ບັນດາເຈົ້າໜ້າທີ່ຮັກສາຄວາມປອດໄພຂອງອີຈິບ ກ່າວວ່າ
ພວກຫົວຕໍ່ສູ້ໄດ້ສັງຫານຕໍາຫລວດ ຢ່າງໜ້ອຍ 24 ຄົນ ຢູ່ໃນ
ແຫລມ Sinai ບ່ອນທີ່ໄດ້ມີການໂຈມຕີເກີດຂື້ນ ເກືອບວ່າ
ທຸກມື້ ນັບຕັ້ງແຕ່ທະຫານໄດ້ຂັບໄລ່ ປະທານາທິບໍດີ
Mohamed Morsi ອອກ ໃນເດືອນແລ້ວນີ້.
ການໂຈມຕີດັ່ງກ່າວເກີດຂື້ນໃນຕອນເຊົ້າວັນຈັນມື້ນີ້ ເວລາ
ພວກຫົວຕໍ່ສູ້ຍິງຈະຫລວດໃສ່ລົດເມສອງຄັນ ໃກ້ກັບເມືອງ
Rafah ທີ່ຕັ້ງຢູ່ເລາະຊາຍແດນຕິດກັບເຂດ Gaza.
ຄວາມຮຸນແຮງໄດ້ເກີດຂື້ນ ໃນຂະນະທີ່ນັກການທູດສະຫະພາບຢູໂຣບ ພົບປະກັນຢູ່ນະຄອນເຈນີວາ ເພື່ອປຶກສາຫາລືກ່ຽວກັບວິກິດການໃນອີຈິບ ຊຶ່ງໃນອາທິດແລ້ວນີ້ ໄດ້ເກີດຄວາມຮຸ່ນແຮງຢູ່ໃນເມືອງຫລວງໄຄໂຣ ແລະເມືອງອື່ນໆໃນທົ່ວປະເທດ.
ສະຫະພາບຢູໂຣບ ກໍາລັງພິຈາລະນະທົບທວນຄືນເບິ່ງ ການຊ່ວຍເຫລືອມູນຄ່າ 6,700 ລ້ານໂດລາແກ່ອີຈິບ ໃນຂະນະທີ່ບັນດານັກການທູດ ກົດດັນໃຫ້ພວກຜູ້ນໍາອີຈິບ ຊອກຫາທາງອອກ ທີ່ສັນຕິແລະກວມເອົາທຸກພັກຝ່າຍ.
ວີ່ແວວຂອງຄວາມເປັນປົກກະຕິ ໄດ້ກັບຄືນມາສູ່ກຸງໄຄໂຣ ໃນວັນອາທິດວານນີ້ ໃນຂະນະທີ່ຜູ້ບັນຊາການທະຫານ ໄດ້ເຕືອນວ່າ ຈະບໍ່ປ່ອຍໃຫ້ມີການກໍ່ຄວາມຮຸ່ນແຮງໃໝ່ໃດໆ.
ນາຍພົນ Abdel Fatah el-Sissi ຫົວໜ້າກອງທັບ ຂູ່ວ່າຈະໃຊ້ກໍາລັງຕ້ານ ການໂຈມ
ຕີໃດໆຂອງພວກປະທ້ວງ ຕໍ່ຕຶກອາຄານຂອງລັດຖະບານ ແຕ່ກໍກ່າວວ່າ ທະຫານບໍ່ມີຄວາມຕັ້ງໃຈທີ່ຈະກໍາອໍານາດ.
ທ່ານຍັງໄດ້ຮຽກຮ້ອງໃຫ້ ບັນດາຜູ້ສະໜັບສະໜຸນປະທານາທິບໍດີ Mohammed Morsi ທີ່ຖືກຂັບໄລ່ອອກໄປນັ້ນ ຈົ່ງເຂົ້າມາຮ່ວມການດໍາເນີນທາງການເມືອງ ໂດຍກ່າວວ່າ “ຍັງມີບ່ອນຫວ່າງ ສໍາລັບທຸກໆຄົນ.”
