ກະຊວງອຸດສາຫະກໍາແລະການຄ້າ ລາຍງານວ່າ ໃນໄລຍະ 6
ເດືອນທີ່ຜ່ານມາ ຂອງປີ 2012 ນີ້ ລາວໄດ້ສົ່ງອອກພະລັງງານ
ໄຟຟ້າໄປຕ່າງປະເທດໃນປະລິມານ ລວມເຖິງ 3,790 ລ້ານ
ກິໂລວັດ/ຊົ່ວໂມງ ຊຶ່ງກໍເຮັດໃຫ້ມີລາຍຮັບຈາກການສົ່ງອອກ
ພະລັງງານໄຟຟ້າດັ່ງກ່າວ ຄິດເປັນມູນຄ່າລວມເຖິງ 340 ລ້ານ
ໂດລາ ແລະ ຖ້າຫາກວ່າການຜະລິດພະລັງງານໄຟຟ້າເປັນໄປ
ຕາມແຜນການທີ່ວາງເອົາໄວ້ ກໍຈະເຮັດໃຫ້ມີລາຍຮັບຈາກການ
ສົ່ງອອກພະລັງງານໄຟຟ້າຄິດເປັນມູນຄ່າລວມບໍ່ໜ້ອຍກວ່າ
680 ລ້ານໂດລາໃນຕະຫຼອດປີ 2012 ນີ້.
ພ້ອມກັນນີ້ ລາຍງານຂອງກະຊວງອຸດສາຫະກໍາແລະການຄ້າ ກໍ
ຍັງໄດ້ໃຫ້ການຄາດໝາຍອີກດ້ວຍວ່າລາຍຮັບຈາກການສົ່ງອອກ
ພະລັງງານໄຟຟ້າຂອງລາວຈະເພີ່ມຂຶ້ນເປັນ 3 ເທົ່າ ພາຍໃນປີ
2015 ເນື່ອງຈາກວ່າມີເຂື່ອນອີກ 4 ໂຄງການທີ່ຈະກໍ່ສ້າງສໍາເລັດພາຍໃນປີ 2013 ຕິດ ຕາມດ້ວຍໂຄງການຫົງສາລິກໄນທ໌ ກໍຈະສ້າງສໍາເລັດແລະສົ່ງກະແສໄຟຟ້າຂາຍໃຫ້ໄທໄດ້ພາຍໃນປີ 2015 ຊຶ່ງຈະເຮັດໃຫ້ລາວ ມີລາຍໄດ້ຈາກການສົ່ງອອກພະລັງງານໄຟຟ້າດັ່ງກ່າວບໍ່ໜ້ອຍກວ່າ 2 ພັນລ້ານ ໂດລານັ້ນເອງ.
ການເຊັນສັນຍາໂຄງການຂຸດຄົ້ນຖ່ານຫົງສາລິກໄນ ລະຫວ່າງລາວ ແລະໄທ
ທັງນີ້ລັດຖະບານລາວ ໄດ້ວາງເປົ້າໝາຍທີ່ຈະພັດທະນາລາວ
ໃຫ້ເປັນໝໍ້ໄຟຂອງເອເຊຍ (Asia Battery) ດ້ວຍການສົ່ງ
ເສີມໃຫ້ຕ່າງຊາດເຂົ້າມາລົງທຶນກໍ່ສ້າງເຂື່ອນໃນລາວໃຫ້
ຫຼາຍຂຶ້ນຢ່າງບໍ່ຢຸດຢັ້ງ ແລະເປົ້າໝາຍທີ່ສໍາຄັນທີ່ສຸດຂອງ
ການພັດທະນາລາວໃຫ້ເປັນໝໍ້ໄຟຂອງເອເຊຍນັ້ນ ກໍເພື່ອ
ນໍາເອົາລາຍຮັບຈາກ ການສົ່ງອອກພະລັງງານໄຟຟ້າດັ່ງ
ກ່າວມາໃຊ້ໃນການແກ້ໄຂບັນຫາຄວາມທຸກຍາກຂອງປະຊາ
