ລິ້ງ ສຳຫລັບເຂົ້າຫາ

ສະບາ​ຍດີ ທຸກໆ​ທ່ານ ເພງ​ທໍາ​ອິດຈັດຕາມ​ຄໍາ​ຂໍ​ຂອງທ່ານຜູ້ຟັງ
ຄືນນີ້ ແມ່ນ​ນ້ອງ​ຄົນ​ນຶ່ງ​ແຟນລາຍການ​ຂອງ​ວັນນະ​ສອນ ຂໍມາ.
ວັນນະສອນຄອບ​ປີ້​ຂໍ້ຄວາມ ສົ່ງທາງ​ອີ​ເມລຕໍ່​ມາ​ໃຫ້ ແຕ່​ບໍ່​ບ​ອກ​
ວ່າ​ຊື່​ຫຍັງ. ນ້ອງຄົນ​ນີ້​ຂໍ​ຟັງ​ເພງ​ທີ່​ກ່ຽວ​ກັບ​ບ້ານ​ເກີດ​ ​ເພາະ​ຈາກ
​ບ້ານ ຄື​ເມືອງ​ຫລວງ​ພະ​ບາງ ມາ​ຢູ່​ວຽງ​ຈັນ ​ເກືອບ 10 ປີ​ແລ້ວ
ຍັງ​ຄິດ​ຮອດບ້ານ​ຢູ່​ວ່າ​ຊັ້ນ. ເອົາ ເອື້ອຍຈັດເພງນີ້ໃຫ້ເລີຍ ເໝາະ
ທີ່ສຸດແລະກໍມ່ວນດ້ວຍ ຊື່ເພງ ຄິດເຖິງບ້ານເກີດ ຈາກການຂັບ
ຮ້ອງຂອງນັກ​ຮ້ອງ​ສາວ ທີ່ຊື່ແສງຈັນ. ຫວັງວ່ານ້ອງທີ່ຂໍຟັງມາ
ຄົງມັກ​ແລະ​ກໍາລັງ​ຟັງ​ຢູ່.



​ແຟນລາຍການ​ຂອງ​ວັນນະ​ສອນ​ອີກ​ຄົນ​ນຶ່ງ ຫລານທ້າວ​ຍົມ ທີ່​ບ້ານ​ພູລຸ້ງ ​ເມືອງ​ແບ​ງ ​
ແຂວງ​ອຸດົມ​ໄຊ ຂຽນ​ຈົດໝາຍ​ມາ​ຕັ້ງ​ແຕ່​ເດືອນ 12 ປີ​ກາຍ​ນີ້ ຫາ​ກໍ​ມາ​ຮອດ ຂໍ​ຟັງ​ເພງ​
ຂອງ​ບຸນ​ເກີດ ໜູ​ຫ່ວງ ​ແຕ່​ບໍ່​ບອກ​ວ່າ​ເພງ​ໃດ ຈຶ່ງ​ຂໍ​ມອບ​ເພງ​ນີ້​ໃຫ້​ກໍ​ແລ້ວ​ກັນ ຮັກສາວ
ຫົວພັນ.
ຫລານ​ຍົມບອກ​ວ່າ​ຂໍ​ຟັງ​ຮ່ວມ​ກັບ​ໂຄສົກວີ​ໂອ​ເອ​ໝົດ​ທຸກ​ຄົນ ຂອບ​ໃຈ​ຫລາຍໆ. ຫວັງ​ວ່າ​ຫລານຄົງ​ກໍ​ລັງ​ຟັງ​ຢູ່ ບໍ່​ດັ່ງ​ນັ້ນ​ກໍ​ຄົງ​ຈະ​ພາດ ບໍ່​ໄດ້​ຟັງ​ແນ່ນອນ ນອກ​ເສຍ​ຈາກ​
ວ່າ​ຈະ​ມີ​ຄອມ​ພິວ​ເຕີ ​ແລະ​ກັບ​ໄປ​ຟັງ​ໃນ​ລາຍການຜ່ານ​ມາ ຂອງ​ເຮົາ. ​ເອົາ ​ເຊີນ​ພົບ​ກັບ
ບຸນ​ເກີດ ໜູ່ຫວງ​ໄດ້​ເລີຍ ​ໃນ​ເພງ ຮັກສາ​ວຫົວພັນ.


