ຫຸ່ນຍົນເດີນທະເລໄດ້ຖືກໃຊ້ຫຼາຍຂຶ້ນສຳລັບທຸກຢ່າງ ນັບຈາກການຄົ້ນຄວ້າໃນມະຫາສະໝຸດ ຕະຫຼອດເຖິງການປະຕິບັດພາລະກິດກູ້ໄພ. ນັກຂ່າວວີໂອເອ ແມັດ ດິບໂບ ມີຂໍ້ມູນຫຼ້າສຸດໃນລາຍງານຂອງເຮົາອາທິດນີ້ ເຊິ່ງ ພຸດທະສອນ ຈະນຳເອົາລາຍລະອຽດມາສະເໜີທ່ານ.
ຫຸ່ນຍົນເຮືອຊື່ວ່າ Otter ລອຍກັບໄປກັບມາຢູ່ໃນນ້ຳ, ເຊິ່ງມັນແມ່ນເຮືອລອຍຢູ່ເທິງໜ້ານ້ຳທີ່ບໍ່ມີຄົນຂັບຫຼືລູກເຮືອ, ທີ່ເອີ້ນຫຍໍ້ວ່າ USV, ໃນລະຫວ່າງການສາທິດຢູ່ເທິງແມ່ນ້ຳເທມ ໃນນະຄອນຫຼວງ ລອນດອນ.
ທ່ານ ທອມມາສ ຣີ ຜູ້ບໍລິຫານດ້ານຜະລິດຕະພັນສຳລັບບໍລິສັດ Maritime Robotics ກ່າວວ່າ “ນັ້ນແມ່ນເຮືອໜ້ານ້ຳອັດຕະໂນມັດ, ໃຊ້ໄຟຟ້າລ້ວນໆ, ໂດຍໃຊ້ເທັກໂນໂລຈີ ໂຊນາ ເພື່ອຫາວັດຖຸໃຕ້ນ້ຳດ້ວຍຄື້ນສຽງ, ເກັບກຳຂໍ້ມູນຈາກພື້ນທະເລໃຕ້ນ້ຳ ແລ້ວນຳມາຕິດຕໍ່ເຂົ້າກັນກັບ ແຜນທີ່ GPS ສະນັ້ນພວກເຮົາຈຶ່ງສາມາດເຫັນໄດ້ວ່າ ພື້ນທະເລເປັນແນວໃດ.”
ເຮືອໜ້ານ້ຳ Otter ແມ່ນໄດ້ປາກົດຕົວຢູ່ກອງປະຊຸມເທັກໂນໂລຈີໃຕ້ນ້ຳ ໃນນະຄອນຫຼວງ ລອນດອນ ພ້ອມກັບຫຸ່ນຍົນເດີນທະເລອີກຫຼາກຫຼາຍຊະນິດ. ຕະຫຼາດສຳລັບຫຸ່ນຍົນໃຕ້ນໍ້າ ແມ່ນຄາດວ່າ ຈະຂະຫຍາຍຕົວເປັນສາມເທົ່າໃນທົດສະວັດຂ້າງໜ້ານີ້ ໃນຂະນະທີ່ເທັກໂນໂລຈີໄດ້ກາຍມາເປັນທາງອອກທີ່ມີລາຄາບໍ່ແພງສຳລັບການປະຕິບັດພາລະກິດຫຼາຍຢ່າງ.
ທ່ານ ທອມມາສ ຣີ ກ່າວວ່າ “ກ່ອນໜ້ານີ້, ເຈົ້າຕ້ອງມີເຮືອລຳໃຫຍ່ໆ ແລະ ເຄື່ອງມືທີ່ໃຫຍ່ ແລະ ໜັກ ເພື່ອເຕົ້າໂຮມຂໍ້ມູນນີ້. ແລະ ພວກເຮົາໄດ້ຫຍໍ້ມັນລົງໃຫ້ເປັນໜ່ວຍປະຕິບັດງານດຽວ ຕັ້ງຢູ່ເທິງໂຕະຂອງລາວ ຢູ່ໃນບ້ານ.”
