ລິ້ງ ສຳຫລັບເຂົ້າຫາ

ບັ້ງໄຟນ້ອຍຂອງປະຊາຄົມລາວ ວາງສະແດງຢູ່ ພິພິດທະພັນອະວະກາດ ສະຫະລັດ


ບັ້ງໄຟລາວ ອາເມຣິກັນ ທີ່ວາງສະແດງຢູ່ ຫໍພິພິດທະພັນ National Air & Space Museum Steven F. Udbar-Hazy Center, ເມືອງ Chantilly, ລັດ Virginia.

ອົງການການບິນແລະອະວະກາດແຫ່ງຊາດ ຂອງສະຫະລັດ ໄດ້ນໍາເອົາຍານອະວະກາດ ໄປກັບ Discovery ມາເກັບຮັກສາໄວ້ຢູ່ ຫໍທິພິດຕະພັນການບິນແລະອະວະກາດແຫ່ງຊາດ ທີ່ນະຄອນຫລວງວໍຊິງຕັນ ດີ.ຊີ. ຊຶ່ງຢູ່ໃນນັ້ນ ກໍມີບັ້ງໄຟນ້ອຍຂອງ ປະຊາຄົມລາວອາເມຣິກັນ ນຶ່ງບັ້ງວາງສະແດງໄວ້ນໍາຕັ້ງແຕ່ປີ 2005 ມາແລ້ວ ເພື່ອສະແດງເຖິງປະຫວັດສາດຂອງການ ໃຊ້ໝື້ຈູດບັ້ງໄຟຂື້ນສູ່ເທິງຟ້ານັ້ນ. ເນື່ອງຈາກເດືອນພຶດສະພາ ແມ່ນເດືອນລະນຶກເຖິງມູນມໍລະ ດົກຂອງຊາວເອເຊຍປາຊິຟິກຢູ່ໃນສະຫະລັດ ແລະເປັນລະດູການບຸນວິສາຂະບູຊາ ແລະບຸນ ບັ້ງໄຟຕາມປະເພນີລາວ ກິ່ງສະຫວັນຈຶ່ງໄດ້ໄປເກັບກໍາເອົາເບື້ອງຫລັງຂ່າວ ການວາງສະແດງ ບັ້ງໄຟລາວດັ່ງກ່າວ ມາສະເໜີທ່ານ.

ປະຊາກອນ​ຈາກຂົງ​ເຂດເອ​ເຊຍ​ອາ​ຄະ​ເນ ​ເດີນ​ທາ​ງມາ​ເຖິງ ສະຫະລັດອາ​ເມຣິກາ ​
ໃນ​ເວລາ​ຕ່າງ​ກັນ ​ເສັ້ນທາງ​ມາບໍ່ຄື​ກັນ ​ແລະ ​ມີເຫດ​ຜົນ​ຕ່າງ​ກັນ. ນອກ​ເໜື​ອຈາກ​
ຄວາມ​ແຕກ​ຕ່າງ​ເຫລົ່ານີ້​ແລ້ວ ​ເຂົາ​ເຈົ້າໄດ້ຜ່ານ​ຜ່າ​ກັບ​ຄວາມຍາກ​ລໍາ​ບາກຫລາຍ​ໆ
ຢ່າງ ​ແລະຈໍານວນ​ຫລາຍ​ໄດ້​ປະສົບ​ຜົນ​ສໍາ​ເລັດ​ຢ່າງ​ໜ້າ​ສັນລະ​ເສີນ.

