ລິ້ງ ສຳຫລັບເຂົ້າຫາ

logo-print

ຊາວຫວຽດນາມ ທີ່ລໍຖ້າ ການຖືກເນລະເທດ ແມ່ນຍັງຢູ່ ແບບເລື່ອນລອຍ ທີ່​ບໍ່​ແນ່ນອນ


ລັດຖະບານ​ຂອງ​ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣຳ ກ່າວ​ວ່າ ​ຕົນໄດ້​ພົບ​ເຫັນ ​
ຊາ​ວຫວຽດນາມ​ຫຼາຍ​ພັນ​ຄົນ ທີ່​ຕົກຢູ່ໃນສະພາບຖືກ​ເນລະ​ເທດ. ​ໃນ​ຂະນະ ທີ່​ການເນລະ​ເທດດັ່ງກ່າວ ອາດ​ຈະເປັນ​ໄປ​ບໍ່​ໄດ້ ​ພາຍໃຕ້​ຂໍ້​ຕົກລົງ​ປີ 2008 ລະຫວ່າງ​ສະຫະລັດ ​ກັບ​ຫວຽດນາມ ແຕ່ ພວກ​ທີ່​ຕົກຢູ່ພາຍ​ໃຕ້​ການ​ຖືກ​ເນລະ​ເທດນັ້ນ ກໍຈະປະ​ເຊີນ​ໜ້າ​ ກັບຊີ​ວິດ
​ທີ່​ບໍ່​ແນ່ນອນ. ​ ນັກ​ຂ່າວ​ວີ​ໂອ​ເອ ພະ​ແນ​ກພາສາ​ຫວຽດນາມ ວູ ຫງຽວນ ມີ​ລາຍ​ງານເລື່ອງ
​ນີ້ ຊຶ່ງ​ວັນນະ​ສອນ ຈະ​ນຳ​ລາຍ​ລະອຽດມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ທ້າວ​ໂຣ​ເບີຣ໌ດ ຮວຽນ ຮ້ອງ​ໃຫ້​ນຳ​ອ້າຍ​ຂອງ​ລາວ ຜູ້​ທີ່​ໄດ້​ເສຍ​ຊີວິດ ບໍ່​ດົນ ຫຼັງ​ຈາກ​
​ໄດ້​ມາ​ເຖິງ​ສະຫະລັດ ​ເພື່ອ​ອະນາ​ຄົດ​ຂອງລາວ ​ແລະ​ເພື່ອ​ເບິ່ງ​ແຍງ​ດູແລແມ່​ຂອງ​ລາວ
ທີ່​ມີ​ອາຍຸ 80 ປີ​ນັ້ນ.

ທ້າວ​ໂຣ​ເບີຣ໌ດ ຮວຽນ ຜູ້​ຊຶ່ງ​ປະ​ເຊີນ​ໜ້າ​ ກັບ​ການ​ຖືກ​ເນລະ​ເທດ ກ່າວ​ວ່າ “ຂ້ອຍ​ຢ້ານ
ວ່າ ຂ້ອຍ​ຈະ​ບໍ່​ໄດ້​ຢູ່​ໃກ້ເພິ່ນ​ຕອນ​ເພິ່ນ​ໝົດ​ລົມ​ຫາຍ​ໃຈ.”

ລູກ​ຊາຍ​ຂອງທະຫານຜີວ​ດຳ​ແນວ​ໜ້າທີ່ມັກເອີ້ນກັນວ່າ ຈີ ອາຍ ຄື ທ້າວ ຮວຽນນັ້ນ ​
ໄດ້​ມາ​ເຖິງ​ສະຫະລັດ ກັບ​ແມ່​ຂອງ​ລາວ ​ແລະ​ອ້າ​ຍ​ເອື້ອຍ​ນ້ອງ​ນຳ​ກັນ​ 3 ຄົນ ໃນ​ປີ
1984 ຫຼັງ​ຈາກ​ສົງຄາມ​ຫວຽດນາມ​. ປັດຈຸບັນ​ນີ້ ລາວມີ​ອາຍຸ 49 ປີ ​ແລະ​ອາ​ໄສ​ຢູ່​
ນະຄອນ​ຮູ​ສຕັນ ລາວ​ບໍ່ເຄີຍ​ຄິດ​ເຄີຍ​ຝັນ​ເລີຍ​ວ່າ ​ຈະ​ໄດ້​ຖືກ​ເນລະ​ເທດ ກັບ​ຄືນ​ໄປ
​ຫວຽດນາມ​, ຊຶ່ງເປັນປະ​ເທດ​ທີ່​ບໍ່​ຕ້ອນຮັບ​ພວກ​ລູກ​ໆ​ຂອງ​ທະຫານ​ອາ​ເມຣິກັນ.

​ແຕ່​ວ່າ​ໃນ​ປີ 2003 ທ້າວ ຮວຽນ ​ແມ່ນໄດ້​ຖືກຕ້ອງ​ໂທດ​ ໃນ​ຄະດີ​ຄ້າ​ຢາ​ເສບ​ຕິດ ​ແລະຖືກ​ຕັດສິນໃສ່​ຄຸກ​ 3 ປີ. ຫຼັງ​ຈາກ​ລາວ​ຖືກ​ປ່ອຍ​ອອກມາ, ອົງການ​ຄຸ້ມ​ຄອງ​ຄົນ​ເຂົ້າ​ເມືອງ​
ແລະ​ພາສີ​ອາກອນ ຫຼື ICE ຍັງ​ໄດ້​ກັກ​ຕົວ​ຜູ້ກ່ຽວ​ອີກ​ຕື່ມ 6 ​ເດືອນ.

ທ້າວ​ຮວຽນ ກ່າວ​ວ່າ “ບໍ່​ມີ​ຜູ້ໃດບອກ​ຂ້ອຍ​ເລີຍ​ວ່າ ການ​ກໍ່​ອາ​ຊະ​ຍາ​ກຳ​ນີ້ ຈະ​ຖືກ​
ເນລະເທດ ຖ້າ​ຫາກ​ວ່າ​ຂ້ອຍ​ບໍ່ເປັນ​ສັນຊາດ​ອາ​ເມຣິກັນ. ບໍ່​ມີ​ຜູ້ໃດ​ເລີຍ​ ໄດ້ບອກ​
ຂ້ອຍ​ແບບ​ນັ້ນ. ເຖິງ​ຢ່າງ​ໃດ​ກໍ​ຕາມ, ຂ້ອຍ​ບໍ່​ເຊື່ອ​ວ່າ ລັດຖະບານສະຫະລັດ ຈະ​ສາ
ມາດ​ເນລະ​ເທດລູກ​ຂອງ​ຊາວ​ອາ​ເມຣິກັນ ຄືເຊັ່ນ​ຂ້ອຍ.”

ທ້າວ​ຮວຽນ ​ເຊື່ອ​ວ່າ ລາວໄດ້​ຮັບ​ການ​ຄຸ້ມ​ຄອງ​ພາຍ​ໃຕ້ ຂໍ້​ຕົກລົງ​ການ​ເນລະ​ເທດ​ປີ
2008 ທີ່​ອະ​ນຸ​ຍາດ​ໃຫ້ຖືກ​ເນລະ​ເທດ​ ​ພຽງແຕ່ຊາວ​ຫວຽດນາມ ທີ່​ໄດ້​ມາ​ຍັງ​ສະຫະລັດ
ຫຼັງ​ຈາກ​ປີ 1995 ເທົ່ານັ້ນ.

ທ່ານ ດາ​ນຽລ ຄຣິຕັນ​ບຣິຄ (Daniel Kritenbrink) ​ເອກ​ອັກຄະ​ລັດຖະທູດສະຫະລັດ
​ປະຈຳ​ຫວຽດນາມ ກ່າວ​ວ່າ “ສຳ​ລັບ​ພວກ​ທີ່​ມາ​ຍັງ​ສະຫະລັດ ກ່ອນ ປີ 1995,
ນັ້ນ​ໝາຍຄວາມ​ວ່າ​ຂໍ້​ຕົກລົງ​ໃນ​ປັດຈຸບັນ​ ​ແມ່ນ​ບໍ່​ໄດ້​ຮວມ​ເອົາ​ພວກ​ເຂົາ​ເຈົ້າຢູ່ນຳ.”

​ໃນ​ເດືອນ​ມີນາ​ຜ່ານ​ມາ​ນີ້ ສະຫະລັດ​ໄດ້​ເລີ່​ມເກັບກຳ​ເອົາ​ພວກ​ອົບ​ພະຍົບຊາວ​ຫວຽດນາມ
​ໂດຍ​ສະ​ເພາະ​ພວກ​ທີ່​ໄດ້​ກໍ່​ອາ​ຊະ​ຍາ​ກຳ.

ທ້າວ​ຮວຽນ ​ໄດ້​ຖືກ​ກັກ​ໂຕ ​ໂດຍອົງການ ICE ​ໃນ​ເດືອນ​ກຸມພາ ​ປີກາຍນີ້ ​ແລະ​ໄດ້ຖືກ​ຂັງ
​ມາ ດົນ​ກວ່ານຶ່ງປີແລ້ວ.

ທ້າວ​ຮວຽນ ກ່າວ​ວ່າ “ຂ້ອຍ​ບໍ່​ຮູ້​ວ່າດົນ​ປານ​ໃດ​ເພິ່ນ​ຈະ​ປ່ອຍ​ຂ້ອຍ. ຂ້ອຍ​ບໍ່​ຮູ້​ວ່າ ຂ້ອຍ
​ຈະ​ສາມາດ​ຢູ່​ຕໍ່​ໄປ​ໄດ້​ ຫຼືຈະຖືກ​ເນລະ​ເທດ. ຄື​ວ່າ ຂ້ອຍລໍຖ້າ​ຢູ່ ດ້ວຍ​ຄວາມ​ມືດ.”

ທະນາຍຄວາມ​ຂອງ​ທ້າວ​ຮວຽນ ​ໄດ້​ຮັບໃບອະນຸຍາດ​ປ່ອຍ​ຕົວລາວ ​ໃນວັນ​ທີ່ 7 ມີນາ, ​
ແຕ່​ເຕືອນລາວ​ວ່າ ລາວ​ອາດ​ຈະ​ຖືກ​ຈັບ​ກຸມ​ອີກ ​ໃນ​ເວລາ​ໃດ ກໍ​ໄດ້.

ລັດຖະບານ​ຂອງ​ທ່ານ​ ທຣຳ ​ໄດ້​ຈາ​ໜ້າ​ຊາວ​ຫວຽດນາມພວກ​ນີ້​ວ່າ “ດື້​ດັນ ຫົວ​ແຂງ”
ທີ່ບໍ່​ຍອມຮັບ​ເອົາການ​ຖືກ​ເນລະ​ເທດ. ສະ​ນັ້ນ​ໃນ​ປັດຈຸບັນ​ນີ້ ທ້າວ​ຮວຽນ ​ແລະ​ຊາວ​
ຫວຽດນາມ​ຄົນ​ອື່ນໆ ກໍແມ່ນ​ຕົກ​ຢູ່​ໃນ​ສະພາບ​ເລື່ອນລອຍ.

ນາງ ຮ່າ​ນ ​ຮວຽນ ​ແມ່ຂອງທ້າວ​ຮວຽນ ກ່າວ​ວ່າ “ລູກ​ຊາຍ​ຂ້ອຍ ຈະບໍ່​ສາມາດ​ຖືກ​
ເນລະເທດ. ລາວ​ແມ່ນ​ອາ​ເມຣິກັນ. ເບິ່ງຮູບ​ຂອງ​ພໍ່​ລາວ​ແມ໋ະ, ພໍ່ຂອງ​ລາວ​ແມ່ນ​ຄົນ​
ອາ​ເມຣິກັນ.”

ພວກ​ນັກ​ຊ່ຽວຊານທັງຫຼາຍ ກ່າວ​ວ່າ ທ້າວ​ຮວຽນ ບໍ່​ແມ່ນຜູ້​ດຽວ​ຕາມ​ລຳພັງ. ລາວ​ແມ່ນ
1 ​ໃນ​ຈຳນວນຊາວ​ຫວຽດນາມ 8,600 ຄົນ ທີ່​ອົງການ ICE ​ຖື​ວ່າ​ ເປັນ​ຊາວ​ຕ່າງ​ດ້າວ​ທີ່ບໍ່ເພິ່ງປາດຖະໜາ ​ແລະ​ສາມາດ​ທີ່​ຈະ​ຖືກ​ເນລະ​ເທດ ​ທຸກ​ເມື່ອ.

The administration of President Donald Trump has identified thousands of Vietnamese, it says, are eligible for deportation. While deportation may not be possible under a 2008 agreement between the U.S. and Vietnam, those under the cloud of deportation face a life of uncertainty. Vu Nguyen of VOA's Vietnamese Service reports.

Robert Huynh weeps for his brother, who died shortly after coming to the U.S. -- for his future, and for his 80-year-old mother.

"I'm afraid that I'll not be next to her when she is gone."

The son of a black G.I., Huynh arrived in the U.S. with his mother and three siblings in 1984 - after the Vietnam War. Now 49, and living in Houston, he never imagined he would be deported back to Vietnam; a country that does not welcome the children of U.S. soldiers.

But in 2003, Huynh was convicted for dealing drugs and served a 3-year sentence. After his release, U.S. Immigration and Customs Enforcement or ICE detained him for another six months.

"Nobody told me that committing crimes could get me deported if I'm not naturalized. No one ever told me that. Anyway, I didn't believe that the U.S. government could deport a child of an American like me."

Huynh believed he was protected under a 2008 deportation agreement that only allows deportation of Vietnamese who came to the U.S. after 1995.

Daniel Kritenbrink is US Ambassador to Vietnam.

"For people who came to the U.S before 1995, it means that the agreement currently does not cover them."

In March, the U.S. began large-scale roundups of Vietnamese refugees, particularly those with criminal convictions.

Huynh was detained by ICE last February and held for more than a year.

"I didn't know about the timeframe for release. I didn't know if I could stay or if I'd be deported. I just waited in darkness."

Huynh's attorney obtained his release, March 7, but warned him that he could be detained again at any time.

The Trump administration has labeled Vietnam "recalcitrant" for its unwillingness to accept deportees. So for now, Huynh and other Vietnamese like him, live under a cloud.

"My son cannot be deported, he is American. Look at his father's picture---his father is American."

Experts say Huynh is not alone. He is just one of 8,600 Vietnamese ICE considers undesirable aliens, eligible for deportation at any moment.



ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG