ລິ້ງ ສຳຫລັບເຂົ້າຫາ

ລາວເຊື່ອວ່າ ຂົວຂ້າມນໍ້າຂອງແຫ່ງທີ 3 ລະຫວ່າງລາວ-ໄທ ຈະນໍາຜົນປະໂຫຍດ ດ້ານການຄ້າມາສູ່ປະເທດ

  • ຊົງຣິດ ໂພນເງິນ

ໂຮງງານແຫ່ງທໍາອິດ ທີ່ຈະສ້າງຂຶ້ນໂດຍຜູ້ລົງທຶນລາວໃນເຂດເສດ ຖະກິດພິເສດທ່າແຂກແດນຄໍາຂອງແຂວງຄໍາມ່ວນ ທີ່ເລີ້ມຕົ້ນກໍ່ສ້າງ ໃນເດືອນພະຈິກ 2011 ນີ້

ທາງການລາວເຊື່ອວ່າ ການນໍາໃຊ້ຂົວຂ້າມນໍ້າຂອງແຫ່ງທີ 3 ລະຫວ່າງລາວ-ໄທ ຈະເຮັດ ໃຫ້ມູນຄ່າການຄ້າ ລະຫວ່າງລາວກັບໄທ ແລະຫວຽດນາມ ເພີ່ມຂຶ້ນຫຼາຍເທົ່າຕົວ ທັງຍັງ ຈະເຊື່ອມຕໍ່ໄປເຖິງຈີນອີກດ້ວຍ.

ທ່ານ ພູເມືອງ ແກ້ວຈັນທາລາ, ຫົວໜ້າດ່ານພາສີຂົວມິດຕະພາບແຫ່ງທີ 3 ລະຫວ່າງລາວ
ກັບໄທ​ ໄດ້ຖະ​ແຫຼງຢືນຢັນວ່າ ການນໍາ​ໃຊ້ຂົວມິດຕະພາບ​ແຫ່ງທີ່ 3 ທີ່ເຊື່ອມຕໍ່ລະຫວ່າງ
ເມືອງທ່າແຂກ ແຂວງຄໍາມ່ວນ ກັບ ແຂວງນະຄອນພະນົມຂອງໄທ ທີ່ໄດ້ມີພິທີເປີດການ
ຊົມໃຊ້ຂຶ້ນ ຢ່າງເປັນທາງການໃນຕອນ​ເຊົ້າຂອງວັນທີ 11 ເດືອນພະຈິກ 2011 ທີ່ຜ່ານມາ
ນີ້ວ່າ ຈະມີສ່ວນຢ່າງສໍາຄັນຕໍ່ການເສີມຂະຫຍາຍການຄ້າ ການລົງທຶນ ແລະ ການທ່ອງ
ທ່ຽວລະຫວ່າງລາວກັບໄທ ແລະ ຫວຽດນາມ.

ໂດຍສະເພາະແມ່ນໃນດ້ານການຄ້າ ແລະການຂົນສົ່ງສິນຄ້ານັ້ນ ກໍຄາດໝາຍວ່າ ຈະເພີ່ມ
ຂຶ້ນຫຼາຍເທົ່າຕົວ ກັບທັງຍັງຈະເຮັດໃຫ້ການຄ້າ ແລະການຂົນສົ່ງສິນຄ້າຂະຫຍາຍໄປເຖິງ
ຊາຍແດນຈີນໂດຍຜ່ານຫວຽດນາມໄດ້ອີກດ້ວຍ ດັ່ງທີ່ທ່ານ ພູເມືອງ ໄດ້ໃຫ້ການອະທິບາຍ
ວ່າ:

ສາງທີ່ດ່ານກວດສິນຄ້າຂາເຂົ້າ-ຂາອອກ ທີ່ຂົວຂ້າມນໍ້າຂອງ ລະຫວ່າງລາວ-ໄທແຫ່ງທີ 3 ທີ່ເມືອງທ່າແຂກ, ແຂວງຄໍາມ່ວນ.
ສາງທີ່ດ່ານກວດສິນຄ້າຂາເຂົ້າ-ຂາອອກ ທີ່ຂົວຂ້າມນໍ້າຂອງ ລະຫວ່າງລາວ-ໄທແຫ່ງທີ 3 ທີ່ເມືອງທ່າແຂກ, ແຂວງຄໍາມ່ວນ.

ພາຍຫຼັງທີ່ໄດ້ເປີດເປັນດ່ານ
ຂົວມິດຕະພາບ 3 ຖາວອນ
ແລ້ວກະຖືວ່າການຂົນສົ່ງ
ສິນຄ້ານີ້ຄິດວ່າ ຕໍ່ໜ້າອະນາ
ຄົດຈະເພີ່ມຂຶ້ນຫຼາຍໆເທົ່າ
ຕົວເລື່ອງຂອງສິນຄ້າຜ່ານ
ແດນ ເປັນຕົ້ນແມ່ນສິນຄ້າ
ອອກຫວຽດນາມໄປສູ່ຈີນ
ສິເພີ່ມຂຶ້ນຫຼາຍ. ເວລາມັນ
ກະສັ້ນ, ການບໍລິການກະ
ໄວ ຄິດວ່າມື້ນຶ່ງ ສິອອກສູ່
ຫວຽດນາມໄປ-ກັບໄດ້
ເລື່ອງພາຫະນະລົດຂົນສົ່ງສິນຄ້ານີ້.

ພ້ອມກັນນີ້ ການທີ່ແຂວງຄໍາມ່ວນກໍມີສະຖານະເປັນເຂດສູນກາງຂອງການເຊື່ອມຕໍ່ດ້ານ
ຄົມມະນາຄົມຂົນສົ່ງລະຫວ່າງລາວ-ໄທ-ຫວຽດນາມ ໂດຍມີຖະໜົນເລກ 12 ເປັນເສັ້ນ
ທາງໃນການເຊື່ອມຕໍ່ນັ້ນ ກໍຍັງຈະສົ່ງຜົນດີຕໍ່ການທ່ອງທ່ຽວໃນແຂວງຄໍາມ່ວນອີກດ້ວຍ
ເຊັ່ນກັນ ໂດຍແຜນທ່ອງທ່ຽວແຂວງຄໍາມ່ວນຄາດໝາຍວ່າ ໃນປີ 2012 ຈະມີນັກທ່ອງ
ທ່ຽວຕ່າງຊາດເດີນທາງເຂົ້າໄປໃນແຂວງເພີ່ມຂຶ້ນເຖິງ 3 ເທົ່າ ເມື່ອທຽບກັບປີ 2011
ຊຶ່ງຖ້າຫາກວ່າ ຄາດໝາຍດັ່ງກ່າວເປັນຈິງກໍໝາຍຄວາມວ່າ ຈະມີນັກທ່ອງທ່ຽວຊາວຕ່າງ
ຊາດເຖິງ 9 ແສນກ່ວາຄົນ ທີ່ຈະເດີນທາງເຂົ້າໄປແຂວງຄໍາມ່ວນໃນຕະຫຼອດປີ 2012.

ໃນປັດຈຸບັນແຂວງຄໍາມ່ວນມີແຫຼ່ງທ່ອງທ່ຽວທີ່ເປີດຮອງຮັບນັກທ່ອງທ່ຽວແລ້ວ 146
ແຫ່ງ, ເຊິ່ງມີທັງແຫຼ່ງທ່ອງທ່ຽວທາງວັດທະນະທຳ ແລະທຳມະຊາດ ໂດຍທີ່ຖືວ່າ ເປັນ
ທີ່ນິຍົມຂອງບັນດານັກທ່ອງທ່ຽວຫຼາຍທີ່ສຸດນັ້ນ ກໍຄືພະທາດສີໂຄດຕະບອງ, ຖ້ຳພະ
ແລະຖ້ຳກອງລໍ.

ທາງດ້ານທ່ານ ຄໍາໃບ ດໍາລັດ, ເຈົ້າແຂວງ ແລະ ເລຂາພັກແຂວງຄໍາມ່ວນ ໄດ້ສະແດງ
ຄວາມເຊື່ອໝັ້ນວ່າ ການນຳໃຊ້ຂົວມິດຕະພາບແຫ່ງທີ່ ​3 ຈະເຮັດໃຫ້ເສດຖະກິດຂອງ
ແຂວງຄໍາມ່ວນຂະຫຍາຍຕົວຂຶ້ນເຖິງ 15% ໃນແຕ່ລະປີ ແລະການທີ່ຄະນະລັດຖະ
ບານລາວ ອະນຸຍາດໃຫ້ແຂວງຄໍາມ່ວນສ້າງຕັ້ງເສດຖະກິດພິເສດ ທ່າແຂກແດນຄໍາ
ຢ່າງເປັນທາງການເມື່ອບໍ່ດົນມານີ້ ກໍຍັງຈະເຮັດໃຫ້ມີການລົງທຶນທັງພາຍໃນລາວ ແລະ
ຈາກຕ່າງປະເທດເຂົ້າມາໃນເສດຖະກິດພິເສດດັ່ງກ່າວນີ້ເພີ່ມຂຶ້ນນັບມື້ອີກດ້ວຍ.

ຂົວຂ້າມແມ່ນໍ້າຂອງແຫ່ງທີ 3 ລະຫວ່າງລາວໄທ ທີ່ໄດ້ເປີດໃຊ້ ຢ່າງເປັນທາງການ ໃນວັນທີ 11 ພະຈິກ 2011 ຜ່ານມານີ້.
ຂົວຂ້າມແມ່ນໍ້າຂອງແຫ່ງທີ 3 ລະຫວ່າງລາວໄທ ທີ່ໄດ້ເປີດໃຊ້ ຢ່າງເປັນທາງການ ໃນວັນທີ 11 ພະຈິກ 2011 ຜ່ານມານີ້.

ການກໍ່ສ້າງຂົວ​ຂ້າມ​ແມ່​ນໍ້າຂອງ
ແຫ່ງ​ທີ່ 3 ລະຫວ່າງ​ລາວ-​ໄທ ​
ໄດ້​ເລີ່​ມລົງ​ມື​ດໍາ​ເນີນ​ການ​ເມື່ອເດືອນພຶດສະພາ 2009 ​ໂດຍມີ​ທີ່​ຕັ້ງ​ຢູ່​ໃນ​ເຂດ​ບ້ານ ​ເວີນ​ໃຕ້ ຊຶ່ງ​ຕັ້ງ​ຢູ່ຫ່າງ​ຈາກ​ເມືອງ​ທ່າ​ແຂກ​
ປະມານ 13 ກິ​ໂລ​ ​ຢູ່​ກົງ​ຂ້າມ​ກັບ
​ບ້ານ​ຫົ່ມ​ ໃນ​ແຂວງ​ນະຄອນ​ພະ
ນົມຂອງ​ໄທ ​ຊຶ່ງຕົວຂົວ​ມີ​ຄວາມ
​ຍາວ 780 ​ແມັດ ແລະ​ກວ້າງ 13 ​
ແມັດ ​ແບ່ງ​ເປັນ 2 ຊ່ອງ​ທາງສໍາ
ລັບ​ຍວດຍານພາຫະນະ ທີ່​ກວ້າງ
ເບື້ອງລະ 3 ​ແມັດ​ເຄິ່ງ. ສ່ວນ​ທາງ​ຍ່າງທັງ 2 ​ເບື້ອງນັ້ນ ກໍມີ​ຄວາມ​ກ້ວາງ​ເບື້ອງລະ 1 ​ແມັດ
​ແລະ​ບໍ່ມີ ​ທາງ​ລົດ​ໄຟ​ແຕ່​ຢ່າງ​ໃດ ໂດຍ​ໃຊ້​ງົບປະມານ​ກໍ່ສ້າງ​ໄປ​ຫຼາຍ​ກວ່າ 1,700 ລ້ານ​ບາດ
ດ້ວຍ​ທຶນ​ສະໜັບສະໜູນທັງໝົດ ຈາກລັດຖະບານ​ໄທ.

ທາງການລາວ-ໄທ ຄາດຫວັງວ່າຂົວຂ້າມແມ່ນໍ້າຂອງແຫ່ງທີ 3 ດັ່ງກ່າວນີ້ ຈະມີສ່ວນຢ່າງ
ສໍາຄັນທີ່ຈະເຮັດໃຫ້ການຄ້າ, ການລົງທຶນ ແລະການທ່ອງທ່ຽວຂະຫຍາຍໂຕເພີ່ມສູງຂຶ້ນ
ຢ່າງຕໍ່ເນື່ອງ, ເພາະຂົວຂ້າມແມ່ນໍ້າຂອງແຫ່ງທີ 3 ບໍ່ພຽງແຕ່ຈະເຊື່ອມຕໍ່ລະຫວ່າງລາວກັບ
ໄທເທົ່ານັ້ນ. ຫາກແຕ່ຍັງສາມາດທີ່ຈະເຊື່ອມຕໍ່ໄປ ຍັງ ປະເທດຫວຽດນາມໂດຍມີຖະໜົນ
ເລກທີ 12 ໃນແຂວງຄໍາມ່ວນເປັນເສັ້ນທາງຫຼັກໃນການເຊື່ອມຕໍ່ອີກດ້ວຍ.

XS
SM
MD
LG