ຮອງປະທານາທິບໍດີ ຄາມາລາ ແຮຣິສ ກ່າວຖະແຫລງຍອມຮັບຄວາມພ່າຍແພ້ໃນການເລືອກຕັ້ງ
ໃນເວລາ 4:25 ຕອນບ່າຍວັນພຸດ ທີ 6 ຕຸລາ 2024, ທ່ານນາງ ຄາມາລາ ແຮຣິດ ກ່າວຄຳປາໄສຕໍ່ໜ້າບັນດາຜູ້ສະໜັບສະໜູນແລະແຂກຜູ້ມີກຽດຈາກພັກເດໂມແຄຣັດ ໃນການຍອມຮັບຄວາມພ່າຍແພ້ການເລືອກຕັ້ງ ຢູ່ດ້ານນອກ ມະຫາວິທະຍາໄລ ຮາວວອດ ໃນນະຄອນຫຼວງ ວໍຊິງຕັນ ບ່ອນທີ່ທ່ານນາງ ໄດ້ຮັບປະລິນຍາເອກ.
ທ່ານນາງກ່າວຂອບອົກຂອບໃຈບັນດາຜູ້ສະໜັບສະໜູນໝົດທຸກຄົນ ເຊິ່ງທ່ານນາງກ່າວວ່າ "ແສງໄຟແຫ່ງຄວາມສົດໄສຍັງສ່ອງແສງອອກໄປຢູ່ ແລະຕາບໃດທີ່ມັນຍັງຮຸ່ງຢູ່ ພວກເຮົາຈະສູ້ຕໍ່ໄປ."
ທ່ານນາງເວົ້າວ່າ "ຂ້າພະເຈົ້າໄດ້ໂທໄປຫາທ່ານທຣຳ ແລະໄດ້ສະແດງຄວາມຍິນດີຕໍ່ທ່ານ ແລະຈະຊ່ອຍທ່ານໃນການໂອນອຳນາດເປັນໄປຢ່າງຮຽບຮ້ອຍ."
ຜົນການເລືອກຕັ້ງອອກມາເກືອບໝົດທຸກລັດແລ້ວ ທ່ານທຣຳ ໄດ້ຮັບຄະແນນສຽງຂອງຜຸ້ແທນ 277
ໃນຕອນເຊົ້າມືດຂອງວັນພຸດມື້ນີ້ ອະດີດປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ອອກມາປະກາດໄຊຊະນະ ຢູ່ທີ່ບ້ານພັກ ມາຣ-ອາ-ລາໂກ້ ໃນລັດຟລໍຣິດາ ຮ່ວມກັບບັນດາຜູ້ສະໜັບສະໜູນຂອງທ່ານ ຫຼັງຈາກໄດ້ຖືກເລືອກເປັນປະທານາທິບໍດີຄົນທີ 47 ໂດຍໄດ້ຊະນະໃນຫຼາຍລັດທີ່ສຳຄັນ, ລວມທັງລັດ ເພັນຊິລເວເນຍ ແລະ ວິສຄອນຊິນ, ໂດຍການເອົາຊະນະຮອງປະທານາທິບໍດີ ຄາມາລາ ແຮຣິສ.
ທ່ານ ດໍໂນລ ທຣຳ ຕ້ອງການຄະແນນສຽງຈາກຄະນະຜູ້ແທນລັດ 270 ຄະແນນເພື່ອຊະນະການແຂ່ງຂັນ, ແຕ່ແຜນທີ່ການເລືອກຕັ້ງໃນປັດຈຸບັນນີ້ສະແດງໃຫ້ເຫັນວ່າ ທ່ານມີຢູ່ 277 ຄະແນນ ຕໍ່ທ່ານນາງ ຄາມາລາ ແຮຣິສ 224 ຄະແນນ.
ທ່ານນາງ ແຮຣິສ ມີຄະແນນຂຶ້ນມາເພີ້ມຈາກລັດ ນິວເມັກຊິໂກ ສົ່ງຜົນເຮັດໃຫ້ ທ່ານນາງ ມີຄະແນນນະເວລານີ້ເປັນ 205, ສ່ວນ ທ່ານທຣໍາ ຍັງຄົງມີຄະແນນຢູ່ທີ່ 230.
ໃກ້ເຂົ້າມາເລື້ອຍໆແລ້ວ ສໍາລັບຕໍາແໜ່ງປະທານາທິບໍດີຄົນທີ 47 ຂອງ ສະຫະລັດ, ເຊິ່ງ ທ່ານ ທຣໍາ ຍັງຄົງນໍາ ທ່ານນາງ ແຮຣິສ ດ້ວຍຄະແນນ 230 ໂດຍໄດ້ເພີ້ມຈາກລັດ ຄາໂຣໄລນາເໜືອ, ສ່ວນ ທ່ານນາງ ແຮຣິສ ຍັງຄົງຕິດຕາມມາດ້ວຍຄະແນນ 187 ໂດຍໄດ້ເພີ້ມຈາກລັດ ໂອເຣກອນ.