ລິ້ງ ສຳຫລັບເຂົ້າຫາ

ວັນອັງຄານ, ໑໖ ກໍລະກົດ ໒໐໒໔

ບັນດາຜູ້ນຳຂອງອົງການ ເນໂຕ້ ແລະ ຢູເຄຣນ ຈະພົບປະກັນໃນວັນພະຫັດ ຢູ່ທີ່ກອງປະຊຸມສຸດຍອດ ວໍຊິງຕັນ


ລັດຖະມົນຕີປ້ອງກັນປະເທດຢູເຄຣນ ທ່ານຣັສເຕັມ ອູເມໂຣຟ, ຊ້າຍມື, ໂອລົມກັບລັດຖະມົນຕີປ້ອງກັນປະເທດ ສໂລວາເກຍ ທ່ານໂຣເບີດ ກາລີນັກ. ຂວາ, ລະຫວ່າງງານອາຫານຄໍ່າເພື່ອການພົບປະກັນ ຢູ່ທີ່ Fort McNair ໃນການພົບປະກັນຂອງລັດຖະມົນຕີປ້ອງກັນປະເທດ ທີ່ເຂົ້າຮ່ວມກອງປະຊຸມສຸດຍອດ ເນໂຕ້, 10 ກໍລະກົດ 2024 ໃນ ວໍຊິງຕັນ.
ລັດຖະມົນຕີປ້ອງກັນປະເທດຢູເຄຣນ ທ່ານຣັສເຕັມ ອູເມໂຣຟ, ຊ້າຍມື, ໂອລົມກັບລັດຖະມົນຕີປ້ອງກັນປະເທດ ສໂລວາເກຍ ທ່ານໂຣເບີດ ກາລີນັກ. ຂວາ, ລະຫວ່າງງານອາຫານຄໍ່າເພື່ອການພົບປະກັນ ຢູ່ທີ່ Fort McNair ໃນການພົບປະກັນຂອງລັດຖະມົນຕີປ້ອງກັນປະເທດ ທີ່ເຂົ້າຮ່ວມກອງປະຊຸມສຸດຍອດ ເນໂຕ້, 10 ກໍລະກົດ 2024 ໃນ ວໍຊິງຕັນ.

ຜູ້ນຳຂອງອົງການເນໂຕ້ ແລະ ຢູເຄຣນ ຈະພົບປະກັນໃນວັນພະຫັດມື້ນີ້ ທີ່ນະຄອນຫຼວງ ວໍຊິງຕັນ ນຶ່ງມື້ຫຼັງຈາກທີ່ ພັນທະມິດເນໂຕ້ ໄດ້ສະໜັບສະໜູນ ຢູເຄຣນ ໃນການເຂົ້າຮ່ວມເປັນພັນທະມິດມື້​ໃດ​ມື້​ນຶ່ງ.

ມື້​ສຸດ​ທ້າຍ​ຂອງ​ກອງ​ປະຊຸມ​ສຸດ​ຍອດ ເນໂຕ້ ຍັງ​ຈະ​ລວມມີ​ການ​ເຈລະຈາ​ກັບ​ບັນດາ​ຜູ້ນຳຈາກ ອອສເຕຣເລຍ, ຍີ່ປຸ່ນ, ນິວຊີ​ແລນ, ​ເກົາຫຼີ​ໃຕ້, ​ແລະ ສະຫະພາບຢູໂຣບ ​ເພື່ອ​ແກ້​ໄຂ​ບັນຫາ​ທ້າ​ທາຍທາງ​ດ້ານ​ຄວາມ​ໝັ້ນຄົງ ​ແລະ ການ​ຮ່ວມ​ມື.

ຖະ​ແຫຼງການ​ສະບັບ​ນຶ່ງ​ຂອງ​ອົງການ NATO ທີ່​ໄດ້​ນຳ​ອອກ​ເຜີຍ​ແຜ່​ໂດຍ​ກຸ່ມ​ສະມາຊິກ 32 ປະ​ເທດ​ໃນ​ວັນ​ພຸດ​ວານ​ນີ້ ກ່າວ​ວ່າ ເສັ້ນທາງ​ຂອງ​ຢູ​ເຄຣນ ​ໃນ​ການ​ເຂົ້າ​ເປັນ​ສະມາຊິກ​ຂອງ​ອົງການ NATO ​ແມ່ນ "ບໍ່​ສາມາດ​ປ່ຽນ​ຄືນ​ໄດ້."

ທ່ານ ເຈັນສ໌ ສໂຕລເຕັນເບີກ (Jens Stoltenberg) ເລຂາທິການໃຫຍ່ຂອງ ອົງການເນໂຕ້ ກ່າວຕໍ່ບັນດານັກຂ່າວໃນວັນພຸດວານນີ້ວ່າ "ມັນບໍ່ແມ່ນຄຳຖາມ ວ່າມັນຈະເກີດຂຶ້ນ ຫຼືບໍ່, ແຕ່ມັນກ່ຽວກັບວ່າເວລາໃດ".

