ທ່ານ ຈູມມະລີ ໄຊຍະສອນ ເລຂາທິການໃຫຍ່ພັກປະຊາ
ຊົນປະຕິວັດລາວ ແລະປະທານປະເທດລາວ ໄດ້ເປັນປະ
ທານໃນພິທີສະເຫລີມສະຫລອງ ການສະຖາປະນາວຽງ
ຈັນເປັນນະຄອນຫລວງຄົບຮອບ 450 ປີ ແລະການສະ
ຖາປະນາສາທາລະນະລັດປະຊາທິປະໄຕປະຊາຊົນລາວ
ຄົບຮອບ 35 ປີ ຊຶ່ງທາງການລາວໄດ້ຈັດຂຶ້ນຢ່າງຍິ່ງໃຫຍ່
ໃນຄືນວັນທີ່ 19 ພະຈິກທີ່ຜ່ານມານີ້ ຢູ່ສະໜາມກີລາແຫ່ງ
ຊາດໃໝ່ທີ່ຫລັກ 16 ຖະນົນເລກ 13 ໃຕ້ໃນເຂດເມືອງໄຊ ທານີ ນະຄອນ ວຽງຈັນ.
ໃນໂອກາດດັ່ງກ່າວນີ້ ນອກຈາກຈະມີຂະບວນແຫ່ເພື່ືອ
ເດີນສວນສະໜາມ ທີ່ມີມວນຊົນຂອງພັກແລະລັດຖະບານ
ຈາກທົ່ວປະເທດ ຈໍານວນຫລາຍກວ່າ 10,700 ຄົນເຂົ້າ
ຮ່ວມໃນຂະບວນແຫ່ແລ້ວກໍຍັງມີແຂກພາຍໃນແລະ ຕ່າງ
ປະເທດຈໍານວນຫລາຍກວ່າໝື່ນຄົນທີ່ຖືກເຊີນເຂົ້າຮ່ວມ ໃນພິທີສະເຫລີມສະຫລອງຊຶ່ງລວມເຖິງຄົນລາວ 200 ກວ່າຄົນ ທີ່ເປັນຕົວແທນຂອງຄົນລາວໃນຕ່າງປະເທດ ທີ່ເດີນທາງກັບຄືນໄປລາວໃນໂອກາດ ດັ່ງກ່າວນີ້ດ້ວຍ
ພາຍຫລັງຈາກສິ້ນສຸດການເດີນຂະບວນສວນສະໜາມດັ່ງກ່າວ ແລະໄດ້ຮັບຟັງການບັນ
ລະຍາຍຂອງທ່ານສົມສະຫວາດ ເລ່ງສະຫວັດ ຮອງນາຍົກລັດຖະມົນຕີຜູ້ປະຈໍາການຄະນະ
ລັດຖະບານລາວ ຊຶ່ງເປັນປະທານຈັດງານສະເຫລີມສະຫລອງໃນຄັ້ງນີ້ແລ້ວນັ້ນ ທ່ານຈູມ
ມະລີ ກໍໄດ້ກ່າວສຸນທອນພົດ ທີ່ຮຽກຮ້ອງໃຫ້ຄົນລາວທຸກຄົນມີຈິດໃຈຮັກຊາດ ແລະປະ
ກອບສ່ວນຢ່າງສໍາຄັນ ເຂົ້າໃນການສ້າງພັດທະນາປະເທດຊາດ ໃຫ້ຈະເລີນຮຸ່ງເຮືອງ ຊຶ່ງ
ລວມເຖິງການພັດທະນານະຄອນວຽງຈັນໄປສູ່ຄວາມທັນສະໄໝໃນທຸກໆດ້ານດ້ວຍ ດັ່ງ
ທີ່ທ່ານຈູມມະລີ ໄດ້ເນັ້ນຍໍ້າໃນຕອນນຶ່ງວ່າ:
“ຈົ່ງພ້ອມກັນສ້າງນະຄອນ
ວຽງຈັນໃຫ້ເປັນໃຈກາງ
ນການເມືອງ ເສດຖະກິດ
ວັດທະນະທໍາ ສັງຄົມຂອງ
ປະເທດ ເປັນຕົວແບບທີ່ດີ
ເດັ່ນໃຫ້ປະເທດໄດ້ສຶກສາ
ຮໍ່າຮຽນແລະເດີນຕາມ
ພ້ອມກັນນັ້ນ ທົ່ວປະເທດ
ຈົ່ງອຸທິດຕົນ ເພື່ອພັດທະ
ນາປະເທດຊາດແລະພັດ
ທະນານະຄອນຫລວງຂອງ
ພວກເຮົາໃຫ້ໜັກແໜ້ນເຂັ້ມ
ແຂງຮອບດ້ານ. ສາທາລະນະປະຊາທິປະໄຕປະຊາຊົນລາວໝັ້ນຍືນ ພັກປະຊາ
ຊົນປະຕິວັດລາວ ຜູ້ນໍາພາທຸກໄຊຊະນະ ໝັ້ນຍືນ.”
