ລິ້ງ ສຳຫລັບເຂົ້າຫາ

ແຂວງຈໍາປາສັກຈະຕັ້ງ ເຂດເສດຖະກິດພິເສດ

  • ຊົງຣິດ ໂພນເງິນ

ຜູ້ຊາຍຊາວປະມົງຄົນນຶ່ງ ສະແດງຄວາມກ້າຫານ ໄຕ່ລວດຂ້າມຊ່ວງນຶ່ງຂອງຄອນພະເພງ ນໍ້າຕົກທີ່ມີຊື່ສຽງຂອງ ລາວ ຊຶ່ງລັດຖະບານລາວໄດ້ອະນຸມັດ ໃຫ້ຈັດເຂດເສດຖະກິດພິເສດ ຂື້ນຢູ່ໃກ້ໆນັ້ນ..

ທາງ​ການ​ແຂວງ​ຈໍາປາ​ສັກ​ວາງ​ແຜນການ​ພັດທະນາ​ຄອນ​ພະ​ເພງ ໃຫ້​ເປັນ​ເຂດ​ເສດຖະກິດພິ​ເສດ​ພາຍ​ໃນ​ຫ້າ​ປີຕໍ່ໜ້າ ​ໂດຍ​ແຜນການ​ດັ່ງກ່າວ​ນີ້​ໄດ້​ຮັບ​ການ​ອະນຸມັດ​ ຈາກ​ຄະນະ​ລັດຖະ ບານ​ລາວ​ ຢ່າງ​ເປັນ​ທາງ​ການ​ແລ້ວ.

ທ່ານ​ຄໍາ​ແພງ ​ແກ້ວ​ຄູນ​ເມືອງ ຫົວໜ້າ​ຜະ​ແນ​ກ​ແຜນການ​ແລະ​ການ​ລົງທຶນ​ຂອງ​ແຂວງ​ຈໍາປາ​ສັກ ຖະ​ແຫລ​ງວ່າ ພາຍ​ໃຕ້​ເປົ້າໝາຍ​ການ​ພັດທະນາ​ເພື່ອ​ເຮັດ​ໃຫ້​ປະຊາຊົນ​ໃນ​ແຂວງ​ຈໍາປາ​ສັກ ​ຫລຸດ​ພົ້ນ​ຈາກ​ຄວາມ​ຍາກຈົນ​ໃຫ້​ໄດ້ ຢ່າງ​ແທ້​ຈິງ​ພາຍໃນ​ປີ 2015 ນັ້ນ ອໍາ​ນາ​ດການ​ປົກຄອງ​ແຂວງໄດ້​ໃຫ້​ຄວາມ​ສໍາຄັນ​ ກັບ​ການພັດທະນາ​ພື້ນ​ທີ່​ອ້ອມ​ນໍ້າຕົກ​ຄອນ​ພະ​ເພງ​ ໃຫ້​ເປັນ​ເຂດເສດຖະກິດ​ພິ​ເສດ​ໃຫ້​ໄດ້​ພາຍ​ໃນ​ປີ​ຕໍ່ໜ້າ.

ໂດຍ​ໃນ​ໄລຍະ​ທີ່​ຜ່ານ​ມາ ອໍານາດ​ການ​ປົກຄອງ​ແຂວງ​ຈໍາປາ​ສັກ​ກໍ​ໄດ້​ສະ​ເໜີ​ແຜນການ​ດັ່ງ ກ່າວ​ໄປ​ເຖິງ​ທ່ານ​ບົວສອນ​ ບຸບຜາ​ວັນ ນາຍົກລັດຖະມົນຕີລາວຢ່າງ​ເປັນ​ທາງ​ການ​ແລ້ວ ​ແລະ​ລ່າ​ສຸດ​ກໍ​ມີ​ລາຍ​ງານ​ວ່າ​
ກອງ​ປະຊຸມ​ຄະນະລັດຖະບານ​ລາວ​ໃນ​ທ້າຍ​ເດືອນ​ກັນຍາ​ທີ່​ຜ່ານ​ມາ​ນີ້​ ໄດ້​ມີ​ມະຕິ​ຕົກລົງອະ
ນຸມັດ​ຕາມ​ແຜນການ​ ທີ່​ທາງ​ການ​ແຂວງ​ຈໍາ​ປາ​ສັກ​ໄດ້​ສະ​ເໜີ​ດັ່ງກ່າວ​ແລ້ວ. ດັ່ງ​ທີ່​ທ່ານບໍ່
ວຽງ​ຄໍາ ວົງ​ດາລາ ລັດຖະມົນຕີ​ປະ​ຈໍາ​ສໍານັກງານ​ນາຍົກລັດຖະ​ມົນຕີໄດ້​ຖະ​ແຫລ​ງຢືນຢັນ​ວ່າ:

“ກອງ​ປະຊຸມ​ລັດ​ຖະບານ​ໄດ້​ພິດ​ຈາລະ​ນາ​ແລະ​ກໍ​ເຫັນ​ດີ​ທາງ​ດ້ານ​ຫລັກການ​ຮອງ​ຮັບ​ເອົາ​ຮ່າງ​ດໍາ​ລັດ​ວ່າ​ດ້ວຍ​ເຂດ ​ເສດຖະກິດ​ພິ​ເສດ​ແລະ​ເຂດເສດຖະກິດ​ສະ​ເພາະ​ຢູ່​ ສປປ.ລາວ​ ທີ່​ສະ​ເໜີ​ໂດຍ​ກະຊວງ​ແຜນການ​ແລະ​ການ​ລົງທຶນ. ດໍາລັດ​ດັ່ງກ່າວ​ນີ້​ ໄດ້​ກໍານົດ​ນະ​ໂຍບາຍຫລັກການ​ແລະ​ລະບຽບ​ການ​ເຄຶ່ອນ​ໄຫວຄຸ້ມ​ຄອງ​ ແລະ​ກວດ ກາ​ ເພື່ອ​ສົ່ງ​ເສີມ​ການ​ລົງທຶນ​ໃນ​ເຂດ​ເສດຖະກິດ​ພິ​ເສດ”

ທໍາມະຊາດຍາມແລງທີ່ດອນໂຂງ, ແຂວງຈໍາປາສັກ, ຕອນຕາເວັນກໍາ ລັງຄ້ອຍຄໍ່າ
ທໍາມະຊາດຍາມແລງທີ່ດອນໂຂງ, ແຂວງຈໍາປາສັກ, ຕອນຕາເວັນກໍາ ລັງຄ້ອຍຄໍ່າ

ເຂດ​ເສດຖະກິດ​ພິ​ເສດ​ຄອນ​ພະ​ເພັງ ທີ່​ຕັ້ງ​ຢູ່​ໃນ​ເຂດ​ເມືອງ​ໂຂງ ​ແຂວງ​ຈໍາປາ​ສັກ​ນີ້​ຈະ​ມີບໍລິ​ເວນ​ກວ້າງ​ເຖິງ 39,000 ​ເຮັກ​ຕ້າ ​ໂດຍ​ທາງ​ການ​ແຂວງ​ຈໍາ​ປາ​ສັກ​ໄດ້​ຈັດ​ແບ່ງ​ພື້ນ​ທີ່​ອອກ​ເປັນ 5 ​ເຂດ​ດ້ວຍ​ກັນ ຄື​ພື້ນ​ທີ່ອ້ອມ​ນໍ້າ ຕົກ​ຄອນ​ພະ​ເພງນັ້ນຈະ​ຖືກ​ພັດທະນາ​ໃຫ້​ເປັນ​ເຂດ​ຮອງ​ຮັບ​ການທ່ອງ ທ່ຽວ​ແລະ​ທຸລະ​ກິດ​ທີ່​ກ່ຽວຂ້ອງ​ກັບ​ການທ່ອງທ່ຽວ​ໂດຍ​ສະ​ເພາະ ​ແລະ​ໂຮງ​ແຮມ, ຣີສອທ, ບ້ານ​ພັກ​ຕາກ​ອາກາດ ​ແລະ​ສວນສາທາລະນະ​ທີ່ຢູ່​ພາຍໃນ​ເຂດ​ສວນ​ປ່າ​ ຫລື​ເຂດ​ອຸດທະຍານ​ແຫ່ງ​ຊາດ.

ສ່ວນ​ນອກ​ນັ້ນ ກໍ​ຈະ​ເປັນ​ເຂດ​ສູນ​ການ​ຄ້າ​ປອດ​ພາສີ ສະໝາ​ມບິນ​ຮອງ​ຮັບ​ທັງ​ເຄຶ່ອງບິນ​ສ່ວນ​ຕົວ ​ແລະ​ເຄຶ່ອງບິນ ​ໂດຍສານ ສະໜາມ​ກ໊ອຟລະດັບ​ມາດຕະຖານ​ສາກົນ ​ແລະ​ສູນ​ບໍລິການ​ທາງ​ທຸລະ​ກິດ​ຢ່າງ​ຄົບ​ວົງ​ຈອນ​ທີ່​ຈະ​ມີ ຕະຫລາດ​ການ​ຄ້າ​ເສລີ​ເປັນ​ສ່ວນ​ປະ​ກອບ​ທີ່​ສໍາຄັນ​ອີກ​ດ້ວຍ. ​ເຖິງ​ແມ່ນ​ວ່າ​ການ​ທີ່​ຈະ​ເຮັດ​ໃຫ້​ໂຄງການ​ຂະໜາດ ​ໃຫຍ່​ດັ່ງກ່າວ​ນີ້​ເກີດ​ຂຶ້ນ​ໄດ້​ຢ່າງ​ແທ້​ຈິງ​ນັ້ນ ກໍ​ຍ່ອມ​ຈະ​ຕ້ອງ​ໃຊ້​ເງິນ​ທຶນ​ຢ່າງ​ຫລວງຫລາຍ ຊຶ່ງ​ທາ​ງການ​ແຂວງ​ຈໍາປາ​ສັກແມ່ນ​ບໍ່​ສາມາດ​ທີ່​ຈະ​ຕອບ​ສະໜອງ​ເງິນ​ທຶນ​ກ້ອນ​ໃຫຍ່​ດັ່ງກ່າວ​ໄດ້​ຢ່າງ​ແນ່ນອນ​ ດ້ວຍ​ເຫດ​ນີ້ຈຶ່ງ​ເຮັດ​ໃຫ້​ຕ້ອງ​ສົ່ງ​ເສີມ​ການ​ລົງທຶນ​ຈາກ​ຕ່າງປະ​ເທດ​ເປັນ​ດ້ານ​ຫລັກ.

ຊຶ່ງ​ໃນ​ໄລຍະເມື່ອ​ບໍ່​ນານ​ມາ​ນີ້ ກໍ​ປາ​ກົດ​ວ່າ​ມີ​ທັງ​ກຸ່ມ​ນັກທຸລະກິດ​ຈາກ​ຈີນ ​ເກົາຫລີ​ໃຕ້ ​ແລະ​ມາ​ເລເຊຍ​ລວມ​ເຖິງ ນັກທຸລະກິດ​ໃນ​ລາວ​ເອງ​ຕ່າງ​ກໍ​ໄດ້​ພາກັນ​ສະ​ແດງ​ຄວາມ​ຕັ້ງ​ໃຈ​ທີ່​ຈະ​ເຂົ້າໄປ​ລົງທຶນ​ໃນ​ເຂດ​ເສດຖະກິດ​ພິ​ເສດ​ຄອນ​ພ​ະ​ເພັງ​ດັ່ງ​ກ່າວ​ນີ້​ແລ້ວ 4 ບໍລິສັດ​ດ້ວຍ​ກັນ ​ແລະ​ໃນ​ເມື່ອ​ວ່າ​ລັດຖະບານ​ລາວ​ໄດ້​ອະນຸມັດ​ແຜນການ​ພັດທະ ນາ​ເຂດ​ເສດຖະກິດ​ພິ​ເສດ​ຄອນ​ພະ​ເພ​ັງຢ່າງ​ເປັນ​ທາງ​ການ​ແລ້ວ​ນັ້ນ ຈຶ່ງ​ເຊື່ອ​ວ່າ​ບັນດາ​ບໍລິສັດ​ຕ່າງ​ຊາດ​ຈະ​ພາກັນຫລັ່ງໄຫ​ລ​ເຂົ້າ​ໄປ​ລົງທຶນ​ໃນ​ເຂດ​ເສດຖະກິດ​ພິ​ເສດ​ຄອນ​ພະ​ເພງ​ດັ່ງ​ກ່າວ​ນີ້​ເພີ່ມ​ຫລາຍ​ຂຶນຢ່າງ​ຕໍ່​ເນື່ອງ.

XS
SM
MD
LG