ລິ້ງ ສຳຫລັບເຂົ້າຫາ

ວັນສຸກ, ໐໗ ກຸມພາ ໒໐໒໕

ບໍ່​ມີ​ຄວາມ​ຫວັງ ກ່ຽວ​ກັບ ຜູ້​ລອດ​ຊີ​ວິດ​ຈາກ​ອຸ​ບັດ​ຕິ​ເຫດ​ລົດ​ເມ​ຖືກ​ພັດ​ຕົກ​ແມ່​ນ້ຳ​ໃນ​ປະ​ເທດ ເນ​ປານ, 55 ຄົນ​ຍັງ​ຫາຍ​ສາບ​ສູນ


​ເຈົ້າ​ໜ້າ​ທີ່​ທະ​ຫານ​ບົກ ເນ​ປານ ດຳ​ເນີນ​ປະ​ຕິ​ບັດ​ການ​ຄົ້ນ​ຫາ​ຜູ້​ລອດ​ຊີ​ວິດ ຫຼັງ​ຈາກ​ລົດ​ເມ​ສອງ​ຄັນ​ຖືກ​ພັດ​ຕົກ​ແມ່​ນ້ຳ​ໃກ້​ກັບ​ເມືອງ ຊີ​ມາ​ລ​ຕາ​ລ, ປະ​ມານ 120 ກິ​ໂລ​ແມັດ​ທາງ​ພາກ​ຕາ​ເວັນ​ຕົກ​ຂອງ​ນະ​ຄອນຫຼວງ ກັດ​ມານ​ດູ, ເນ​ປານ, 13 ກໍ​ລະ​ກົດ 2024.
​ເຈົ້າ​ໜ້າ​ທີ່​ທະ​ຫານ​ບົກ ເນ​ປານ ດຳ​ເນີນ​ປະ​ຕິ​ບັດ​ການ​ຄົ້ນ​ຫາ​ຜູ້​ລອດ​ຊີ​ວິດ ຫຼັງ​ຈາກ​ລົດ​ເມ​ສອງ​ຄັນ​ຖືກ​ພັດ​ຕົກ​ແມ່​ນ້ຳ​ໃກ້​ກັບ​ເມືອງ ຊີ​ມາ​ລ​ຕາ​ລ, ປະ​ມານ 120 ກິ​ໂລ​ແມັດ​ທາງ​ພາກ​ຕາ​ເວັນ​ຕົກ​ຂອງ​ນະ​ຄອນຫຼວງ ກັດ​ມານ​ດູ, ເນ​ປານ, 13 ກໍ​ລະ​ກົດ 2024.

ບັນ​ດາ​ນັກ​ກູ້​ໄພ​ໃນ​ປະ​ເທດ ເນ​ປານ ໄດ້​ຕັດ​ໂອ​ກາດ​ທີ່​ຈະ​ຄົ້ນ​ພົບ​ຜູ້​ລອດ​ຊີ​ວິດ​ຈາກ​ເຫດ​ດິນ​ເຈື່ອນ​ໃນ​ອາ​ທິດ​ທີ່​ຜ່ານ​ມາ ທີ່​ໄດ້​ພັດ​ລົດ​ເມ​ຜູ້​ໂດຍ​ສານ​ສອງ​ຄັນ ທີ່​ຄົນ​ສົ່ງ​ປະ​ຊາ​ຊົນ 65 ຄົນ​ລົງ​ໄປ​ໃນ​ແມ່​ນ້ຳ​ທີ່​ຂຶ້ນ​ສູງ​ຍ້ອນ​ຝົນ​ຕົກ​ໜັກ, ອີງ​ຕາມ​ການ​ກ່າວ​ຂອງ​ບັນ​ດາ​ເຈົ້າ​ໜ້າ​ທີ່​ໃນ​ວັນ​ຈັນ​ມື້ນີ້.

ເຈົ້າ​ໜ້າ​ທີ່​ຮັກ​ສາ​ຄວາມ​ປອດ​ໄພຫຼາຍ​ຮ້ອຍ​ຄົນ ໄດ້​ສືບ​ຕໍ່​ປະ​ຕິ​ບັດ​ການ​ຄົ້ນ​ຫາ​ໃນ​ຕອນ​ເຊົ້າ​ມື້ນີ້ ເພື່ອ​ຊອກ​ຫາ​ລົດ​ເມ ແລະ ຜູ້​ໂດຍ​ສານ 55 ຄົນ ຜູ້​ທີ່​ຍັງ​ຄົງ​ຫາຍ​ສາບ​ສູນ​ຢູ່, ດົນ​ກວ່າ 72 ຊົ່ວ​ໂມງຫຼັງ​ຈາກ​ອຸ​ບັດ​ຕິ​ເຫດ.

ບັນ​ດາ​ນັກ​ຄົ້ນ​ຫາ​ໄດ້​ພາ​ກັນ​ກວດ​ຄົ້ນ​ສະ​ຖານ​ທີ່​ເກີດ​ອຸ​ບັດ​ຕິ​ເຫດ​ໃນ​ວັນ​ສຸກ​ທີ່​ຜ່ານ​ມາ​ໃນ​ເມືອງ ຈິດ​ວານ, ປະ​ມານ 86 ກິ​ໂລ​ແມັດ​ທາງ​ພາກ​ຕາ​ເວັນ​ຕົກ​ຂອງ​ນະ​ຄອນຫຼວງ ກັດ​ມານ​ດູ, ປະ​ຈຸບັນນີ້​ໄດ້​ພົບ​ເຫັນ​ຜູ້​ເສຍ​ຊີ​ວິດ 7 ສົບ, ລວມ​ທັງ​ສອງ​ຄົນ​ໃນ​ວັນ​ຈັນ​ມື້ນີ້.

