ລິ້ງ ສຳຫລັບເຂົ້າຫາ

logo-print

ອອສເຕຣເລຍ ຖືກຕ້ອງຕິ ກ່ຽວກັບ ນະໂຍບາຍໃຫ້ລີ້ໄພ (ສະໄລດ໌/ວີດິໂອ ພາສາລາວ/ອັງກິດ)


ເບິ່ງວີດິໂອລາຍງານນີ້ ເປັນພາສາລາວ.

ເຈົ້າໜ້າທີ່ອິນໂດເນເຊຍເວົ້າວ່າ ມີຜູ້ຊອກຂໍລີ້ໄພ 189 ຄົນ ຖືກ
ຊ່ວຍຊີວິດໄວ້ໄດ້ ຫຼັງຈາກເຮືອທີ່​ເຂົາ​ເຈົ້າ​ຂີ່​ມານັ້ນ ຫຼົ້ມຢູ່ນອກຝັ່ງ
ເມື່ອວັນອັງຄານ​ແລ້ວ​ນີ້. ເຈົ້າໜ້າທີ່ໜ່ວຍຍາມຝັ່ງເວົ້າວ່າ ມີຜູ້ ເສຍຊີວິດຢ່າງໜ້ອຍເກົ້າຄົນ. ຊາວອົບພະຍົບ​ເຫລົ່ານັ້ນ ພະຍາ
ຍາມຈະໄປ​ໃຫ້ເຖິງເກາະ Christmas ຊຶ່ງເປັນເກາະນຶ່ງຂອງ
ອອສເຕຣເລຍ ທີ່ຫາກໍໄດ້ຈັດຕັ້ງປະຕິບັດນະໂຍບາຍ ໃໝ່ ທີ່ຂັດ
ຂວາງ​ບໍ່​ໃຫ້ພວກ​ອົບ​ພະຍົບທີ່​ເດີນທາງ​ມາ​ທາງ​ເຮືອ ຍື່ນຄໍາຮ້ອງ
ຂໍລີ້ໄພ ຢູ່​ທີ່​ເກາະນັ້ນ​ໄດ້. ຕາມທີ່ Henry Ridgwell ຜູ້ສື່ຂ່າວ
ວີໂອເອ ລາຍງານ ຈາກລອນດອນ ປະເທດອັງກິດນັ້ນ ກໍແມ່ນ
ວ່າ ກຸ່ມສິດທິມະນຸດ ພາກັນກ່າວໂຈມຕີນະໂຍບາຍໃໝ່ຂອງ
ອອສເຕຣ​ເລຍຢ່າງໃຫຍ່ ຊຶ່ງທອງປານຈະນໍາເອົາລາຍລະອຽດ
ຂອງເລຶ່ອງນີ້ ມາສະເໜີ ທ່ານ ໃນອັນດັບຕໍ່ໄປ
.
ລິງໂດຍກົງ

ເບິ່ງວີດິໂອ ກ່ຽວກັບລາຍງານນີ້:


ພວກລອດຊີວິດມາ​ຈາກເຮືອຈົມນໍ້າ ທີ່ມີອາການອິດເມື່ອຍ ອ່ອນເພຍ ແລະຂາດນໍ້ານັ້ນ
ຖືກ​ພາ​ໄປ​ພັກຢູ່ບ່ອນອາໄສຊົ່ວຄາວ ເມື່ອວັນພຸດ​ແລ້ວ​ນີ້ ຢູ່ທີ່ໝູ່ບ້ານ Cidaun, ແຂວງ West Java ໃນປະເທດອິນໂດເນເຊຍ. ​ໃນ​ນັ້ນ ມີ​ເດັກນ້ອຍ​ແລະແມ່ຍິງ​ຖືພາ​ມານ ຫຼາຍຄົນ​.

ພວກ​ລອດ​ຊີວິດ​ສ່ວນ​ໃຫຍ່​ເວົ້າ​ວ່າ ​ເຂົ​າເຈົ້າມາຈາກອີຣັກ ອີຣ່ານ ແລະສີລັງກາ. ເຮືອ
ຂອງພວກເຂົາເຈົ້າກໍາລັງມຸ້ງໜ້າໄປຍັງເກາະ Christmas ຊຶ່ງເປັນອານາເຂດຂອງອອສ
ເຕຣເລຍນັ້ນ ຫລັງ​ຈາກ​ອອກເດີນທາງມາຈາກ ປະເທດ Papua New Guinea ​ທີ່ຕັ້ງ​ຢູ່​
ເຄິ່ງຕາ​ເວັນ​ອອກ​ຂອງ​ເກາະ New Guinea ​ ຊຶ່ງ​ເຄິ່ງຕາ​ເວັນ​ຕົກ​ເປັນດິນ​ແດນ​ຂອງ​ອິນ​ໂດ​ເນ​ເຊຍ​.

