ປະຊາຊົນເກືອບ 3 ລ້ານ 5 ແສນຄົນ ທີ່ຢູ່ໃນໄວມີສິດລົງຄະແນນສຽງ ໄດ້ ກາຍມາເປັນພົນລະເມືອງ ສະຫະລັດ ນັບຕັ້ງແຕ່ການເລືອກຕັ້ງໃນປີ 2020 ເປັນຕົ້ນມາ, ອີງຕາມຂໍ້ມູນອົງການພັນທະມິດແຫ່ງຊາດເພື່ອຊາວອາເມຣິກັນລຸ້ນໃໝ່. ແລະບັນດາຜູ້ຊ່ຽວຊານບາງຄົນກ່າວວ່າ ກຸ່ມທີ່ເຕີບໃຫຍ່ນີ້ ພິສູດໄດ້ວ່າ ມີບົດບາດສຳຄັນໃນການກຳນົດຜົນການເລືອກຕັ້ງ.
ນາງ ຊິລວີນາ ກູເອເດສ ແມ່ນຄົນສັນຊາດອາເມຣິກັນລຸ້ນໃໝ່. ພິທີຮັບສັນຊາດ ຂອງນາງໄດ້ຈັດຂຶ້ນຢູ່ເມືອງ ມາວນທ໌ ເວີມອນ, ເຊິ່ງເປັນບ້ານເກີດຂອງທ່ານ ຈອດຈ໌ ວໍຊິງຕັນ ປະທານາທິບໍດີຄົນທຳອິດຂອງ ສະຫະລັດ ອາເມຣິກາ.
ນາງ ຊິລວີນາ ກູເອເດສ, ຜູ້ປ່ຽນມາຖືສັນຊາດ ສະຫະລັດ ກ່າວວ່າ:
“ຂ້ອຍຢູ່ທີ່ນີ້ມາເປັນເວລາຫຼາຍປີແລ້ວ. ດ້ວຍເຫດໃດຊິບໍ່ແມ່ນພົນລະເມືອງອາເມຣິກັນໄດ້ລະ? ຕອນນີິ້ ສະຖານະຂອງຂ້ອຍໄດ້ຖືກແກ້ໄຂແລ້ວ.”
ນາງ ກູເອເດສ ເປັນຄົນປອກຕຸຍການໂດຍກຳເນີດ ແລະໄດ້ອາໃສຢູ່ໃນ ສະຫະລັດມາຫລາຍກວ່າສອງທົດສະວັດແລ້ວ. ໃນເດືອນພະຈິກນີ້ ນາງຈະໄດ້ລົງຄະແນນສຽງເປັນຄັ້ງທຳອິດ.
ນາງ ຊິລວີນາ ກູເອເດສ ກ່າວວ່າ:
“ຂ້ອຍຕິດຕາມການເມືອງທາງວິທະຍຸ ແລະໂທລະພາບ, ແລະຂ້ອຍໄດ້ຕິດຕາມການໂຕ້ວາທີ. ຄວາມຈິງແລ້ວ, ຂ້ອຍໄດ້ຕິດຕາມການໂຕ້ວາທີເທື່ອຫຼ້າສຸດທາງໂທລະພາບ ຢູນີວີເຊິນ (ໂທລະພາບເປັນພາສາ ສເປນ), ສຳລັບຂ້ອຍແລ້ວ, ມັນສຳຄັນເພາະຂ້ອຍໄດ້ຮຽນຮູ້ວ່າ ພວກເຂົາຄິດແນວໃດ ແລະພວກເຂົາຈະດໍາເນີນການແບບໃດ.”
ແລະບັນດາຜູ້ຊ່ຽວຊານກ່າວວ່າ ຜູ້ມີສິດເລືອກຕັ້ງໃໝ່ເຫຼົ່ານີ້ ອາດມີບົດບາດສຳຄັນໃນການເລືອກຕັ້ງປະທານາທິບໍດີໃນເດືອນພະຈິກ, ໂດຍສະເພາະ ໃນລັດສຳຄັນທີ່ຜູ້ລົງຄະແນນສຽງຍັງບໍ່ໄດ້ຕັດສິນໃຈວ່າ ຈະເອົາໃຜເທື່ອ.
