາດໂອ້ລົມກັບພວກເຂົາໄດ້."
ໃນຊຸມປີມໍ່ໆມານີ້, ຈີນໄດ້ສຸມຄວາມສົນໃຈຂອງຕົນໄປທີ່ ເຊແຊລສ໌ ທີ່ຕັ້ງຢູ່ໃນເຂດຍຸດທະສາດ, ເຊິ່ງທີ່ຕັ້ງຂອງປະເທດດັ່ງກ່າວ ໄດ້ເຮັດໃຫ້ມັນເຂົ້າເຖິງອາຟຣິກາ, ຕາເວັນອອກກາງ ແລະເອເຊຍໃຕ້ ໄດ້ງ່າຍ. ເກາະແຫ່ງນີ້ ບໍ່ແມ່ນຈຸດໝາຍປາຍທາງເມື່ອພໍ່ຂອງທ້າວ ສ່າວ ມາຮອດ.
ທ້າວ ພອລ ສ່າວ ກ່າວເປັນພາສາອັງກິດວ່າ “ພໍ່ຂອງຂ້ອຍໄດ້ມາ ເກາະເຊແຊລສ໌ ໃນປີ 1943, ຂ້ອຍຄິດວ່າ. ແຕ່ລາວໄດ້ມາທີ່ ເຊແຊລສ໌ ໂດຍບັງເອີນ.”
ພໍ່ຂອງທ້າວ ສ່າວ ມີຕົ້ນກໍາເນີດມາຈາກພາກໃຕ້ຂອງຈີນ ກໍາລັງເດີນທາງໄປ ປະເທດມາດາກັສກາ, ເຊິ່ງເປັນສະຖານທີ່ທີ່ເປັນທີ່ນິຍົມ ສໍາລັບຄົນຈີນທີ່ຊອກຫາວຽກເຮັດໃນເວລານັ້ນ. ມີຄົນທີ່ຢູ່ເຖິງເຮືອເຈັບປ່ວຍ ແລະບັນດາຜູ້ໂດຍສານກໍໄດ້ຖືກກັກຕົວເພື່ອກວດພະຍາດຢູ່ທີ່ນີ້, ໃນເກາະເຊແຊລສ໌. ພໍ່ຂອງ ທ້າວ ສ່າວ ໄດ້ອາໄສຢູ່ນັ້ັນເລີຍ, ຫາວຽກເຮັດງານທຳ, ແລະ ໄດ້ແຕ່ງງານກັບແມ່ຍິງຄົນທ້ອງຖິ່ນ.
ທ້າວ ພອລ ສ່າວ, ກ່າວເປັນພາສາອັງກິດວ່າ “ຄົນຈີນໄດ້ຍ້າຍໄປທຸກບ່ອນທີ່ພວກເຂົາເຈົ້າຄິດວ່າ ມີໂອກາດ.”
ໃນປະຫວັດສາດຂອງເກາະນີ້, ເຊແຊລສ໌ ເຄີຍຕົກເປັນສ່ວນນຶ່ງຂອງປະເທດຝຣັ່ງ, ຫຼັງຈາກນັ້ນກໍເປັນສ່ວນນຶ່ງຂອງປະເທດອັງກິດ ກ່ອນທີ່ຈະໄດ້ຮັບເອກະລາດໃນປີ 1976. ປັດຈຸບັນ, ປະເທດເກາະເຊແຊລສ໌ ເປັນບ້ານຂອງປະຊາຊົນສ່ວນໃຫຍ່ທີ່ເປັນຊາວຄຣີໂອລ, ເຊິ່ງມີເຊື້ອສາຍຄົນຝຣັ່ງ ແລະອາຟຣິກາ. ລູກຫລານຂອງຊາວອົບພະຍົບຈີນ ທີ່ມີປະມານ 500 ຫາ 1,000 ຄົນຂອງປະຊາກອນຢູ່ທີ່ນີ້. ບັນພະບູລຸດຂອງພວກເຂົາເຈົ້າສ່ວນໃຫຍ່ໄດ້ອົບພະຍົບອອກຈາກຈີນ ເພື່ອໜີອອກຈາກຄວາມທຸກຍາກ.
ຫຼັງຈາກນັ້ນ, 10 ກວ່າປີທີ່ຜ່ານມາ, ປັກກິ່ງໄດ້ເລີ່ມຕົ້ນໃຫ້ທຶນໂຄງການກໍ່ສ້າງຢູ່ໃນປະເທດເກາະເຊເຊລສ໌ ເຊິ່ງໄດ້ນຳເອົາຄື້ນຂອງແຮງງານຈີນກຸ່ມໃໝ່ເຂົ້າມາ. ເອກອັກຄະລັດຖະທູດຈີນປະຈຳເຊເຊລສ໌ ພັນລະນາເຖິງພວກເຂົາເຈົ້າວ່າ ເປັນ "ສັນຍາລັກຂອງມິດຕະພາບແບບສອງຝ່າຍ."
