ບໍລິສັດຈີນ ຜູ້ສ້າງດາວທຽມດວງທຳອິດ ໃຫ້ລາວ ປະກາດ
ຄວາມພ້ອມ ທີ່ຈະສົ່ງ ດາວທຽມຂຶ້ນ ໄປສູ່ວົງໂຄຈອນ ໃນ
ໂອກາດສະເຫຼີມສະຫຼອງ ວັນຄົບຮອບ 40 ປີ ຂອງ ສປປ
ລາວ ໃນທ້າຍ ປີ 2015.
ກະຊວງໄປສະນີແລະໂທລະຄົມມະນາຄົມ ລາຍງານວ່າການສ້າງດາວທຽມດວງທຳອິດຂອງ
ລາວ ທີ່ດຳເນີນການໂດຍ ບໍລິສັດ China Asia-Pacific Mobile Telecommunications
Satellite ຈຳກັດ ໃນປະເທດຈີນ ໄດ້ມີຄວາມຄືບໜ້າຕາມແຜນການທີ່ວາງໄວ້ໃນທຸກດ້ານ ໂດຍ
ຫລ້າສຸດ ບໍລິສັດຈີນ ກໍໄດ້ໃຫ້ການຢືນຢັນວ່າ ຈະສາມາດສ້າງດາວທຽມດວງທຳອິດຂອງລາວ
ໃຫ້ແລ້ວສຳເລັດ ແລະສົ່ງຂຶ້ນສູ່ວົງໂຄຈອນໄດ້ ໃນໂອກາດສະເຫຼີມສະຫຼອງການສະຖາ
ປະນາ
ສປປ ລາວ ຄົບຮອບ 40 ປີ ໃນປີ 2015 ຢ່າງ ແນ່ນອນ.
ໂດຍການປະກາດດັ່ງກ່າວນີ້ ຂອງບໍລິສັດຈີນ ກໍນັບວ່າ ສອດຄ້ອງກັນກັບ ການໃຫ້ການ
ຂອງ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານດ້ານ
ເສດຖະກິດ ຂອງລັດຖະບານລາວ ຊຶ່ງໄດ້ເດີນທາງໄປກວດເບິ່ງ ຄວາມຄືບໜ້າຂອງ
ການສ້າງດາວທຽມດວງທຳອິດຂອງລາວ ຢູ່ຈີນ ເມື່ອປີກາຍ ໃນໂອກາດດຽວກັບການ
ເດີນທາງໄປຢ້ຽມຢາມປະເທດຈີນ ຢ່າງເປັນທາງການຂອງ ທ່ານຈຸມມະລີ ໄຊຍະສອນ
ປະທານປະເທດລາວ ດັ່ງທີ່ ທ່ານ ສົມສະຫວາດ ໄດ້ກ່າວຕໍ່ ວີໂອເອ ວ່າ:
“ຕາມແຜນການ ທີ່ວາງໄວ້ ດາວທຽມດວງນີ້ນິ ຈະໄດ້ສົ່ງຂຶ້ນ ເພື່ອສະຫຼອງ
ສປປ ລາວ 40 ປີ ຂ້າພະເຈົ້າ ໄດ້ຕິດຕາມ ປະທານປະເທດ ໄປຢາມບ່ອນ
ທີ່ເຂົາກຽມ ອັນໂຕດາວທຽມຫັ້ນແຫຼະ ກັບລູກສອນໄຟ ເຂົາກະຢືນຢັນກັບ
ຜູ້ນຳເດ້ວ່າ ແມ່ນຈະຖືວ່າເປັນເຫດການ ປະຫວັດສາດທີ່ສົ່ງຂຶ້ນ ໃນເວລານັ້ນ.”
ການສ້າງແລະສົ່ງ ດາວທຽມດວງທຳອິດ ຂອງລາວ ຂຶ້ນສູ່ວົງໂຄຈອນ ດັ່ງກ່າວຖືເປັນ
ພາກສ່ວນໜຶ່ງ ຂອງການຮ່ວມມື ໃນການພັດທະນາ ເທັກໂນໂລຈີ ດ້ານຂໍ້ມູນຂ່າວສານ
ລະຫວ່າງລັດຖະບານລາວ ກັບ ຈີນ ທີ່ໄດ້ລົງນາມຮ່ວມກັນໃນປີ 2011 ຊຶ່ງລັດຖະບານ
ຈີນ ໄດ້ຕົກລົງ ໃຫ້ເງິນກູ້ ແກ່ລັດຖະບານລາວໃນມູນຄ່າ 254 ລ້ານໂດລ່າ ສຳລັບເປັນ
ຄ່າຈ້າງບໍລິສັດຈີນ ໃນການສ້າງແລະສົ່ງດາວທຽມດວງທຳອິດ ຂຶ້ນສູ່ວົງໂຄຈອນດັ່ງກ່າວ.