ອີງຕາມຂໍ້ມູນຂອງໂຄງການ Rock Naturalized Vote ລະບຸວ່າ ມີພົນລະເມືອງຜ່ານການປ່ຽນສັນຊາດມາແລ້ວຫຼາຍກວ່າ 600,000 ຄົນອາໃສຢູ່ໃນລັດ ຈໍເຈຍ, ເກືອບ 400,000 ຄົນອາໃສຢູ່ໃນລັດ ມີຊິແກນ, ແລະເກືອບ 465,000 ຄົນ ອາໃສຢູ່ໃນລັດ ອາຣິໂຊນາ.
ທ່ານ ມານູແອລ ພາສເຕີ, ຈາກມະຫາວິທະຍາໄລ ຄາລິຟໍເນຍໃຕ້ ກ່າວວ່າ:
“ໃນລັດເຊັ່ນ ລັດ ອາຣິໂຊນາ, ຜູ້ທີ່ໄດ້ສັນຊາດໃນຊ່ວງແປດເຖິງເກົ້າປີຜ່ານມາເຊິ່ງຖືວ່າ ເປັນການໄດ້ສັນຊາດຂ້ອນຂ້າງໃໝ່ ຄິດເປັນປະມານ 2 ເປີເຊັນ ຂອງຜູ້ມີສິດລົງຄະແນນສຽງເລືອກຕັ້ງທີ່ມີປະສິດທິພາບ ແລະ ລັດອາຣີໂຊນາ ເຊິ່ງເຈົ້າຈະຈື່ໄດ້ ຖືເປັນລັດທີ່ມີຄະແນນໄກ້ຄຽງກັນຫລາຍໃນປີ 2020.”
ທົ່ວປະເທດມີຜູ້ໃຫ່ຍທີ່ຢູ່ໃນໄວມີສິດລົງຄະແນນສຽງປະມານ 3 ລ້ານ 5 ແສນຄົນ ທີ່ໄດ້ເປັນພົນລະເມືອງນັບຕັ້ງແຕ່ການເລືອກຕັ້ງໃນປີ 2020, ອິງຕາມຂໍ້ມູນ ອົງການພັນທະມິດແຫ່ງຊາດເພື່ອຊາວອາເມຣິກັນລຸ້ນໃໝ່.
ທ່ານ ພາສເຕີ ກ່າວວ່າ ບັນດາຜູ້ມີສິດເລືອກຕັ້ງທີ່ໄດ້ຜ່ານການປ່ຽນສັນຊາດ ມີແນວໂນ້ມທີ່ຈະມີສ່ວນຮ່ວມທາງການເມືອງຫລາຍຂຶ້ນ ເມື່ອບັນຫາຄົນເຂົ້າເມືອງຄອບງຳການອະພິປາຍ.
ທ່ານ ພາສເຕີ ກ່າວວ່າ:
“ນັ້ນຄືເວລາທີ່ຜູ້ທີ່ຫາກໍໄດ້ຮັບການເຂົ້າເປັນພົນລະເມືອງໃໝ່ເລີ້ມກ້າວຂຶ້ນມາ ແລະມີສ່ວນຮ່ວມຢ່າງລົ້ນເຫຼືອເພາະພວກເຂົາມີຄວາມສົນໃຈສ່ວນຕົວໃນເລື່ອງນີ້.”
ເອັນຕາມາ ບາຮາຕີ ມີຕົ້ນກຳເນີດຈາກສາທາລະນະລັດປະຊາທິປະໄຕ ຄອງໂກ.
ເອນຕາມາ ບາຮາຕີ ກ່າວວ່າ:
“ຂ້າພະເຈົ້າມາເຖິງ ສະຫະລັດ ໃນວັນທີ 6 ກັນຍາ 2001, ແລະຂ້າພະເຈົ້າຍັງ ຈື່ເວລານັ້ນໄດ້. ຕອນນັ້ນແມ່ນບ່າຍ 3 ໂມງທີ່ນະຄອນ ຊິຄາໂກ.”
ລາວໄດ້ຮັບສັນຊາດໃນປີ 2017 ແລະໄດ້ລົງຄະແນນສຽງຄັ້ງທຳອິດໃນປີ 2020.