ພວກຫົວຕໍ່ສູ້ໄດ້ສັງຫານຕໍາຫລວດ ຢ່າງໜ້ອຍ 24 ຄົນ ຢູ່ໃນ
ແຫລມ Sinai ບ່ອນທີ່ໄດ້ມີການໂຈມຕີເກີດຂື້ນ ເກືອບວ່າ
ທຸກມື້ ນັບຕັ້ງແຕ່ທະຫານໄດ້ຂັບໄລ່ ປະທານາທິບໍດີ
Mohamed Morsi ອອກ ໃນເດືອນແລ້ວນີ້.
ການໂຈມຕີດັ່ງກ່າວເກີດຂື້ນໃນຕອນເຊົ້າວັນຈັນມື້ນີ້ ເວລາ
ພວກຫົວຕໍ່ສູ້ຍິງຈະຫລວດໃສ່ລົດເມສອງຄັນ ໃກ້ກັບເມືອງ
Rafah ທີ່ຕັ້ງຢູ່ເລາະຊາຍແດນຕິດກັບເຂດ Gaza.
ຄວາມຮຸນແຮງໄດ້ເກີດຂື້ນ ໃນຂະນະທີ່ນັກການທູດສະຫະພາບຢູໂຣບ ພົບປະກັນຢູ່ນະຄອນເຈນີວາ ເພື່ອປຶກສາຫາລືກ່ຽວກັບວິກິດການໃນອີຈິບ ຊຶ່ງໃນອາທິດແລ້ວນີ້ ໄດ້ເກີດຄວາມຮຸ່ນແຮງຢູ່ໃນເມືອງຫລວງໄຄໂຣ ແລະເມືອງອື່ນໆໃນທົ່ວປະເທດ.
ສະຫະພາບຢູໂຣບ ກໍາລັງພິຈາລະນະທົບທວນຄືນເບິ່ງ ການຊ່ວຍເຫລືອມູນຄ່າ 6,700 ລ້ານໂດລາແກ່ອີຈິບ ໃນຂະນະທີ່ບັນດານັກການທູດ ກົດດັນໃຫ້ພວກຜູ້ນໍາອີຈິບ ຊອກຫາທາງອອກ ທີ່ສັນຕິແລະກວມເອົາທຸກພັກຝ່າຍ.
ວີ່ແວວຂອງຄວາມເປັນປົກກະຕິ ໄດ້ກັບຄືນມາສູ່ກຸງໄຄໂຣ ໃນວັນອາທິດວານນີ້ ໃນຂະນະທີ່ຜູ້ບັນຊາການທະຫານ ໄດ້ເຕືອນວ່າ ຈະບໍ່ປ່ອຍໃຫ້ມີການກໍ່ຄວາມຮຸ່ນແຮງໃໝ່ໃດໆ.
ນາຍພົນ Abdel Fatah el-Sissi ຫົວໜ້າກອງທັບ ຂູ່ວ່າຈະໃຊ້ກໍາລັງຕ້ານ ການໂຈມ
ຕີໃດໆຂອງພວກປະທ້ວງ ຕໍ່ຕຶກອາຄານຂອງລັດຖະບານ ແຕ່ກໍກ່າວວ່າ ທະຫານບໍ່ມີຄວາມຕັ້ງໃຈທີ່ຈະກໍາອໍານາດ.
ທ່ານຍັງໄດ້ຮຽກຮ້ອງໃຫ້ ບັນດາຜູ້ສະໜັບສະໜຸນປະທານາທິບໍດີ Mohammed Morsi ທີ່ຖືກຂັບໄລ່ອອກໄປນັ້ນ ຈົ່ງເຂົ້າມາຮ່ວມການດໍາເນີນທາງການເມືອງ ໂດຍກ່າວວ່າ “ຍັງມີບ່ອນຫວ່າງ ສໍາລັບທຸກໆຄົນ.”
