ລິ້ງ ສຳຫລັບເຂົ້າຫາ

logo-print

ບັນຫາທ້າທາຍ ພວມລໍຖ້າ ອົງການຊ່ອຍເຫຼືອຕ່າງໆ ຢູ່ Nepal


​ໄດ້​ເກີດແຜ່ນດິນໄຫວຂະໜາດແຮງຂຶ້ນ ທີ່ປະເທດ Nepal ໃນ
ວັນເສົາແລ້ວນີ້ ເຮັດໃຫ້ມີຜູ້ເສຍຊີວິດຫລາຍພັນຄົນ ແລະບາດ
ເຈັບອີກຫລາຍພັນຄົນພ້ອມທັງສົ່ງຊາວ Nepal ຈຳນວນນັບບໍ່
ຖ້ວນອອກໄປຢູ່ອາໄສ ຫຼືຫລັບນອນ ຢູ່ຕາມຕູບຜ້າຕັ້ງ. ບັນຫາ
ທ້າທາຍສຳຫລັບ Nepal ແມ່ນໃຫຍ່ຫຼວງຫຼາຍໂດຍຄາດຄະ​ເນ
ກັນວ່າ ການບູລະນະສ້າງສາ ອາດຈະຕ້ອງໄດ້ໃຊ້ເງິນ ປະມານ
5 ພັນລ້ານໂດລາ. ພວກເຈົ້າໜ້າທີ່ໃຫ້ຄວາມຊ່ອຍເຫຼືອຈາກທົ່ວ
ໂລກ ກໍປະເຊີນກັບບັນຫາທ້າທາຍໃນການເດີນທາງເຂົ້າໄປໃນ
Nepal ຊຶ່ງມີທ່າທາງວ່າ ຈະເຮັດໃຫ້ການຟື້ນ​ໂຕ​ຄືນ ປະສົບກັບ
ຄວາມຫຍຸ້ງຍາກ. Arash Arabasadi ມີລາຍງານເລື້ອງນີ້ຈາກ
ວໍຊິງຕັນ ດັ່ງໄພສານຈະນຳເອົາລາຍລະອຽດມາສະເໜີທ່ານໃນ
ອັນດັບຕໍ່ໄປ.

ພຽງບໍ່ເທົ່າໃດມື້ ຫລັງຈາກໄດ້ເກີດແຜ່ນດິນໄຫວ ທີ່ມີຄວາມແຮງ 7.8 ຣິກເຕີ້ ຊຶ່ງໄດ້ເອົາຊີ ວິດຜູ້ຄົນໄປແລ້ວ ບໍ່ຕ່ຳກວ່າ 4,000 ຄົນ ການຊ່ອຍເຫລືອກໍຫຼັ່ງໄຫຼຈາກທົ່ວໂລກ ເຂົ້າໄປ ສູ່ Nepal ແຕ່ການນຳ​ເອົາຄວາມຊ່ອຍເຫລືອ​ໄປ​ຍັງບ່ອນທີ່ມີຄວາມຕ້ອງການນັ້ນ ກໍເປັນ ບັນຫາທ້າທາຍໃນໂຕຂອງມັນເອງ.

ທ່ານ Chris Skopec ຜູ້ອຳນວຍການອະວຸໂສໜ່ວຍຮັບມືກັບເຫດການສຸກເສີນແລະກຽມ ພ້ອມຂອງອົງການ International Medical Corp ກ່າວວ່າ:

“ສະຖານະການທາງພາກພື້ນດິນ ທີ່ນະຄອນ Kathmandu ຢູ່ໃນທຸກໆເຂດທີ່ໄດ້ ຮັບຜົນກະທົບ ແມ່ນວຸ້ນວາຍຫຼາຍ ຫລັງຈາກໄດ້ເກີດແຜ່ນດິນໄຫວທີ່ມີຄວາມແຮງ ໃນລະດັບນັ້ນ.”

ທ່ານ Skopec ກ່າວວ່າ ສ່ວນນຶ່ງຂອງບັນຫາກໍຄືສະໜາມບິນນ້ອຍຢູ່ທີ່ນັ້ນ ຮັບໜ້າທີ່ໜັກ ເກີນໄປ.

“ພວກເຮົາໄດ້ມີ 2 ຖ້ຽວບິນ ທີ່ບັນທຸກພະນັກງານຂອງພວກເຮົາ ໄປທີ່ນັ້ນ ໄດ້ຖືກ ສັ່ງໃຫ້ກັບຄືນແລະບໍ່ສາມາດເຂົ້າໄປໄດ້. ຖ້ຽວບິນຈຳນວນນຶ່ງສາມາດລົງຈອດໄດ້ ແຕ່ມັນກໍ​ເອົາ​ແນ່ນອນບໍ່ໄດ້ ໃນເວລານີ້.”

