ພວກເຈົ້າໜ້າທີ່ກ່າວວ່າ ຊາວມຸສລິມໂຣຮິງຢາ ທີ່ຫິວໂຫຍແລະອ່ອນເພຍ ຫຼາຍ ກວ່າ 100 ຄົນ ໄດ້ພົບເຫັນ ຢູ່ຫາດຊາຍ ໃນພາກເໜືອສຸດ ຂອງແຂວງອາເຊ (Aceh) ປະເທດອິນໂດເນເຊຍ ຫຼັງຈາກໄດ້ເດີນທາງຢູ່ໃນທ້ອງທະເລຫຼາຍເປັນເວລາອາທິດ. ທ້າວບາດຣຸດດິນ ຢູນຸສ (Badruddin Yunus) ຜູ້ນຳປະຊາຄົມຊົນເຜົ່ານຶ່ງທີ່ຫາປາຢູ່ໃນທ້ອງຖິ່ນ ກ່າວວ່າ ຊາວໂຣຮິງຢາກຸ່ມດັ່ງກ່າວໄດ້ໄປເຖິງຫາດຊາຍຈັງກາ (Jangka) ໃນວັນອາທິດວານນີ້ ໃກ້ກັບບ້ານອາລູ ບູຢາ ປາຊີ (Alue Buya Pasi) ຊຶ່ງເປັນບ້ານຊາວປະມົງໃນເຂດເມືອງບີເຣີນ (Bireuen.)
ພວກຊາວບ້ານໄດ້ເຫັນຊາວໂຣຮິງຢາ 114 ຄົນ ຢູ່ເຮືອໄມ້ທີ່ຊຸດໂຊມ ໄດ້ຊ່ວຍເຂົາເຈົ້າຂຶ້ນມາແຄມຝັ່ງ ແລະໄດ້ລາຍງານ ການໄປເຖິງຂອງເຂົາເຈົ້າ ໃຫ້ພວກເຈົ້າໜ້າທີ່ຊາບ. ໃນນັ້ນ ມີຜູ້ຊາຍ 58 ຄົນ ແມ່ຍິງ 21 ຄົນແລະເດັກນ້ອຍ 35 ຄົນ ໄດ້ຖືກຈັດບ່ອນພັກພາອາໄສໃຫ້ ແລະໄດ້ຮັບການຊ່ວຍເຫຼືອຈາກຊາວບ້ານ ຕຳຫຼວດ ແລະທະຫານ ໃນຂະນະທີ່ພວກເຈົ້າໜ້າທີ່ ໃນເຂດທ້ອງຖິ່ນ ຮວມທັງໜ່ວຍປະຕິບັດງານຕໍ່ຕ້ານໄວຣັສໂຄໂຣນາ ໄດ້ຊ່ວຍດຳເນີນການ ໃນການອອກ ໜັງສືໃຫ້ແກ່ເຂົາເຈົ້າ ອີງຕາມລາຍງານຂອງອົງການຂ່າວເອພີ.
Officials say more than 100 hungry and weak Rohingya Muslims were found on a beach in Indonesia's northernmost province of Aceh after weeks at sea. Badruddin Yunus, the leader of the local tribal fishing community, said the group arrived Sunday at Jangka beach near Alue Buya Pasi, a fishing village in Bireuen district. The villagers who saw the 114 ethnic Rohingya on a rickety wooden boat helped them to land and then reported their arrival to authorities. The 58 men, 21 women and 35 children were given shelter and received help from villagers, police and military, while local authorities including the coronavirus task force were helping to process them.
