ລິ້ງ ສຳຫລັບເຂົ້າຫາ

ວັນພະຫັດ, ໒໕ ເມສາ ໒໐໒໔

ນາຍົກ ມາເລເຊຍ ວ່າ ຈະບໍ່ມີການຢຸດເຊົາ ຈົນກວ່າ ຈະໄດ້ ຄຳຕອບ ກ່ຽວກັບ ຖ້ຽວບິນ 370 (ສະໄລດ໌/ວີດີໂອ)


ນາຍົກລັດຖະມົນຕີມາເລເຊຍ ທ່ານ Najib Razak (ຊ້າຍ) ແລະນາຍົກລັດຖະມົນຕີອອສເຕຣເລຍ ທ່ານ Tony Abbott ທຳການຖະແຫຼງຂ່າວຮ່ວມ ກ່ຽວກັບການຊອກຄົ້ນຫາເຮືອບິນ ໂດຍສານມາເລເຊຍ ທີ່ຫາຍສາບສູນໄປ ທີ່ຖານທັບອາກາດ Pearce ໃກ້ໆເມືອງ Perth (3 ເມສາ 2014)
ນາຍົກລັດຖະມົນຕີມາເລເຊຍ ທ່ານ Najib Razak (ຊ້າຍ) ແລະນາຍົກລັດຖະມົນຕີອອສເຕຣເລຍ ທ່ານ Tony Abbott ທຳການຖະແຫຼງຂ່າວຮ່ວມ ກ່ຽວກັບການຊອກຄົ້ນຫາເຮືອບິນ ໂດຍສານມາເລເຊຍ ທີ່ຫາຍສາບສູນໄປ ທີ່ຖານທັບອາກາດ Pearce ໃກ້ໆເມືອງ Perth (3 ເມສາ 2014)
ນາຍົກລັດຖະມົນຕີມາ​ເລ​ເຊຍ ທ່ານ Najib Razak ​ໃຫ້​ຄຳ​
ໝັ້ນ​ສັນຍາ​ ໃນ​ວັນ​ພະຫັດ​ມື້​ນີ້​ ເພື່ອເປີດ​ເຜີຍ ​ຄວາມ​ລຶກລັບ ​
ກ່ຽວ​ກັບ​ການ​ຫາຍ​ສາບ​ສູນ​ໄປ​ຂອງຖ້ຽວ​ບິນ 370 ຂອງ​ສາຍ
​ການບິນ​ມາ​ເລ​ເຊຍ ​ໃນ​ຂະນະ​ທີ່​ທ່ານ​ ໄປ​ຢ້ຽມຢາມຖານ​ທັບ
ອອສ​ເຕຣ​ເລຍ​ແຫ່ງ​ນຶ່ງບ່ອນ​ທີ່​ການ​ຊອກ​ຄົ້ນ​ຂອງ​ນາໆ​ຊາດ​
ຕັ້ງ​ຖານປະຕິບັດງານຢູ່​ນັ້ນ.

ຫລັງຈາກ​ການ​ພົບ​ປະກັບ​ບັນດາ​ເຈົ້າ​ໜ້າ​ທີ່​ອອສ​ເຕຣ​ເລຍທີ່​
ຖານ​ທັບອາກາດ Pearce ຂອງ​ອອສ​ເຕຣ​ເລຍໃກ້ກັບ​ເມືອງ
Perth ແລ້ວ ນາຍົກລັດຖະມົນຕີ Najib ກ່າວ​ວ່າ ພວກ​ຄອບ
ຄົວ​ທີ່​ໂສກ​ເສົ້າ​ເສຍ​ໃຈຂອງ​ພວກ​ຜູ້​ໂດຍສານ​ແລະ​ຈຸ​ບິນ​ ໃນ​
ເຮືອບິນລຳ​ທີ່​ຫາຍ​ໄປ​ນັ້ນ ສົມຄວນ​ຈະ​ໄດ້​ຮັບຮູ້ການປິດສາກລົງຂອງ​ສະຖານະ​ການ​ນີ້​
ຊຶ່ງ​ທ່ານ Najib ກ່າວ​ວ່າ:

“ໂລກ​ຄາດ​ຫວັງ​ຢາກ​ໃຫ້​ພວກ​ເຮົາ​ດຳ​ເນີນ​ການ​ໃນ​ລະດັບ​ສູງ​ສຸດ​ຂອງ​ພວກ​ເຮົາ ແລະ​
ຂ້າພະ​ເຈົ້າກໍ​ມີ​ຄວາມ​ເຊື່ອ​ໝັ້ນຫຼາຍ​ທີ່​ພວກ​ທ່ານຈະ​ສະ​ແດງ​ໃຫ້​ເຫັນ​ຢ່າງ​ແນ່ນອນ ​ໃນ​
ອັນ​ທີ່​ພວກ​ເຮົາ​ສາມາດ​ດຳ​ເນີນ​ງານ​ຮ່ວມ​ກັນ​ໄດ້​ໃນ​ຖານະ​ເປັນ​ກຸ່ມ ນຶ່ງ​ຂອງ​ບັນດາ​ປະ​ເທດ​ຕ່າງໆ ທີ່​ພວກ​ເຮົາ​ຢາກ​ໄດ້​ຄຳ​ຕອບ​ຕ່າງໆ ພວກ​ເຮົາ​ຢາກ​ອຳນວຍ​ຄວາມ​ອົບ​ອຸ່ນ​ແກ່​ພວກ​ຄອບຄົວ​ເຫຼົ່ານີ້ ​ແລະ​ພວກ​ເຮົາ​ຈະ​ບໍ່​ຢຸດຈົນ​ກວ່າ​ພວກ​ເຮົາ​ຈະ​ໄດ້​ຮັບ​ຄຳ​ຕອບ​ຢ່າງ​ແທ້​ຈິງ. ຂ້າພະ​ເຈົ້າ​ມີ​ຄວາມ​ເຊື່ອ​ໝັ້ນ​ຫຼາຍ ດ້ວຍ​ລະດັບ​ຂອງ​ຄວາມ​ຊ່ຽວຊານ​ທີ່​ໄດ້​ສະ​ແດງ​ໃຫ້​ເຫັນ ດັ່ງ​ທີ່​ນາຍົກລັດຖະມົນຕີ Tony Abbott ​ໄດ້​ກ່າວ​ໄປວ່າ​ ເປັນ​ທີ່​ແນ່ນອນ​ວ່າ ​ເມື່ອ​ໃດ​ຮອດ​ຍາມ​ນັ້ນ​ແລ້ວ ພວກ​ເຮົາ​ຈະ​ອຳ ນວຍ​ການ​ຢຸດຕິ​ຂອງ​ເຫດການຫຼື​ຄວາມ​ໂສກ​ເສົ້າ​ນີ້."
MALAYSIA PLANE VOSOT
please wait
Embed

No media source currently available

0:00 0:01:45 0:00

ເປັນ​ເວລາ​ເກືອບ 4 ສັບປະດາ​ຜ່ານ​ມາ ຫຼັງ​ຈາກ​ເຮືອບິນ Boeing 777 ຫາຍ ສາບ​ສູນ​ໄປ ພວກ​ເຮືອ​ແລະ​ເຮືອບິນ​ຂອງ​ນາໆ​ຊາດ​ ກໍ​ໄດ້​ທຳ​ການ​ຊອກ​ຄົ້ນ​ຫາ​ເຮືອບິນ​ລຳ​ນີ້​ໃນເຂດ​ໃຕ້​ຂອງ​ມະຫາ​ສະມຸດ​ອິນ​ເດຍ ​ແຕ່​ບໍ່​ໄດ້​ພົບ​ເຫັນ​ຮ່ອງຮອຍ ໃດໆຂອງ​ຊາກ​ຫັກ​ພັງ​ຂອງ​ເຮືອບິນ ​ລຳ​ນີ້​.
Virginia Firm Calculating Malaysian Plane Location
please wait

No media source currently available

0:00 0:02:30 0:00

​ໃນ​ການ​ກ່າວ​ປາ​ໄສ​ຢູ່​ຄຽງ​ຂ້າງ​ທ່ານ Najib ນາຍົກລັດຖະມົນຕີ Tony Abbott ແຫ່ງ​ອອສ​ເຕຣ​ເລຍກ່າວ​ວ່າ ບໍ່​ມີ​ການ​ຮັບປະກັນ​ວ່າຈະ​ພົບ​ເຫັນ​ເຮືອບິນ​ລຳ​ນີ້ ​ແຕ່​ທ່ານ​ກ່າວ​ວ່າ ບັນດາ​ເຈົ້າ​ໜ້າ​ທີ່ “ຍັງ​ຈະ​ໃຊ້​ເວລາ​ດົນ​ຢູ່” ກ່ອນ​ຈະ​ຍອມ​ຢຸ​ດ ເຊົາ​ການ​ຊອກ​ຄົ້ນ​ຫາ​ເຮືອບິນ​ລຳ​ນີ້.
XS
SM
MD
LG