ເມື່ອອາທິດກ່ອນ​ນັ້ນ ອອສເຕຣເລຍໄດ້ເຊັນຂໍ້ຕົກລົງສະບັບນຶ່ງກັບ Papua New
Guinea ທີ່ບົ່ງວ່າ ພວກ​ຊອກຂໍລີ້ໄພ ທີ່ເດີນທາງມາທາງເຮືອນັ້ນ ຈະບໍ່ໄດ້ຮັບອະນຸຍາດ ໃຫ້ຕັ້ງຖິ່ນຖານຢູ່ໃນອອສເຕຣເລຍ ເຖິງແມ່ນພວກ ເຂົາເຈົ້າຈະມີ​ເງື່ອນ​ໄຂເປັນຊາວອົບ ພະຍົບກໍຕາມ ແຕ່ກົງກັນຂ້າມ ພວກເຂົາເຈົ້າຈະຖືກສົ່ງໄປຍັງ Papua New Guinea.

ທ່ານ Kevin Rudd ນາຍົກລັດຖະມົນຕີອອສເຕຣເລຍ ເວົ້າວ່າ ເຫດການເຮືອຫລົ້ມເມື່ອ ວັນອັງຄານຜ່ານມານັ້ນ ພໍພິສູດໃຫ້ເຫັນແລ້ວວ່າ ຈໍາເປັນຕ້ອງມີນະໂຍບາຍທີ່ເຄ່ງຄັດ.

ທ່ານ ຣັດ ເວົ້າວ່າ: “ເຫດການນີ້ ແມ່ນເນັ້ນຢໍ້າເຖິງຄວາມຈໍາເປັນຕ້ອງມີການ
ປ່ຽນແປງນະໂຍບາຍໃນອອສເຕຣເລຍ ກ່ຽວກັບນະໂບາຍຜູ້ຂໍລີ້ໄພໃນດິນແດນ
ອອສເຕຣເລຍ ​ແລະ​ຕ້ອງເປັນ​ນະ​ໂຍບາຍ​ທີ່ສົ່ງຂໍ້ຄວາມອັນແຈ້ງຂາວໄປຍັງ
ພວກລັກລອບຂົນສົ່ງມະນຸດ ວ່າ​ເຂົາ​ເຈົ້າ​ຕ້ອງຍຸຕິການສົ່ງຄົນມາຍັງອອສເຕຣ
ເລຍ ໂດຍທາງເຮືອ. ພວກເຮົາໄດ້ເຫັນຄົນຈົມນໍ້າຕາຍຫລາຍ​ເກີນ​ໄປ​ແລ້ວ
ເຫັນເຮືອຫລົ້ມຫຼາຍເກີນໄປ​ ​ແລະ​ເຫັນຄົນຫາຍສາບສູນຢູ່ໃນທະເລ ຫລາຍ​
ເກີນ​ໄປ​ແລ້ວ.”


ກ່ອນໜ້ານີ້ ມີເຮືອລໍານຶ່ງ ທີ່ບັນທຸກພວກ​ຊອກ​ຂໍລີ້​ໄພ ​ເດີນທາງໄປເຖິງເກາະ Christmas
ເມື່ອວັນທີ 20 ເດືອນກໍລະກົດນີ້. ພວກອົບ​ພະຍົບ​ເຫລົ່າ​ນັ້ນແມ່ນຈຸທໍາອິດ ທີ່​ໃບຄໍາຮ້ອງຂໍ
ລີ້ໄພຂອງພວກເຂົາເຈົ້າຖືກ​ສົ່ງ​ໄປ​ Papua New Guine ຕາມຂໍ້ຕົກລົງກັນສະບັບໃໝ່ນັ້ນ.

ຂໍ້ຕົກລົງດັ່ງກ່າວນີ້ ​ໄດ້ຍັງຜົນໃຫ້ເກີດຄື້ນຟອງການປະທ້ວງຂຶ້ນມາໃນທັນທີ. Livio Zilli ເປັນທະນາຍຄວາມຊ່ວຍອົບພະຍົບ ຈາກອົງການ ນີລະໂທດກໍາສາກົນ Amnesty International.

ທ່ານ Zilli ເວົ້າວ່າ:“​ເປັນ​ທີ່​ແລ​ເຫັນ​ໄດ້​ວ່າ ພວກເຂົາເຈົ້າຈະຖືກກັກຕົວໄວ້ໂດຍ
ບໍ່ມີກໍານົດ. ພວກເຮົາບໍ່ຮູ້ວ່າ ຂັ້ນຕອນທັງ​ໝົດ​ຂອງການພິຈາລະນາຄໍາຮ້ອງຂໍ
ລີ້ໄພນັ້ນ ຈະໃຊ້ເວລາດົນນານສໍ່າໃດ. ສະນັ້ນ ພວກເຈົາຈຶ່ງເປັນຫ່ວງຫຼາຍ
ນໍາພວກຄົນເຫຼົານີ້. ປະການທີ່ສອງ ພວກເຮົາເປັນຫ່ວງນໍາ ກໍຍ້ອນມັນ​ເທົ່າ​
ກັບວ່າ ອອສເຕຣເລຍກໍາລັງ​ເລືອກວິທີ ທີ່​ຈະປະຕິບັດພັນທະນານາຊາດ
ຂອງຕົນ ຕາມ​ທີ່​ຕົນ​ມັກ.”