ໂດຍດາວທຽດວງທຳອິດ ຂອງລາວ ຈະປະກອບດ້ວຍ 22 ຊ່ອງສັນຍານ ທີ່ນຳໃຊ້ເພື່ອ
ການຮັບສົ່ງຂໍ້ມູນຂ່າວສານ ທີ່ທັນສະໄໝ ລະຫວ່າງປະຊາຊົນລາວດ້ວຍກັນ ແລະກັບ
ຊາວຕ່າງຊາດ ໂດຍສະເພາະແມ່ນໃນດ້ານການພັດທະນາການຜະລິດສິນຄ້າ ການ
ຂະຫຍາຍຕະຫຼາດຕ່າງປະເທດ ສຳລັບສິນຄ້າລາວແລະການດຶງດູດເອົາ ການລົງທຶນ
ຈາກຕ່າງປະເທດ ເຂົ້າໄປໃນລາວ ເພີ້ມຂຶ້ນນັບມື້ນັ້ນ ຖືເປັນເປົ້າໝາຍບູລິມະສິດຂອງ
ລັດຖະບານລາວ ໃນການລົງທຶນສ້າງດາວທຽມ ດວງທຳອິດນີ້.
ນອກຈາກນັ້ນ ລັດຖະບານລາວຍັງມີແຜນການ ທີ່ຈະສ້າງດາວທຽມ ດວງທີ 2 ເພື່ອໃຫ້
ຄົບຖ້ວນ ຕາມທີ່ໄດ້ຮັບສິດ ຈາກອົງການດາວທຽມສາກົນ ອີກດ້ວຍ. ຫາກແຕ່ວ່າສຳລັບ
ການສ້າງດາວທຽມ ດວງທີ 2 ຈະແຕກຕ່າງກັບດາວທຽມດວງທຳອິດ ທີ່ລົງທຶນໂດຍລັດ
ຖະບານລາວ ທັງ 100 ເປີເຊັນ ດ້ວຍການກູ້ຢືມເງິນຈາກລັດຖະບານຈີນ ດັ່ງກ່າວ.
ທັງນີ້ ໂດຍມີລາຍງານວ່າ ການສ້າງດາວທຽມ ດວງທີ 2 ຈະເປັນການຮ່ວມທຶນລະຫວ່າງ
ທາງການລາວ ກັບບໍລິສັດເອກະຊົນຈີນ ຊຶ່ງຄາດໝາຍວ່າຈະຕ້ອງໃຊ້ເງິນລົງທຶນ ໃນມູນ
ຄ່າເຖິງ 960 ລ້ານໂດລ່າ ເນື່ອງຈາກວ່າເປັນດາວທຽມ ທີ່ມີເຖິງ 36 ຊ່ອງສັນຍານໃນ
ການຮັບສົ່ງສັນຍານ ໂທລະພາບແລະໂທລະສັບ ຈຶ່ງຕ້ອງໃຊ້ເງິນລົງທຶນສູງກວ່າດາວທຽມ
ດວງທຳອິດ.
ເພາະສະນັ້ນ ດ້ວຍເຫດທີ່ຕ້ອງໃຊ້ເງິນລົງທຶນສູງດັ່ງກ່າວ ຈຶ່ງເຮັດໃຫ້ເປົ້າໝາຍໃນການ
ສ້າງດາວທຽມ ດວງທີ 2 ຂອງລາວ ຈະເປັນໄປເພື່ອການຄ້າເປັນດ້ານຫຼັກ ຊຶ່ງກໍໝາຍ
ຄວາມວ່າ ການລົງທຶນສ່ວນໃຫຍ່ ແລະການດຳເນີນທຸລະກິດນັ້ນ ຈະເປັນບົດບາດຂອງ
ບໍລິສັດຈີນ ນັ້ນເອງ ໂດຍຈາກລາຍງານເບື້ອງຕົ້ນ ກໍໄດ້ລະບຸວ່າ ບໍລິສັດ Chengdu
Linhai Electronics ຈາກຈີນ ຈະລົງທຶນໃນສັດສ່ວນ 70 ເປີເຊັນ ທາງດ້ານລັດຖະບານ
ລາວ ກໍຈະຮ່ວມລົງທຶນໃນສັດສ່ວນ 30 ເປີເຊັນຂອງມູນຄ່າການລົງທຶນທັງໝົດດັ່ງກ່າວ.
ຄວາມພ້ອມ ທີ່ຈະສົ່ງ ດາວທຽມຂຶ້ນ ໄປສູ່ວົງໂຄຈອນ ໃນ
ໂອກາດສະເຫຼີມສະຫຼອງ ວັນຄົບຮອບ 40 ປີ ຂອງ ສປປ
ລາວ ໃນທ້າຍ ປີ 2015.
ກະຊວງໄປສະນີແລະໂທລະຄົມມະນາຄົມ ລາຍງານວ່າການສ້າງດາວທຽມດວງທຳອິດຂອງ
ລາວ ທີ່ດຳເນີນການໂດຍ ບໍລິສັດ China Asia-Pacific Mobile Telecommunications
Satellite ຈຳກັດ ໃນປະເທດຈີນ ໄດ້ມີຄວາມຄືບໜ້າຕາມແຜນການທີ່ວາງໄວ້ໃນທຸກດ້ານ ໂດຍ
ຫລ້າສຸດ ບໍລິສັດຈີນ ກໍໄດ້ໃຫ້ການຢືນຢັນວ່າ ຈະສາມາດສ້າງດາວທຽມດວງທຳອິດຂອງລາວ
ໃຫ້ແລ້ວສຳເລັດ ແລະສົ່ງຂຶ້ນສູ່ວົງໂຄຈອນໄດ້ ໃນໂອກາດສະເຫຼີມສະຫຼອງການສະຖາ
ປະນາ
ສປປ ລາວ ຄົບຮອບ 40 ປີ ໃນປີ 2015 ຢ່າງ ແນ່ນອນ.
ໂດຍການປະກາດດັ່ງກ່າວນີ້ ຂອງບໍລິສັດຈີນ ກໍນັບວ່າ ສອດຄ້ອງກັນກັບ ການໃຫ້ການ
ຂອງ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານດ້ານ
ເສດຖະກິດ ຂອງລັດຖະບານລາວ ຊຶ່ງໄດ້ເດີນທາງໄປກວດເບິ່ງ ຄວາມຄືບໜ້າຂອງ
ການສ້າງດາວທຽມດວງທຳອິດຂອງລາວ ຢູ່ຈີນ ເມື່ອປີກາຍ ໃນໂອກາດດຽວກັບການ
ເດີນທາງໄປຢ້ຽມຢາມປະເທດຈີນ ຢ່າງເປັນທາງການຂອງ ທ່ານຈຸມມະລີ ໄຊຍະສອນ
ປະທານປະເທດລາວ ດັ່ງທີ່ ທ່ານ ສົມສະຫວາດ ໄດ້ກ່າວຕໍ່ ວີໂອເອ ວ່າ:
“ຕາມແຜນການ ທີ່ວາງໄວ້ ດາວທຽມດວງນີ້ນິ ຈະໄດ້ສົ່ງຂຶ້ນ ເພື່ອສະຫຼອງ
ສປປ ລາວ 40 ປີ ຂ້າພະເຈົ້າ ໄດ້ຕິດຕາມ ປະທານປະເທດ ໄປຢາມບ່ອນ
ທີ່ເຂົາກຽມ ອັນໂຕດາວທຽມຫັ້ນແຫຼະ ກັບລູກສອນໄຟ ເຂົາກະຢືນຢັນກັບ
ຜູ້ນຳເດ້ວ່າ ແມ່ນຈະຖືວ່າເປັນເຫດການ ປະຫວັດສາດທີ່ສົ່ງຂຶ້ນ ໃນເວລານັ້ນ.”
ການສ້າງແລະສົ່ງ ດາວທຽມດວງທຳອິດ ຂອງລາວ ຂຶ້ນສູ່ວົງໂຄຈອນ ດັ່ງກ່າວຖືເປັນ
ພາກສ່ວນໜຶ່ງ ຂອງການຮ່ວມມື ໃນການພັດທະນາ ເທັກໂນໂລຈີ ດ້ານຂໍ້ມູນຂ່າວສານ
ລະຫວ່າງລັດຖະບານລາວ ກັບ ຈີນ ທີ່ໄດ້ລົງນາມຮ່ວມກັນໃນປີ 2011 ຊຶ່ງລັດຖະບານ
ຈີນ ໄດ້ຕົກລົງ ໃຫ້ເງິນກູ້ ແກ່ລັດຖະບານລາວໃນມູນຄ່າ 254 ລ້ານໂດລ່າ ສຳລັບເປັນ
ຄ່າຈ້າງບໍລິສັດຈີນ ໃນການສ້າງແລະສົ່ງດາວທຽມດວງທຳອິດ ຂຶ້ນສູ່ວົງໂຄຈອນດັ່ງກ່າວ.
