ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ຊົມເຊີຍການເລືອກຕັ້ງແບບເສລີ
ຄັ້ງທໍາອິດຂອງລີເບຍ ໃນຮອບຫລາຍທົດສະວັດ ໂດຍເອີ້ນການເລືອກຕັ້ງນັ້ນວ່າ ເປັນ
ເຫດການສໍາຄັນຄັ້ງປະຫວັດສາດອີກອັນນຶ່ງ ໃນໄລຍະຂ້າມຜ່ານໄປສູ່ປະຊາທິປະໄຕ
ຂອງປະເທດນັ້ນ.
ໃນຄໍາຖະແຫລງສະບັບນຶ່ງທີ່ນໍາອອກເຜີຍແຜ່ໃນຕອນແລງວັນເສົາວານນີ້ ທ່ານໂອບາ
ມາ ໄດ້ສະແດງຄວາມຊົມເຊີຍຕໍ່ລີເບຍ ຕາງໜ້າປະຊາຊົນອາເມຣິກັນ.
ໃນຄໍາປາໃສຢູ່ທີ່ນະຄອນໂຕກຽວໃນວັນອາທິດມື້ນີ້ ລັດຖະມົນຕີກະຊວງການຕ່າງປະ
ເທດສະຫະລັດ ທ່ານນາງ Hilary Clinton ກໍໄດ້ຊົມເຊີຍປະຊາຊົນລີເບຍ ເຊັ່ນກັນ.
ສຽງ….
ທ່ານນາງຄລິນເຕິນເວົ້າວ່າ: “ພວກເຮົາຂໍສະແດງຄວາມຊົມເຊີຍຕໍ່ປະຊາຊົນລີເບຍ
ສໍາລັບ ເຫດການສໍາຄັນຄັ້ງປະຫວັດສາດອັນນີ້. ພາຍຫລັງທີ່ຢູ່ໄດ້ໃຕ້ການປົກຄອງ
ຂອງລະບອບ ຜະເດັດການມາເປັນເວລາ 4 ທົດສະວັດ ຜູ້ຊາຍແລະຜູ້ຍິງ ຢູ່ທຸກຈອກ
ທຸກແຈຂອງປະເທດລີເບຍ ແມ່ນກໍາລັງເລີ້ມຕົ້ນຕັດສິນອະນາຄົດຂອງຕົນເອງ ແລະ
ມັນຈະເປັນໄປຕາມຄວາມສະມັກໃຈຂອງປະຊາຊົນ ບໍ່ແມ່ນຄວາມຕ້ອງການຕາມໃຈ
ຂອງຜູ້ຜະເດັດການອີກຕໍ່ໄປ.”
ຄະນະກໍາມາທິການເລືອກຕັ້ງ ຕີລາຄາວ່າ ມີຜູ້ໄປປ່ອນບັດເລືອກຕັ້ງໃນວັນເສົາວານນີ້
ປະມານ 60%. ຜົນຂອງການນັບຄະແນນສຽງ ຈະປະກາດໃຫ້ຮູ້ໃນເວລາຕໍ່ໄປພາຍໃນ
ທ້າຍອາທິດນີ້.
ຊາວລີເບຍເກືອບຮອດ 3 ລ້ານຄົນໄດ້ໄປຈົດຊື່ລົງທະບຽນ ເພື່ອອອກສຽງໃນການເລືອກ ຕັ້ງເອົາສະມາຊິກເຂົ້າໄປປະຈໍາສະພາແຫ່ງຊາດ ທີ່ມີ 200 ບ່ອນນັ່ງ ໂດຍມີໜ້າທີ່ຈັດຕັ້ງ
ລັດຖະບານຊົ່ວຄາວ ແລະຮ່າງລັດຖະທໍາມະນູນຂຶ້ນລ່ວງໜ້າການ ເລືອກຕັ້ງ ລັດຖະສະ
ພາຄົບຊຸດ ໃນປີໜ້າ.
ເບິ່ງການວີດິໂອກ່ຽວກັບການເລືອກຕັ້ງໃນລີເບຍ
