ລິ້ງ ສຳຫລັບເຂົ້າຫາ

logo-print

ເພງ The Heart Wants What It Wants ຂັບ​ຮ້ອງ​ໂດຍ Selena Gomez


Selena Gomez .

ຄ່ຳ​ຄື​ນນີ້ ທ່ານ​ຈະ​ໄດ້​ຮັບ​ຟັງ​ເພງ​ສາ​ກົນ​ທີ່​ກຳ​ລັງ​ເປັນ​ທີ່​ນິ​ຍົມ​ກັນໃນ​ສະຫະ​ລັດ
ໃນ​ຂະ​ນະ​ນີ້. ຂໍ​ເຊີນຮັບ​ຟັງ​ເພງ​ມ່ວນໆ ໃນລາຍການສຽງ​ເພງ​ຈາກ​ແດນ​ໄກຂອງ
ວີ​ໂອ​ເອ​ໄດ້​ເລີຍ.

ສະ​ບາຍ​ດີ ແລະ​ຍິນ​ດີ​ຕ້ອນຮັບ​ທ່ານ​ຜູ້​ຟັງ​ເຂົ້າ​ສູ່​ລາຍ​ການ​ສຽງ​ເພງ​ຈາກ​ແດນ​ໄກ​ຂອງ
ວີ​ໂອ​ເອ. ອີກ​ບໍ່​ດົນ ກໍຈະ​ຍ່າງ​ເຂົ້າລະ​ດູ​ໃບ​ໄມ້​ຫຼົ່ນ​ແລ້ວ…ອາ​ກາດ​ໃນ​ນະ​ຄອນ​ຫຼວງ
ວໍ​ຊີງ​ຕັນ​ດີ​ຊີ ກໍ​ເຢັນ​ແດ່​ເລັກ​ນ້ອຍແລ້ວ ແຕ່ແດດກໍ​ຍັງ​ອອກ​ຢູ່ຕາມເຄີຍ ແລະ​ກໍມີ​ຝົນ
​ແດ່​ເປັນບາງ​ມື້. ມື້ນີ້ ເຮົາຂໍ​ເລີ້ມ​ດ້ວຍ​ເພງ​ຂອງ​ນັກ​ຮ້ອງສາວ​ນ້ອຍ Selena Gomez
ໃນ​ບົດ​ເພງThe Heart Wants What it Wants ເຊີນ​ຮັບ​ຟັງ​ໄດ້. ຫວັງ​ວ່າ​ເພງ​ນີ້
ຄົງ​ຈະ​ຖືກໃຈ​ພວກ​ຊາວ​ໜຸ່ມ​ທັງ​ຫຼາຍ ເພາະ​ວ່າມັນ​ມີຄວາມໝາຍ​ວ່າ ຫົວ​ໃຈ​ຢາກເຮັດ​ ​
ໃນ​ສິ່ງ​ທີ່ມັນ​ຕ້ອງ​ການ.

ສ່ວນ​ເພງ ຕໍ່​ໄປ​ນີ້ ເປັນ​ເພງ​ຂອງ Tori Kelly ທີ່​ມີ​ຄວາມ​ໝາຍ​ວ່າ ມັນ​ໜ້າ​ຈະ​ເປັນ
​ພວກ​ເຮົາ ທີ່​ແປ​ມາ​ຈາກ​ຊື່ເພງ Should've Been Us. ເອົາ​ມາ​ຟັງ​ພ້ອມໆ​ກັນເລີຍ
ເໜາະທ່ານ ເພາະວ່າ​ ເວ​ລາເຮົາມີຈຳກັດ.

ບັດນີ້ເຮົາຂໍ​ປິດ​ທ້າຍ​ລາຍ​ການ​ ດ້ວຍ​ເພງຂອງ​ສາວໆ ຈັ່ງ​ໃດກໍ​ຫຼິ້​ນ​ເພງຂອງ​ສິນ​ລະ​ປິນ
​ສາວສອງ​ເພງ​ແລ້ວ ອີກ​ຕື່ມ​ເພງ​ນຶ່ງ ກໍ​ຄົງຈະ​ບໍ່​ເປັນ​ຫຍັງ​ເໜາະ. ເອົາ​ມາ​ຟັງ​ເພງ 22
ຂອງ​ສາວ​ນ້ອຍ Taylor Swift ທີ່​ເກັ່ງ​ກາດ​ຄົນ​ນຶ່ງ​ຂອງວົງ​ການ​ເພງອາ​ເມ​ຣິ​ກັນ​ທີ່ເລີ້ມ
ແຕ່ງ​ເພງຕັ້ງ​ແຕ່​ອາ​ຍຸ​ຍັງ​ນ້ອຍ. ຂໍ​ໃຫ້​ທຸກ​ໆ​ທ່ານ ຈົ່ງນອນ​ຫຼັບຝັນ​ດີ…ພົບ​ກັນ​ໃໝ່​ໃນ​ສັບ​ປະ​ດາ​ໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG