ລາຍງານບລອກສົດ! ການເລືອກຕັ້ງ ສະຫະລັດ ປີ 2024

ລາຍງານຫຼ້າສຸດໃນຂະນະນີ້, ທ່ານ ດໍໂນລ ທຣໍາ ນໍາຕື່ມອີກ 7 ລັດ, ໃນນັ້ນລວມມີ ລັດເທັກຊັາ, ລັດຫລຸຍເຊຍນາ, ໂອໄຮໂອ, ເນບຣາສກາ, ດາໂກຕ້າໃຕ້, ດາໂກຕ້າເໜືອ ແລະລັດໂງໂອມິງ, ສ່ວນ ທ່ານນາງ ຄາມາລາ ແຮຣິສ ແມ່ນນໍາຕື່ມໃນລັດ ອີລີນອຍ.

ມາຮອດປັດຈຸບັນນີ້, ທ່ານ ດໍໂນລ ທຣໍາ ມີຄະແນນຕື່ມອີກ 3 ລັດຄື: ລັດ ຄາໂຣໂລນາໃຕ້ ດ້ວຍ 9 ຄະແນນ, ລັດ ອາແກນຊໍ ດ້ວຍ 6 ຄະແນນ, ແລະ ລັດເວີຈີເນຍຕາເວັນຕົກ ດ້ວຍຄະແນນ 4 ຄະແນນ.

ທ່ານ ດໍ​ໂນ​ລ ທ​ຣຳ ໄດ້​ຊະ​ນະ​ຕື່ມ​ອີກ 5 ລັດ ຄື: ອາ​ລາ​ບາ​ມາ, ຟ​ລໍ​ຣິ​ດາ, ເທັນ​ເນັ​ສ​ຊີ, ມິ​ສ​ຊິ​ສ​ຊິບ​ປີ, ໂອກ​ລາ​ໂຮ​ມາ. ທ່ານ​ນາງ ຄາ​ມາ​ລາ ແຮ​ຣິ​ສ​ ຊະ​ນະ​ຕື່ມ​ອີກ​ນຶ່ງ​ລັດ​ຄື: ລັດ ແມ​ຣີ​ແລນ. ທ່​າ​ນ ທ​ຣຳ ນຳ​ໜ້າທ່ານ​ນາງ ແຮ​ຣິ​ສ ໃນ​ຄະ​ແນນ​ຂອງ​ຄະ​ນະ​ຜູ້​ແທນ​ລັດ 86 ຕໍ່ 13.