ລິ້ງ ສຳຫລັບເຂົ້າຫາ

ລາວວາງແຜນການ ຫຼຸດອັດຕາການຕາຍ ຂອງແມ່ແລະເດັກ ໃຫ້ຢູ່ໃນລະດັບຕໍ່າ ພາຍໃນປີ 2015

  • ຊົງຣິດ ໂພນເງິນ

ເດັກນ້ອຍໄປຕັກນໍ້າກ໋ອກເພື່ອໄປກິນແລະໃຊ້

ກະຊວງສາທາລະນະສຸກລາວ ວາງແຜນການ ທີ່ຈະລົດອັດຕາການເສຍຊີວິດຂອງແມ່ ແລະ ເດັກລົງໃຫ້ຢູ່ໃນອັດຕາສະເລ່ຍບໍ່ເກີນ 260/ແສນຄົນ ແລະ 45/1.000 ຄົນ ຕາມລໍາດັບພາຍ ໃນປີ 2015.

ດຣ. ແສງຈ້ອຍ ປັນຍາວົງ, ຫົວໜ້າສູນຂ່າວສານການແພດສຸກຂະສຶກສາກະຊວງສາທາ
ລະນະສຸກ ໄດ້ໃຫ້ການຢືນຢັນວ່າ ມາດຕະການທີ່ສໍາຄັນຢ່າງໜຶ່ງທີ່ຈະຊ່ວຍລົດອັດຕາ
ການເສຍຊີວິດຂອງແມ່ ແລະເດັກໃນລາວ ໃຫ້ຕໍ່າລົງໄດ້ໃນໄລຍະຕໍ່ໄປນັ້ນ ກໍແມ່ນການ
ສັກຢາກັນພະຍາດໝາກແດງນ້ອຍ ແລະໝາກແດງໃຫຍ່ ໃຫ້ແກ່ແມ່ ແລະເດັກນ້ອຍ
ທີ່ອາຍຸຕັ້ງແຕ່ ­9 ເດືອນຂຶ້ນໄປຈົນເຖິງ 19 ປີໃຫ້ໄດ້ຕາມແຜນການທີ່ວາງເອົາໄວ້ຢ່າງ
ແທ້ຈິງ ເຊິ່ງກໍຄືບໍ່ນ້ອຍກ່ວາ 2.8 ລ້ານຄົນໃນທົ່ວປະເທດ.

ພາຍໃຕ້ແຜນການດັ່ງກ່າວ ທາງການກະຊວງສາທາລະນະສຸກລາວໄດ້ແບ່ງການດໍາ
ເນີນງານອອກເປັນ 2 ໄລຍະ ກໍຄືລະຫວ່າງວັນທີ 1–14 ພະຈິກ ທີ່ຈະເປັນການດໍາເນີນ ງານຢູ່ໃນແຂວງຈຳປາສັກ, ເຊກອງ, ອັດຕະປື ແລະ ສາລະວັນ. ສ່ວນອີກ 13 ແຂວງ ທີ່ ເຫຼືອນັ້ນກໍຈະດໍາເນີນການໃນລະຫວ່າງວັນທີ 21 ພະຈິກຫາວັນທີ 6 ທັນວາປີນີ້.

ແຕ່ຢ່າງໃດກໍຕາມ ດຣ ແສງຈ້ອຍ ກໍຍອມຮັບວ່າ ການທີ່ຈະສາມາດລົດບັນລຸເປົ້າໝາຍ ກ່ຽວກັບການລົດອັດຕາການເສຍຊີວິດຂອງແມ່ ແລະ ເດັກນ້ອຍໃນລາວໄດ້ຢ່າງແທ້ຈິງ ຕາມແຜນການທີ່ວາງໄວ້ໃນປີ 2015 ນັ້ນ ກໍບໍ່ແມ່ນເລື່ອງງ່າຍເພາະວ່າ ເງື່ອນໄຂສໍາຄັນ
ທີ່ສຸດປະການໜຶ່ງນັ້ນ ກໍຄືການທີ່ຈະຕ້ອງໄດ້ຮັບການຮ່ວມມືຈາກທຸກພາກສ່ວນທາງ
ພາກລັດຖະບານ ແລະພາກເອກະຊົນຢ່າງຄົບຖ້ວນດັ່ງທີ່ ດຣ ແສງຈ້ອຍ ໄດ້ໃຫ້ການຊີ້
ແຈງໃນຕອນນຶ່ງວ່າ:

ການສັກຢາແລະຢອດຢາກັນ ພະຍາດ ທີ່ລາວ
ການສັກຢາແລະຢອດຢາກັນ ພະຍາດ ທີ່ລາວ

ັດຈຸບັນນີ້ ພວກເຮົາກໍາລັງວາງຄາດໝາຍ
ສູ້ຊົນຮອດປີ 2015 ໃຫ້ໄດ້ 260 ສ່ວນແສນ

ສໍາ
ຫຼັບເດັກກຸ່ມໜຶ່ງທີ່ເຮົາຈະສູ້ຊົນຮອດປີ
2015 ໃຫ້ໄດ້ 45 ຄົນສ່ວນພັນ ແລະ ເດັກ
ກຸ່ມຫ້າປີນີ້ກໍແມ່ນເຮົາຈະສູ້ຊົນໃຫ້ໄດ້ 70 ຄົນ
ສ່ວນພັນ, ອັນນີ້ແມ່ນພວກເຮົາຕ້ອງໄດ້ສູ້ຊົນ
ແມ່ນຕົວເລກທີ່ທ້າທາຍທີ່ສຸດ ຖ້າວ່າພວກເຮົາ
ຫາກບໍ່ຮ່ວມແຮງຮ່ວມໃຈກັນ ແມ່ນພວກເຮົາຈະບໍ່ບັນລຸ.

ກ່ອນໜ້ານີ້ ​ອົງການ Save the Children ໄດ້​ສະ​ເໜີລາຍ​ງານ​ປະ​ຈໍາປີ 2011 ​ວ່າ ລາວ​ເປັນ
​ປະ​ເທດທີ່​ມີ​ການຍົກ​ລະດັບ​ຄຸນ​ນະພາ​ບຊີວິດການ​ເປັນ​ຢູ່​ຂອງ​ແມ່ ​ແລະ​ເດັກ​ໄດ້​ດີ​ຂຶ້ນ​ຢ່າງໜ້າ
ພໍ​ໃຈ ​ໂດຍ​ສະ​ເພາະ​ແມ່ນ​ການຍົກ​ລະດັບ​ຄຸນ​ນະພາ​ບຊີວິດການ​ເປັນ​ຢູ່​ຂອງ​ແມ່ຍິງທີ່ຕັ້ງ​ຄັນຫຼື
ຖືພາ​ນັ້ນ​ ນັບ​ວ່າໄດ້ຮັບ​ຜົນ​ສໍາ​ເລັດເປັນ​ຢ່າງ​ດີ, ​ເຊິ່ງກໍ​ໄດ້​ເຮັດ​ໃຫ້ລາວ​ໄດ້​ຮັບ​ການເລື່ອນ​ລະດັບ
​ດີ​ຂຶ້ນ​ຈາກ​ອັນ​ດັບທີ 17 ມາ​ເປັນອັນ​ດັບ​ທີ 8 ​ໃນ​ກຸ່ມ 42 ປະ​ເທດ​ດ້ອຍພັດທະນາ​ດ້ວຍກັນ
ຈາກ​ທົ່ວ​ໂລກ.

ທັງ​ນີ້​ ​ປະ​ເທດ​ໃນເ​ອເຊຍ​ດ້ວຍ​ກັນ​ທີ່​ໄດ້​ຖືກ​ຈັດ​ໃຫ້​ຢູ່​ໃນ​ກຸ່ມ​ປະ​ເທດ​ທີ່​ມີການ​ພັດທະນາເພື່ອ​
ຍົກ​ລະດັບຄຸ​ນນະພາ​ບຊີວິດຄວາມ​ເປັນ​ຢູ່​ຂອງ​ແມ່​ຍິງ​ ໃນລະດັບ​ຕໍ່າ​ກວ່າ​ລາວ ​ແລະຕໍ່າ​ທີ່​ສຸດ
ໃນເ​ອເຊຍນັ້ນ​ກໍ​ຄື: ​ເຢ​ເມນ, ຕີ​ມໍ​ຕະ​ເວັນ​ອອກ ​ແລະບັງ​ກະລາ​ເທດ. ສ່ວນ​ປະ​ເທດ​ທີ່​ມີ​ແມ່ຍິງ
ມີ​ຄຸນ​ພາ​ບຊີວິດ​ຄວາມ​ເປັນ​ຢູ່ດີ​ທີ່​ສຸດ​ໃນ​ອາຊີ​ນັ້ນ​ກໍ​ຄື: ຢີ່ປຸ່ນ, ອິສຣະ​ແອລ ​ແລະເກົາຫຼີ​ໃຕ້
ຕາມ​ລໍາດັບ.

ແມ່ພາລູກນ້ອຍໄປກວດສຸຂະພາບ ທີ່ໂຮງໝໍ.
ແມ່ພາລູກນ້ອຍໄປກວດສຸຂະພາບ ທີ່ໂຮງໝໍ.

ແຕ່​ຢ່າງ​ໃດ​ກໍ​ຕາມ ສໍາລັບ​ໃນ​ດ້ານ​ຄຸນ​ນະພາ​ບຊີວິດ​ຄວາມ​ເປັນ​ຢູ່​ຂອງ​ເດັກນ້ອຍ​ລາວ​ອາຍຸ​ຕໍ່າ​ ກວ່າ 5 ປີ​ນັ້ນ​ພັດ​ໄດ້​ຖືກ​ປັບ​ລົດ​ອັນ​ດັບໃຫ້​ຕໍ່າລົງ​ເລັກໜ້ອຍກໍ​ຄື​ຈາກ​ອັນ​ ດັບ​ທີ 19 ​ໃນ​ປີ 2010 ມາ​ເປັນອັນ​ດັບ​ທີ 22 ຈາກ 44 ປະ​ເທດ​ດ້ອຍ​ພັດທະນາ​ດ້ວຍ​ກັນ ​ແລະໃນ​ອາຊີ​ດ້ວຍ​ກັນກໍ​ປະກົດ​ວ່າ​ ມີ​ພຽງກໍາປູ​ເຈຍ, ຕີ​ມໍ​ຕາ​ເວັນ​ອອກ ​ແລະ​ເຢ​ເມນ​ເທົ່າ​ນັ້ນ​ທີ່​ມີ​ອັນ​ດັບ​ຕໍ່າ​ກວ່າ​ລາວ.

ທັງ​ນີ້ ​ໂດຍ​ອີງ​ຕາມ​ສະຖິຕິ​ຂອງກະຊວງ​ສາທາ​ລະນະ​ສຸກ​ຂອງ​ລາວ​ນັ້ນ ກໍ​ໄດ້​ລະບຸ​ວ່າ​ ອັດຕາ​ສະ​ເລ່ຍການ​ເສຍ​ຊີວິດ​ຂອງ​ເດັກນ້ອຍ​ທີ່​ອາຍຸ​ຕໍ່າ​ກວ່າ 5 ປີ​ ກໍ​ຍັງສູງ​ເຖິງ 98 ຄົນ​ຕໍ່ 1,000 ຄົນ, ​ແລະອັດຕາ​ສະ​ເລ່ຍການ​ເສຍ​ຊີວິດ​ຂອງ​ແມ່ຍິງ​ໃນ​ຂະນະ​ຖືພາ​ນັ້ນ​ກໍ​ຍັງ​ສູງ​ ເຖິງ 300 ຄົນ​ຕໍ່ 1 ​ແສນ​ຄົນ ໃນປີ 2010 ທີ່ຜ່ານມາ.

XS
SM
MD
LG