ເຈົ້າໜ້າທີ່ຂັ້ນສູງປະຈໍາຜະແນກການທ່ອງທ່ຽວຂອງແຂວງຫຼວງພະບາງ ໄດ້ສະແດງ
ຄວາມໝັ້ນໃຈວ່າ ໃນຕະຫຼອດປີ 2012 ນີ້ ເຊິ່ງເປັນປີທ່ອງທ່ຽວລາວ (Visit Lao
Year) ນັ້ນຈະມີນັກທ່ອງທ່ຽວທັ້ງທີ່ເປັນຄົນລາວ ແລະຊາວຕ່າງປະເທດ ເດີນທາງ
ເຂົ້າໄປໃນແຂວງຫຼວງພະບາງຫຼາຍກວ່າ 2 ລ້ານຄົນຢ່າງແນ່ນອນ.
ທັງນີ້ກໍເນື່ອງຈາກວ່າໃນຕະຫຼອດປີ 2011 ທີ່ຜ່ານມາກໍປະກົດວ່າມີນັກທ່ອງທ່ຽວ
ເກືອບ 1.9 ລ້ານຄົນ ທີ່ໄດ້ເດີນທາງເຂົ້າໄປໃນທ່ອງທ່ຽວໃນແຂວງຫຼວງພະບາງໂດຍ
ໃນຈໍານວນດັ່ງກ່າວ ກໍເປັນຄົນລາວຫຼາຍກວ່າ 1.6 ລ້ານຄົນ ແລະເປັນນັກທ່ອງທ່ຽວ
ຊາວຕ່າງຊາດຫຼາຍກວ່າ 274,500 ຄົນ ຊຶ່ງນອກຈາກຈະເພີ່ມຂຶ້ນ ຈາກປີ 2010 ຄິດ
ເປັນອັດຕາສະເລ່ຍທີ່ສູງກວ່າ 26% ແລະສ້າງລາຍຮັບໃຫ້ກັບພາກບໍລິການໃນແຂວງ
ໄດ້ຫຼາຍກວ່າ 164 ລ້ານໂດລາແລ້ວ ກໍຍັງປະກົດວ່າມີນັກທ່ອງທ່ຽວຕ່າງຊາດ ຈາກ
ຫຼາຍໆ ປະເທດອີກດ້ວຍທີ່ພາກັນເດີນທາງເຂົ້າໄປໃນແຂວງຫຼວງພະບາງ ດັ່ງທີ່ເຈົ້າ
ໜ້າທີ່ຄົນດັ່ງກ່າວໄດ້ຢືນຢັນວ່າ:
“ບັນຍາກາດການທ່ອງທ່ຽວໃນໄລຍະ 3 ເດືອນມານີ້ ກະຄ່ອຍໆຄຶກຄັກຂຶ້ນ
ສຳລັບນັກທ່ອງທ່ຽວ ສາກົນ ທີ່ເພີ້ມຂຶ້ນຈາກປີການເກືອບຮອດພັນຄົນ.
ນັກທ່ອງທ່ຽວ ທີ່ເຂົ້າມາທ່ຽວຫລວງພະບາງ ເປັນອັນດັບນຶ່ງກໍແມ່ນນັກ
ທ່ອງທ່ຽວຈາກປະເທດໄທ, ແລ້ວອັນດັບສອງກໍແມ່ນຈາກປະເທດອັງກິດ,
ອັນດັບສາມ ແມ່ນຈາກປະເທດຝຣັ່ງເສດ ແລ້ວກໍເປັນເຢຍລະມັນ ແລະ
ສະຫະລັດອາເມຣິກາ.”
ສໍາລັບໃນຕະຫຼອດໄລຍະປີການທ່ອງທ່ຽວລາວ 2012 ນີ້ ທາງການແຂວງຫຼວງພະ
ບາງຄາດວ່າ ຈະມີນັກທ່ອງທ່ຽວຊາວຕ່າງຊາດຫຼາຍກວ່າ 360,000 ຄົນ ທີ່ເດີນທາງ
ເຂົ້າໄປທ່ອງທ່ຽວໃນແຂວງຫຼວງພະບາງ ສ່ວນນັກທ່ອງທ່ຽວພາຍໃນປະເທດ ທີ່ເປັນ
ຄົນລາວນັ້ນກໍເຊື່ອວ່າ ຈະມີຈໍານວນຫຼາຍກວ່າ 2.1 ລ້ານຄົນທີ່ຈະເດີນທາງເຂົ້າໄປ
ທ່ອງທ່ຽວໃນແຂວງຫຼວງພະບາງຕະຫຼອດປີນີ້ ແລະ ກໍຈະເປັນຜົນເຮັດໃຫ້ພາກບໍລິ
ການໃນແຂວງຫຼວງພະບາງມີລາຍຮັບເພີ່ມຂຶ້ນເປັນຫຼາຍກວ່າ 175 ໂດລາ ລ້ານອີກ
ດ້ວຍ.