ຊົນລາວບັນດາເຜົ່າເປັນດ້ານຫຼັກ ດ້ວຍເຫດນີ້ຈຶ່ງເຮັດໃຫ້
ລັດຖະ ບານລາວໄດ້ຢືນຢັນຈະເດີນໜ້າການພັດທະນາໄປ
ສູ່ເປົ້າໝາຍດັ່ງກ່າວໃຫ້ໄດ້ຢ່າງ ເປັນຮູບປະທໍາ ດັ່ງທີ່ທ່ານ
ຈູມມະລີ ໄຊຍະສອນ ປະທານປະເທດ ໄດ້ໃຫ້ການເນັ້ນຢໍ້າ
ເມື່ອບໍ່ດົນມານີ້ວ່າ:
“ລັດຖະບານລາວໄດ້ສົມທຸກຄວາມພະຍາຍາມຂອງຕົນ ບວກກັບການສະໜັບສະໜຸນທາງດ້ານວັດຖຸເທກນິກ ແລະທຶນຮອນຈາກສາກົນ ເພື່ອພັດທະນາແຫຼ່ງພະລັງ ງານທີ່ສະອາດດັ່ງກ່າວນີ້ ໃຫ້ສາມາດຕອບສະໜອງໄດ້ກັບຄວາມຕ້ອງການທາງ ດ້ານພະລັງງານຢູ່ພາຍໃນປະເທດ ແລະເພື່ອສົ່ງອອກໃຫ້ແກ່ປະເທດເພື່ອນບ້ານ.”
ກະຊວງພະລັງງານແລະບໍ່ແຮ່ ໄດ້ປະກາດແຜນການສົ່ງເສີມການລົງທຶນຈາກ ຕ່າງປະເທດເພື່ອໃຫ້ເຂົ້າມາກໍ່ສ້າງເຂື່ອນໃນລາວໃຫ້ໄດ້ປີລະ 2 ໂຄງການນັບແຕ່ ປັດຈຸບັນໄປຈົນເຖິງປີ 2020. ໂດຍຖ້າຫາກວ່າສາມາດປະຕິບັດໄດ້ຈິງ ກໍຈະເຮັດ ໃຫ້ລາວມີເຂື່ອນເພີ່ມຂຶ້ນເຖິງ 20 ໂຄງການ ແລະກໍຈະເຮັດໃຫ້ລາວມີຄວາມສາມາດຜະລິດພະລັງງານໄຟຟ້າເພີ່ມຂຶ້ນຈາກ 2,540 ເມກະວັດ ໃນປັດຈຸບັນນີ້ ເປັນຫຼາຍກວ່າ 9,000 ເມກະວັດ ໃນປີ 2020 ອິກດ້ວຍ.
ສະຖານທີ່ຂຸດຄົ້ນຖ່ານລິກໄນ ທີ່ເມືອງຫົງສາໃນລາວ
ຈົນເຖິງປັດຈຸບັນນີ້ ລັດຖະບານລາວໄດ້ອະນຸຍາດໃຫ້ພາກ
ເອກກະຊົນລາວ ແລະຕ່າງຊາດດໍາເນີນການສຶກສາຄວາມ
ເປັນໄປໄດ້ແລະອອກແບບກໍ່ສ້າງເຂື່ອນຢູ່ໃນລາວໄປແລ້ວ
ເຖິງ 80 ກວ່າໂຄງການ ຊຶ່ງໃນນີ້ເປັນໂຄງການທີ່ຢູ່ໃນຂັ້ນຕອນ ຂອງການວາງແຜນກໍ່ສ້າງ 20 ກວ່າໂຄງການແລະອີກກວ່າ 60 ໂຄງການກໍກໍາລັງຢູ່ໃນຂັ້ນຕອນຂອງການສຶກສາສໍາຫຼວດຄວາມເປັນໄປໄດ້ ແລະອອກແບບກໍ່ສ້າງຕໍ່ໄປ.
ສ່ວນເຂື່ອນທີ່ໄດ້ທໍາການຜະລິດພະລັງງານໄຟຟ້າແລ້ວໃນ
ປັດຈຸບັນນີ້ ກໍມີຢູ່ 14 ແຫ່ງ ໂດຍທີ່ຖືວ່າເປັນເຂື່ອນຂະໜາດໃຫຍ່ທີ່ສຸດກໍຄືເຂື່ອນນໍ້າເທີນ 2 ທີ່ສົ່ງພະລັງ ງານໄຟຟ້າສ່ວນໃຫຍ່ໄປຂາຍໃຫ້ໄທພາຍໃຕ້ສັນຍາທີ່ລັດຖະບານໄທໄດ້
ຕົກລົງຈະຮັບຊື້ພະລັງງານໄຟຟ້າຈາກລາວ 7,000 ເມກະວັດ ນັບແຕ່ປີ 2015 ເປັນຕົ້ນໄປ
ຫາກແຕ່ວ່າບັນຫາໃນເວລານີ້ ກໍຄືບັນດາອົງການອະນຸລັກສະພາບແວດລ້ອມທໍາມະຊາດໃນລະດັບສາກົນໄດ້ປະກາດທ່າທີຢ່າງຊັດເຈນວ່າຈະຄັດຄ້ານການກໍ່ສ້າງ ເຂື່ອນທັງໃນລາວແລະເທິງແມ່ນໍ້າຂອງຢ່າງເຖິງທີ່ສຸດ.
ໂດຍລ່າສຸດກໍໄດ້ພາກັນເຄື່ອນໄຫວເພື່ອຄັດຄ້ານການຮັບຊື້ພະລັງງານໄຟຟ້າຈາກເຂື່ອນ
ໄຊຍະບຸລີເທິງແມ່ນໍ້າຂອງໃນລາວ ແລະຈະມີການຍື່ນໜັງສືຄັດຄ້ານດັ່ງກ່າວ ເຖິງລັດຖະ
ບານໄທ ພາຍໃນເດືອນກັນຍານີ້ອີກດ້ວຍ.
ເດືອນທີ່ຜ່ານມາ ຂອງປີ 2012 ນີ້ ລາວໄດ້ສົ່ງອອກພະລັງງານ
ໄຟຟ້າໄປຕ່າງປະເທດໃນປະລິມານ ລວມເຖິງ 3,790 ລ້ານ
ກິໂລວັດ/ຊົ່ວໂມງ ຊຶ່ງກໍເຮັດໃຫ້ມີລາຍຮັບຈາກການສົ່ງອອກ
ພະລັງງານໄຟຟ້າດັ່ງກ່າວ ຄິດເປັນມູນຄ່າລວມເຖິງ 340 ລ້ານ
ໂດລາ ແລະ ຖ້າຫາກວ່າການຜະລິດພະລັງງານໄຟຟ້າເປັນໄປ
ຕາມແຜນການທີ່ວາງເອົາໄວ້ ກໍຈະເຮັດໃຫ້ມີລາຍຮັບຈາກການ
ສົ່ງອອກພະລັງງານໄຟຟ້າຄິດເປັນມູນຄ່າລວມບໍ່ໜ້ອຍກວ່າ
680 ລ້ານໂດລາໃນຕະຫຼອດປີ 2012 ນີ້.
ພ້ອມກັນນີ້ ລາຍງານຂອງກະຊວງອຸດສາຫະກໍາແລະການຄ້າ ກໍ
ຍັງໄດ້ໃຫ້ການຄາດໝາຍອີກດ້ວຍວ່າລາຍຮັບຈາກການສົ່ງອອກ
ພະລັງງານໄຟຟ້າຂອງລາວຈະເພີ່ມຂຶ້ນເປັນ 3 ເທົ່າ ພາຍໃນປີ
2015 ເນື່ອງຈາກວ່າມີເຂື່ອນອີກ 4 ໂຄງການທີ່ຈະກໍ່ສ້າງສໍາເລັດພາຍໃນປີ 2013 ຕິດ ຕາມດ້ວຍໂຄງການຫົງສາລິກໄນທ໌ ກໍຈະສ້າງສໍາເລັດແລະສົ່ງກະແສໄຟຟ້າຂາຍໃຫ້ໄທໄດ້ພາຍໃນປີ 2015 ຊຶ່ງຈະເຮັດໃຫ້ລາວ ມີລາຍໄດ້ຈາກການສົ່ງອອກພະລັງງານໄຟຟ້າດັ່ງກ່າວບໍ່ໜ້ອຍກວ່າ 2 ພັນລ້ານ ໂດລານັ້ນເອງ.
ທັງນີ້ລັດຖະບານລາວ ໄດ້ວາງເປົ້າໝາຍທີ່ຈະພັດທະນາລາວ
ໃຫ້ເປັນໝໍ້ໄຟຂອງເອເຊຍ (Asia Battery) ດ້ວຍການສົ່ງ
ເສີມໃຫ້ຕ່າງຊາດເຂົ້າມາລົງທຶນກໍ່ສ້າງເຂື່ອນໃນລາວໃຫ້
ຫຼາຍຂຶ້ນຢ່າງບໍ່ຢຸດຢັ້ງ ແລະເປົ້າໝາຍທີ່ສໍາຄັນທີ່ສຸດຂອງ
ການພັດທະນາລາວໃຫ້ເປັນໝໍ້ໄຟຂອງເອເຊຍນັ້ນ ກໍເພື່ອ
ນໍາເອົາລາຍຮັບຈາກ ການສົ່ງອອກພະລັງງານໄຟຟ້າດັ່ງ
ກ່າວມາໃຊ້ໃນການແກ້ໄຂບັນຫາຄວາມທຸກຍາກຂອງປະຊາ
ຊົນລາວບັນດາເຜົ່າເປັນດ້ານຫຼັກ ດ້ວຍເຫດນີ້ຈຶ່ງເຮັດໃຫ້
ລັດຖະ ບານລາວໄດ້ຢືນຢັນຈະເດີນໜ້າການພັດທະນາໄປ
ສູ່ເປົ້າໝາຍດັ່ງກ່າວໃຫ້ໄດ້ຢ່າງ ເປັນຮູບປະທໍາ ດັ່ງທີ່ທ່ານ
ຈູມມະລີ ໄຊຍະສອນ ປະທານປະເທດ ໄດ້ໃຫ້ການເນັ້ນຢໍ້າ
ເມື່ອບໍ່ດົນມານີ້ວ່າ:
“ລັດຖະບານລາວໄດ້ສົມທຸກຄວາມພະຍາຍາມຂອງຕົນ ບວກກັບການສະໜັບສະໜຸນທາງດ້ານວັດຖຸເທກນິກ ແລະທຶນຮອນຈາກສາກົນ ເພື່ອພັດທະນາແຫຼ່ງພະລັງ ງານທີ່ສະອາດດັ່ງກ່າວນີ້ ໃຫ້ສາມາດຕອບສະໜອງໄດ້ກັບຄວາມຕ້ອງການທາງ ດ້ານພະລັງງານຢູ່ພາຍໃນປະເທດ ແລະເພື່ອສົ່ງອອກໃຫ້ແກ່ປະເທດເພື່ອນບ້ານ.”
ກະຊວງພະລັງງານແລະບໍ່ແຮ່ ໄດ້ປະກາດແຜນການສົ່ງເສີມການລົງທຶນຈາກ ຕ່າງປະເທດເພື່ອໃຫ້ເຂົ້າມາກໍ່ສ້າງເຂື່ອນໃນລາວໃຫ້ໄດ້ປີລະ 2 ໂຄງການນັບແຕ່ ປັດຈຸບັນໄປຈົນເຖິງປີ 2020. ໂດຍຖ້າຫາກວ່າສາມາດປະຕິບັດໄດ້ຈິງ ກໍຈະເຮັດ ໃຫ້ລາວມີເຂື່ອນເພີ່ມຂຶ້ນເຖິງ 20 ໂຄງການ ແລະກໍຈະເຮັດໃຫ້ລາວມີຄວາມສາມາດຜະລິດພະລັງງານໄຟຟ້າເພີ່ມຂຶ້ນຈາກ 2,540 ເມກະວັດ ໃນປັດຈຸບັນນີ້ ເປັນຫຼາຍກວ່າ 9,000 ເມກະວັດ ໃນປີ 2020 ອິກດ້ວຍ.
ຈົນເຖິງປັດຈຸບັນນີ້ ລັດຖະບານລາວໄດ້ອະນຸຍາດໃຫ້ພາກ
ເອກກະຊົນລາວ ແລະຕ່າງຊາດດໍາເນີນການສຶກສາຄວາມ
ເປັນໄປໄດ້ແລະອອກແບບກໍ່ສ້າງເຂື່ອນຢູ່ໃນລາວໄປແລ້ວ
ເຖິງ 80 ກວ່າໂຄງການ ຊຶ່ງໃນນີ້ເປັນໂຄງການທີ່ຢູ່ໃນຂັ້ນຕອນ ຂອງການວາງແຜນກໍ່ສ້າງ 20 ກວ່າໂຄງການແລະອີກກວ່າ 60 ໂຄງການກໍກໍາລັງຢູ່ໃນຂັ້ນຕອນຂອງການສຶກສາສໍາຫຼວດຄວາມເປັນໄປໄດ້ ແລະອອກແບບກໍ່ສ້າງຕໍ່ໄປ.
ສ່ວນເຂື່ອນທີ່ໄດ້ທໍາການຜະລິດພະລັງງານໄຟຟ້າແລ້ວໃນ
ປັດຈຸບັນນີ້ ກໍມີຢູ່ 14 ແຫ່ງ ໂດຍທີ່ຖືວ່າເປັນເຂື່ອນຂະໜາດໃຫຍ່ທີ່ສຸດກໍຄືເຂື່ອນນໍ້າເທີນ 2 ທີ່ສົ່ງພະລັງ ງານໄຟຟ້າສ່ວນໃຫຍ່ໄປຂາຍໃຫ້ໄທພາຍໃຕ້ສັນຍາທີ່ລັດຖະບານໄທໄດ້
ຕົກລົງຈະຮັບຊື້ພະລັງງານໄຟຟ້າຈາກລາວ 7,000 ເມກະວັດ ນັບແຕ່ປີ 2015 ເປັນຕົ້ນໄປ
ຫາກແຕ່ວ່າບັນຫາໃນເວລານີ້ ກໍຄືບັນດາອົງການອະນຸລັກສະພາບແວດລ້ອມທໍາມະຊາດໃນລະດັບສາກົນໄດ້ປະກາດທ່າທີຢ່າງຊັດເຈນວ່າຈະຄັດຄ້ານການກໍ່ສ້າງ ເຂື່ອນທັງໃນລາວແລະເທິງແມ່ນໍ້າຂອງຢ່າງເຖິງທີ່ສຸດ.
ໂດຍລ່າສຸດກໍໄດ້ພາກັນເຄື່ອນໄຫວເພື່ອຄັດຄ້ານການຮັບຊື້ພະລັງງານໄຟຟ້າຈາກເຂື່ອນ
ໄຊຍະບຸລີເທິງແມ່ນໍ້າຂອງໃນລາວ ແລະຈະມີການຍື່ນໜັງສືຄັດຄ້ານດັ່ງກ່າວ ເຖິງລັດຖະ
ບານໄທ ພາຍໃນເດືອນກັນຍານີ້ອີກດ້ວຍ.