ທ່ານ Gary Juffa ຜູ້ປົກຄອງລັດ Oro ໃນປະເທດປາປົວ ນີວ ກີນີ ບໍ່​ແນ່​ໃຈວ່າ ປະເທດ ຂອງທ່ານ ຈະໄດ້ຫຍັງ ຈາກຂໍ້ຕົກລົງອັນນີ້?

ທ່ານ Juffa ເວົ້າວ່າ: “ໂດຍການຮັບເອົາຂໍ້ຕົກລົງນີ້ ແມ່ນພວກເຮົາເຮັດໄປຕາມ
ທີ່ລັດຖະບານອອສເຕຣເລຍບອກ ຫຼືວ່າພວກເຮົາເຮັດເຊັ່ນນີ້ ຍ້ອນພວກເຮົາຮູ້
ສຶກວ່າພວກເຮົາຊ່ວຍອອສເຕຣເລຍບໍ? ຖ້າເປັນດັ່ງນັ້ນແລ້ວ ຄ່າໃຊ້ຈ່າຍຫຼາຍ
ປານໃດ ພວກ​ເຮົາ​ຕ້ອງ​ເສຍ​ຫຍັງ​ແດ່ ​ແລະ​ຈະໄດ້ຜົນປະໂຫຍດຫຍັງແດ່?”


ອອສເຕຣເລຍ ຈະ​ເປັນ​ຜູ້ອອກເງິນທຶນ ສໍາລັບໂຄງການຂະຫຍາຍໃຫຍ່ ສູນກັກຂັງ
Manus ຢູ່ປາປົວ ນີວ ກີນີ ນັ້ນ. ລາຍງານຂອງສະຫະ​ປະຊາ​ຊາ​ດສະບັບນຶ່ງເມື່ອບໍ່ດົນ
ມານີ້ ພົບເຫັນຂໍ້ບົກຜ່ອງຫລາຍ​ຢ່າ​ງ ຢູ່ສູນກັກຂັງດັ່ງກ່າວ. ທ່ານ Livio Zilli ແຫ່ງອົງ
ການນີລະໂທດກໍາສາກົນ ເວົ້າວ່າ ອອສເຕຣເລຍຕ້ອງໄດ້ປ່ຽນແປງທິດທາງ.

ທ່ານ Zilli ເວົ້າວ່າ: “ທຸກໆຄົນທີ່ເດີນທາງ​ໄປເຖິງອອສເຕຣເລຍ ຫຼືຊາຍຝັ່ງອອສ
ເຕຣເລຍ ບໍ່ວ່າຈະ​ໄປດ້ວຍທາງໃດກໍຕາມ ຄວນຈະໄດ້ຮັບອະນຸຍາດໃຫ້​ຊົມ​ໃຊ້​
ວິທີການຂ້ອງ​ຂໍ​ເອົາສະຖານະພາບຊາວອົບພະຍົບຢ່າງມີປະສິດທິຜົນ ຢູ່ໃນ
ແຜ່ນດິນໃຫຍ່ອອສເຕຣເລຍ.”


ອອສເຕຣເລຍເວົ້າວ່າ ມີພວກຊອກຂໍລີ້ໄພຫຼາຍກວ່າ 15,000 ຄົນແລ້ວ ທີ່​ເດີນທາງ​ໄປ
ເຖິງອານາເຂດຂອງອອສເຕຣເລຍໂດຍທາງເຮືອໃນປີນີ້. ນັບຕັ້ງແຕ່ປີ 2001 ເປັນຕົ້ນມາ
ມີປະມານ 1,000 ຄົນ ທີ່ເສຍຊີວິດໃນລະຫວ່າງການເດີນທາງຂ້າມ​ນໍ້າ​ຂ້າມ​ທະ​ເລມານັ້ນ.

ລັດຖະບານອອສເຕຣເລຍໄດ້ຜະລິດວີດີ​ໂອ ອອກ​ເຜີຍ​ແຜ່ທາງອິນເທີເນັດ ​ເປັນຫຼາຍໆ
ພາສາດ້ວຍກັນ ໂຮມທັງພາສາ Farsi ແລະພາສາຫວຽດນາມ ທີ່ເຕືອນວ່າ ພວກອົບ​ພະ
ຍົບທີ່ເດີນທາງມາຍັງອອສເຕຣເລຍໂດຍທາງເຮືອ ຈະບໍ່ໄດ້ຮັບອະນຸຍາດໃຫ້ຕັ້ງຖິ່ນຖານ
ຢູ່ໃນອອສເຕຣເລຍ.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG