ລັດຖະບານລາວຈໍາຕ້ອງອະນຸຍາດໃຫ້ບັນດາບໍລິສັດຕ່າງຊາດ
ນໍາເຂົ້າແຮງງານມີຝີມືຈາກຕ່າງປະເທດ ຫຼາຍກວ່າ 7 ໝື່ນຄົນ
ພາຍໃນປີ 2015 ເນື່ອງຈາກແຮງງານລາວມີຄຸນນະພາບບໍ່ເຖິງ
ລະດັບທີ່ຕ້ອງການ
ທ່ານນາງ ອ່ອນຈັນ ທໍາມະວົງ ລັດຖະມົນຕີວ່າການກະຊວງ
ແຮງງານ ແລະສະວັດດີການສັງຄົມ ຖະແຫຼງຍອມຮັບວ່າ ໃນ
ລະຍະ 2 ປີທີ່ຜ່ານມາ ລັດຖະບານລາວໄດ້ອະນຸຍາດໃຫ້ບັນດາບໍລິສັດຕ່າງຊາດທີ່ລົງທຶນ
ໃນລາວໃຫ້ນໍາແຮງງານມີຝີມືຈາກຕ່າງປະເທດ ເຂົ້າມາໃນລາວ ຫຼາຍກວ່າ 2 ໝື່ນຄົນ
ເພື່ອເປັນການແກ້ໄຂບັນຫາຂາດແຄນແຮງງານມີຝີມື ທີ່ກໍາລັງກາຍເປັນບັນຫາຫຍຸ້ງຍາກຫຼາຍຂຶ້ນນັບມື້.
ໂດຍສາເຫດທີ່ເຮັດໃຫ້ລັດຖະບານລາວຈໍາເປັນຕ້ອງອະນຸຍາດດັ່ງກ່າວ ກໍຍ້ອນວ່າເມື່ອ
ໄດ້ພິຈາລະນາຢ່າງຮອບຄອບ ທັງໃນດ້ານຄຸນນະສົມບັດຂອງບຸກຄະລາກອນແລະໃນ
ດ້ານລັກສະນະງານທີ່ບັນດາບໍລິສັດຕ່າງຊາດຕ້ອງການແລ້ວນັ້ນ ພົບວ່າບຸກຄະລາກອນ
ຫຼືແຮງງານທີ່ລາວມີຢູ່ໃນບັດຈຸບັນນີ້ ນອກຈາກຈະຂາດແຄນແລະບໍ່ສາມາດທີ່ຈະຕອບ
ສະໜອງໄດ້ຢ່າງແທ້ຈິງແລ້ວ ກໍຍັງມີຄວາມຮູ້-ຄວາມສາມາດ ບໍ່ເຖິງລະດັບທີ່ບັນດາ
ບໍລິສັດຕ່າງຊາດຕ້ອງການ ອີກດ້ວຍ.
ທັງນີ້ໂດຍທາງການລາວຄາດໝາຍວ່າໃນຊ່ວງປີ 2011-2015 ບັນດາບໍລິສັດຕ່າງຊາດ
ທີ່ລົງທຶນໃນລາວ ຕ້ອງການແຮງງານມີຝີມືຈໍານວນຫຼາຍກວ່າ 9 ໝື່ນຄົນ ຊຶ່ງໃນລະຍະ
2 ປີທີ່ຜ່ານມາ ກໍໄດ້ມີການນໍາເຂົ້າແຮງງານມີຝີມືຈາກຕ່າງປະເທດແລ້ວ 2 ໝື່ນກວ່າຄົນ
ຈຶ່ງຍັງເຫຼືອອີກ 7 ໝື່ນກວ່າຄົນ ທີ່ຈະຕ້ອງນໍາເຂົ້າມາເພີ່ມຂຶ້ນອີກ ນັບຈາກປັດຈຸບັນໄປ
ຈົນເຖິງ ປີ 2015 ດັ່ງທີ່ທ່ານນາງອ່ອນຈັນ ໄດ້ກ່າວວ່າ:
“ແຕ່ປີ 2011 ຫາ 2015 ນີ້ ແຮງງານລາວເຮົາຈະຂາດທາງດ້ານຈໍານວນນີ້
ເປັນເກົ້າໝື່ນ ເອີ້ນວ່າເກົ້າສິບພັນຄົນ ສະນັ້ນຜ່ານມາ ລັດຖະບານກໍຄືຂະແໜງ
ແຮງງານນີ້ໄດ້ພ້ອມກັນປະຕິບັດແລ້ວ ເອີ້ນວ່າສອງປີຜ່ານມາ ພວກເຮົາໄດ້ດູດ
ເຂົ້ານໍາເຂົ້າແຮງງານຕ່າງປະເທດນີ້ ເອີ້ນວ່າຊາວປາຍພັນຄົນ ສໍາລັບສອງປີ
ເຄິ່ງຕໍ່ໜ້ານີ້ ຄາດຄະເນວ່າພວກເຮົາຈະຕ້ອງດູດແຮງງານຕ່າງປະເທດຫັ້ນ
ນໍາເຂົ້າແຮງງານຕ່າງປະເທດນີ້ອີກປະມານເຈັດໝື່ນຄົນ.”