ຕະຫລອດເວລາ 37 ປີ​ທີ່​ຜ່ານ​ມາ ພາຍ​ໃຕ້​ການ​ດໍາລົງ​ຊີວິດຢູ່​ໃນ​ປະ​ເທດ​ສະຫະລັດ
​ອາ​ເມຣິກາ​ນີ້ ປະຊາ​ຄົມລາວອາ​ເມຣິກັນໄດ້ຮັບ ສິດເສຣີພາບ ​ແລະ​ຄວາມສະ​ເໝີ​ພາບ
ໃນ​ການປະກອບໜ້າທີ່​ ​ເປັນພົນລະ​ເມືອ​ງ​ດີ​ຫລາຍໆ​ຢ່າງ ແລະຫລາຍ​ໆຄົນໄດ້ມີ
ບົດບາດ​ອັນ​ສໍາຄັນ ​ໃນ​ການ​ປະກອບສ່ວນ​ຊ່ວຍສ້າ​ງສາ ສະຫະລັດອາ​ເມ​ຣິກາ ໃຫ້
​ຈະ​ເລີ​ນຮຸ່ງ​ເຮື່ອງ. ເຂົາ​ເຈົ້າໄດ້​ຮັບ​ການ​ສຶກສາໃນ​ລະດັບ​ສູງ​ແລະ​ມີ​ອາຊີບ​ກ້າວໜ້າ
ເໝືອນດັ່ງ​ຊົນ​ຊາດ​ອຶ່ນໆ ​ເຊ່ນ​ເປັນນັກທຸລະ​ກິດ​ການ​ຄ້າ ນັກວິທະຍາສາດ ນັກ​ເທັກ​
ໂນ​ໂລ​ຈີ ນັກກົດ​ໝາຍ ສິນ​ລະ​ປີນ​ ແລະປະກອບວິຊາ​ອາ​ຊິບຕ່າງໆນາໆ ​ແລະ ມີ
​ຄວາມ​ຈົ່ງ​ຮັກ​ພັກດີ​ຕໍ່​ປະ​ເທດ​ໃໝ່​ຂອງ​ເຂົາ​ເຈົ້າ ​ໂດຍ​ເຂົ້າຮັບ​ໃຊ້ ​ໃນກອງທັບ​ເຫລົ່າ
​ຕ່າງໆ ​ເພື່ອ​ຊ່ວຍ​ປົກ​ປ້ອງສະຫະລັດອາ​ເມ​ຣິກາ ​ເພື່ອປ້ອງກັນ ສິດທິມະ​ນຸດ ສິດ
ເສຣີພາບ ປະຊາທິປະ​ໃຕ ​ແລະ​ເພື່ອຄວາ​ມສະຫງົບ​ສຸກ​ຂອງປະຊາກອນ​ໂລກ.

ທ່ານພູມເພັງ ແລະພັນລະຍາ ຍານາງວິໄລພອນ ຣັດຕະນາ ຜູ້ນໍາພາສ້າງບັ້ງໄຟນ້ອຍ ຂອງປະຊາຄົມລາວ- ອາເມຣິກັນ.
ທ່ານພູມເພັງ ແລະພັນລະຍາ ຍານາງວິໄລພອນ ຣັດຕະນາ ຜູ້ນໍາພາສ້າງບັ້ງໄຟນ້ອຍ ຂອງປະຊາຄົມລາວ- ອາເມຣິກັນ.





ການເດີນທາງ​ມາເຖິງ​ແຜ່ນ​ດີ​ນ​ໃໝ່ ຂອງ​ປະຊາຊົນ​ລາວ ໃນຕອນ​ທ້າຍ​ຂອງ
ສັດຕະ​ຫວັດ​ທີ 20 ນັ້ນ ​ເຂົາ​ເຈົ້າ​ໄດ້​ນໍາ​ເອົາ​ມູນ​ມໍລະດົກ ອັນເປັນຮິດຄອງ
ປະ​ເພນີ​ໂບຮານລາວຫລາຍໆ​ຢ່າງ​ມາ​ຊ່ວຍເພີ້​ມພູນ ສ້າງ​ຄວາມ​ແຕກ​ຕ່າງ​
ຫລາກ​ຫລາຍ​ໃຫ້​ແກ່​ວັດທະນະ​ທໍາ​ຂອງ ສະຫະລັດອາເມຣິກາ. ໃນ​ລະດູ
​ຮ້ອນປີ 1987 ປະຊາ​ຄົມ​ລາວ ​ອາ​ເມຣິກັນ ໄດ້​ຮັບ​ກຽດ​ອັນ​ສູງ​ຈາກ
Smithsonian Institute ​ຊຶ່ງເປັນສະ​ຖາ​ບັນຄົ້ນ​ຄວ້າ ຮັກສາ​ຮິດຄ​ອງປະ​ເພນີ​
ຂອງມະນຸດຊາດ ​ເຂົ້າ​ຮ່ວມ​ສະ​ແດງ “ບຸນ​ວິສາຂະບູຊາ” ​ແລະ “ບຸນ​ບັ້ງ​ໄຟ”
ປ​ະກອບຢູ່​ໃນ​ລາຍ​ການ​ບຸນ​ພື້ນ​ເມືອງປະຈໍາປີຂອງ National American
Folklife Festival ທີ່ສະໜາມຫລວງ​ແຫ່ງ​ຊາດ ທີ່ວໍຊິ​ງຕັນ ດີ.ຊີ ເປັນ​ເວລາ​
ສອງ​ອາທິດ.

ການສະຫລອງ​ປະກອບ​ດ້ວຍພິທີ​ທາງສາສະໜາ ຊຶ່ງຈຸດ​ໃຫຍ່​ໃຈ​ຄວາມ​ໄດ້ເນັ້ນ
ໜັກໃສ່ ການຫລີ້ນບຸນ​ບັ້​ງໄຟ ​ອັນ​ເປັນ​ຮິດຄອງ​ປະ​ເພນີ​ໂບຮານ ການບູຊາຜີສາງ​
ນາງ​ໄມ້ ຂໍ​ຟ້າ​ຂໍ​ຝົນ ​ເພື່ອບໍ່​ໃຫ້​ແຫ້ງ​ແລ້ງໃນ​ການເຮັດໃຮ່ ​ເຮັດ​ນາ ປູກ​ເຂົ້າ ​ທໍາ​ມາ​
ຫາ​ກິນ ​ແລະຂໍ​ໃຫ້ ປາສຈາກ​ຄວາມ​ເຈັ​ບໄຂ້​ໄດ້​ປ່ວຍ​ທັງ​ຫລາຍ ຊຶ່ງຊົນ​ຊາດ​ລາວ​
ພາກັນເຊື່ອ​ຖື ແລະປະຕິບັດກັນ​ມາເປັນ​ເວລາ​ຫລາຍ​ພັນ​ປີ.

ດ້ວຍ​ຄວາ​ມຮ່ວມມື​ປະສານ​ງານ ຈາກປະຊາ​ຄົ​ມລາວ ອາ​ເມຣິກັນ ​ໃນ​ຂົງ​ເຂດ​ນະ
ຄອນຫລວງ ວໍ​ຊິງ​ຕັນ ດີ​ຊີ ​ແລະ​ລັດໃກ້​ຄຽງ​ ​ເຂົາເຈົ້າພາກັນສ້າງ​ບັ້ງ​ໄຟນ້ອຍ
ຫລາຍ​ໆບັ້ງ ທີ່​ບໍ່​ມີໜື້ ​ຕົກແຕ່ງ ຢ່າງງົດງາມ ປະກອບດ້ວຍການ​ເຊີ້ງບັ້ງ​ໄຟ ​ແລະ
​ການ​ຟ້ອນແຫ່​ບັ້ງໄຟ ທີ່ມີ​ຝູງຊົນ ​ແລະ​ນັກທອງ​ທ່ຽວ​ທົ່ວໂລກ ​ພາກັນ​ມາ​ຊົ​ມ
ຫລາຍ​ແສນ​ຄົນ.

​ຕົກມາ​ເຖິງ​ປີ 2005 ປະຊາ​ຄົມ​ລາວອາ​ເມຣິກັນກໍໄດ້​ຖືກເຊື້ອເຊີນອີກ​ຄັ້ງ​ນຶ່ງ ​ໃຫ້
ສ້າງບັ້ງໄຟນ້ອຍ ຕົວຢ່າງນຶ່ງ​ບັ້ງ ເພື່ອນໍາ​ມາສົມທົບ ປະ​ກອບສ່ວນ​ຮ່ວມ​ກັບຫລາຍ​ໆ
ຊີ້ນສ່ວນ​ ວິວັດທະນາ​ການ ທີ່​ເລີ້ມຈາກການ​ຕໍາ​ໝື້ໃສ່ບັ້ງໄມ້​ໃຜ່ ​ແລ້ວຈູດຂື້ນສູ່​ອາ
ກາດ ທີ່​ໄດ້​ກາຍມາ​ເປັນການ​ບິນ ​ແລະ ການໂຄຈອນຢູ່ໃນຫ້ວງອາ​ວະ​ກາດ. ບັ້ງ​ໄຟ​
ນ້ອຍດັ່ງ​ກ່າວ​ນີ້​ໄດ້​ຖືກ​ນໍາ​ມາສ​ະ​ແດງໃນ​ປີ 2005 ທີ່ ຫໍພິພິດທະພັນການບິນແລະ
​ອະ​ວະ​ກາດ​ແຫ່ງ​ຊາດ National Air and Space Museum Steven F.
Udbar-Hazy Center ເມື​ອງ Chantilly ລັດ​ເວີ​ຈີ​ເນຍ ​ຫ່າງ​ຈາກນະຄອນຫລວງ
ວໍ​ຊິງ ຕັນ ດີ.​ຊີ. ​ໄປ​ທາງ​ທິດຕາ​ເວັນ​ຕົກ 25 ​ໄມ​ລ໌ ຫລື 40 ຫລັກ ຊຶ່ງ ທ່ານ​ຫຸມ​ເພັງ
ຣັດ​ຕະນາ​ ສະມາຊິກ​ອາວຸ​ໂສ​ຂ​ອງ ປະຊາ​ຄົມ​ລາ​ວ ອາ​ເມຣິກັນ ຜູ້​ນໍາພາການ​ສ້າງ​
ບັ້ງໄຟ​ນ້ອຍ​ດັ່ງກ່າວ ລົມ​ສູ່ ວີໂອ​ເອ ຟັງ ວ່າ:

ພາ​ຍ​ໃຕ້​ດີ​ນຟ້າ​ອາກາດ​ອັນ​ແຈ່ມ​ໃສ ຂອງວັນ​ອັງ​ຄານ ທີ 17 ເດືອນ​ເມສາ ​ປີ 2012
ຜ່ານ​ມານີ້ ເວລາ 10:30 ​ໂມ​ງ​ຕ​ອນເຊົ້າ ປະຊາກອນ​ ອາ​ເມຣິກັນ ທີ່ນະຄອນຫລວງ
ວໍຊິງ​ຕັນ ດີ.ຊີ ຫລາຍແສນ​ຄົນ​ ​ໄດ້​ພາກັນປະລະ​ໜ້າ​ທີ່ ອອກ​ມາ​ຢືນຢູ່​ຕາມ​ດາດ​ຟ້າ
ຕາມລະບຽງ ​ຕາ​ມຖະໜົນ​ຫົນ​ທາງ ​ແລ​ະ​ເດີ່ນ​ຕ່າງໆ ​ເພື່ອ​ລໍຖ້າ​ເບິ່ງ ການ​ມາ​ເຖິງ
​ຂອງ ຍານ​ອະວ​ະກາດ​ໄປ​ກັບ Discovery ​ທີ່ຂີ່ມາ​ຢູ່​ເທິງຫລັງ​ເຮືອ​ບີນ Boing 747
ບິນ​ມາ​ຈາກຖານ​ສົ່ງ​ຍານອາ​ວະ​ກາດທີ່​ລັດຟລໍຣິດາ ​ບິນ​ຕໍ່າໆ ຢູ່​ເໜືອ​ຕຶກ​ລັດຖະສະ
ພາ​ ທໍາ​ນຽບ​ຂາວ ​ແລະ​ຈຸດ​ສໍາ​ຄັນ​ຕ່າງໆ ກ່ອນຈະ​ນໍາ​ເອົາຍານ​ອາ​ວະ​ກາດໄປ​ວາງ
ສະ​ແດງໄວ້​ທີ່ ​ຫໍ​ພິພິດທະພັນ ການບິນ ແລະ​ອະ​ວະ​ກາດ ແຫ່ງ​ຊາດ ​ ​ທີ່ເມື​ອງ
Chantilly ນັ້ນ.

ຍານອະວະກາດ Discovery ຂີ່ຢູ່ເທິ່ງຫລັງເຮືອບິນ Boeing 747 ໄດ້ຖຶກຍົກຍ້າຍມາຈາກ ຖານສົ່ງ ຈະຫລວດ ມາຮັກສາໄວ້ທີ່ ຫໍພິພິດທະພັນ ການບິນ ແລະອະວະກາດແຫ່ງຊາດ National Air and Space Museum Steven F. Adbar-Hazy Center ທີ່ເມືອງ Chantilly ລັດ Virginia.
ຍານອະວະກາດ Discovery ຂີ່ຢູ່ເທິ່ງຫລັງເຮືອບິນ Boeing 747 ໄດ້ຖຶກຍົກຍ້າຍມາຈາກ ຖານສົ່ງ ຈະຫລວດ ມາຮັກສາໄວ້ທີ່ ຫໍພິພິດທະພັນ ການບິນ ແລະອະວະກາດແຫ່ງຊາດ National Air and Space Museum Steven F. Adbar-Hazy Center ທີ່ເມືອງ Chantilly ລັດ Virginia.

ພາຍໃຕ້​ຫລັງຄາ​ອັນສູງ​ແລະ
​ກວ້າງໃຫຍ່​ມະຫາສານຂອງ​
ຫໍພິພິດທະພັນ​ ດັ່ງກ່າວມີ
ການ​ວາງ​ສະແດງສິ່ງ​ຂອງ​
ຕ່າງ​ໆ​ທີ່​ກ່ຽວ​ກັບ​ກັບ​ການບິນ
ນັບ​ແຕ່​ບັ້ງໄຟ​ນ້ອຍ​ຂອງ​ປະຊາ
ກອນລາວອາ​ເມຣິກັນ ຊຶ່ງເປັນ
​ເທັກ​ໂນ​ໂລ​ຈີໂບຮານ​ ມາສູ່ເທັກ​
ໂນ​ໂລ​ຈີສະ​ໄໝ​ໃໝ່​ທີ່​ລໍ້າ​ໜ້າ​ຂອງ
ສັດຕະ​ຫວັດ​ທີ 21 ອັນມີ​ທັງ​ຈະ​
ຫລວດ ເຮືອບິນ​ນ້ອຍ ​ເຮືອບິ​ນ
ລົບ ​ເຮືອບິ​ນສອດ​ແນມ ​ແລະ​ອີກ​ຫລາຍ​ຮ້ອຍ​ຊະ​ນິດ ຊຶ່ງ​ ສ້າງ​ຄວາມ​ປະ​ທັບໃຈ ງຶດ​ງໍ້ ​ ມະຫັດ​
ສະ​ຈັນ ​ໃຫ້​ແກ່ບັນດາ​ນັກ​ທ່ອງ​ທ່ຽວທີ່​ໄປ​ຊົມ​ການວາງສະ​ແດງ ຈໍານວນ​ຫລາຍ​ພັນ​ຄົນໃນ
ແຕ່​ລະ​ວັນ.

ຢູ່ໃນ​ຫໍພິພິດທະພັນ​ດຽວ​ກັນນັ້ນ​ ​ຄຽງຂ້າງຄວາມ​ໃຫຍ່​ໂຕ​ໜ້າ​ງຶດ​ງໍ້​ໃນ​ເທັກ​ໂນ​ໂລ​ຈີ​
ອັນ​ລໍ້າ​ໜ້າ​ທັນ​ສະ​ໄໝ ຂອງຍານ​ອະວະ​ກາດ​ໄປ​ກັບ Discovery ນັ້ນ ​ກໍ​ແມ່ນ ບັ້ງ​ໄຟ
​ນ້ອຍ ຂອງ​ປະຊາຄົ​ມ​ລາວ ອາ​ເມ​ຣິກັນ ທີ່​ວາງສະ​ແດງໄວ້ ຢ່າງສົ​ມກຽດ​ແລະສະຫງ່າ​
ຜ່າ​ເຜິີຍ ສ້າງ​ຄວາມ​ພູມ​ໃຈ ​ໃຫ້​ແກ່​ປະຊາ​ຄົມ​ລາວ​ອາ​ເມຣິກັນ​ເປັນ​ຢ່າງ​ຍິ່ງ​.

ຢູ່​ຂ້າງ​ບັ້ງ​ໄຟ​ນັ້ນ ມີ​ຄໍາ​ບັນ​ລະ​ຍາຍ​ວ່າ “ບັ້ງ​ໄຟ​ນີ້ໄດ້ຈູດ​ຂື້ນ​ສູ່​ທ້ອງຟ້າ ໂດ​ຍປະຊາກອນ
ໃນ​ປະ​ເທດລາວ ​ແລະຢູ່ພາກ​ເໜືອຂອງໄທ ໃນ​ພິທີ​ໄຫວ້ຜີ ​ເພື່ອຂໍ​ຝົນຈາ​ກພະຍາແຖນ ​
ເພື່ອຊ່ວຍໃນ​ການ​ປູກຝັງ. ພະ​ຍາ​ນາກຢູ່​ຫົວ​ຂອງ​ບັ້ງ​ໄຟ ​ແມ່ນສັນ​ຍາ​ລັກຂອງຟ້າ​ຝົນ
ຄັນຮົມແມ່ນເພື່ອ​ກັ້ງ​ປົກປ້ອງພະ​ພຸດ​ທະເຈົ້າ. ຊ້າງ​ໝາຍ​ເຖິງ​ສັນຍາ​ລັກ​ຂອງ​ປະ​ເທດ
ລາວ ແລະ​ນີ້​ແມ່ນ​ເປັນຂອງຂວັນ​ຈາກ ວັດ​ລາວ​ພຸດ​ທະ​ວົງ ​ແຫ່ງ​ຂົງ​ເຂດ​ນະ​ຄອນ​ຫລວງ
ວໍ​ຊິງ​ຕັນ ດີ.ຊີ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG