ນາຍົກລັດຖະມົນຕີຣັດເຊຍ ກ່າວວ່າ ມົສກູຈະຕອບໂຕ້ “ແບບ
ບໍ່ຄືກັນ”ກັບການລົງໂທດໃໝ່ໃດໆຂອງຝ່າຍຕາເວັນຕົກທີ່ວາງ
ໃສ່ພາກສ່ວນພະລັງງານ ຫຼືພາກສ່ວນການເງິນໃນການຕອບ
ໂຕ້ຕໍ່ການສະໜັບສະໜຸນຂອງຣັດເຊຍທີ່ມອງເຫັນວ່າມີຢ່າງ
ກວ້າງຂວາງແກ່ພວກກະບົດໃນພາກຕາເວັນອອກຂອງຢູເຄຣນ
ນັ້ນ.
ທ່ານ Dmitry Medvedev ໄດ້ຂົ່ມຂູ່ດ້ວຍການຈຳກັດໃນດ້ານນ່ານຟ້າຂອງຣັດເຊຍ ຖ້າຫາກມີການລົງໂທດຄັ້ງໃໝ່ຕື່ມອີກ. ນາຍົກລັດຖະມົນຕີຣັດເຊຍ ກ່າວຕື່ມວ່າ ພວກສາຍການບິນຝ່າຍຕາເວັນຕົກບາງສາຍສາມາດລົ້ມລະລາຍໄປໄດ້ ຖ້າພວກສາຍການບິນເຫຼົ່ານີ້ບໍ່ໄດ້ຮັບອະນຸມັດໃຫ້ບິນເໜືອນ່ານຟ້າຂອງຣັດເຊຍ. ຖ້ອຍຖະແຫຼງຂອງນາຍົກລັດຖະ
ມົນຕີດັ່ງກ່າວໄດ້ຖືກພິມເຜີຍແຜ່ໃນວັນຈັນມື້ນີ້ໃນໜັງສືພິມລາຍວັນ Vedomosti ຂອງຣັດເຊຍ.
ສະຫະພາບຢູໂຣບກຳນົດຈະວາງການລົງໂທດທາງດ້ານເສດຖະກິດຮອບໃໝ່ຕໍ່ຣັດເຊຍ
ໃນວັນຈັນມື້ນີ້.
ຣັດເຊຍປະຕິເສດວ່າຕົນບໍ່ໄດ້ສົ່ງອາວຸດໃຫ້ແກ່ພວກຫົວແບ່ງແຍກຢູເຄຣນຫຼືສົ່ງທະຫານຂອງຕົນເຂົ້າໄປໃນຢູເຄຣນ ເຖິງແມ່ນມີຫຼັກຖານຊີ້ໃຫ້ເຫັນທາງກົງກັນຂ້າມກໍຕາມ.
ບັນດາຜູ້ຕາງໜ້າຈາກຣັດເຊຍ ພວກຫົວແບ່ງແຍກ ແລະລັດຖະບານຢູເຄຣນໄດ້ເຫັນດີ
ນຳຂໍ້ຕົກລົງຢຸດຍິງກັນໃນວັນສຸກຜ່ານມາ ທີ່ການພົບປະເຈລະຈາກັນທີ່ປະເທດ Belarus ພາຍໃຕ້ການນຳພາຂອງອົງການວ່າດ້ວຍຄວາມປອດໄພແລະການຮ່ວມມືໃນຢູໂຣບຫຼືອົງການ OSCE ນັ້ນ.
ເຖິງຢ່າງໃດກໍດີ ການສູ້ລົບກັນ ແລະການຍິງປືນໃຫຍ່ໃສ່ກັນໃນພາກຕາເວັນອອກຂອງຢູເຄຣນ ໄດ້ເຮັດໃຫ້ຂໍ້ຕົກລົງຢຸດຍິງກັນລະຫວ່າງລັດຖະບານ Kyiv ແລະພວກແບ່ງແຍກນິຍົມຣັດເຊຍຕົກຢູ່ໃນສະພາບອັນຕະລາຍ. ການຍິງປືນໃຫຍ່ຢູ່ໃກ້ໆກັບສະໜາມບິນເມືອງ Donetsk ໃນວັນອາທິດວານນີ້ ໄດ້ເຮັດໃຫ້ເຮືອນ 2 ຫຼັງຖືກເຜົາໄໝ້ໄປ
ໃນບ້ານນ້ອຍໆແຫ່ງນຶ່ງ. ການປະທະກັນຢູ່ໃກ້ໆກັບເມືອງ Mariupol ໄດ້ສັງຫານພົນລະເຮືອນຄົນນຶ່ງ ແລະໄດ້ຮັບບາດເຈັບຕື່ມອີກ 3 ຄົນ.
ການກໍ່ການກະບົດໃນພາກຕາເວັນອອກຂອງຢູເຄຣນ ທີ່ໄດ້ເລີ້ມຂຶ້ນໃນເດືອນເມສາຜ່ານມາ ໂດຍພວກຫົວແບ່ງແຍກທີ່ນິຍົມຣັດເຊຍ ໄດ້ເອົາຊີວິດປະຊາຊົນໄປແລ້ວຫຼາຍກວ່າ 2600 ຄົນ ແລະເຮັດໃຫ້ປະຊາຊົນຫຼາຍພັນຄົນຕ້ອງອົບພະຍົບອອກຈາກຂົງເຂດຕ່າງໆ
ໃກ້ກັບຊາຍແດນຣັດເຊຍ. ຢູເຄຣນ ແລະເນໂຕ້ ໄດ້ກ່າວຫາມົສກູ ວ່າໃຫ້ການຊ່ອຍເຫຼືອໂດຍກົງແກ່ພວກຫົວແບ່ງແຍກ.
ພາບຫຼ້າສຸດ ຈາກ ຢູເຄຣນ
Russia's prime minister says Moscow would respond "asymmetrically" to any new Western sanctions placed on his country's energy or financial sectors in response to Russia's widely perceived support of rebels in eastern Ukraine.
Dmitry Medvedev threatened restrictions on Russia's airspace if new sanctions are imposed. The prime minister said some Western airlines could become bankrupt if they are not allowed to fly over Russia. The prime minister's remarks were published Monday in a Russian daily newspaper, Vedomosti.
The European Union is set to impose a new round of economic sanctions on Russia Monday.
Russia denies arming Ukrainian separatists or sending its own troops into Ukraine, despite evidence to the contrary.
Envoys from Russian, the separatists and the Ukrainian government approved a cease-fire Friday at talks in Belarus led by the Organization for Security and Cooperation in Europe.
However, fighting and shelling in eastern Ukraine have put the truce between Kyiv and pro-Russian separatists in jeopardy. Shelling near the Donetsk airport Sunday set two houses on fire in a small village. Clashes near the city of Mariupol killed a civilian and wounded three other people.
The rebellion in eastern Ukraine launched in April by pro-Russian separatists has killed more than 2,600 people and created tens of thousands of refugees fleeing areas near the Russian border. Ukraine and NATO accuse Moscow of providing direct help to separatists.