ທັງນີ້ ໂດຍເຖິງແມ່ນວ່າ ໃນສົກຮຽນປີ 2012-2013 ທີ່ຜ່ານມາ ຈະມີນັກສຶກສາທີ່ຈົບຊັ້ນປະລິນຍາຕີຈາກມະຫາວິທະຍາໄລແຫ່ງຊາດລາວຈໍານວນທັງມົດ 8,550 ຄົນ ແລະໃນນີ້ກໍມີ ນັກສຶກສາທີ່ຈົບຈາກຄະນະວິສະວະກອນສາດ ວິທະຍາສາດ ກະສິກໍາ ເສດຖະກິດ ແລະພາສາຕ່າງປະເທດ ລວມກັນຫຼາຍກວ່າ 4,500 ຄົນກໍຕາມ ແຕ່ສ່ວນ ໃຫຍ່ກໍຍັງບໍ່ໄດ້ມາດຕະຖານຄວາມຕ້ອງການຂອງບໍລິສັດຕ່າງຊາດ.
ນອກຈາກນີ້ ສາເຫດທີ່ສໍາຄັນອີກປະການນຶ່ງ ທີ່ເຮັດໃຫ້ການພັດທະນາຊັບພະຍາກອນ
ມະນຸດໃນລາວ ບໍ່ສອດຄ່ອງກັບຄວາມຕ້ອງການ ຂອງບັນດາບໍລິສັດຕ່າງຊາດ ກໍຄືຄ່ານິ
ຍົມທີ່ຜິດໆຂອງເຍົາວະຊົນລາວ ທີ່ປະຕິເສດການຮຽນຕໍ່ສາຍວິຊາຊີບ ຫາກແຕ່ພາກັນ
ນິຍົມຮຽນຕໍ່ໃນສາຍສາມັນ ເຊັ່ນ ນິຕິສາດ ລັດຖະສາດ ແລະເສດຖະສາດ ໂດຍເຊື່ອວ່າ
ຈະເຮັດໃຫ້ມີການງານທີ່ດີ ແລະມີເງິນເດືອນສູງ ທັງໆທີ່ວ່າໃນຄວາມເປັນຈິງແລ້ວ ມັນ
ເປັນໄປບໍ່ໄດ້ຢູ່ແລ້ວ ເນື່ອງຈາກວ່າບໍ່ສອດຄ່ອງກັບຄວາມຕ້ອງການຂອງບັນດາບໍລິສັດ
ຕ່າງຊາດສ່ວນໃຫຍ່ ທີ່ເຂົ້າມາລົງທຶນໃນລາວນັ້ນເອງ.
ພະນັກງານຕັດຫຍິບລາວ ທີ່ໂຮງງານຕັດຫຍິບແຫ່ງນຶ່ງ ໃນລາວ
ແຕ່ຢ່າງໃດກໍຕາມ ລັດຖະບານລາວກໍໄດ້ວາງເປົ້າໝາຍທີ່ຈະ
ພັດທະນາ ເພື່ອຍົກລະດັບຝີມືແຮງງານຂອງລາວໃຫ້ໄດ້ເຖິງ
240,000 ຄົນພາຍໃນປີ 2020 ເພື່ອຕອບສະໜອງແຮງງານ
ມີຝີມື ໃຫ້ກັບບັນດາບໍລິສັດຕ່າງຊາດທີ່ລົງທຶນໃນລາວໃຫ້ໄດ້
ຢ່າງພຽງພໍ ດ້ວຍການປັບປຸງກົດໝາຍແຮງງານໃຫ້ມີຄວາມ
ສອດຄ່ອງກັບການພັດທະນາເສດຖະກິດ-ສັງຄົມ ແລະເຮັດ
ໃຫ້ແຮງງານລາວມີຄຸນນະພາບທີ່ສາມາດເຊື່ອມໂຍງກັບເສດ
ຖະກິດອາຊ່ຽນ ໄດ້ຢ່າງແທ້ຈິງ.
ຫາກແຕ່ວ່າ ບັນຫາອີກປະການນຶ່ງ ສໍາລັບການພັດທະນາເພື່ອຍົກລະດັບຄຸນນະພາບ
ແຮງງານໃນລາວ ກໍຄືການມີສູນພັດທະນາຝີມືແຮງງານຢູ່ຢ່າງຈໍາກັດ ແລະເມື່ອປະກອບ
ກັບຄ່າຈ້າງແຮງງານຂັ້ນຕໍ່າໃນລາວກໍຍັງຕໍ່າຫຼາຍ ເມື່ອທຽບກັບຄ່າຈ້າງຂັ້ນຕໍ່າໃນໄທ ຈຶ່ງ
ເຮັດໃຫ້ ແຮງງານລາວຈໍານວນຫຼາຍໄດ້ພາກັນເດີນທາງໄປທໍາງານໃນໄທ ທັງທີ່ຖືກຕ້ອງ
ຕາມກົດໝາຍແລະລັກລອບທໍາງານຢ່າງຜິດກົດໝາຍ ໂດຍອົງການຄຸ້ມຄອງແຮງງານ
ຕ່າງດ້າວໃນໄທ ໄດ້ປະມານການວ່າ ມີແຮງງານລາວຫຼາຍກວ່າ 6 ແສນຄົນທີ່ລັກລອບ
ທໍາງານຢ່າງຜິດກົດໝາຍໃນໄທ ໃນທຸກມື້ນີ້.
ນໍາເຂົ້າແຮງງານມີຝີມືຈາກຕ່າງປະເທດ ຫຼາຍກວ່າ 7 ໝື່ນຄົນ
ພາຍໃນປີ 2015 ເນື່ອງຈາກແຮງງານລາວມີຄຸນນະພາບບໍ່ເຖິງ
ລະດັບທີ່ຕ້ອງການ
ທ່ານນາງ ອ່ອນຈັນ ທໍາມະວົງ ລັດຖະມົນຕີວ່າການກະຊວງ
ແຮງງານ ແລະສະວັດດີການສັງຄົມ ຖະແຫຼງຍອມຮັບວ່າ ໃນ
ລະຍະ 2 ປີທີ່ຜ່ານມາ ລັດຖະບານລາວໄດ້ອະນຸຍາດໃຫ້ບັນດາບໍລິສັດຕ່າງຊາດທີ່ລົງທຶນ
ໃນລາວໃຫ້ນໍາແຮງງານມີຝີມືຈາກຕ່າງປະເທດ ເຂົ້າມາໃນລາວ ຫຼາຍກວ່າ 2 ໝື່ນຄົນ
ເພື່ອເປັນການແກ້ໄຂບັນຫາຂາດແຄນແຮງງານມີຝີມື ທີ່ກໍາລັງກາຍເປັນບັນຫາຫຍຸ້ງຍາກຫຼາຍຂຶ້ນນັບມື້.
ໂດຍສາເຫດທີ່ເຮັດໃຫ້ລັດຖະບານລາວຈໍາເປັນຕ້ອງອະນຸຍາດດັ່ງກ່າວ ກໍຍ້ອນວ່າເມື່ອ
ໄດ້ພິຈາລະນາຢ່າງຮອບຄອບ ທັງໃນດ້ານຄຸນນະສົມບັດຂອງບຸກຄະລາກອນແລະໃນ
ດ້ານລັກສະນະງານທີ່ບັນດາບໍລິສັດຕ່າງຊາດຕ້ອງການແລ້ວນັ້ນ ພົບວ່າບຸກຄະລາກອນ
ຫຼືແຮງງານທີ່ລາວມີຢູ່ໃນບັດຈຸບັນນີ້ ນອກຈາກຈະຂາດແຄນແລະບໍ່ສາມາດທີ່ຈະຕອບ
ສະໜອງໄດ້ຢ່າງແທ້ຈິງແລ້ວ ກໍຍັງມີຄວາມຮູ້-ຄວາມສາມາດ ບໍ່ເຖິງລະດັບທີ່ບັນດາ
ບໍລິສັດຕ່າງຊາດຕ້ອງການ ອີກດ້ວຍ.
ທັງນີ້ໂດຍທາງການລາວຄາດໝາຍວ່າໃນຊ່ວງປີ 2011-2015 ບັນດາບໍລິສັດຕ່າງຊາດ
ທີ່ລົງທຶນໃນລາວ ຕ້ອງການແຮງງານມີຝີມືຈໍານວນຫຼາຍກວ່າ 9 ໝື່ນຄົນ ຊຶ່ງໃນລະຍະ
2 ປີທີ່ຜ່ານມາ ກໍໄດ້ມີການນໍາເຂົ້າແຮງງານມີຝີມືຈາກຕ່າງປະເທດແລ້ວ 2 ໝື່ນກວ່າຄົນ
ຈຶ່ງຍັງເຫຼືອອີກ 7 ໝື່ນກວ່າຄົນ ທີ່ຈະຕ້ອງນໍາເຂົ້າມາເພີ່ມຂຶ້ນອີກ ນັບຈາກປັດຈຸບັນໄປ
ຈົນເຖິງ ປີ 2015 ດັ່ງທີ່ທ່ານນາງອ່ອນຈັນ ໄດ້ກ່າວວ່າ:
“ແຕ່ປີ 2011 ຫາ 2015 ນີ້ ແຮງງານລາວເຮົາຈະຂາດທາງດ້ານຈໍານວນນີ້
ເປັນເກົ້າໝື່ນ ເອີ້ນວ່າເກົ້າສິບພັນຄົນ ສະນັ້ນຜ່ານມາ ລັດຖະບານກໍຄືຂະແໜງ
ແຮງງານນີ້ໄດ້ພ້ອມກັນປະຕິບັດແລ້ວ ເອີ້ນວ່າສອງປີຜ່ານມາ ພວກເຮົາໄດ້ດູດ
ເຂົ້ານໍາເຂົ້າແຮງງານຕ່າງປະເທດນີ້ ເອີ້ນວ່າຊາວປາຍພັນຄົນ ສໍາລັບສອງປີ
ເຄິ່ງຕໍ່ໜ້ານີ້ ຄາດຄະເນວ່າພວກເຮົາຈະຕ້ອງດູດແຮງງານຕ່າງປະເທດຫັ້ນ
ນໍາເຂົ້າແຮງງານຕ່າງປະເທດນີ້ອີກປະມານເຈັດໝື່ນຄົນ.”
ທັງນີ້ ໂດຍເຖິງແມ່ນວ່າ ໃນສົກຮຽນປີ 2012-2013 ທີ່ຜ່ານມາ ຈະມີນັກສຶກສາທີ່ຈົບຊັ້ນປະລິນຍາຕີຈາກມະຫາວິທະຍາໄລແຫ່ງຊາດລາວຈໍານວນທັງມົດ 8,550 ຄົນ ແລະໃນນີ້ກໍມີ ນັກສຶກສາທີ່ຈົບຈາກຄະນະວິສະວະກອນສາດ ວິທະຍາສາດ ກະສິກໍາ ເສດຖະກິດ ແລະພາສາຕ່າງປະເທດ ລວມກັນຫຼາຍກວ່າ 4,500 ຄົນກໍຕາມ ແຕ່ສ່ວນ ໃຫຍ່ກໍຍັງບໍ່ໄດ້ມາດຕະຖານຄວາມຕ້ອງການຂອງບໍລິສັດຕ່າງຊາດ.
ນອກຈາກນີ້ ສາເຫດທີ່ສໍາຄັນອີກປະການນຶ່ງ ທີ່ເຮັດໃຫ້ການພັດທະນາຊັບພະຍາກອນ
ມະນຸດໃນລາວ ບໍ່ສອດຄ່ອງກັບຄວາມຕ້ອງການ ຂອງບັນດາບໍລິສັດຕ່າງຊາດ ກໍຄືຄ່ານິ
ຍົມທີ່ຜິດໆຂອງເຍົາວະຊົນລາວ ທີ່ປະຕິເສດການຮຽນຕໍ່ສາຍວິຊາຊີບ ຫາກແຕ່ພາກັນ
ນິຍົມຮຽນຕໍ່ໃນສາຍສາມັນ ເຊັ່ນ ນິຕິສາດ ລັດຖະສາດ ແລະເສດຖະສາດ ໂດຍເຊື່ອວ່າ
ຈະເຮັດໃຫ້ມີການງານທີ່ດີ ແລະມີເງິນເດືອນສູງ ທັງໆທີ່ວ່າໃນຄວາມເປັນຈິງແລ້ວ ມັນ
ເປັນໄປບໍ່ໄດ້ຢູ່ແລ້ວ ເນື່ອງຈາກວ່າບໍ່ສອດຄ່ອງກັບຄວາມຕ້ອງການຂອງບັນດາບໍລິສັດ
ຕ່າງຊາດສ່ວນໃຫຍ່ ທີ່ເຂົ້າມາລົງທຶນໃນລາວນັ້ນເອງ.
ແຕ່ຢ່າງໃດກໍຕາມ ລັດຖະບານລາວກໍໄດ້ວາງເປົ້າໝາຍທີ່ຈະ
ພັດທະນາ ເພື່ອຍົກລະດັບຝີມືແຮງງານຂອງລາວໃຫ້ໄດ້ເຖິງ
240,000 ຄົນພາຍໃນປີ 2020 ເພື່ອຕອບສະໜອງແຮງງານ
ມີຝີມື ໃຫ້ກັບບັນດາບໍລິສັດຕ່າງຊາດທີ່ລົງທຶນໃນລາວໃຫ້ໄດ້
ຢ່າງພຽງພໍ ດ້ວຍການປັບປຸງກົດໝາຍແຮງງານໃຫ້ມີຄວາມ
ສອດຄ່ອງກັບການພັດທະນາເສດຖະກິດ-ສັງຄົມ ແລະເຮັດ
ໃຫ້ແຮງງານລາວມີຄຸນນະພາບທີ່ສາມາດເຊື່ອມໂຍງກັບເສດ
ຖະກິດອາຊ່ຽນ ໄດ້ຢ່າງແທ້ຈິງ.
ຫາກແຕ່ວ່າ ບັນຫາອີກປະການນຶ່ງ ສໍາລັບການພັດທະນາເພື່ອຍົກລະດັບຄຸນນະພາບ
ແຮງງານໃນລາວ ກໍຄືການມີສູນພັດທະນາຝີມືແຮງງານຢູ່ຢ່າງຈໍາກັດ ແລະເມື່ອປະກອບ
ກັບຄ່າຈ້າງແຮງງານຂັ້ນຕໍ່າໃນລາວກໍຍັງຕໍ່າຫຼາຍ ເມື່ອທຽບກັບຄ່າຈ້າງຂັ້ນຕໍ່າໃນໄທ ຈຶ່ງ
ເຮັດໃຫ້ ແຮງງານລາວຈໍານວນຫຼາຍໄດ້ພາກັນເດີນທາງໄປທໍາງານໃນໄທ ທັງທີ່ຖືກຕ້ອງ
ຕາມກົດໝາຍແລະລັກລອບທໍາງານຢ່າງຜິດກົດໝາຍ ໂດຍອົງການຄຸ້ມຄອງແຮງງານ
ຕ່າງດ້າວໃນໄທ ໄດ້ປະມານການວ່າ ມີແຮງງານລາວຫຼາຍກວ່າ 6 ແສນຄົນທີ່ລັກລອບ
ທໍາງານຢ່າງຜິດກົດໝາຍໃນໄທ ໃນທຸກມື້ນີ້.
