ກອງປະຊຸມສຸດຍອດຂອງ 4 ປະເທດ ສະມາຊິກຄະນະກຳມາ
ທິການແມ່ນ້ຳຂອງສາກົນຊຶ່ງມີກຳປູເຈຍ ສປປ ລາວ ໄທ ແລະ
ຫວຽດນາມ ໄດ້ສະຫລຸບວ່າ ມີຄວາມຈຳເປັນ ທີ່ຈະຕ້ອງໄດ້ທຳ
ການສຶກສາຕື່ມ ກ່ຽວກັບບັນຫາທ້າທາຍ ທີ່ເພີ້ມທະວີຂຶ້ນນັບມື້ ຂອງການເຕີບໂຕຂອງປະຊາກອນ ຄວາມຕ້ອງການນ້ຳ ແລະ
ຜົນກະທົບຈາກການປ່ຽນແປງຂອງດິນຟ້າອາກາດ ທີ່ມີຕໍ່ເຂດ
ລຸ່ມແມ່ນ້ຳຂອງນັ້ນ. Ron Corben ຜູ້ສື່ຂ່າວວີໂອເອລາຍງານ
ມາຈາກບາງກອກ ວ່າ 2 ໂຄງການເຂື່ອນໄຟຟ້າພະລັງນ້ຳທີ່ປະ
ເທດລາວ ກຳລັງຈະສ້າງຂຶ້ນ ແມ່ນໄດ້ຮັບ ຄວາມສົນໃຈ ເປັນພິ
ເສດ ໂດຍທີ່ຫວຽດນາມກົດດັນໃຫ້ລາວເລື່ອນເວລາໃນການກໍ່
ສ້າງອອກໄປ ຈົນກວ່າການສຶກສາຈະເສັດສິ້ນລົງ ໃນປີ 2015. ໄພສານຈະນຳເອົາ ລາຍລະອຽດຂອງເລື່ອງນີ້ ມາສະເໜີທ່ານ ໃນອັນດັບຕໍ່ໄປ.
ກອງປະຊຸມລະດັບລັດຖະມົນຕີ ຄັ້ງທີ 2 ຂອງຄະນະກຳມາທິການແມ່ນ້ຳຂອງສາກົນ ຫລື MRC ໄດ້ຖືກຄອບງຳໂດຍການຮຽກຮ້ອງ ໃຫ້ມີການຮ່ວມມືກັນຕື່ມຂຶ້ນ ເພື່ອໃຫ້ຄວາມຄຸ້ມ ຄອງແຫຼ່ງຊັບພະຍາກອນນ້ຳທີ່ມີຄວາມຫຼໍ່ແຫຼມສຳຄັນ ຢູ່ໃນແມ່ນ້ຳຂອງ.
ນາຍົກລັດຖະມົນຕີຫວຽດນາມ ທ່ານ Nguyen Tan Dung ກ່າວວ່າ ການເສີມຂະຫຍາຍ ການຮ່ວມມືຢູ່ໃນຂົງເຂດ ແມ່ນຈຳເປັນເພື່ອຄ້ຳປະກັນການພັດທະນາແບບຍືນຍົງ ຢູ່ຕາມ ເຂດສອງຟາກຝັ່ງແມ່ນ້ຳຂອງ ໂດຍໄດ້ເຕືອນເຖິງ ຜົນກະທົບໃນທາງລົບຢ່າງຮ້າຍແຮງ ທີ່ ຈະປະເຊີນໜ້າຂົງເຂດດັ່ງກ່າວ. ທ່ານໄດ້ຊີ້ໃຫ້ເຫັນເຖິງຄວາມກົນດັນທີ່ມີເພີ້ມຂຶ້ນຕໍ່ຊັບພະ ຍາກອນນ້ຳແລະຊັບພະຍາກອນທີ່ກ່ຽວຂ້ອງອື່ນໆ ຢູ່ໃນເຂດອ່າງແມ່ນ້ຳຂອງ ຊຶ່ງເປັນທີ່ຢູ່ ອາໄສຂອງປະຊາຊົນ 60 ລ້ານຄົນນັ້ນ.
ຫວຽດນາມ ພວມປະເຊີນກັບ ການໄຫລເຂົ້າມາໃນປະລິມານເພີ້ມຂຶ້ນ ຂອງນ້ຳທະເລ ໃນ ບໍລິເວນສາມຫລ່ຽມປາກແມ່ນ້ຳຂອງຍ້ອນລະດັບນ້ຳຈືດທີ່ໄຫລໄປຍັງຫວຽດນາມໄດ້ຫລຸດ
ລົງ 10 ເປີເຊັນ ໃນໄລຍະ 3 ທົດສະວັດຜ່ານມານີ້.
