ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ລາວ ເປັນ 1 ໃນ 10 ປະເທດ ທີ່ເສດຖະກິດ ຈະຂະຫຍາຍຕົວ ໄວທີ່ສຸດໃນໂລກ


ບໍ່ແຮ່ພູຄໍາ ພາກເໜືອຂອງລາວ ຄືແຫຼ່ງຂຸດຄົ້ນ ແຮ່ຄໍາ, ເງິນ ແລະທອງແດງ ທີ່ເປັນຕົວຂັບດັນ ການຂະຫຍາຍໂຕຂອງ ເສດຖະກິດລາວ.
ບໍ່ແຮ່ພູຄໍາ ພາກເໜືອຂອງລາວ ຄືແຫຼ່ງຂຸດຄົ້ນ ແຮ່ຄໍາ, ເງິນ ແລະທອງແດງ ທີ່ເປັນຕົວຂັບດັນ ການຂະຫຍາຍໂຕຂອງ ເສດຖະກິດລາວ.
ລາວ​ໄດ້​ຖືກ​ຈັດ​ ໃຫ້​ເປັນ 1 ​ໃນ 10 ປະ​ເທດ​ ທີ່​ມີ​ການ​ຂະຫຍາ​ຍ
ຕົວ​ທາງ​ເສ​ດຖະກິດ​ ຢ່າງ​ວ່ອງ​ໄວ​ທີ່​ສຸດ ​ໃນ​ໂລກ ​ໃນ​ປີ 2014 ​
ໂດຍ​ຄາດໝາຍ​ວ່າ​ ເສດຖະກິດ​ລາວ​ຈະ​ຂະຫຍາຍຕົວ​ ໃນ​ອັດ
ຕາ​ສະ​ເລ່ຍທີ່​ສູງ​ເຖິງ 8.5%.


ໜັງສື​ພິມ The Washington Post ​ໄດ້​ສະ​ເໜີ​ລາ​ຍງານ​ ໂດຍ​ອິງ​ຕາມ​ຜົນ​ຈາກການສຶກ
ສາວິ​ໄຈ ທີ່​ດໍາ​ເນີນ​ການ​ໂດຍໜ່ວຍ​ງານທີ່​ເອີ້ນ​ວ່າ The Economist Intelligence Unit
ທີ່​ລະບຸ​ວ່າ ​ລາວ​ເປັນ 1 ​ໃນ 10 ປະ​ເທດ ​ທີ່​ເສດຖະກິດ​ຈະ​ມີ​ການຂະຫຍາ​ຍຕົວ​ເພີ່ມ​ຂຶ້ນ
ຢ່າງ​ວ່ອງ​ໄວ​ທີ່​ສຸດ​ໃນ​ໂລກ ​ໃນ​ປີ 2014 ນີ້ ​ໂດຍ​ຄາດ​ໝາຍວ່າ ​ເສດຖະກິດ​ໃນ​ລາວ​ຈະ​
ຂະຫຍາຍຕົວ​ເພີ່ມ​ຂຶ້ນ ​ເຖິງ 8.5% ທຽບ​ກັບ​ປີ 2013 ທີ່​ຜ່ານ​ມາ.

ການ​ຂະຫຍາຍຕົວ​ທາງ​ເສດຖະກິດ​ລາ​ວດັ່ງກ່າວ​ນີ້ ຖື​ເປັນ​ລະດັບ​ດຽວ​ກັນ​ກັບປະ​ເທດ​ຕິ​ມໍ
ຕາ​ເວັນອອກ ​ແລະ​ປະ​ເທດ​ອີ​ຣັກ. ສ່ວນ​ອັນ​ດັບ​ທໍາ​ອິດ​ນັ້ນ ກໍ​ປະກອບ​ດ້ວຍ Mongolia,
Sierra Leone, Turkmenistan, Bhutan, Libya ​ແລະ​ອີກ 2 ປະ​ເທດ​ທີ່ຢູ່​ໃນ​ອັນດັບ
​ທີ 9 ​ແລະ 10 ນັ້ນ ກໍ​ແມ່ນ​ປະ​ເທດ Eritrea ​ແລະ Zambia ຕາມ​ລໍາ​ດັບ. ​