ຊຶ່ງນັ້ນ ໄດ້ກໍ່ໃຫ້ເກີດບັນຫາຕ່າງໆຢ່າງ​ຫລວງຫຼາຍ. ລາຍງານຂ່າວແຈ້ງວ່າ ມີຫລາຍກວ່າ 7,100 ຄົນໄດ້ຮັບບາດເຈັບ ແລະບໍ່ວ່າໃນກໍລະນີໃດກໍຕາມ ໂຄງລ່າງພື້ນຖານທາງດ້ານ ການແພດຂອງ Nepal ແມ່ນບໍ່ສາມາດຮັບມືໄດ້. ແຕ່ທ່ານ Skopec ກ່າວວ່າບັນຫາແມ່ນ ​ມີຫລາຍໄປກວ່າການຈັດສົ່ງຢຸກຢາ ໄປໃຫ້.

“ຜູ້ຄົນແມ່ນໄດ້ຖືກຍົກຍ້າຍບ່ອນຢູ່ ແລະພາຍໃຕ້ສະພາບການດັ່ງກ່າວນີ້ ຄວາມ ເປັນໄປໄດ້ ໃນການທີ່ອາດຈະເກີດການເຈັບປ່ວຍ ທີ່ມານຳນ້ຳ ໄດ້ເພີ້ມຂຶ້ນຢ່າງ ຫລວງຫຼາຍ ແລະໃນຫລາຍໆກໍລະນີ ພວກເຮົາຈະເຫັນມີຜູ້ເຈັບປ່ວຍຕື່ມຂຶ້ນ ​ໃນ ຄື້ນຟອງທີສອງຈາກພະຍາດທີ່ສາມາດປ້ອງກັນໄດ້ ບໍ່ແມ່ນພຽງແຕ່ມາຈາກແຜ່ນ ດິນໄຫວເທົ່ານັ້ນ. ສະນັ້ນ ແທ້ໆ​ແລ້ວພວກ​ເຮົາ​ແມ່ນ​ກຳລັງມອງ​ເບິ່ງໄປຍັງຄວາມ ວິຕົກກັງວົນ ໃນດ້ານສາທາລະນະສຸກ ແລະສິ່ງທີ່ອາດ​ສາມາດຕິດຕາມມາ ຫລັງ ຈາກນັ້ນ.”

ທ່ານນາງ Tracy Reines ສູນກາງສະໜອງຕອບນາໆຊາດທີ່ສະພາກາແດງອາເມຣິກັນ ກ່າວວ່າ

“ຜູ້ຄົນຈຸທຳອິດ ພວກທີ່ຮັບມື​ຈຸທຳອິດ ແມ່ນພວກທີ່ອາໄສ ຢູ່ທີ່ນັ້ນ ເປັນຜູ້ຄົນມາ ຈາກບ່ອນ​ຫັ້ນ ເຮັດທຸກສິ່ງທຸກຢ່າງທີ່ເຂົາເຈົ້າສາມາດເພື່ອຊ່ອຍຕົວເຂົາເຈົ້າເອງ
ໃນໄລຍະຫລາຍໆຊົ່ວໂມງທຳອິດ.”

ທ່ານນາງ Reines ເວົ້າວ່າ ການຕິດຕໍ່ສື່ສານກັນ ລະຫວ່າງພະນັກງານຊ່ອຍເຫລືອຢູ່ໃນ Nepal ແມ່ນບໍ່ສະໝ່ຳສະເໝີ.

“ລະບົບໃນເວລານີ້ ແມ່ນອ່ອນແອຫລາຍ. ມັນຫຍຸ້ງຍາກຢູ່​ແລ້ວ ທີ່ຈະໄດ້ຮັບສັນ ຍານຫຼືສົ່ງສັນຍານໄປທົ່ວປະເທດທີ່ເປັນພູຜາໄດ້. ສະພາ​ບການບໍ່ໄດ້ດີຂຶ້ນເລີຍ
ຫລັງຈາກເກີດແຜ່ນດິນໄຫວ ມັນ​ແຮງຂີ້ຮ້າຍລົງຕື່ມ.”

ດ້ວຍ​ຫຼິງ​ເຫັນ​ບັນຫາ​ນີ້ ທ່ານ Glen ແລະຍານາງ Julie Bradley ສາມີພັນ ລະຍາທີ່ແຕ່ງ ງານມາໄດ້ 26 ປີ ຈຶ່ງໄດ້ອອກເດີນທາງ ຈາກນະຄອນຫຼວງ ວໍຊິງຕັນ​ເມື່ອຄືນວັນຈັນແລ້ວ ໄປຍັງນະຄອນ Istanbul ເພື່ອເດີນທາງຕໍ່ໄປຍັງ Nepal.