ລັດຖະມົນຕີກະຊວງຊັບພະຍາກອນທຳມະຊາດແລະສິ່ງແວດລ້ອມຂອງຫວຽດນາມ ທ່ານ Nguyen Minh Quang ຮຽກຮ້ອງໃຫ້ ສປປ ລາວ ປຶກສາຫາລື ກັບບັນດາປະເທດອື່ນໆ ທີ່ ຕັ້ງຢູ່ແຄມແມ່ນ້ຳຂອງກ່ອນທີ່ຈະສຳເລັດເສັດສິ້ນການກໍ່ສ້າງເຂື່ອນ 2 ເຂື່ອນໃສ່ນ້ຳຂອງນັ້ນ.
ແຕ່ລາວຊ້ຳພັດເດີນໜ້າຕໍ່ໄປຢ່າງຮີບຮ້ອນ ເພື່ອໃຫ້ສຳເລັດເສັດສິ້ນການກໍ່ສ້າງເຂື່ອນໄຊຍະ ບູລີ ທີ່ສາມາດຜະລິດໄຟຟ້າໄດ້ 1,285 ເມກາວັດ ທີ່ເປັນຂໍ້ຂັດແຍ້ງກັນນັ້ນ ແລະບັນດາກຸ່ມ ປົກປ້ອງສະພາບແວດລ້ອມກໍກ່າວວ່າ ເຂື່ອນດອນສະຫົງທີ່ສາມາດຜະລິດກະແສໄຟຟ້າໄດ້ 260 ເມກາວັດ ທີ່ຈະສ້າງຂຶ້ນຢູ່ໃກ້ໆຊາຍແດນກຳປູເຈຍນັ້ນຈະມີຜົນກະທົບທີ່ສຳຄັນຕໍ່ການ ຂຶ້ນລ່ອງໄປມາຂອງປາ ຊຶ່ງເປັນອາຫານທີ່ຈຳເປັນ ໃນການລ້ຽງດູຜູ້ຄົນຫຼາຍໆລ້ານຄົນໂດຍ ສະເພາະແລ້ວ ແມ່ນຊາວກຳປູເຈຍ.
ວີດີໂອກ່ຽວຂ້ອງ: ການປ່ຽນແປງຂອງດິນຟ້າອາກາດ ຈະສົ່ງຜົນກະທົບຕໍ່ການ ທຳມາຫາກິນ ຕາມລຳແມ່ນ້ຳຂອງ
ອົງການແມ່ນ້ຳສາກົນຫຼື International Rivers ຊຶ່ງເປັນອົງການຈັດຕັ້ງທີ່ບໍ່ຂຶ້ນກັບລັດຖະ ບານ ທີ່ມີສຳນັກງານຢູ່ໃນສະຫະລັດ ກ່າວວ່າ ວຽກງານກ່ຽວກັບການສ້າງເຂື່ອນດັ່ງກ່າວ ຄວນຈະຍຸຕິລົງໃນທັນທີ. ນັກເຄື່ອນໄຫວຂອງອົງການແມ່ນ້ຳສາກົນ ທ່ານນາງພຽນພອນ ດີເທສ ກ່າວວ່າ ພວກຜູ້ນຳໃນກອງປະຊຸມ ຄວນໄດ້ກ່າວປະນາມ ຕໍ່ການຮີບຮ້ອນຟ້າວຟັ່ງ ສ້າງເຂື່ອນຕ່າງໆນັ້ນ.
ທ່ານນາງພຽນພອນເວົ້າວ່າ “ນີ້ເປັນເລື່ອງທີ່ໜ້າເສຍໃຈ ບໍ່ມີການເວົ້າຫຍັງເລີຍ ກ່ຽວ ກັບສະຖານະພາບຂອງການກໍ່ສ້າງ ຢ່າງໜ້ອຍກໍກ່ຽວກັບ 2 ເຂື່ອນ ທີ່ພວມມີການ ກໍ່ສ້າງໃສ່ລຳນ້ຳຂອງ ແຕ່ແມ່ນ້ຳຂອງແມ່ນຕ້ອງການໃຫ້ມີການ ເອົາບາດກ້າວໃນ ທັນທີ ກ່ຽວກັບ ການຕັດສິນໃຈ ແລະການເອົາບາດກ້າວຈາກ ພວກຜູ້ນຳທັງໝົດ. ມັນເປັນເລື່ອງສຳຄັນຫລາຍ ສຳລັບບັນດາປະເທດສະມາຊິກ ທີ່ຈະຕ້ອງຮັບຮູ້ວ່າ ທີ່ຈິງແລ້ວ ນີ້ຄືແມ່ນ້ຳສາກົນ ມັນຈຶ່ງເປັນເລື່ອງຂອງນາໆ ຊາດ.”
