ມຽນມາ ແມ່ນໄດ້ຕອບໂຕ້ຕໍ່ລາຍງານຂອງສະຫະລັດທີ່ໄດ້ຈັດໃຫ້ປະເທດດັ່ງກ່າວ ຢູ່ໃນລະດັບຕ່ຳສຸດ ຢູ່ໃນດັດຊະນີການຄ້າມະນຸດຂອງວໍຊີງຕັນ.
ການຈັດໃຫ້ມຽນມາ ຢູ່ໃນລະດັບຄຽງຂ້າງກັບອີຣ່ານ ເກົາຫຼີເໜືອ ແລະຊີເຣຍ ຊຶ່ງແມ່ນ ບັນດາປະເທດທີ່ຖືວ່າ ຕ່ຳສຸດຂອງລາຍງານການຄ້າມະນຸດນັ້ນ ແມ່ນຖືວ່າເປັນການ ຜິດພາດ ອິງຕາມເຈົ້າໜ້າທີ່ລັດຖະບານໃນນະຄອນ Naypytaw.
ໃນສັບປະດານີ້ ກະຊວງການຕ່າງປະເທດຂອງສະຫະລັດ ຈະນຳອອກເຜີຍແຜ່ລາຍ
ງານປະຈຳປີລາຍ ກ່ຽວກັບການຄ້າມະນຸດ ຫຼື TIP ຊຶ່ງມຽນມາສາມາດຕົກລະດັບ ສູ່
ກຸ່ມທີ 3.
ໃນວັນອັງຄານມື້ນີ້ ອົງການຂ່າວ Reuters ໄດ້ອ້າງແຫຼ່ງຂ່າວ ຈາກວໍຊີງຕັນແລະບາງ
ກອກ ທີ່ໄດ້ລາຍງານວ່າ ມຽນມາ ສາມາດຫຼຸດຕ່ຳລົງ ສູ່ລະດັບເພື່ອໃຫ້ເອົາບາດກ້າວ ເພີ່ມຕື່ມທີ່ຈະແກ້ໄຂເລື້ອງໃຊ້ກອງກຳລັງເດັກແລະການບັງຄັບໃຊ້ ແຮງງານແລະທ່າມ
ກາງການສືບຕໍ່ປະຫັດປະຫານໃນຂອບເຂດທີ່ກວ້າງຂວາງ ຕໍ່ຊົນກຸ່ມນ້ອຍຊາວໂຣຮິງ
ຢາ ທີ່ນັບຖືສາສະໜາອິສລາມ ໃນປະເທດທີ່ຄົນສ່ວນໃຫຍ່ນັບຖືສາສະໜາພຸດນັ້ນ.
“ແນ່ນອນ ພວກເຮົາຈະຜິດຫວັງ ໃນການຫຼຸດລະດັບຂອງພວກເຮົາ ໃນຂະນະທີ່ ພວກເຮົາ ໄດ້ທຳການປະສານງານກັບທຸກພັກຝ່າຍ” ທີ່ຈະປັບປຸງສະຖານະການ ດັ່ງກ່າວນີ້ ຊຶ່ງທ່ານ Aung Lin ເລຂາທິການຖາວອນ ທີ່ກະຊວງການຕ່າງປະເທດ ໄດ້ບອກກັບ VOA ໄວ້.
ເຈົ້າໜ້າທີ່ຍັງກ່າວເພີ່ມຕື່ມວ່າ ເຖິງແມ່ນວ່າທ່ານໄດ້ເຫັນລາຍງານໃໝ່ທີ່ວ່າມຽນມາ
ປະເຊີນກັບການຫຼຸດລະດັບໃນລາຍງານການຄ້າມະນຸດກໍຈິງ ແຕ່ກໍຍັງບໍ່ທັນມີການ
ແຈ້ງຢ່າງເປັນທາງການເທື່ອຈາກສະຫະລັດ.
“ພວກເຮົາແມ່ນເອົາບາດກ້າວເຮັດຕາມໜ້າທີ່ຂອງພວກເຮົາແລະຈະສືບຕໍ່ດຳເນີນ
ການຕໍ່ໄປ” ນັ້ນຄືຄຳເວົ້າທີ່ທ່ານ Aung Lin ໄດ້ກ່າວເພີ່ມຕື່ມ.
ພວກນັກການທູດທີ່ສະຖານທູດສະຫະລັດໃນນະຄອນຢ່າງກຸ້ງ ກ່າວໃນວັນອັງຄານມື້
ນີ້ວ່າ ຕົນຈະບໍ່ໃຫ້ຄວາມເຫັນໃດໆກ່ອນໜ້າການເປີດເຜີຍລາຍງານນີ້.
