ລິ້ງ ສຳຫລັບເຂົ້າຫາ

ວັນຈັນ, ໒໒ ກໍລະກົດ ໒໐໒໔

ລັດຖະບານ​ຊຸດໃໝ່ ທີ່ເຕັມໄປດ້ວຍຄວາມແຕກຕ່າງອັນຫຍຸ້ງຍາກ ຂອງປະເທດມາເລເຊຍ


ນາຍົກລັດຖະມົນຕີ ທີ່ຖືກແຕ່ງຕັ້ງຄົນໃໝ່ຂອງມາເລເຊຍ ທ່ານອານວາ ອິບຣາຮິມ ຍົກມືທັກທາຍຜູ້ສະໜັບສະໜຸນຂອງທ່ານ ລຸນຫຼັງການຖະແຫຼງຂ່າວ ທີ່ຊຸນກາຍລົງ (Sungai Long), ເຊລັງກໍ, ວັນທີ 24 ພະຈິກ 2022.
ນາຍົກລັດຖະມົນຕີ ທີ່ຖືກແຕ່ງຕັ້ງຄົນໃໝ່ຂອງມາເລເຊຍ ທ່ານອານວາ ອິບຣາຮິມ ຍົກມືທັກທາຍຜູ້ສະໜັບສະໜຸນຂອງທ່ານ ລຸນຫຼັງການຖະແຫຼງຂ່າວ ທີ່ຊຸນກາຍລົງ (Sungai Long), ເຊລັງກໍ, ວັນທີ 24 ພະຈິກ 2022.

ຄວາມເຄັ່ງຕຶງພື້ນຖານກ່ຽວກັບເຊື້ອຊາດ ແລະການສໍ້ລາດບັງຫຼວງ ພາຍໃນລັດ ຖະບານຊຸດໃໝ່ ທີ່ມີຄວາມແຕກຕ່າງກັນຂອງມາເລເຊຍ ເບິ່ງຄືວ່າຈະເປັນການທົດສອບ​ເຖິງຄວາມຢູ່ລອດໃນຊ່ວງນຶ່ງ ຫຼື ສອງປີທໍາອິດ, ພ້ອມທັງຈະເປັນການສົ່ງເສີມຄວາມກ້າວໜ້າຂອງນາຍົກລັດຖະມົນຕີຈາກການຊຸກຍູ້ການຟື້ນຟູຄໍາໝັ້ນສັນຍາທີ່ຍາວນານ ສໍາລັບຄວາມເທົ່າທຽມທາງ​ເຊື້ອຊາດຂອງປະເທດ, ອີງຕາມການກ່າວຂອງນັກວິເຄາະ.

​ນັບເປັນຄັ້ງທໍາອິດສຳ​ລັບປະເທດມາເລເຊຍ, ​ທີ່ການເລືອກຕັ້ງແຫ່ງຊາດໃນວັນທີ 19 ພະຈິກ ສິ້ນສຸດລົງໂດຍບໍ່ຮູ້ວ່າ ໃຜເປັນຜູ້ຊະ​ນະຢູ່ໃນສະພາ, ດ້ວຍຜົນການແຂ່ງຂັນທີ່ບໍ່ມີພັກໃດ​ ສາ​ມາດຍາດເອົາບ່ອນນັ່ງສຽງສ່ວນຫຼາຍຢູ່ໃນສະພາ 222 ບ່ອນ.

ຫຼັງຈາກເປັນເວລາຫຼາຍມື້ຂອງການເຈລະຈາທ່າມກາງກຸ່ມຕ່າງໆ ທີ່ຍັງຄົງບໍ່ສາ ມາດດຶງເອົາພັນທະມິດ ສຽງສ່ວນຫຼາຍມາລວມເຂົ້າກັນໄດ້, ກະສັດ ອາລ-ຊຸລຕານ ອັບດຸລລາ ຊຸລຕານ ອາມາດ ຊາ (Al-Sultan Abdullah Sultan Ahmad Shah), ເຊິ່ງເປັນກະສັດພາຍ​ໃຕ້ລັດຖະທໍາມະນູນຂອງປະເທດ ໄດ້ແຕ່ງຕັ້ງ​ທ່ານ​ອານວາ ອິບຣາຮິມ (Anwar Ibrahim) ຫົວໜ້າພັກຝ່າຍຄ້ານ ໃຫ້ມາເປັນນາຍົກລັດຖະມົນຕີຄົນໃໝ່ ແລະໃຫ້​ທ່ານສາບານຕົວເຂົ້າຮັບຕໍາແໜ່ງໃນວັນພະຫັດທີ່ຜ່ານມາ ເຊິ່ງມັນໄດ້ກາຍເປັນຂີດໝາຍທີ່ໜ້າປະຫຼາດໃຈໃນການຕ່າວປີ້ນຜູ້ຊາຍຄົນນຶ່ງ ເຊິ່ງເຄີຍຖືກໂທດຂັງຄຸກ ມາເປັນເວລາເກືອບ 10 ປີ ໃນຂໍ້ຫາສໍ້ລາດບັງຫຼວງ ແລະຄວາມຜິດໃນຂໍ້ຫາຮັກຮ່ວມເພດ, ໂດຍທ່ານກ່າວວ່າ ເປັນການໃສ່ຮ້າຍທາງການເມືອງ.

ເພື່ອເປັນຂັ້ນຕອນສຸດທ້າຍ ໃນການສ້າງ​ຕັ້ງລັດຖະບານທີ່ມີສຽງສ່ວນຫຼາຍ, ກະ ສັດຂອງມາເລເຊຍ ຍັງໄດ້ສັ່ງໃຫ້ກຸ່ມ ປາກາທານ ຮາຣາພານ (Pakatan Harapan) ທີ່ມີຫຼາຍເຊື້ອຊາດ ຂອງທ່ານອານວາ ລວມເຂົ້າເປັນສ່ວນນຶ່ງ ໃນພັນທະມິດກັບພັກຄູ່ແຂ່ງແຫ່ງຊາດບາຣິຊານ, ຊຶ່ງ​ເປັນ​ພັກ​ທີ່ສະໜັບສະໜຸນສິດທິພິເສດ​ສຳ​ລັບຊາວມາເລມຸສລິມ ເຊິ່ງເປັນຊົນ​ກຸ່ມໃຫຍ່ ຢູ່ໃນປະເທດ. ​ສ່ວນກຸ່ມນ້ອຍສອງກຸ່ມ ທີ່ເປັນໂຕແທນຂອງຊົນເຜົ່າພື້ນເມືອງຊາວມາເລເຊຍທີ່ອາໄສຢູ່ໃນເກາະບໍນຽວ (Borneo) ກໍໄດ້ໃຫ້ຄໍາໝັ້ນ ທີ່ຈະມອບຄວາມຈົງຮັກພັກດີຂອງພວກເຂົາເຈົ້າ ແກ່ລັດຖະບານຊຸດໃໝ່ ນັບແຕ່ນັ້ນມາເຊັ່ນກັນ.

ອ່ານຂ່າວນີ້ເປັນພາສາອັງກິດ

XS
SM
MD
LG