ທ່ານ ຊິລເວສເຕຣ ຣາເດີກອນດ໌ (Sylvestre Radegonde), ລັດຖະມົນຕີການຕ່າງປະເທດ ແລະການທ່ອງທ່ຽວຂອງ ເຊແຊລສ໌ ກ່າວເປັນພາສາອັງກິດວ່າ "ແນ່ນອນ, ຕະຫຼອດໄລຍະ 4 ປີທີ່ຂ້າພະເຈົ້າເປັນລັດຖະມົນຕີການຕ່າງປະເທດ, ຂ້າພະເຈົ້າໄດ້ເຫັນວ່າ ການພົວພັນດັ່ງກ່າວນັ້ນ ໄດ້ຂະຫຍາຍຕົວແນວໃດ."
ທ້າວ ພອລ ສ່າວ, ກ່າວເປັນພາສາອັງກິດວ່າ “ຂ້ອຍບໍ່ຄິດວ່າລັດຖະບານຈີນຈະເຮັດຫຍັງກັບເຊແຊລສ໌ ນອກຈາກຢາກຫາທີ່ຕັ້ງ, ແລະມີຄວາມສົນໃຈຢູ່ທີ່ນີ້, ເພື່ອທີ່ພວກເຂົາຈະໄດ້ສັງເກດການເບິ່ງສິ່ງທີ່ເກີດຂຶ້ນຢູ່ມະຫາສະໝຸດອິນເດຍ. / ຈີນຮັ່ງມີຫຼາຍໃນປັດຈຸບັນນີ້ ທຸກປະເທດຍິນດີຕ້ອນຮັບຊາວຈີນ.”
ເນື່ອງຈາກການທ່ອງທ່ຽວແມ່ນເປັນນຶ່ງໃນອຸດສາຫະກຳຫຼັກຢູ່ທີ່ນີ້, ບັນດາຜູ້ນຳທ່ຽວ ເຊັ່ນນາງ ໂຣສເຊລີ ຈຶ່ງຫວັງວ່າ ຈະໄດ້ໃຊ້ບໍລິການຖ້ຽວບິນທີ່ບິນກົງມາຈາກຈີນ, ໂດຍຫວັງວ່າ ມັນຈະນຳເອົາບັນດາຄື້ນຝອງຂອງທຸລະກິດໃໝ່ໆ ມາສູ່ປະເທດເກາະເຊແຊລສ໌.
ອ່ານລາຍງານໃນພາສາອັງກິດ
The Seychelles archipelago off the east coast of Africa is a cultural melting pot. Longtime residents there include people with Chinese ancestry. But Beijing’s investments in the strategically located country have also attracted new arrivals from China looking to do business with the island nation. Kate Bartlett reports from the main island of Mahé.
Chinese flavors, sometimes with a touch of creole…
((Molly Roselie, Seychellois with Chinese Ancestry))
“Let's say chow mien, it's a Chinese dish – it’s chao mian. Mian means noodle, but we say chow min. So, it is cooked in the Creole cuisine.”
Chinese-Seychellois culture is not only reflected in the food here, it’s also a part of the background of people like Molly Roselie and other residents in Seychelles who have Chinese ancestry. Roselie speaks fluent Mandarin and introduces the local culture to the new wave of Chinese tourists and businesspeople here.
However, the new arrivals from China and the long-time residents here don’t share too much in common, says Paul Chow who is also of Chinese descent.
((Paul Chow, Seychellois with Chinese Ancestry))
"I speak only Creole. And they speak only Chinese, so there's no way I could mix with them."
In recent years, China has directed its attention to strategically placed Seychelles, whose location gives it easy access to Africa, the Middle East and South Asia. This island was not a point destination when Chow’s father arrived.
((Paul Chow, Seychellois with Chinese Ancestry))
“My father came to Seychelles in 1943, I think. But he came to Seychelles by accident.”
Originally from southern China, Chow’s father was heading to Madagascar, a popular place at the time for Chinese people seeking work. Someone on the boat got sick, and the passengers were quarantined here, in the Seychelles. Chow’s father stayed, found work, and married a local woman.
((Paul Chow, Seychellois with Chinese Ancestry))
“Chinese moved anywhere they think there's an opportunity.
In its history, Seychelles has been a part of France, then Britain before gaining independence in 1976. It is now home to a majority of people who are Creole, with French and African ancestry. Descendents of Chinese migrants make up some 500 to 1,000 of the population here. Most of their ancestors left China to escape poverty.
Then more than 10 years ago, Beijing started funding construction projects in Seychelles bringing in a new wave of Chinese workers. China’s ambassador to Seychelles describes them as “symbols of bilateral friendship.”
((Sylvestre Radegonde, Seychelles Foreign Affairs and Tourism Minister))
“Certainly, for the four years that I've been foreign minister, I've seen how that relationship has grown.”
((Paul Chow, Seychellois with Chinese Ancestry))
“I don't think the Chinese would do anything with Seychelles except want to locate, have an interest here, so that they can oversee what's happening in the Indian Ocean. / China is so rich now everybody welcomes the Chinese.”
With tourism being one of the main industries here, guides such as Roselie look forward to a newly launched direct charter flight from China, with the hope that it will bring new waves of business to Seychelles.
ຟໍຣັມສະແດງຄວາມຄິດເຫັນ