ແຕ່​ຢ່າງ​ໃດກໍຕາມ The Washington Post ກໍ​ໄດ້​ລະບຸ​ວ່າ ການ​ຂະຫຍາຍຕົວ​ທາງເສດ
ຖະກິດ​ຢ່າງ​ວ່ອງ​ໄວ​ໃນ​ທັງ 10 ປະ​ເທດ​ດັ່ງກ່າວ​ນີ້ ​ເປັນ​ຍ້ອນ​ການ​ຂຸດ​ຄົ້ນ​ແຮ່​ຊັບພະຍາກອນ
ທໍາ​ມະ​ຊາດ​ຢ່າງ​ຫຼວງ​ຫຼາຍ ຊຶ່ງ​ກໍ​ສອດ​ຄ່ອງ​ກັບ​ທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນ
ຕີ ທີ່​ຖະ​ແຫຼ​ງຕໍ່​ກອງ​ປະ​ຊຸມ​ສະ​ໄໝ​ສາມັນ​ຄັ້ງ​ທີ 6 ຂອງ​ສະພາ​ແຫ່​ງຊາດລາວ ຊຸດ ທີ 7 ​ໃນ
​ທ້າຍ​ເດືອນ​ທັນວາ 2013 ວ່າ ການ​ພັດທະນາ​ທາງ​ເສດຖະກິດ​ຂອງ​ລາວ​ ໃນ​ປັດຈຸບັນ​ນີ້ ​
ເຖິງ​ແມ່ນ​ວ່າຈະ​ມີ​ການ​ຂະຫຍາຍຕົວ​ເພີ່ມ​ຂຶ້ນຢ່າງ​ຕໍ່​ເນື່ອງ​ກໍ​ຕາມ ​ຫາກ​ແຕ່​ພື້ນຖານການ
​ຜະລິດ​ສິນຄ້າ ກໍ​ຍັງ​ອິງ​ໃສ່​ການ​ຂຸດ​ຄົ້ນ​ຊັບພະຍາກອນ​ທໍາ​ມະ​ຊາດ​ເປັນ​ຕົ້ນຕໍ.

ຍິ່ງ​ໄປ​ກວ່າ​ນັ້ນ ຜົນ​ການ​ກວດກາ​ ບັນດາ​ໂຄງການ​ລົງທຶນ​ ທີ່​ເປັນ​ການ​ຂຸ​ດຄົ້ນ​ຊັບພະຍາກອນ
ທໍາມະ​ຊາດ​ ໃນ​ທົ່ວ​ປະ​ເທດ​ລາວ ​ໃນ​ລະຍະ​ທີ່​ຜ່ານ​ມາ ກໍ​ຍັງ​ພົບ​ວ່າ​ ມີ​ຫຼາຍໆ​ໂຄງການ​ທີ່ໄດ້
​ດໍາ​ເນີນ​ການ​ຂຸດ​ຄົ້ນ​ໃນ​ລັກສະນະ​ທີ່​ສວນ​ທາງ​ກັບ​ຫຼັກການ​ພັດທະນາ​ແບບ​ຍືນ​ຍົງ ທັງຍັງໄດ້
​ສົ່ງ​ຜົນ​ກະທົບ​ຕໍ່​ສະພາບ​ແວດ​ລ້ອມ​ທໍາ​ມະ​ຊາດ​ຫຼາຍ​ຂຶ້ນນັບ​ມື້​ ອີກ​ດ້ວຍ ດັ່ງ​ທີ່ທ່ານທອງສິງ ​
ໄດ້​ຖະ​ແຫຼ​ງ​ເນ້ນ​ຢໍ້າວ່າ:

“​ເສດຖະກິດ​ແຫ່ງ​ຊາດ​ ​ເຖິງ​ແມ່ນ​ວ່າ​ມີ​ການ​ເຕີບ​ໂຕ​ແລະ​ຕໍ່​ເນື່ອງ ​ແຕ່​ພື້ນຖານ​
ຍັງ​ບໍ່​ທັນ​ໜັກແໜ້ນ ການ​ສະ​ສົມ​ພາຍ​ໃນ​ຍັງ​ມີ​ນ້ອຍ ພື້ນຖານ​ການ​ຜະລິດ ບໍ່​ທັນ​
ຫຼາຍ ຍັງ​ອາ​ໄສ​ການ​ຂຸດ​ຄົ້ນ​ຊັບພະຍາກອນ​ທໍາ​ມະ​ຊາດ​ແລະ​ການ​ສົ່ງ​ອອກ​ວັດ
ຖຸ​ດິບ ​ເປັນ​ຕົ້ນຕໍ. ການ​ຄຸ້ມ​ຄອງ​ນໍາ​ໃຊ້​ຊັບພະຍາກອນ​ທໍາ​ມະ​ຊາດ​ມີ​ຫຼາຍ​ກໍລະນີ
ບໍ່​ທັນ​ຮັບປະກັນຄວາມ​ຍືນ​ຍົງ​ ແລະ​ເປັນ​ມິດ​ກັບ​ສິ່ງ​ແວດ​ລ້ອມ.”


ທ່ານ​ສົມ​ດີ ດວງ​ດີ ລັດຖະມົນຕີ​ວ່າການ​ກະຊວງ​ແຜນການ​ ​ແລະ ການ​ລົງທຶນ
ທ່ານ​ສົມ​ດີ ດວງ​ດີ ລັດຖະມົນຕີ​ວ່າການ​ກະຊວງ​ແຜນການ​ ​ແລະ ການ​ລົງທຶນ

ທາງ​ດ້ານ​ທ່ານ​ສົມ​ດີ ດວງ​ດີ ລັດຖະມົນຕີ​ວ່າການ​ກະຊວງ​ແຜນ
ການ​ ​ແລະ ການ​ລົງທຶນ ກໍຖະ​ແຫຼ​ງຢືນຢັນ​ວ່າ ທາງ​ການ​ລາວ​ໄດ້​
ອະນຸມັດ ສໍາ​ປະທານ​ການ​ຂຸດ​ຄົ້ນ​ແຮ່ທາດ ໃຫ້​ແກ່​ບໍລິສັດ​ເອກ​
ກະ​ຊົນ​ລາວ ​ແລະ​ຕ່າງ​ຊາດ​ໄປ​ແລ້ວ 470 ​ໂຄງການ ​ໂດຍ​ຄິດ​
ເປັນພື້ນ​ທີ່​ຂຸດ​ຄົ້ນ​ລວມ ກວ້າງ​ກວ່າ 36,300 ກິ​ໂລ​ແມັດ​ມົນທົນ
​ໃນ​ທົ່ວ​ປະ​ເທດ ​ແລະ​ມີ​ມູນ​ຄ່າການ​ລົງທຶນ​ລວມກັນ​ເຖິງ 5,900
ລ້ານ​ໂດ​ລ່າ.

ທັງ​ນີ້​ ໂດຍ​ເຂດ​ທີ່​ມີ​ການ​ອະນຸຍາດ​ສໍາ​ປະທານ​ ການ​ຂຸດຄົ້ນ​ແຮ່
ທາດ​ຫຼາ​ຍທີ່​ສຸດ ກໍ​ຄື​ເຂດ​ແຂວງ​ພາກ​ເໜືອ​ ທີ່​ມີ​ຈໍານວນ​ ເຖິງ
249 ​ໂຄງການ ທີ່​ກວມເອົາ​ພື້ນ​ທີ່​ກວ້າງ​ກວ່າ 21,442 ​ກິ​ໂລ​ແມັດ​ມົນທົນ ສ່ວນ​ທີ່​ເຂດ​ແຂວງ​ພາກ​ກາງ​ກໍ​ໄດ້​ອະນຸຍາດ​ສໍາ​ປະທານ​ໄປ​ທັງ​ໝົດ 167 ​ໂຄງການ ​ໂດຍ​ກວມ​ເອົາ​ພື້ນ​ທີ່​ກວ້າງ​ກວ່າ 7,580 ກິໂລ​ແມັດ​ມົນທົນ ​ແລະ​ຢູ່​ພາກ​ໃຕ້​ກໍ​ໄດ້ ອະນຸຍາດສໍາ​ປະທານ​ໄປ​ແລ້ວ 54 ​ໂຄງການ ທີ່​ກວມ​ເອົາ​ພື້ນ​ທີ່​ກວ້າງ ກວ່າ 7,297 ກິ​ໂລ ​ແມັດ​ມົນທົນ. ​

ແຕ່​ຢ່າງ​ໃດກໍ​ຕາມ ລັດຖະບານ​ລາວ​ກໍ​ຍັງ​ຢືນຢັນ​ຈະ​ຊຸກຍູ້​ໃຫ້​ເສດຖະກິດ​ໃນ​ລາວ​ ຂະຫຍາຍ
ຕົວ​ເພີ່ມ​ຂຶ້ນຕໍ່​ໄປ​ຢ່າງ​ຕໍ່​ເນື່ອງ ​ໂດຍ​ຫລ້າ​ສຸດ ກໍ​ໄດ້​ມອບ​ໝາຍ​ໃຫ້​ກະຊວງແຜນການແລະ​ການ
​ລົງທຶນ ​ເປັນ​ພາກ​ສ່ວນ​ທີ່​ຮັບຜິດຊອບ ​ໃນ​ການ​ຮ່າງ​ແຜນການ​ພັດທະນາເສດຖະກິດ-ສັງຄົມ
ສະບັບ​ທີ 8 ສໍາລັບ​ຈັດ​ຕັ້ງ​ປະຕິບັດ​ໃນ​ຊ່ວງ​ປີ 2016-2020 ​ເພື່ອ​ເຮັດ​ໃຫ້​ເສດຖະກິດລາວ
ຂະຫຍາຍຕົວ​ເພີ່ມ​ຂຶ້ນ ລະຫວ່າງ 8.5% ຫາ 9% ​ໃນ​ແຕ່ລະ​ປີ.
XS
SM
MD
LG