ລັດຖະບານລາວ ໄດ້ເພີ້ມມາດຕະການເຂັ້ມງວດເຂົ້າໃນການກວດກາການເຜີຍແຜ່ຂໍ້ມູນຂ່າວສານໃນສື່ສັງຄົມຢ່າງໃກ້ຊິດ ໂດຍສະເພາະສື່ສັງຄົມທີ່ໂຈມຕີລັດຖະບານລາວ ໃນຖານະປະທານອາຊຽນນັ້ນ.
ພົນເອກ ວິໄລ ຫລ້າຄຳຟອງ ຮອງນາຍົກລັດຖະມົນຕີ ແລະລັດຖະມົນຕີກະຊວງປ້ອງກັນຄວາມສະຫງົບ ຖະແຫລງຢືນຢັນວ່າ ລັດຖະບານລາວ ໄດ້ມອບໝາຍໃຫ້ກະຊວງປ້ອງກັນຄວາມສະຫງົບ ເປັນພາກສ່ວນຮັບຜິດຊອບໃນການຮັກສາຄວາມປອດໄພ ແລະກວດກາທຸກການເຄື່ອນໄຫວໃນທົ່ວປະເທດລາວ ໃນໂອກາດທີ່ລັດຖະບານລາວ ເປັນປະທານວຽນຂອງອາຊຽນໃນປີ 2024 ນີ້ ຊຶ່ງໃນນີ້ ລວມເຖິງການກວດກາການເຜີຍແຜ່ຂໍ້ມູນຂ່າວສານໃນສື່ສັງຄົມ ທັງພາຍໃນລາວ ແລະຕ່າງປະເທດຢ່າງໃກ້ຊິດດ້ວຍ ແລະຈະຕ້ອງດຳເນີນມາດຕະການຕອບໂຕ້ທັນທີ ໃນກໍລະນີທີ່ສື່ສັງຄົມໄດ້ນຳສະເໜີຂໍ້ມູນຂ່າວສານທີ່ເປັນການໂຈມຕີບົດບາດ ແລະການຈັດຕັ້ງປະຕິບັດວຽກງານຕ່າງໆຂອງລັດຖະບານລາວ ໃນຖານະທີ່ເປັນປະທານວຽນຂອງອາຊຽນ ທີ່ຈະຕ້ອງຈັດກອງປະຊຸມສຸດຍອດຜູ້ນຳອາຊຽນ 2 ຄັ້ງໃນປີ 2024 ລວມເຖິງການຈັດກອງປະຊຸມລະດັບລັດຖະມົນຕີດ້ານຕ່າງໆດ້ວຍນັ້ນ.
ຟໍຣັມສະແດງຄວາມຄິດເຫັນ