ທ່ານ Glen Bradley ຊຶ່ງເປັນອາສາສະໝັກຂອງສະພາກາແດງອາເມຣິກັນ ກ່າວວ່າ:

“ພວກເຮົາຈະໄປຕິດຕັ້ງ ເຄື່ອງສື່ສານຄົມມະນາຄົມ ແລະຕາໜ່າງຄອມພິວເຕີ້ ວິ ທະຍຸສື່ສານ ແລະອິນເຕີແນັດ.”

ຍານາງ Julie Bradley ຊຶ່ງເປັນອາສາສະໝັກຂອງສະພາກາແດງອາເມຣິກັນເຊັ່ນດຽວ ກັນ ກ່າວວ່າ:

“ພວກເຮົາຈະຕິດຕັ້ງຄວາມສາມາດທາງອິນເຕີແນັດ ເພື່ອໃຫ້ມີການປະສານງານ ກັນຫຼາຍຂຶ້ນ ໃນການຕອບຮັບຕໍ່ໄພພິບັດດັ່ງກ່າວ.”

ຢູ່ໃນປະເທດ ທີ່ມີບັນຫາທ້າທາຍ ໃນດ້ານການສື່ສານທາງພາກພື້ນດິນຢູ່ແລ້ວນັ້ນ ການ
ຕິດຕັ້ງລະບົບສື່ສານທີ່ມີຄວາມຈຳເປັນ ທ່າມກາງທີ່ເກີດໄພທຳມະຊາດ ອາດເປັນບັນຫາ ທ້າທາຍທີ່ໃຫຍ່ທີ່ສຸດອັນນຶ່ງ ທີ່ພວກພະນັກງານໃຫ້ຄວາມຊ່ອຍເຫລືອ ກຳລັງປະເຊີນໜ້າ ຢູ່ໃນເວລານີ້. ແລະໃນຂະນະທີ່ ຖ້ຽວບິນເດີນທາງໄປ Nepal ຖືກສັ່ງໃຫ້ບິນກັບຄືນເພີ້ມ ຂຶ້ນນັ້ນ ຄວາມເປັນຫ່ວງກັງວົນກໍມີຕື່ມຂຶ້ນສຳຫຼັບພວກ ທີ່ມີ​ຄວາມຕ້ອງການທາງດ້ານການ ແພດ ຢ່າງຮີບດ່ວນ.

A major earthquake rocked Nepal on Saturday and killed thousands, injured thousands more and sent countless Nepalese outside to live in makeshift tent villages.The challenges to Nepal are enormous, with some reconstruction estimates at around $5 billion.Aid workers from around the world face challenges getting into Nepal, which likely makes for a difficult recovery.Arash Arabasadi has the story from Washington.

This is Nepal just days after a 7.8-magnitude earthquake claimed at least 4,000 lives.Aid pours in from around the world, but getting help where it's needed is a challenge of its own.

"The situation on the ground in Kathmandu - in all of the affected areas - is extremely chaotic in the wake of an earthquake of that magnitude."

Chris Skopec is Senior Director of Emergency Response and Preparedness at International Medical Corps.He says part of the problem is that the small airport there is overloaded.

"We've had two flights that have had our personnel onboard that have been turned back and not been able to get in. Some flights are landing, but it's hit or miss at this point."

That brings its own host of problems.Reports cite more than 7,100 injured, and by all accounts Nepal's medical infrastructure can't handle the load.But Skopec says it's more than delivering medical supplies.

"People are being displaced. And so in such a context, the potential for waterborne illnesses grows dramatically. And often times we will see even more casualties in the second wave based on preventable diseases as opposed to just the earthquake itself. So we are really looking out for the public health concerns and what can come after."

"The first people - the first responders - are people who live there, who are from there, doing everything they can to help themselves in the first several hours."

Tracy Reines is Director of the International Response Center at the American Red Cross.She says communications between aid workers in Nepal is intermittent.

"The system at the moment is pretty weak.It's difficult to get signals across a really mountainous country.That has not been better after this; it's been worse."

Which brings us to volunteers, Glen and Julie Bradley.The married couple of 26 years left from Washington Monday night for Istanbul on their way to Nepal.

"We're going in to set up communications and computer networks, radio communications and Internet."

"We're initiating Internet capability to have a more coordinated disaster response."

In a country with terrestrial communications challenges, building a need-based system amid a natural disaster may be one of the biggest challenges facing aid workers right now.And, as more inbound flights are turned away, concern grows for those in need of immediate medical care.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG