ຜູ້ຊ່ຽວຊານຂອງທະນາຄານພັດທະນາເອເຊຍ (ADB) ຄາດວ່າ ລັດຖະບານລາວ ຈະຂາດດຸນງົບປະມານ 4.92 ເປີເຊັນ ຂອງຍອດຜະລິດຕະພັນລວມ ຫລື GDP
ຖ້າຫາກຈັດເກັບລາຍຮັບ ແລະຄຸມລາຍຈ່າຍໄດ້ຕາມເປົ້າໝາຍໃນປີ 2018.
ທ່ານສຸລິນທອນ ເລື່ອງຄຳສິງ ນັກເສດຖະສາດຂອງທະນາຄານພັດທະນາເອເຊຍ
ຫລື ADB ສຳນັກງານ ປະຈຳ ສປປ ລາວ ຖະແຫລງວ່າ ລັດຖະບານລາວ ຍັງຈະ
ຕ້ອງປະເຊີນກັບບັນຫາຂາດດຸນງົບປະມານໃນປີ 2018 ໃນລະດັບ 4.92 ເປີເຊັນ
ຂອງຍອດຜະລິດຕະພັນລວມ ຫລື GDP ໂດຍມີເງື່ອນໄຂສຳຄັນຄືລັດຖະບານ
ລາວຕ້ອງຈັດເກັບລາຍຮັບໃຫ້ໄດ້ຕາມເປົ້າໝາຍທີ່ວາງໄວ້ຢ່າງແທ້ຈິງ ທັງຍັງຈະ
ເຮັດໃຫ້ການຂາດດຸນງົບປະມານຫລຸດລົງໃນປີ 2019 ອີກດ້ວຍ ດັ່ງທີ່ທ່ານສຸລິນ
ທອນຢືນຢັນວ່າ
“ການຂາດ ດຸນງົບປະມານ ຄາດຄະເນວ່າ ຍັງຢູ່ສູງເນາະ ຈະຢູ່ປະມານ 4.9 ແລ້ວ
ຄາດວ່າ ປີໜ້າ ຈະມີການຫລຸດລົງແລ້ວ ກະຄິດວ່າດີຊຶ້ນ ຖ້າວ່າເກັບລາຍຮັບໄດ້ດີ
ຂຶ້ນ ທັງຮັກສາລາຍຈ່າຍກໍຄືເປັນທາງບວກ ແລະກໍຄືວ່າເຫັນຫລາຍໆ ມາດຕະການ
ທີ່ທາງລັດຖະບານໄດ້ສະເໜີອອກມາ.”
ທັງນີ້ ລັດຖະບານລາວຈະຕ້ອງຈັດເກັບລາຍຮັບໃຫ້ໄດ້ໃນມູນຄ່າ 25,452 ຕື້ກີບຄິດເປັນ
17.02 ເປີເຊັນ ຂອງ GDP ແລະຄຸມລາຍຈ່າຍໃຫ້ບໍ່ເກີນ 32,809 ຕື້ກີບ ຄິດເປັນ 21.94 ເປີເຊັນຂອງ GDP ໂດຍກະຊວງການເງິນຈະຕ້ອງຈັດຕັ້ງປະຕິບັດວິໄນການເງິນຢ່າງເຂັ້ມ
ງວດ ທັງຍັງຈະຕ້ອງນຳໃຊ້ເທັກນິກ ທີ່ມັນສະໄໝ ເຂົ້າໃນການຈັດເກັບພາສີອາກອນ
ຕ່າງໆ ອີກດ້ວຍ.
ທາງດ້ານທ່ານອາດສະພັງທອງ ສີພັນດອນ ຮອງລັດຖະມົນຕີ ກະຊວງການເງິນ ໄດ້ຢືນ
ຢັນວ່າ ການ ປະຕິບັດຕາມແຜນການທີ່ວາງໄວ້ນັ້ນ ຈະເຮັດໃຫ້ລັດຖະບານລາວ ຂາດ
ດຸນງົບປະມານໃນມູນຄ່າ 7,357 ຕື້ກີບ ຄິດເປັນ 4.92 ເປີເຊັນຂອງ GDP ທີ່ຄາດວ່າ
ຈະມີມູນຄ່າລວມລວມເຖິງ 149,471 ຕື້ກີບ ຫຼືປະມານ 18,100 ລ້ານໂດລາ ໃນຕະ
ຫລອດປີ 2018 ຫາກແຕ່ໃນແຜນການປີ 2017 ກໍປາກົດວ່າລັດຖະບານ ລາວ ຂາດ
ດຸນງົບປະມານເຖິງ 8,019 ຕື້ກີບ ຄິດເປັນ 6.18 ເປີເຊັນຂອງ GDP ໂດຍມີລາຍຈ່າຍ
ລວມ 31,508 ຕື້ກີບ ຄິດເປັນ 97.24 ເປີເຊັນຂອງ ແຜນການປີ 2017.
ທັງນີ້ລັດຖະບານລາວ ຕ້ອງຄວບຄຸມການຂາດດຸນງົບປະມານໃຫ້ຢູ່ໃນມູນຄ່າບໍ່ເກີນ
7,357 ຕື້ກີບ ຄິດເປັນ 4.92 ເປີເຊັນ ຂອງ GDP ໃນປີ 2018 ແຕ່ໃນແຜນການປີ
2017 ກໍປາກົດວ່າລັດຖະບານ ລາວ ຂາດດຸນງົບປະມານເຖິງ 8,019 ຕື້ກີບ ຄິດເປັນ
6.18 ເປີເຊັນຂອງ GDP ຊຶ່ງຍັງ
ແຕ່ຢ່າງໃດກໍຕາມ ລາຍຈ່າຍດັ່ງກ່າວ ຍັງບໍ່ທັນລວມໜີ້ເງິນກູ້ໃນມູນຄ່າ 6,216 ຕື້ກີບ
ທີ່ລັດຖະບານລາວໄດ້ຊໍາລະໜີ້ເງິນກູ້ ແລະໜີ້ພັນທະ ທັງພາຍໃນ ແລະຕ່າງປະເທດ
ໃນປີ 2017 ແຕ່ຢ່າງໃດ ຊຶ່ງເຮັດໃຫ້ລັດຖະບານລາວຂາດດຸນງົບປະມານໃນຄວາມ
ເປັນຈິງ ເກີນກວ່າ 10.97 ເປີເຊັນຂອງ GDP ນັ້ນເອງ.
ສ່ວນທ່ານບຸນຍັງ ວໍລະຈິດ ປະທານປະເທດລາວ ຍອມຮັບວ່າການໃຊ້ງົບປະມານຂອງ
ລັດ ໄປເພື່ອຜົນປະໂຫຍດສ່ວນຕົວຂອງັບນດາພະນັກງານພັກ-ລັດນັ້ນ ກໍໄດ້ເກີດຂຶ້ນ
ຢ່າງກວ້າງຂວາງ ໂດຍຖ້າຫາກວ່າ ຍັງປ່ອຍໃຫ້ສະພາບການນີ້ດຳເນີນຕໍ່ໄປ ກໍຍ່ອມ
ຈະເຮັດໃຫ້ເກີດການລົ້ມລະລາຍ ແລະສ້າງ ຄວາມຫາຍະນະ ທາງດ້ານການເງິນຂອງ
ລັດຖະບານລາວ ໃນໄລຍະຍາວ ຢ່າງຫລີກລ້ຽງບໍ່ໄດ້.
ກ່ອນໜ້ານີ້ ຄະນະກວດກາສູນກາງພັກ ໄດ້ລາຍງານວ່າໃນໄລຍະຫ້າປີທີ່ຜ່ານມາ ຄະ
ນະກວດກາສູນກາງພັກ ໄດ້ຮັບຈົດໝາຍຮ້ອງຮຽນຈາກປະຊາຊົນລາວຈຳນວນ 3,640
ກວ່າສະບັບ ທີ່ຮຽກຮ້ອງຂໍໃຫ້ດຳເນີນມາດຕະການກວດກາການໃຊ້ອຳນາດ ແລະການ
ປະຕິບັດໜ້າທີ່ຂອງບັນດາສະມາຊິກພັກລັດ ທີ່ຖືກສົງໄສວ່າໄດ້ປະຕິບັດໜ້າທີ່ ແລະໃຊ້
ອຳນາດໂດຍທຸດຈະລິດ ຊຶ່ງໄດ້ກໍ່ໃຫ້ເກີດຜົນເສຍຫາຍຕໍ່ປະເທດຊາດຢ່າງຫລວງຫລາຍ.
ໂດຍຈາກການກວດກາໃນຈຳນວນ 734 ກໍລະນີເປົ້າໝາຍຕາມການຮຽກ ຮ້ອງດັ່ງກ່າວ
ກໍພົບວ່າ ການທຸດຈະລິດໄດ້ສ້າງຄວາມເສຍຫາຍຄິດເປັນມູນຄ່າເຖິງ 4,145.86 ຕື້ກີບ
ພ້ອມດ້ວຍ 70.77 ລ້ານໂດລາສະຫະລັດ ກັບ 381.68 ລ້ານບາດ ແລະ 539,518 ຢວນ
ທັງຍັງມີການລັກລອບຂາຍໄມ້ຂອງລັດຖະບານໂດຍຜິດກົດໝາຍຫລາຍກວ່າ 4 ລ້ານ ແມັດກ້ອນ. ໂດຍສູນກາງພັກໄດ້ຕັດສິນລົງໂທດທາງວິໄນ ຕໍ່ສະມາຊິກພັກ 1,806 ຄົນ
ປົດອອກຈາກການເປັນສະມາຊິກພັກ 1,007 ຄົນ.
ສ່ວນອົງການເພື່ອຄວາມໂປ່ງໃສສາກົນ ຫຼື (Transparency International) ກໍຈັດໃຫ້
ລາວຢູ່ອັນດັບທີ 135 ຈາກ 180 ປະເທດທີ່ມີການທຸດຈະຣິດ ໂດຍນັກລົງທຶນຕ່າງຊາດ
ໃຫ້ຄວາມເຊື່ອໝັ້ນຕໍ່ຄວາມໂປ່ງໃສ ໃນການບໍລິຫານງານຂອງລັດຖະບານລາວ ໃນລະດັບ
29 ຈາກ 100 ຄະແນນຊຶ່ງລົດລົງຈາກ 30 ຄະແນນໃນປີ 2016 ໝາຍຄວາມວ່າມາດ
ຕະການປາບປາມ ການສໍ້ລາດບັງຫຼວງໃນລາວ ມີປະສິດທິພາບຕໍ່າລົງນັ້ນເອງ.
