ບັນດາປະເທດ ສະຫະພາບຢູໂຣບ ໄດ້ໃຫ້ການອະນຸມັດຕໍ່
ແຜນປະຕິບັດງານຮ່ວມກັບເທີກີ ໃນຄວາມຫວັງ ທີ່ຈະຫຼຸດ
ຜ່ອນການຫລັ່ງໄຫລຂອງພວກອົບພະຍົບເຂົ້າສູ່ຢູໂຣບ.
ເຖິງແມ່ນໃນຂະນະທີ່ບັນດາຜູ້ນຳ ໄດ້ອະພິປາຍກັນກ່ຽວ
ກັບແຜນການ ຢູ່ທີ່ກອງປະຊຸມສຸດຍອດ ໃນນະຄອນ
Brussels ໃນວັນພະຫັດວານນີ້ ອົບພະຍົບຈາກອັຟກາ-
ນິສຖານຄົນໜຶ່ງ ໄດ້ຖືກຍິງຕາຍ ໃນການປະທະກັນລະ
ຫວ່າງພວກອົບພະຍົບແລະຕຳຫຼວດຊາຍແດນ ທີ່ຊາຍ
ແດນ ບຸລກາເຣຍຕິດກັບເທີກີ.
ການເສຍຊີວິດນີ້ ເຊື່ອວ່າເປັນເຫດການເທື່ອທຳອິດ ໃນລະຫວ່າງວິກິດການດັ່ງກ່າວ
ທີ່ໄດ້ເຮັດໃຫ້ປະທານາທິບໍດບຸລກາເຣຍ ທ່ານ Boyko Borisov ບິນກັບຄືນປະເທດ
ຈາກກອງປະຊຸມສຸດຍອດ.
ອົບພະຍົບເກືອບ 600,000 ຄົນໄດ້ໄປເຖິງຢູໂຣບ ໂດຍທາງທະເລ ໃນປີນີ້ ຫລາຍຄົນ
ໄດ້ພາກັນເດີນທາງແຕ່ເທີກີ ໄປຫາກຣິສ ກ່ອນມຸ້ງໜ້າໄປທາງເໜືອ.
ຫລັງຈາກກອງປະຊຸມສຸດຍອດ ປະທານສະພາຢູໂຣບ ທ່ານ Donald Tusk ໄດ້ກ່າວຕໍ່
ບັນດານັກຂ່າວວ່າ “ກ່ອນອື່ນໝົດ ອະນຸຍາດໃຫ້ ຂ້າພະເຈົ້າ ສະແດງຄວາມຫວັງ ດ້ວຍ
ຄວາມລະມັດລະວັງ ໄປໃນທາງທີ່ດີ ແລະຂ້າພະເຈົ້າຕ້ອງໄດ້ ຄຳວ່າ “ລັດມັດລະວັງ.”
ພາຍໃຕ້ແຜນການດັ່ງກ່າວ ເທີກີໄດ້ຕົກລົງທີ່ຈະປາບປາມພວກລັກລອບຜ້ຄົນ ແລະເອົາ
ມາດຕະການບໍ່ໃຫ້ອົບພະຍົບຫລາຍລ້ານຄົນເຂົ້າໄປຢູໂຣບ.
ເພື່ດເປັນການຕອບແທນ ສະຫະພາບຢູໂຣບເຫັນດີ ທີ່ຈະເລັ່ງລັດຂັ້ນຕອນ ໃນ ການອອກ
ວີຊາແກ່ຊາວເທີກີ ທີ່ຕ້ອງການໄປຢ້ຽມຢາມ ສະຫະພາບຢູໂຣບ ແລະເປີດການເຈລະຈາ
ໃນການເຂົ້າເປັນສະມາຊິກຂອງເທີກີ ໃນສະຫະພາບຢູໂຣບ.
ນອກນັ້ນ ເທີກີຍັງໄດ້ຮຽກຮ້ອງຂໍການຊ່ວຍເຫລືອໃໝ່ 3 ພັນ 4 ຮ້ອຍລ້ານໂດລາ ແຕ່
ປະທານຄະນະກຳມາທິການຢູໂຣບ ທ່ານ Jean-Claude Juncker ກ່າວວ່າ ໂຕເລກດັ່ງກ່າວ ຈະຕ້ອງມີການເຈລະຈາກັນຕື່ມ.