ເອນຕາມາ ບາຮາຕີ ກ່າວວ່າ:
“ເມື່ອຂ້າພະເຈົ້າສໍາພາດເພື່ອຂໍສັນຊາດສໍາເລັດ. ຂ້າພະເຈົ້າໄດ້ຮັບໂອກາດໃຫ້ ລົງທະບຽນເພື່ອລົງຄະແນນສຽງ ແລະນັ້ນເປັນເລື້ອງທີ່ບໍ່ໜ້າເຊື່ອສໍາລັບ ຂ້າພະເຈົ້າເມື່ອເຈົ້າໜ້າທີ່ຂອງ USCIS ບອກຂ້າພະເຈົ້າວ່າຕອນນີ້ເຈົ້າສາມາດ ລົງຄະແນນສຽງໄດ້ແລ້ວ. ຂ້າພະເຈົ້າຈຶ່ງຖາມວ່າ “ແມ່ນແທ້ຫວ໋າ?” ແລະຂ້າ ພະເຈົ້າກໍລົງທະບຽນທັນທີ.”
ບັນດາຜູ້ຊ່ຽວຊານກ່າວວ່າພົນລະເມືອງທີ່ຜ່ານການປ່ຽນສັນຊາດໃໝ່ມີແນວໂນ້ມທີ່ຈະຮັບຜິດຊອບຕໍ່ສັງຄົມດ້ວຍຄວາມຈິງຈັງຢ່າງຍິ່ງ ແລະຊາວອາເມຣິກັນ ລຸ້ນໃໝ່ເຫຼົ່ານີ້ອາດມີຄວາມເດັດຂາດໃນບັນດາລັດທີ່ມີຄວາມໂອນອຽງ.
ອ່ານບົດລາຍງານດ້ານລຸ່ມນີ້ເປັນພາສາອັງກິດ
Nearly 3.5 million voting-age adults have become U.S. citizens since the 2020 election, according to the National Partnership for New Americans. And some experts say this growing group could prove pivotal in shaping the election results. VOA’s immigration reporter Aline Barros has more.
Silvina Guedes is a new American citizen. Her naturalization ceremony took place on the grounds of Mount Vernon, the home of the first U.S. president, George Washington.
Silvina Guedes, Naturalized US Citizen.
“I have been living here for so many years, so why not be an American citizen? So, now my status is settled.”
Guedes is originally from Portugal and has been living in the United States for more than two decades. This November she’s voting for the first time.
Silvina Guedes, Naturalized US Citizen.
“I follow politics on radio and TV, and I follow the debates. In fact, I followed the last one on Univision (Spanish language television). For me, it is important because I learn what they think about their ideas and what they would do.”
And experts say these newly eligible voters could play a decisive role in the November presidential election, especially in key swing states.
Over 600,000 naturalized citizens live in Georgia, according to the Rock the Naturalized Vote project. Close to 400,000 in Michigan. And nearly 465,000 in Arizona.
Manuel Pastor, University of Southern California, TEAMS.
“In a state like Arizona, people who naturalized in the last about eight to nine years, that's considered somewhat recent naturalization, comprise about 2% of the potential electorate. And Arizona, as you will recall, in 2020 was an exceptionally close state.”
Nationwide, an estimated 3.5 million voting-age adults have become citizens since the 2020 election, according to the National Partnership for New Americans.
Pastor says naturalized voters tend to become more politically engaged when immigration issues dominate the discourse.
Manuel Pastor, University of Southern California.
“That's when the newly naturalized begin to step up and become overwhelmingly engaged because they have a bit of a personal interest in it.”
Ntama Bahati is originally from the Democratic Republic of Congo.
Ntama Bahati, Naturalized US Citizen.
“I arrived in the U.S. It was on September 6th, 2001, and I still remember the time. It was at 3 p.m. in Chicago.”
He became a citizen in 2017. And voted for the first time in 2020.
Ntama Bahati, Naturalized US Citizen,
“When I finished my interview for citizenship, I was given the opportunity to sign up to vote. And that was actually surreal to me when the staff at the USCIS told me actually now you can vote. I say really? And I signed up right away.”
Experts say naturalized citizens tend to approach their civic responsibility with great seriousness, and these new Americans could be decisive in swing states.
ຟໍຣັມສະແດງຄວາມຄິດເຫັນ