ໃນປະຈຸບັນນີ້ ແຂວງຫຼວງ
ພະບາງມີສະຖານທີ່ທ່ອງ
ທ່ຽວທັງໝົດ 220 ແຫ່ງ
ໂດຍແບ່ງເປັນສະຖານທີ່
ທ່ອງທ່ຽວດ້ານວັດທະນະ
ທໍາ 82 ແຫ່ງ, ສະຖານທີ່
ທ່ອງທ່ຽວດ້ານປະຫວັດ
ສາດ 32 ແຫ່ງ ແລະສະ
ຖານທີ່ທ່ອງທ່ຽວທໍາມະ
ຊາດ106 ແຫ່ງ.
ສ່ວນໃນດ້ານການລົງທຶນເພື່ອພັດທະນາພາກບໍລິການ ແລະການທ່ອງທ່ຽວໃນຕະຫຼອດ
ປີ 2011 ທີ່ຜ່ານມານັ້ນ ກໍປະກົດວ່າທາງການແຂວງຫຼວງພະບາງໄດ້ອະນຸມັດການລົງທຶນ
ທັງຈາກພາຍໃນ ແລະ ຈາກຕ່າງປະເທດຄິດເປັນມູນຄ່າລວມກັນຫຼາຍກວ່າ 83 ຕື້ກີບແລະ ການທີ່ປະກົດວ່າມີນັກທ່ອງທ່ຽວເດິນທາງເຂົ້າໄປໃນແຂວງຫຼວງພະບາງເພີ່ມຂຶ້ນຢ່າງຕໍ່
ເນື່ອງນັ້ນ ກໍຍັງເປັນຜົນເຮັດໃຫ້ມີບໍລິສັດທ່ອງທ່ຽວໄດ້ພາກັນໄປເປີດໃຫ້ບໍລິການຢູ່ໃນ
ແຂວງຫຼາຍກວ່າ 50 ສາຂາແລ້ວອີກດ້ວຍ.
ພາຍໃຕ້ແຜນການດັ່ງກ່າວນີ້ ນອກຈາກອົງການທ່ອງທ່ຽວແຫ່ງຊາດລາວຈະໄດ້ຕັ້ງເປົ້າ
ໝາຍ ທີ່ຈະດຶງດູດເອົານັກທ່ອງທ່ຽວຊາວຕ່າງຊາດ ໃຫ້ພາກັນມາທ່ອງທ່ຽວໃນລາວ ໃຫ້
ໄດ້ບໍ່ໜ້ອຍກວ່າ 2.6 ລ້ານຄົນໃນຕະຫລອດປີ 2012 ແລ້ວກໍຍັງໄດ້ແນໃສ່ການກຽມຄວາມ
ພ້ອມທັງໃນດ້ານໂຮງແຮມ, ຮ້ານອາຫານ, ສະຖານທີ່ທ່ອງທ່ຽວ ແລະການບໍລິການຕ່າງໆ
ສຳລັບຮອງຮັບປີທ່ອງທ່ຽວລາວໃຫ້ໄດ້ຢ່າງມີປະສິດທິພາບ ແລະໃຫ້ເປັນທີ່ປະທັບໃຈຂອງ
ນັກທ່ອງທ່ຽວຊາວຕ່າງຊາດ ອີກດ້ວຍ.
ປັດຈຸບັນນີ້ ທົ່ວປະເທດລາວ ມີໂຮງແຮມ 357 ແຫ່ງ, ບ້ານພັກ 1,127 ແຫ່ງ, ຮ້ານອາຫານ
1,246 ແຫ່ງ ແລະສະຖານທີ່ທ່ອງທ່ຽວທຳມະຊາດແລະວັດທະນະທຳ 1,493 ແຫ່ງ. ຫາກ
ແຕ່ວ່າໃນຈຳນວນນີ້ ມີພຽງ 456 ແຫ່ງເທົ່ານັ້ນ ທີ່ໄດ້ຮັບການພັດທະນາໃຫ້ສາມາດຮັບຮອງ
ນັກທ່ອງທ່ຽວໄດ້ແລ້ວ ໃນຂະນະທີ່ໂຮງແຮມແລະບ້ານພັກໃນທົ່ວປະເທດນັ້ນ ກໍສາມາດຮອງ
ຮັບນັກທ່ອງທ່ຽວໄດ້ທັງໝົດ 40,000 ຄົນຕໍ່ຄືນ.
ນອກຈາກນັ້ນ ຖ້າຫາກວ່າ ໂຄງການກໍ່ສ້າງທາງດ້ວຍລົດໄຟຄວາມໄວສູງລະຫວ່າງຈີນກັບ
ລາວເສັດແລ້ວ ຕາມແຜນການ ທີ່ວາງໄວ້ພາຍໃນປີ 2015 ກໍຍັງຈະສົ່ງຜົນດີ ຕໍ່ການພັດ
ທະນາການທ່ອງທ່ຽວໃນລາວອີກດ້ວຍ ໂດຍທາງການລາວຄາດໝາຍວ່າ ຈະມີນັກທ່ອງ
ທ່ຽວຊາວຕ່າງຊາດ ຫລາຍກວ່າ 2.8 ລ້ານຄົນ ທີ່ຈະເດີນທາງເຂົ້າໄປໃນລາວໃນປີ 2015
ສ່ວນປີທີ່ຜ່ານມາ ກໍປະກົດວ່າ ມີນັກທ່ອງທ່ຽວຕ່າງຊາດ ເກືອບ 2.5 ລ້ານຄົນ ທີ່ເດີນທາງ
ເຂົ້າໄປໃນລາວ.