ແຕ່ຄະນະກຳມາທິການແມ່ນ້ຳຂອງສາກົນ ທີ່ສ້າງຕັ້ງຂຶ້ນມາ ໃນປີ 1995 ເພື່ອເປັນອົງການ ຄົ້ນຄວ້າທາງດ້ານວິທະຍາສາດນັ້ນ ບໍ່ມີອຳນາດໃນການບັງຄັບໃດໆໂດຍກາງຕໍ່ໃຫ້ບັນດາ ປະເທດສະມາຊິກ ປະຕິບັດຕາມຄຳໝັ້ນສັນຍາ ທີ່ໄດ້ໃຫ້ໄວ້ ໃນກອງປະຊຸມສຸດຍອດ.
ທ່ານ Senglong Youk ຈາກກຸ່ມແນວໂຮມປົກປ້ອງການປະມົງຫລື FACT ທີ່ມີສຳນັກງານ ຢູ່ກຳປູເຈຍກ່າວວ່າ ຄະນະກຳມາທິການແມ່ນ້ຳຂອງສາກົນຄວນຈະມີການປະຕິຮູບເພື່ອໃຫ້ ນຳເອົາຄຳສະເໜີແນະ ແລະຮຽກຮ້ອງ ຂອງກຸ່ມສັງຄົມພົນລະເຮືອນ ໄປພິຈາລະນາ.
ທ່ານ Senglong Youk ເວົ້າວ່າ “ຄະນະກຳມາທິການແມ່ນ້ຳຂອງຈຳເປັນ ຕ້ອງໄດ້ມີ ການປະຕິຮູບ. ຕາມທ່າທີໃນປັດຈຸບັນນີ້ແລ້ວສິ່ງທີ່ພວກເຮົາສາມາດເວົ້າໄດ້ໃນຖາ ນະທີ່ເປັນກຸ່ມສັງຄົມພົນລະເຮືອນກໍແມ່ນວ່າ MRC ກໍຄືກັນກັບເສືອກະດາດ ມັນຄື ກັນກັບບຸລຸດໄປສະນີ ບໍ່ມີສິດອຳນາດຫຍັງເລີຍ. ບໍ່ມີອຳນາດທີ່ຈະກົດດັນຕໍ່ປະເທດ ໃດນຶ່ງເລີຍໂດຍສະເພາະ ສປປ ລາວ ທີ່ໄດ້ຕັດສິນໃຈຈະສ້າງເຂື່ອນໄຊຍະບູລີແລະ ດອນສະຫົງນັ້ນ.”
ບັນດານັກເຄື່ອນໄຫວດ້ານສະພາບແວດລ້ອມພວມກະກຽມທີ່ຈະເພີ້ມການປຸກລະດົມເພື່ອ ໃຫ້ເລື່ອນການກໍ່ສ້າງໂຄງການເຂື່ອນດອນສະຫົງ ທີ່ຍັງຈະຕ້ອງໄດ້ຮັບສັດຕະຍາບັນ ຈາກ ສະພາແຫ່ງຊາດລາວເສຍກ່ອນ ຊຶ່ງກໍຄາດວ່າຈະມີຂຶ້ນ ໃນເດືອນທັນວາປີນີ້.
ທາງຝ່າຍລາວໄດ້ກ່າວຕໍ່ກອງປະຊຸມສຸດຍອດ ໃນອາທິດແລ້ວນີ້ ວ່າຕົນຈະພິຈາລະນາເບິ່ງ ຄວາມວິຕົກກັງວົນກ່ຽວກັບຜົນກະທົບຈາກການສ້າງເຂື່ອນນັ້ນຢ່າງລະມັດລະວັງ.
ເບິ່ງວີດີໂອກ່ຽວຂ້ອງ ການສ້າງເຂື່ອນຂອງຈີນ ໃສ່ແມ່ນ້ຳຂອງ:
ທິການແມ່ນ້ຳຂອງສາກົນຊຶ່ງມີກຳປູເຈຍ ສປປ ລາວ ໄທ ແລະ
ຫວຽດນາມ ໄດ້ສະຫລຸບວ່າ ມີຄວາມຈຳເປັນ ທີ່ຈະຕ້ອງໄດ້ທຳ
ການສຶກສາຕື່ມ ກ່ຽວກັບບັນຫາທ້າທາຍ ທີ່ເພີ້ມທະວີຂຶ້ນນັບມື້ ຂອງການເຕີບໂຕຂອງປະຊາກອນ ຄວາມຕ້ອງການນ້ຳ ແລະ
ຜົນກະທົບຈາກການປ່ຽນແປງຂອງດິນຟ້າອາກາດ ທີ່ມີຕໍ່ເຂດ
ລຸ່ມແມ່ນ້ຳຂອງນັ້ນ. Ron Corben ຜູ້ສື່ຂ່າວວີໂອເອລາຍງານ
ມາຈາກບາງກອກ ວ່າ 2 ໂຄງການເຂື່ອນໄຟຟ້າພະລັງນ້ຳທີ່ປະ
ເທດລາວ ກຳລັງຈະສ້າງຂຶ້ນ ແມ່ນໄດ້ຮັບ ຄວາມສົນໃຈ ເປັນພິ
ເສດ ໂດຍທີ່ຫວຽດນາມກົດດັນໃຫ້ລາວເລື່ອນເວລາໃນການກໍ່
ສ້າງອອກໄປ ຈົນກວ່າການສຶກສາຈະເສັດສິ້ນລົງ ໃນປີ 2015. ໄພສານຈະນຳເອົາ ລາຍລະອຽດຂອງເລື່ອງນີ້ ມາສະເໜີທ່ານ ໃນອັນດັບຕໍ່ໄປ.
ກອງປະຊຸມລະດັບລັດຖະມົນຕີ ຄັ້ງທີ 2 ຂອງຄະນະກຳມາທິການແມ່ນ້ຳຂອງສາກົນ ຫລື MRC ໄດ້ຖືກຄອບງຳໂດຍການຮຽກຮ້ອງ ໃຫ້ມີການຮ່ວມມືກັນຕື່ມຂຶ້ນ ເພື່ອໃຫ້ຄວາມຄຸ້ມ ຄອງແຫຼ່ງຊັບພະຍາກອນນ້ຳທີ່ມີຄວາມຫຼໍ່ແຫຼມສຳຄັນ ຢູ່ໃນແມ່ນ້ຳຂອງ.
ນາຍົກລັດຖະມົນຕີຫວຽດນາມ ທ່ານ Nguyen Tan Dung ກ່າວວ່າ ການເສີມຂະຫຍາຍ ການຮ່ວມມືຢູ່ໃນຂົງເຂດ ແມ່ນຈຳເປັນເພື່ອຄ້ຳປະກັນການພັດທະນາແບບຍືນຍົງ ຢູ່ຕາມ ເຂດສອງຟາກຝັ່ງແມ່ນ້ຳຂອງ ໂດຍໄດ້ເຕືອນເຖິງ ຜົນກະທົບໃນທາງລົບຢ່າງຮ້າຍແຮງ ທີ່ ຈະປະເຊີນໜ້າຂົງເຂດດັ່ງກ່າວ. ທ່ານໄດ້ຊີ້ໃຫ້ເຫັນເຖິງຄວາມກົນດັນທີ່ມີເພີ້ມຂຶ້ນຕໍ່ຊັບພະ ຍາກອນນ້ຳແລະຊັບພະຍາກອນທີ່ກ່ຽວຂ້ອງອື່ນໆ ຢູ່ໃນເຂດອ່າງແມ່ນ້ຳຂອງ ຊຶ່ງເປັນທີ່ຢູ່ ອາໄສຂອງປະຊາຊົນ 60 ລ້ານຄົນນັ້ນ.
ຫວຽດນາມ ພວມປະເຊີນກັບ ການໄຫລເຂົ້າມາໃນປະລິມານເພີ້ມຂຶ້ນ ຂອງນ້ຳທະເລ ໃນ ບໍລິເວນສາມຫລ່ຽມປາກແມ່ນ້ຳຂອງຍ້ອນລະດັບນ້ຳຈືດທີ່ໄຫລໄປຍັງຫວຽດນາມໄດ້ຫລຸດ
ລົງ 10 ເປີເຊັນ ໃນໄລຍະ 3 ທົດສະວັດຜ່ານມານີ້.
ລັດຖະມົນຕີກະຊວງຊັບພະຍາກອນທຳມະຊາດແລະສິ່ງແວດລ້ອມຂອງຫວຽດນາມ ທ່ານ Nguyen Minh Quang ຮຽກຮ້ອງໃຫ້ ສປປ ລາວ ປຶກສາຫາລື ກັບບັນດາປະເທດອື່ນໆ ທີ່ ຕັ້ງຢູ່ແຄມແມ່ນ້ຳຂອງກ່ອນທີ່ຈະສຳເລັດເສັດສິ້ນການກໍ່ສ້າງເຂື່ອນ 2 ເຂື່ອນໃສ່ນ້ຳຂອງນັ້ນ.
ແຕ່ລາວຊ້ຳພັດເດີນໜ້າຕໍ່ໄປຢ່າງຮີບຮ້ອນ ເພື່ອໃຫ້ສຳເລັດເສັດສິ້ນການກໍ່ສ້າງເຂື່ອນໄຊຍະ ບູລີ ທີ່ສາມາດຜະລິດໄຟຟ້າໄດ້ 1,285 ເມກາວັດ ທີ່ເປັນຂໍ້ຂັດແຍ້ງກັນນັ້ນ ແລະບັນດາກຸ່ມ ປົກປ້ອງສະພາບແວດລ້ອມກໍກ່າວວ່າ ເຂື່ອນດອນສະຫົງທີ່ສາມາດຜະລິດກະແສໄຟຟ້າໄດ້ 260 ເມກາວັດ ທີ່ຈະສ້າງຂຶ້ນຢູ່ໃກ້ໆຊາຍແດນກຳປູເຈຍນັ້ນຈະມີຜົນກະທົບທີ່ສຳຄັນຕໍ່ການ ຂຶ້ນລ່ອງໄປມາຂອງປາ ຊຶ່ງເປັນອາຫານທີ່ຈຳເປັນ ໃນການລ້ຽງດູຜູ້ຄົນຫຼາຍໆລ້ານຄົນໂດຍ ສະເພາະແລ້ວ ແມ່ນຊາວກຳປູເຈຍ.
ວີດີໂອກ່ຽວຂ້ອງ: ການປ່ຽນແປງຂອງດິນຟ້າອາກາດ ຈະສົ່ງຜົນກະທົບຕໍ່ການ ທຳມາຫາກິນ ຕາມລຳແມ່ນ້ຳຂອງ
ອົງການແມ່ນ້ຳສາກົນຫຼື International Rivers ຊຶ່ງເປັນອົງການຈັດຕັ້ງທີ່ບໍ່ຂຶ້ນກັບລັດຖະ ບານ ທີ່ມີສຳນັກງານຢູ່ໃນສະຫະລັດ ກ່າວວ່າ ວຽກງານກ່ຽວກັບການສ້າງເຂື່ອນດັ່ງກ່າວ ຄວນຈະຍຸຕິລົງໃນທັນທີ. ນັກເຄື່ອນໄຫວຂອງອົງການແມ່ນ້ຳສາກົນ ທ່ານນາງພຽນພອນ ດີເທສ ກ່າວວ່າ ພວກຜູ້ນຳໃນກອງປະຊຸມ ຄວນໄດ້ກ່າວປະນາມ ຕໍ່ການຮີບຮ້ອນຟ້າວຟັ່ງ ສ້າງເຂື່ອນຕ່າງໆນັ້ນ.
ທ່ານນາງພຽນພອນເວົ້າວ່າ “ນີ້ເປັນເລື່ອງທີ່ໜ້າເສຍໃຈ ບໍ່ມີການເວົ້າຫຍັງເລີຍ ກ່ຽວ ກັບສະຖານະພາບຂອງການກໍ່ສ້າງ ຢ່າງໜ້ອຍກໍກ່ຽວກັບ 2 ເຂື່ອນ ທີ່ພວມມີການ ກໍ່ສ້າງໃສ່ລຳນ້ຳຂອງ ແຕ່ແມ່ນ້ຳຂອງແມ່ນຕ້ອງການໃຫ້ມີການ ເອົາບາດກ້າວໃນ ທັນທີ ກ່ຽວກັບ ການຕັດສິນໃຈ ແລະການເອົາບາດກ້າວຈາກ ພວກຜູ້ນຳທັງໝົດ. ມັນເປັນເລື່ອງສຳຄັນຫລາຍ ສຳລັບບັນດາປະເທດສະມາຊິກ ທີ່ຈະຕ້ອງຮັບຮູ້ວ່າ ທີ່ຈິງແລ້ວ ນີ້ຄືແມ່ນ້ຳສາກົນ ມັນຈຶ່ງເປັນເລື່ອງຂອງນາໆ ຊາດ.”
ແຕ່ຄະນະກຳມາທິການແມ່ນ້ຳຂອງສາກົນ ທີ່ສ້າງຕັ້ງຂຶ້ນມາ ໃນປີ 1995 ເພື່ອເປັນອົງການ ຄົ້ນຄວ້າທາງດ້ານວິທະຍາສາດນັ້ນ ບໍ່ມີອຳນາດໃນການບັງຄັບໃດໆໂດຍກາງຕໍ່ໃຫ້ບັນດາ ປະເທດສະມາຊິກ ປະຕິບັດຕາມຄຳໝັ້ນສັນຍາ ທີ່ໄດ້ໃຫ້ໄວ້ ໃນກອງປະຊຸມສຸດຍອດ.
ທ່ານ Senglong Youk ຈາກກຸ່ມແນວໂຮມປົກປ້ອງການປະມົງຫລື FACT ທີ່ມີສຳນັກງານ ຢູ່ກຳປູເຈຍກ່າວວ່າ ຄະນະກຳມາທິການແມ່ນ້ຳຂອງສາກົນຄວນຈະມີການປະຕິຮູບເພື່ອໃຫ້ ນຳເອົາຄຳສະເໜີແນະ ແລະຮຽກຮ້ອງ ຂອງກຸ່ມສັງຄົມພົນລະເຮືອນ ໄປພິຈາລະນາ.
ທ່ານ Senglong Youk ເວົ້າວ່າ “ຄະນະກຳມາທິການແມ່ນ້ຳຂອງຈຳເປັນ ຕ້ອງໄດ້ມີ ການປະຕິຮູບ. ຕາມທ່າທີໃນປັດຈຸບັນນີ້ແລ້ວສິ່ງທີ່ພວກເຮົາສາມາດເວົ້າໄດ້ໃນຖາ ນະທີ່ເປັນກຸ່ມສັງຄົມພົນລະເຮືອນກໍແມ່ນວ່າ MRC ກໍຄືກັນກັບເສືອກະດາດ ມັນຄື ກັນກັບບຸລຸດໄປສະນີ ບໍ່ມີສິດອຳນາດຫຍັງເລີຍ. ບໍ່ມີອຳນາດທີ່ຈະກົດດັນຕໍ່ປະເທດ ໃດນຶ່ງເລີຍໂດຍສະເພາະ ສປປ ລາວ ທີ່ໄດ້ຕັດສິນໃຈຈະສ້າງເຂື່ອນໄຊຍະບູລີແລະ ດອນສະຫົງນັ້ນ.”
ບັນດານັກເຄື່ອນໄຫວດ້ານສະພາບແວດລ້ອມພວມກະກຽມທີ່ຈະເພີ້ມການປຸກລະດົມເພື່ອ ໃຫ້ເລື່ອນການກໍ່ສ້າງໂຄງການເຂື່ອນດອນສະຫົງ ທີ່ຍັງຈະຕ້ອງໄດ້ຮັບສັດຕະຍາບັນ ຈາກ ສະພາແຫ່ງຊາດລາວເສຍກ່ອນ ຊຶ່ງກໍຄາດວ່າຈະມີຂຶ້ນ ໃນເດືອນທັນວາປີນີ້.
ທາງຝ່າຍລາວໄດ້ກ່າວຕໍ່ກອງປະຊຸມສຸດຍອດ ໃນອາທິດແລ້ວນີ້ ວ່າຕົນຈະພິຈາລະນາເບິ່ງ ຄວາມວິຕົກກັງວົນກ່ຽວກັບຜົນກະທົບຈາກການສ້າງເຂື່ອນນັ້ນຢ່າງລະມັດລະວັງ.
ເບິ່ງວີດີໂອກ່ຽວຂ້ອງ ການສ້າງເຂື່ອນຂອງຈີນ ໃສ່ແມ່ນ້ຳຂອງ: