ບັນດາໄອຍະການລັດຖະບານທ້ອງຖິ່ນແລະລັດຖະບານ
ກາງ ກຳລັງກຽມການເພື່ອຕັ້ງຂໍ້ຫາໃສ່ຊາຍຄົນນຶ່ງທີ່ຖືກ
ຈັບ ໃນຖານມີສ່ວນພົວພັນກັບການອາລະວາດຍິງຜູ້ຄົນ
ທີ່ເຮັດໃຫ້ສາມຄົນເສຍຊີວິດ ໃນວັນອາທິດຜ່ານມາ ຢູ່ທີ່
ລັດ Kansas ໃນເຂດ Midwest ຫລືພາກກາງຂ້ອນໄປ
ທາງຕາເວັນຕົກ ຂອງ ສະຫະລັດ.
ຄາດວ່າ ບັນດາເຈົ້າໜ້າທີ່ຈະໃຫ້ລາຍລະອຽດເພີ້ມເຕີມ
ກ່ຽວກັບຂໍ້ກ່າວຫາໃນວັນອັງຄານມື້ນີ້. ເຂົາເຈົ້າໄດ້ກ່າວວ່າ
ການສັງຫານຢູ່ນອກ ສູນກາງປະຊາຄົມຊາວຢິວແຫ່ງນຶ່ງ
ແລະທີ່ພັກຂອງຊາວຢິວເບ້ຍບຳນານ ແມ່ນການກໍ່ອາຊະ
ຍາກຳຍ້ອນຄວາມກຽດຊັງ.
ຜູ້ຕ້ອງສົງໄສໃນຄະດີດັ່ງກ່າວ ຄື ນາຍ Frazier Glenn Cross ອາຍຸ 73 ປີແມ່ນເປັນ
ຄົນທີ່ຖືລັດທິຜິວຂາວເປັນໃຫຍ່ ມາເປັນເວລາດົນນານ ແລະເປັນສະມາຊິກຂອງກຸ່ມນິ
ຍົມຜິວຂາວ Ku Klux Klan.
![ມືປືນສັງຫານ 3 ຄົນ ຢູ່ສູນກາງຊາວຍິວ ໃນລັດ Kansas]()
Photo Gallery:
ປະທານາທິບໍດີ Barack Obama ໄດ້ກ່າວຢູ່ໃນພິທີສູດມົນໃນງານຮັບປະທານອາຫານ
ເຊົ້າ ທີ່ທຳນຽບຂາວໃນວັນຈັນວານນີ້ວ່າ ຄວາມຮຸນແຮງທາງສາສະໜາ ບໍ່ມີບ່ອນຢູ່ໃນ
ສັງຄົມຂອງສະຫະລັດ. ປະທານາທິບໍດີ Obama ເວົ້າວ່າ :
“ບໍ່ຄວນມີຜູ້ໃດຈັກຄົນ ທີ່ຈະຕ້ອງເປັນຫ່ວງກ່ຽວກັບຄວາມປອດໄພຂອງເຂົາ
ເຈົ້າ ໃນເວລາເຕົ້າໂຮມກັນກັບບັນດາໝູ່ເພື່ອນ ທີ່ມີຄວາມເຊື່ອຖືແນວດຽວກັນ.
ບໍ່ ຄວນມີຜູ້ໃດຈັກຄົນ ທີ່ຈະຕ້ອງຢ້ານກົວວ່າ ເຂົາເຈົ້າຈະບໍ່ປອດໄພໃນເວລາ
ເຂົາເຈົ້າໄປສູດມົນພາວັນນາ.”
ທ່ານ Obama ກ່າວວ່າ ການທີ່ວ່າ ການໂຈມຕີຄັ້ງນີ້ໄດ້ເກີດຂື້ນ ໃນຂະນະທີ່ຊາວຢິວ
ພາກັນຕຽມສະຫລອງບຸນ Passover ແລະ ຊາວຄຣິສຕຽນ ຕຽມ ສະຫລອງບຸນ
Easter ນັ້ນ ເຮັດໃຫ້ໂສກນາດຕະກຳດັ່ງກ່າວນີ້ “ຮ້າຍແຮງຍິ່ງຂຶ້ນໄປອີກ.”
ກາງ ກຳລັງກຽມການເພື່ອຕັ້ງຂໍ້ຫາໃສ່ຊາຍຄົນນຶ່ງທີ່ຖືກ
ຈັບ ໃນຖານມີສ່ວນພົວພັນກັບການອາລະວາດຍິງຜູ້ຄົນ
ທີ່ເຮັດໃຫ້ສາມຄົນເສຍຊີວິດ ໃນວັນອາທິດຜ່ານມາ ຢູ່ທີ່
ລັດ Kansas ໃນເຂດ Midwest ຫລືພາກກາງຂ້ອນໄປ
ທາງຕາເວັນຕົກ ຂອງ ສະຫະລັດ.
ຄາດວ່າ ບັນດາເຈົ້າໜ້າທີ່ຈະໃຫ້ລາຍລະອຽດເພີ້ມເຕີມ
ກ່ຽວກັບຂໍ້ກ່າວຫາໃນວັນອັງຄານມື້ນີ້. ເຂົາເຈົ້າໄດ້ກ່າວວ່າ
ການສັງຫານຢູ່ນອກ ສູນກາງປະຊາຄົມຊາວຢິວແຫ່ງນຶ່ງ
ແລະທີ່ພັກຂອງຊາວຢິວເບ້ຍບຳນານ ແມ່ນການກໍ່ອາຊະ
ຍາກຳຍ້ອນຄວາມກຽດຊັງ.
ຜູ້ຕ້ອງສົງໄສໃນຄະດີດັ່ງກ່າວ ຄື ນາຍ Frazier Glenn Cross ອາຍຸ 73 ປີແມ່ນເປັນ
ຄົນທີ່ຖືລັດທິຜິວຂາວເປັນໃຫຍ່ ມາເປັນເວລາດົນນານ ແລະເປັນສະມາຊິກຂອງກຸ່ມນິ
ຍົມຜິວຂາວ Ku Klux Klan.
ມືປືນສັງຫານ 3 ຄົນ ຢູ່ສູນກາງຊາວຍິວ ໃນລັດ Kansas
ປະທານາທິບໍດີ Barack Obama ໄດ້ກ່າວຢູ່ໃນພິທີສູດມົນໃນງານຮັບປະທານອາຫານ
ເຊົ້າ ທີ່ທຳນຽບຂາວໃນວັນຈັນວານນີ້ວ່າ ຄວາມຮຸນແຮງທາງສາສະໜາ ບໍ່ມີບ່ອນຢູ່ໃນ
ສັງຄົມຂອງສະຫະລັດ. ປະທານາທິບໍດີ Obama ເວົ້າວ່າ :
“ບໍ່ຄວນມີຜູ້ໃດຈັກຄົນ ທີ່ຈະຕ້ອງເປັນຫ່ວງກ່ຽວກັບຄວາມປອດໄພຂອງເຂົາ
ເຈົ້າ ໃນເວລາເຕົ້າໂຮມກັນກັບບັນດາໝູ່ເພື່ອນ ທີ່ມີຄວາມເຊື່ອຖືແນວດຽວກັນ.
ບໍ່ ຄວນມີຜູ້ໃດຈັກຄົນ ທີ່ຈະຕ້ອງຢ້ານກົວວ່າ ເຂົາເຈົ້າຈະບໍ່ປອດໄພໃນເວລາ
ເຂົາເຈົ້າໄປສູດມົນພາວັນນາ.”
ທ່ານ Obama ກ່າວວ່າ ການທີ່ວ່າ ການໂຈມຕີຄັ້ງນີ້ໄດ້ເກີດຂື້ນ ໃນຂະນະທີ່ຊາວຢິວ
ພາກັນຕຽມສະຫລອງບຸນ Passover ແລະ ຊາວຄຣິສຕຽນ ຕຽມ ສະຫລອງບຸນ
Easter ນັ້ນ ເຮັດໃຫ້ໂສກນາດຕະກຳດັ່ງກ່າວນີ້ “ຮ້າຍແຮງຍິ່ງຂຶ້ນໄປອີກ.”