ໂດຣນໃຕ້ນ້ຳຂອງບໍລິສັດ Chase ແມ່ນຖືກອອກແບບມາໃຫ້ເປັນເຄື່ອງມືອະເໜກປະສົງ, ສາມາດທີ່ຈະປະຕິບັດການສຳຫຼວດເຮືອ ແລະ ພື້ນຖານໂຄງລ່າງ, ທຳການຄົ້ນຄວ້າທາງວິທະຍາສາດ ແລະ ແມ່ນກະທັ້ງການກູ້ໄພ.
ທ່ານ ເດັນນິສ ເຮ, ຈາກບໍລິສັດ Chase Innovation Technology ກ່າວວ່າ “ນຶ່ງໃນຫຸ່ນຍົນຂອງພວກເຮົາ, ສາມາດຕິດອຸປະກອນເສີມໄດ້ຫຼາຍກວ່າ 20 ອັນ. ສົມມຸດວ່າ ສຳລັບການຄົ້ນຄວ້າດ້ານວິທະຍາສາດ ຫຼື ສຳລັບສິ່ງແວດລ້ອມ. ພວກເຮົາໄດ້ຕົວຢ່າງນ້ຳ ຫຼື ເຊັນເຊີ. ສຳລັບການຄົ້ນຫາ ແລະ ກູ້ໄພຕ່າງໆ, ເຈົ້າສາມາດໃຊ້ອຸປະກອນຄົ້ນຫາສິ່ງຂອງຢູ່ໃຕ້ນ້ຳດ້ວຍຄື້ນສຽງ ຫຼຶ ໂຊນາ, ພາບຖ່າຍພື້ນທະເລ, ເພື່ອກວດຫາຊາກສົບຕ່າງໆ.”
ແລະ ນອກຈາກນັ້ນ ມັນກໍມີວຽກທີ່ອັນຕະລາຍໂພດສຳລັບມະນຸດ, ເຊັ່ນການຄົ້ນຫາລະເບີດຝັງດິນຢູ່ຕາມຊາຍຝັ່ງທະເລ.
ຫຸ່ນຍົນ Bayonet ຂອງບໍລິສັດ Greensea IQ ແມ່ນຖືກອອກແບບມາເພື່ອເຮັດວຽກຢູ່ໃນ “ເຂດຄື້ນທະເລ ຫຼື ເຊີຟ” ບ່ອນທີ່ຄື້ນທະເລທັງຫຼາຍມ້ວນຕົວລົງ.
ທ່ານ ເບັນ ຄິນນາແມນ ຈາກບໍລິສັດ Greensea IQ ກ່າວວ່າ “ສິ່ງທີ່ພວກຫຸ່ນຍົນ ແລະ ການບັງຄັບດ້ວຍຕົວມັນເອງ ໄດ້ມອບໃຫ້ເຮົາ ກໍແມ່ນວ່າ ມັນໃຫ້ພວກເຮົາວຽກເຮັດງານທຳ ອັນໃໝ່ໆ, ວິທີການເຮັດວຽກແບບໃໝ່.
Back and forth across the water goes The Otter, an uncrewed surface vessel, or USV, during a demonstration on the River Thames in London.
"That's an autonomous USV, fully electric USV, using sonar technology, collecting data from the seafloor underwater and stitching that together with GPS mapping so that we can see what the seafloor looks like."
The Otter is appearing at this undersea technology convention in London along with a wide variety of seafaring robots. The market for underwater robotics is expected to more than triple over the next decade as technology has evolved to provide a less-expensive solution for a variety of missions.
"Previously, you'd have to have a big vessel and big, chunky equipment to gather this data. // And we've narrowed that down to a single operator sitting at home behind his desk."
Chasing’s underwater drones are designed to be versatile, capable of performing inspections of boats and infrastructure, scientific research, and even rescues.
"One of our robots, we can attach 20-plus accessories. ((Courtesy: YouTube/Chasing Innovation Technology)) Let's say for scientific research or for environmental. We've got water samples or sensors. For search and rescues, you can use sonars, imaging sonars, to detect bodies.”
And then there are the jobs too dangerous for humans, such as searching for landmines along the shore.
Greensea IQ’s Bayonet robots are designed to work in the “surf zone” where waves are breaking.
“What robots and autonomy gives us is it gives us new jobs to do, new ways of working.”
Expect to see more robots taking the plunge in coming years.
ຟໍຣັມສະແດງຄວາມຄິດເຫັນ