ເຈົ້າ​ໜ້າ​ທີ່​ຕຳຫຼວດ​ອາ​ວຸ​ໂສໃນ​ເມືອງ ຈິດ​ວານ ທ່ານ ເບ​ສ ຣາ​ຈ ຣິ​ຈາ​ລ (Bhesh Raj Rijal) ໄດ້​ກ່າວ​ວ່າ “ມັນ​ບໍ່​ມີ​ໂອ​ກາດ​ທີ່​ຈະ​ຊອກ​ເຫັນ​ຜູ້​ລອດ​ຊີ​ວິດ. ຈຸດ​ເພັ່ງ​ເລັງ​ຂອງ​ພວກ​ເຮົາ​ແມ່ນ​ການກອບ​ກູ້​ສົບ​ຜູ້​ເສຍ​ຊີ​ວິດ.”

ເຈົ້າ​ໜ້າ​ທີ່​ຄົນ​ນຶ່ງ​ໄດ້​ກ່າວ​ວ່າ​ບັນ​ດາ​ສະ​ມາ​ຊິກ​ຄອບ​ຄົວ, ຜູ້​ທີ່​ໄດ້​ເຕົ້າ​ໂຮມ​ກັນ​ຢູ່​ສະ​ຖານ​ທີ່​ຄົ້ນ​ຫາ, ໄດ້ໝົດ​ຄວາມ​ຫວັງ ກ່ຽວ​ກັບ ການ​ຊອກ​ຫາ​ຄົນ​ຮັກ​ຂອງ​ເຂົາ​ເຈົ້າ​ທີ່​ຍັງ​ມີ​ຊີ​ວິດ​ຢູ່.

ເຈົ້າ​ໜ້າ​ທີ່​ລັດ​ຖະ​ບານ​ຢູ່​ເມືອງ​ນັ້ນ​ໄດ້​ກ່າວ​ວ່າ “ເຂົາ​ເຈົ້າ​ໄດ້​ຂໍ​ໃຫ້​ພວກ​ເຮົາ​ຊອກ​ຫາ​ຢ່າງ​ໜ້ອຍ​ສົບ​ຜູ້​ເສຍ​ຊີ​ວິດ. ເຫດ​ການ​ຢູ່​ທີ່ນີ້​ແມ່ນ​ເປັນ​ຕາ​ຢ້ານ.”

ດິ​ນ​ເຈື່ອນ ແລະ ນ້ຳ​ຖ້ວມ​ທີ່​ເກີດ​ມາ​ຈາກ​ຝົນ​ຕົກ​ມໍ​ລະ​ສຸມ ໄດ້​ສັງ​ຫານ​ປະ​ຊາ​ຊົນຫຼາຍກວ່າ 100 ຄົນ​ໃນ​ປະ​ເທດ ເນ​ປານ ນັບ​ຕັ້ງ​ແຕ່​ກາງ​ເດືອນ​ມິ​ຖຸ​ນາ​ເປັນ​ຕົ້ນ​ມາ.

ລຸນຫຼັງ​ເຫດ​ດິນ​ເຈື່ອນ, ລັດ​ຖະ​ບານ​ໄດ້​ປະ​ກາດ​ແຜນ​ການ​ທີ່​ຈະ​ຫ້າມ​ລົດ​ເມ​ທັງຫຼາຍ​ຈາກ​ການ​ເດີນ​ທາງ​ໃນ​ຍາມ​ກາງ​ຄືນ ​ໃນ​ສະ​ຖານ​ທີ່ໆ​ມີການ​ພະ​ຍາ​ກອນ​ອາ​ກາດບໍ່​ດີ.

​ອ່ານ​ຂ່າວນີ້​ເປັນ​ພາ​ສາ​ອັງ​ກິດ

Rescuers in Nepal ruled out chances of finding survivors in last week's landslide that swept two passenger buses carrying 65 people into a river swollen by heavy rain, authorities said on Monday.

Hundreds of security personnel resumed search operations early on Monday to locate the buses and 55 passengers who remained missing, over 72 hours after the accident.

Searchers scouring Friday's accident site in Chitwan district, about 86 km (53 miles) west of the capital Kathmandu, have so far found seven dead bodies, including two on Monday.

"There are no chances of finding survivors. Our focus is on recovering bodies," Bhesh Raj Rijal, a senior police official in Chitwan district said.

Family members, who gathered at the search site, have given up hope on finding their loved ones alive, an official said.

"They are requesting us to at least find the dead bodies. The scene here is grim," said Khimananda Bhusal, a government official in the district.

Landslides and floods triggered by torrential monsoon rains have killed over 100 people in Nepal since mid-June.

Following the landslide, the government announced plans to ban buses from travelling at night in places with adverse weather forecast.

ຟໍຣັມສະແດງຄວາມຄິດເຫັນ

XS
SM
MD
LG