ຜົນຂັ້ນຕົ້ນຂອງການລົງປະຊາມະຕິທີ່ປະເທດລັດເວຍ ສະແດງໃຫ້ເຫັນວ່າ ປະຊາຊົນລັດເວຍຜູ້ມີສິດປ່ອນບັດ ໄດ້ປະຕິເສດຢ່າງຖ້ວມລົ້ນຕໍ່ຂໍ້ສະເໜີທີ່ຈະເຮັດໃຫ້ພາສາຣັດເຊຍເປັນພາສາທາງການທີສອງໃນປະເທດຂອງເຂົາເຈົ້ານັ້ນ.
ປະມານ 1 ສ່ວນ 3 ຂອງພົນລະເມືອງ 2 ລ້ານຄົນໃນປະເທດໃນເຂດທະເລ Baltic ແຫ່ງນີ້ ຖືວ່າ ພາສາຣັດເຊຍເປັນພາສາຂອງເຂົາເຈົ້າແລະທໍາການຕໍ່ສູ້ມາເພື່ອຢາກໃຫ້ພາສາດັ່ງກ່າວເປັນພາສາທາງການພ້ອມກັບພາສາລັດເວຍນັ້ນ. ໃນວັນເສົາວານນີ້ ພວກຜູ້ປ່ອນບັດພາກັນອອກໄປລົງຄະແນນສຽງ ເພື່ອຮັບເອົາຫລືປະຕິເສດຕໍ່ພາສາຣັດເຊຍນີ້ ຊຶ່ງປະຊາຊົນ
ຫລາຍຄົນໃນລັດເວຍຖືວ່າ ເປັນພາສາຂອງພວກທີ່ຄອບຄອງປະເທດຂອງເຂົາເຈົ້າໃນອະດີດ.
ຫລັງຈາກບັດຄະແນນສຽງສ່ວນໃຫຍ່ໄດ້ຖືກນັບໄປແລ້ວນັ້ນ ພວກປະຊາຊົນທີ່ໄປປ່ອນບັດ
ໃນຈໍານວນ 3/4 ຄັດຄ້ານຕໍ່ການເອົາພາສາຣັດເຊຍ ມາເປັນພາສາແຫ່ງຊາດຂອງເຂົາເຈົ້າ.
