ເພງ: "ຄິດເຖິງເມືອງລາວ" ໂດຍ ຈັນດາຣາ
ສະບາຍທ່ານຜູ້ຟັງທີ່ເຄົາລົບ ເພງທີ່ຫາກໍຈົບລົງໄປນັ້ນແມ່ນເພງ "ຄິດເຖິງເມືອງລາວ"
ຈາກສິນລະປິນສາວ ຈັນດາຣາ ຈາກປະເທດຝຣັ່ງເສດ ທີ່ອ້າຍກ໊ອກ ສຸຣິຍະເດດ ຈາກ
ການາດາ ຊຶ່ງແຕ່ງເພງນີ້ຂຶ້ນມາພິເສດ ແລະຫວັງວ່າໃນໂອກາດຕໍ່ໄປ ວັນນະສອນຄົງຈະ
ໄດ້ນໍາຜົນງານເພງຂອງ 6 ສິນລະປີນ ທີ່ອ້າຍກ໊ອກ ສຸຣິຍະເດດ ແຕ່ງຂຶ້ນມາສະເພາະ
ໃຫ້ສິນລະປິນລາວໃນທົ່ວໂລກໄດ້ມາຮ້ອງຮ່ວມກັນ ຊຶ່ງວັນນະສອນຈະໄດ້ນໍາມາສະເໜີ
ທ່ານຕໍ່ໄປ. ພ້ອມດຽວກັນນີ້ ວັນນະສອນຂໍເນະນໍາຜົນງານເພງຂອງ ສິນລະປິນສາວ
ວຽງໄຊ ວີນາ ສະຫວັນ ຈາກການາດາ ໃນບົດເພງ "ຄົນກາງຄືນ" ຂໍເຊີນທຸກໆທ່ານ
ຮ່ວມຟັງເພງພ້ອມໆກັນເລີຍ.
ເພງ: "ຄົນກາງຄືນ" ໂດຍ ວຽງໄຊ ວີນາ ສະຫວັນ
ວັນນະສອນຂໍອໍາລາ ດ້ວຍເພງນີ້ "16 ຈາວໄຕ” ຊຶ່ງສິນລະປິນ, ນັກຮ້ອງ, ນັກແຕ່ງເພງ ອ້າຍເພັດສະກຸນ ໄດ້ຝາກເພງນີ້ມອບໃຫ້ແກ່ທ່ານຜູ້ຟັງທຸກໆທ່ານ ພິເສດສຸດທ່ານຜູ້ຟັງ VOA ແລະວ່າຄົງຈະຄິດຮອດຄວາມຫຼັງ ດັ່ງເນື້ອໄນຂອງເພງນີ້. ວັນນະສອນຫັວງວ່າ ອ້າຍເພັດສະກຸນ ຄົງຈະໄດ້ມີຜົນງານໃໝ່ໆອອກມາໃຫ້ພວກເຮົາໄດ້ຊື່ນຊົມກັນ ຂໍໃຫ້ທຸກໆທ່ານນອນຫຼັບຝັນດີ.
ເພງ: "16 ຈາວໄຕ" ໂດຍ ເພັດສະກຸນ