ຄັ້ງນຶ່ງ, ສະຫະລັດ​ເຄີຍ​ເປັນ​ຫ່ວງ​ຢ່າງ​ເລິກ​ເຊິ່ງກ່ຽວ​ກັບ​ວ່າ ຢູ​ເຄຣນ ພ້ອມ​ສຳລັບການ​ເປັນ​ສະມາຊິກ NATO ແລ້ວ ​ຫລື​ບໍ່ ​ແຕ່ຕອນ​ນີ້ເບິ່ງຄື​ວ່າ​ ຈະໄດ້​ຮັບ​ການ​ແກ້​ໄຂ​ແລ້ວເພື່ອ​ຮັບປະກັນ​ວ່າ ກີຢິບ ຈະ​ເຂົ້າ​ຮ່ວມເປັນ​ພັນທະ​ມິດ​ ໃນທ້າຍ​ທີ່​ສຸດ.

“ພວກ​ເຮົາ​ກຳລັງສ້າງ​ຂົວຕໍ່ດັ່ງກ່າວ ໃຫ້ກັບການເຂົ້າເປັນ​ສະ​ມາ​ຊິກ​ຂອງຢູເຄຣນ​. ມັນ​ຖືວ່າເປັນ​ການ​ສົ່ງ​ມອບຄັ້ງ​ສຳຄັນ​ແທ້ໆ,” ທ່ານ ໄມໂຄລ ຄາເພັນເຕີ (Michael Carpenter), ຜູ້​ອຳ​ນວຍ​ການ​ອາວຸ​ໂສ​ຂອງ​ຢູ​ໂຣບ ຢູ່​ສະພາ​ຄວາມ​ໝັ້ນຄົງ​ແຫ່ງ​ຊາດ ກ່າວ​ຕໍ່ VOA.

ທ່ານ ສໂຕລເຕັນເບີກ (Stoltenberg) ​ກ່າວ​ວ່າ ​ເມື່ອການສູ້ລົບຢູ່ໃນຢູເຄຣນ ຢຸດ​ລົງ, ອົງການ NATO ຈະ​ຕ້ອງ​ໃຫ້ແນ່ໃຈວ່າ ການ​ຢຸດ​ຍິງ​ຈະ​ເປັນການຢຸດ​ຄັ້ງສຸດທ້າຍ ຕໍ່ຄວາມ​ຮຸນ​ແຮງຢູ່​ທີ່​ນັ້ນ.

ທ່ານ ​ກ່າວ​ວ່າ ວິທີ​ທີ່​ຈະ​ຮັບປະກັນ​ວ່າມັນຈະ​ຢຸດລົງດ້ວຍ​ດີ, ​ແມ່ນການເຂົ້າເປັນ​ສະມາຊິກ​ອົງການ NATO ຂອງຢູ​ເຄຣນ. ຖ້າບໍ່ດັ່ງນັ້ນ, ຣັດເຊຍ ຈະສາມາດ ຮຸກຮານຕໍ່ໄປໄດ້.

ຕ່າງຈາກສະຫະພາບຢູໂຣບ ​ທີ່​ເລີ່​ມດຳ​ເນີນ​ການ​ເຈລະຈາ​ກັບ​ຢູເຄຣນ ເພື່ອ​ເຂົ້າ​ຮ່ວມ​ ໃນ​ວັນ​ທີ 25 ມິຖຸນາ​ນີ້, ຍັງ​ບໍ່​ທັນ​ມີ​ການ​ຕົກ​ລົງ​ກັນ​ຢ່າງ​ເປັນ​ເອ​ກະ​ສັນກ່ຽວ​ກັບ​ ຢູເຄຣນ​ຈະເຂົ້າ​ຮ່ວມ​ອົງການ​ NATO.

ການສົ່ງມອບ ເຮືອບິນລົບ F-16 ແມ່ນຢູ່ໃນລະຫວ່າງການດຳເນີນການ.

ໃນ​ຂະນະດຽວກັນ, ລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ​ສະ​ຫະ​ລັດ ທ່ານ ລອຍ ອອັສຕິນ (Lloyd Austin) ກ່າວ​ວ່າ ເຮືອ​ບິນ​ລົບ F-16 ລຳ​ທຳ​ອິດ​ທີ່​ຜະ​ລິດ​ໂດຍ​ອາ​ເມຣິ​ກັນ ກຳລັງ​ຖືກ​ສົ່ງ​ໄປ​ ຢູເຄຣນ ແລະ ຄາດ​ວ່າ​ຈະ​ລາດ​ຕະ​ເວນ​ຢູ່ນ່ານ​ຟ້າຂອງ​ຢູເຄຣນ ໃນອີກບໍ່ເທົ່າໃດ​ອາ​ທິດທີ່​ຈະ​ມາ​ເຖິງນີ້.

ອ່ານຂ່າວນີ້ເປັນພາສາອັງກິດ:

ຟໍຣັມສະແດງຄວາມຄິດເຫັນ

XS
SM
MD
LG