ການຈັດງານສະເຫລີມສະຫລອງທັງສອງໂອກາດດັ່ງກ່າວນີ້ ໄດ້ດໍາເນີນໄປໃນທ່າມກາງມາດ
ຕະການການຮັກສາຄວາມສະຫງົບຮຽບຮ້ອຍຢ່າງເຂັ້ມງວດ ໂດຍທ່ານສົມບັດ ເຢຍລີເຮີ ເຈົ້າ
ຄອງນະຄອນວຽງຈັນ ໄດ້ມີຄໍາສັ່ງໄປເຖິງບັນດາຄະນະພັກ ເຈົ້າເມືອງ ພະແນກການ ອົງ
ການທຽບເທົ່າ ແລະພະນັກງານຮາກຖານໃນທົ່ວເຂດນະ ຄອນວຽງຈັນ ເພື່ອໃຫ້ຮ່ວມກັນ
ຈັດຕັ້ງປະຕິບັດວຽກງານຮັກສາຄວາມສະຫງົບຮຽບຮ້ອຍໃນເຂດນະຄອນວຽງຈັນ ໃຫ້ໄດ້
100% ເຕັມ ໃນຕະຫລອດເວລາຂອງການສະເຫລີມສະຫລອງ.
ເພື່ອເປັນການຮັບປະກັນວ່າ
ທຸກພາກສ່ວນຈະສາມາດ
ຮ່ວມກັນຈັດຕັ້ງປະຕິບັດຕາມ
ເປົ້າໝາຍດັ່ງກ່າວໄດ້ ຢ່າງແທ້
ຈິງນັ້ນ ທາງການລາວກໍໄດ້ຈັດ
ສົ່ງບັນດາທະຫານ ແລະຕໍາ
ຫລວດໄປປະຈໍາການຢ່ຕາມ
ໝູ່ບ້ານຕ່າງໆ ໃນທົ່ວເຂດ
ນະຄອນວຽງຈັນແລ້ວ ລວມ
ທັງຍັງໄດ້ປະສານງສົມທົບກັບ
ປະຊາຊົນຢູ່ແຕ່ລະໝູ່ບ້ານເພື່ອ
ໃຫ້ຈັດເວນຍາມຮັກສາຄວາມສະຫງົບຮຽບຮ້ອຍໃນທຸກໝູ່ບ້ານຕະຫລອດ 24 ຊົ່ວໂມງອີກ
ດ້ວຍ. ຍິ່ງໄປກວ່ານັ້ນ ການຈັດຕັ້ງປະຕິບັດມາດຕະການດັ່ງກ່າວນີ້ ກໍຍັງຈະສືບຕໍ່ໄປຈົນເຖິງ
ກອງປະຊຸມໃຫຍ່ຄັ້ງທີ່ 9 ຂອງພັກປະຊາຊົນປະຕິວັດລາວ ທີ່ກໍານົດຈະມີຂຶ້ນຢ່າງເປັນທາງ ການໃນຕົ້ນປີ 2011 ດ້ວຍ.
ການຈັດງານສະເຫລີມສະຫລອງນະຄອນວຽງຈັນຄົບຮອບ 450 ປີ ໄດ້ເລີ່ມຂຶ້ນດ້ວຍການ
ເປີດງານຕະຫລາດນັດ ຫລືງານວາງສະແດງສິນຄ້ສ ຢູ່ສະໜາມທາດຫລວງ ແລະຢູ່ທີ່ສູນ
ao-ITECC ເມື່ອວັນທີ່ 15 ພະຈິກ ແລະກໍໄດ້ສິ້ນສຸດລົງ ໃນວັນທີ່ 21 ເດືອນພະຈິກນີ້.