ໂດຍດາວທຽດວງທຳອິດ ຂອງລາວ ຈະປະກອບດ້ວຍ 22 ຊ່ອງສັນຍານ ທີ່ນຳໃຊ້ເພື່ອ
ການຮັບສົ່ງຂໍ້ມູນຂ່າວສານ ທີ່ທັນສະໄໝ ລະຫວ່າງປະຊາຊົນລາວດ້ວຍກັນ ແລະກັບ
ຊາວຕ່າງຊາດ ໂດຍສະເພາະແມ່ນໃນດ້ານການພັດທະນາການຜະລິດສິນຄ້າ ການ
ຂະຫຍາຍຕະຫຼາດຕ່າງປະເທດ ສຳລັບສິນຄ້າລາວແລະການດຶງດູດເອົາ ການລົງທຶນ
ຈາກຕ່າງປະເທດ ເຂົ້າໄປໃນລາວ ເພີ້ມຂຶ້ນນັບມື້ນັ້ນ ຖືເປັນເປົ້າໝາຍບູລິມະສິດຂອງ
ລັດຖະບານລາວ ໃນການລົງທຶນສ້າງດາວທຽມ ດວງທຳອິດນີ້.
ນອກຈາກນັ້ນ ລັດຖະບານລາວຍັງມີແຜນການ ທີ່ຈະສ້າງດາວທຽມ ດວງທີ 2 ເພື່ອໃຫ້
ຄົບຖ້ວນ ຕາມທີ່ໄດ້ຮັບສິດ ຈາກອົງການດາວທຽມສາກົນ ອີກດ້ວຍ. ຫາກແຕ່ວ່າສຳລັບ
ການສ້າງດາວທຽມ ດວງທີ 2 ຈະແຕກຕ່າງກັບດາວທຽມດວງທຳອິດ ທີ່ລົງທຶນໂດຍລັດ
ຖະບານລາວ ທັງ 100 ເປີເຊັນ ດ້ວຍການກູ້ຢືມເງິນຈາກລັດຖະບານຈີນ ດັ່ງກ່າວ.
ທັງນີ້ ໂດຍມີລາຍງານວ່າ ການສ້າງດາວທຽມ ດວງທີ 2 ຈະເປັນການຮ່ວມທຶນລະຫວ່າງ
ທາງການລາວ ກັບບໍລິສັດເອກະຊົນຈີນ ຊຶ່ງຄາດໝາຍວ່າຈະຕ້ອງໃຊ້ເງິນລົງທຶນ ໃນມູນ
ຄ່າເຖິງ 960 ລ້ານໂດລ່າ ເນື່ອງຈາກວ່າເປັນດາວທຽມ ທີ່ມີເຖິງ 36 ຊ່ອງສັນຍານໃນ
ການຮັບສົ່ງສັນຍານ ໂທລະພາບແລະໂທລະສັບ ຈຶ່ງຕ້ອງໃຊ້ເງິນລົງທຶນສູງກວ່າດາວທຽມ
ດວງທຳອິດ.
ເພາະສະນັ້ນ ດ້ວຍເຫດທີ່ຕ້ອງໃຊ້ເງິນລົງທຶນສູງດັ່ງກ່າວ ຈຶ່ງເຮັດໃຫ້ເປົ້າໝາຍໃນການ
ສ້າງດາວທຽມ ດວງທີ 2 ຂອງລາວ ຈະເປັນໄປເພື່ອການຄ້າເປັນດ້ານຫຼັກ ຊຶ່ງກໍໝາຍ
ຄວາມວ່າ ການລົງທຶນສ່ວນໃຫຍ່ ແລະການດຳເນີນທຸລະກິດນັ້ນ ຈະເປັນບົດບາດຂອງ
ບໍລິສັດຈີນ ນັ້ນເອງ ໂດຍຈາກລາຍງານເບື້ອງຕົ້ນ ກໍໄດ້ລະບຸວ່າ ບໍລິສັດ Chengdu
Linhai Electronics ຈາກຈີນ ຈະລົງທຶນໃນສັດສ່ວນ 70 ເປີເຊັນ ທາງດ້ານລັດຖະບານ
ລາວ ກໍຈະຮ່ວມລົງທຶນໃນສັດສ່ວນ 30 ເປີເຊັນຂອງມູນຄ່າການລົງທຶນທັງໝົດດັ່ງກ່າວ.