​ເພງ​ສຸກ​ທ້າ​ຍນີ້ ​ຂ້າພະ​ເຈົ້າ​ຂໍ​ຈັດ​ໃຫ້​ນ້ອງ ລິ​ມພອນ ວົງຣາດສະ​ໄຫວ ຢູ່ສວິດເຊີແລນ
ທີ່​ສົ່ງ​ຄວາມ​ເຫັນເຖິງ ສຸດ​ທະ​ລິດ ກີ້​ຕ້າ​ຊ້າຍ ເຂົ້າ​ມາ​ທາງ​ໜ້າລາຍ​ການ​ເພງ​ ທີ່​ຂ້າພະ​ເຈົ້າ​ຈັດ​ສະ​ເໜີ​ໃນ​ອາທິດ​ແລ້ວ​ນີ້. ຄິດ​ວ່າ​ຄົງ​ມັກເພງ​ຂອງ​ສຸດ​ທະ​ລິດ ຄືກັນ​ກັບ​ຂ້າພະ​ເຈົ້າ ກໍ​ເລີຍ ​ຂໍ​ຈັດ​ຕື່ມໃຫ້​ຟັງ​ອີກ​ເພງ​ນຶ່ງ ມີ​ຄວາມ​ໝາຍ​ດີ​ຫລາຍ ຄື​ເພງ ພອນແຫ່ງຄວາມຫວັງ ຈາກ ທໍານອງເພງ Have I Told You Lately That I Love You ຊຶ່ງແປວ່າ ຕອນ ຫລັງໆນີ້ ຂ້ອຍໄດ້ບອກເຈົ້າບໍ່ວ່າຂ້ອຍຮັກເຈົ້າ? ແຕ່ເນື້ອຮ້ອງພາສາລາວ ແມ່ນມີຄວາມ ໝາຍຕ່າງໄປ ຄືເປັນເພງອວຍພອນໃຫ້ຄວາມຫວັງ ແລະກໍາລັງໃຈແກ່ຜູ້ທີ່ປະສົບກັບ ເຄາະກໍາ ຫລືຄວາມລໍາບາກຍາກແຄ້ນ. ວີໂອເອກໍຂໍເປັນກໍາລັງໃຈໃຫ້ບັນດາທ່ານຄືກັນ ແລະຂໍໃຫ້ຍຶດເອົາເນື້ອເພງນີ້ ເປັນຫລັກປະຕິບັດໃນການດໍາລົງຊີວິດ. ເຖິງຈະບໍ່ມີເງີນ ມີຄໍາຫລາຍ ແຕ່ກໍມີຄວາມສຸກໄດ້ ຖ້າໃຈເຮົາສະຫງົບແລະຕັ້ງໝັ້ນຢູ່ໃນຄວາມ​ພໍ​ພຽງ ​ແລະຄຸນຄວາມດີ ກໍຄືສ້າງແຕ່ຄວາມດີກັບທຸກໆຄົນ. ກະຂໍມອບເພງນີ້ໃຫ້ ນ້ອງ​ລິ​ມພອນ​ກັບທຸກໆທ່ານທີ່ກໍາລັງຟັງຢູ່ ພິ​ເສດ​ຫລານ​ອານຸລັກ ກັບ​ຄອບຄົວ​ແກ້ວມະນີ​ເດີ້ ທີ່​ມັກ​ຟັງ​ລາຍການ​ນີ້​ຂະ​ນະ​ກິນ​ເຂົ້າ​ແລງ​ຢູ່. ພົບ​ກັນ​ໃໝ່​ອາທິດ​ໜ້າ ລາ​ຕີ​ສະຫວັດ......

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG