ລິ້ງ ສຳຫລັບເຂົ້າຫາ

logo-print

The Beatles ​- All My Loving


ພາບຂອງວົງດົນຕີ The Beatles, ຈາກຊ້າຍ, ຣິງໂກ ສຕາຣ໌ (Ringo Starr), ຈອນ ເລັນນັອນ (John Lennon), ພອລ ເມັກຄາຕີ (Paul McCartney) ແລະ ຈອຈ (George) ເດີນທາງມາຮອດສະໜາມບິນ ຈອນ ແອັຟ ເຄັນເນີດີ (John F. Kennedy) ທີ່ນະຄອນ ນິວຢອກ ໃນວັນທີ 7 ກຸມພາ 1964.
please wait

No media source currently available

0:00 0:11:36 0:00

ສະບາຍດີທຸກໆທ່ານ. ແລງມື້ນີ້ກໍເຊັ່ນເຄີຍ ເຮົາມີຄວາມຍິນດີຂໍຕ້ອນຮັບທ່ານຜູ້ຟັງ ເຂົ້າສູ່ລາຍການສຽງເພງຈາກແດນໄກຂອງວີໂອເອ. ນຶ່ງ​ສັບປະດາ ກ່ອນຈະ​ເຖິງ
​ວັນ​ສົງການ​ປີ​ໃໝ່ລາວ ວັນນະສອນ​ກໍຈະ​ຕ້ອງ​ໄດ້ຕຽມ​ຫາ​ເພງ​ມ່ວນໆແລະສະໜຸກໆ
​ມາ​ຝາກ​ທ່ານ​ຜູ້​ຟັງ ​ແລ້ວໃນ​ສັບປະດາ​ໜ້າ ຈຶ່ງຄ່ອຍ​ມາ​ຟັງ​ເພງ​ລາວ ​ກ່ຽວ​ກັບ​ບຸນ
ປີໃໝ່​ເໜາະ ຈະ​ຕຽມ​ຫາ​ໄວ້ ​ແລ້ວ​ຄ່ອຍ​ມາ​ຟັງນຳ​ກັນອີກ ເອົາ​ມື້​ນີ້​ຂໍ​ເລີ່​ມດ້ວຍ​ເພງ
ສະໜຸກ​ສະໜາ​ນຂອງ​ວົງ ຣ໊ອກລູກ​ທົ່ງ Florida Georgia Line ​ໃນ​ບົດ​ເພງ
Cruise ເອົາ ເຊີນມາ​ມ່ວນ​ນຳ​ກັນ​ເລີຍ.


ສ່ວນ​ເພງ​ຕໍ່​ໄປ​ນີ້ ​ແມ່ນ​ເປັນ​ແບບ R&B (Rhythm and Blue) ທີ່ Charlie Wilson
ຮ້ອງ​ເພງ​ນີ້ ​ໄດ້​ອາລົມ​ສຸດ​ຂີດ ​ເປັນ​ເພງ My Favorite Part of You ທີ່​ແປ​ວ່າ
ສ່ວນ​ທີ່ຂ້ອຍ​ມັກ​ທີ່​ສຸດໃນຕົວຂອງ​ເຈົ້າ. ຂໍ​ເຊີນ​ໄປ​ຟັງ​ພ້ອມໆ​ກັນ​ເລີຍ ​ແລະ​ກໍ​ຂໍ​ໃຫ້​
ຊຶ້ງ​ໄປ​ຕາມໆ​ກັນ. ສ່ວນ​ເພງ​ສຸດ​ທ້າຍ​ນີ້ ກໍ​ຕ້ອງໄດ້ຫວນ​ກັບ​ຄືນໄປ​ຟັງ​ເພງ​ດັງ​ໃນ
​ອະດີດ ກັນ​ກ່ອນ.

ວັນນະ​ສອນ​ວ່າ ຫຼາຍໆ​ທ່ານຈະ​ບໍ່​ຜິດ​ຫວັງ​ຢ່າງແນ່ນອນ ​ເປັນ​ເພງ​ຂອງ​ວົງ​ດົນຕີ​ດັງ​
ໃນ​ອະດີດ The Beatles ຈາກປະເທດອັງກິດ ​ແລະ​ເພງ​ນີ້ ​ມີຊື່ວ່າ All My Loving
ເປັນ​ເພງ​ສະໜຸກ​ສະໜາ​ນ ​ແລະຂໍ​ມອບ​ໃຫ້ທຸກ​ທ່ານ ​ທີ່​ມັກ​ຮັກ​ເພງ​ ໃນ​ຊຸມ​ປີ 1960 ພຸ້ນ.
ຢ່າ​ລືມ​ກັບ​ມາ​ມ່ວນ​ຊື່ນສະ​ຫຼອງ​ວັນ​ສົງການ​ປີ​ໃໝ່​ລາວ​ນຳ​ກັນ ໃນ​ສັບປະດາ​ໜ້າ. ຂໍ​ໃຫ້
​ທຸກໆ​ທ່ານຈົ່ງ​ນອນ​ຫລັບຝັນ​ຫວານ​ແລະ​ພົບ​ກັນ​ໃໝ່ ​ໃນ​ສັບປະດາ​ໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG