ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ລາວວ່າ ການພັດທະນາ ເສດຖະກິດ-ສັງຄົມ ຕາມແຜນການ 5 ປີ ສຳເລັດຜົນດີ


ທ່ານ ​ບົວ​ສອນ ບຸບຜາ​ວັນ ນາຍົກລັດຖະມົນຕີລາວ ຢ້ຽມຊົມ
ສູນກາງການຄ້າຂອງບັນດາປະເທດອາຊຽນ ທີ່ລາວ
ທ່ານ ​ບົວ​ສອນ ບຸບຜາ​ວັນ ນາຍົກລັດຖະມົນຕີລາວ ຢ້ຽມຊົມ ສູນກາງການຄ້າຂອງບັນດາປະເທດອາຊຽນ ທີ່ລາວ

ນາຍົກລັດ​ຖະມົນຕີ​ລາວ​ຢືນຢັນ​ວ່າ ການ​ພັດທະນາ​ເສດຖະກິດ​ ແລະ​ສັງຄົມ​ໃນ​ໄລ​ຍະ​ແຜນ ການ 5 ປີ​ຄັ້ງ​ທີ່ 6 ​ໄດ້​ປະສົບ​ຜົນ​ສໍາ​ເລັດ​ເປັນ​ຢ່າງ​ດີ ​ໂດຍ​ສະ​ເພາະ​​ແມ່ນ​ການ​ແກ້​ໄຂ​ບັນຫາ ທຸກຈົນ​ຂອງ​ປະຊາຊົນ​ລາວ.

ທ່ານ ​ບົວ​ສອນ ບຸບຜາ​ວັນ ນາຍົກລັດຖະມົນຕີລາວ ​ໄດ້​ຖະ​ແຫລ​ງຢືນຢັນ​ຕໍ່​ກອງ​ປະຊຸມ​ໂຕະ
ມົນ​ລະດັບ​ສູງ​ຄັ້ງ​ທີ່ 10 ລະຫວ່າງ​ລັດຖະບານ​ລາວ​ກັບ​ຄະນະ​ຜູ້​ແທນ​ຈາກ​ນາໆ ຊາດ ​ທີ່​ໄດ້
ຈັດ​ຂຶ້ນຢູ່​ນະຄອນ​ວຽງ​ຈັນ​ເມື່ອ​ບໍ່​ດົນ​ມາ​ນີ້ ວ່າການ​ປະຕິບັດ​ແຜນການ​ພັດທະນາ​ເສດຖະກິດ​
ແລ​ະສັງຄົມໃນ​ໄລຍະ 5 ປີ​ຄັ້ງ​ທີ່ 6 ກໍ​ຄື​ຊ່ວງ​ປີ 2006-2010 ທີ່​ຜ່ານ​ມາ​ນັ້ນ ລັດຖະບານ​ລາວ
ກໍ​ໄດ້​ປະສົບ​ຜົນ​ສໍາ​ເລັດ​ຕາມ​ເປົ້າໝາຍ​ທີ່ວາງ​ເອົາ​ໄວ້​ໃນ​ຫລາຍໆ​ດ້ານ​ດ້ວຍ​ກັນ. ທັງ​ນີ້​ໂດຍ​
ສະ​ເພາະ​ແມ່ນ​ການ​ທີ່​ສາມາດ​ເຮັດ​ໃຫ້​ເສດຖະກິດ​ຂອງ​ລາວ​ ໄດ້​ມີ​ການ​ຂະຫຍາຍຕົວ​ເພີ່ມ​ຂຶ້ນ
ຢ່າງ​ຕໍ່​ ​ເນື່ອງ​ແລະ​ໃນ​ຂະນະ​ດຽວ​ກັນ​ກໍ​ຍັງ​ສາມາດ​ຫລຸດຜ່ອນ​ບັນຫາ​ຄວາມທຸກ​ຍາກ​ຂອງ​
ປະຊາຊົນ​ລາວ​ໃຫ້​ລົດ​ນ້ອຍ​ ຖອຍ​ລົງ​ໄດ້​ຢ່າງ​ຊັດ​ເຈນ​ອີກ​ດ້ວຍ ດັ່ງ​ທີ່​ທ່ານ​ບົວ​ສອນ ​ໄດ້​ຖະ
ແຫລ​ງຢືນຢັນ​ໃນ​ຕອນ​ນຶ່ງ​ວ່າ:

“ການຈັດ​ຕັ້ງ​ປະຕິບັດ​ແຜນການ​ພັດທະນາ​ເສດຖະກິດ-ສັງຄົ​ມ 5 ປີ ຄັ້ງ​ທີ່ 6 ​ໄດ້
ບັນລຸ​ຄາດໝາຍ​ສໍາຄັນ​ໃນ​ຫລາຍ​ດ້ານ​ ​ເຊັ່ນ​ລວມຍອດ​ຜະລິດ​ຕະພັນ​ພາຍ​ໃນ​ເຕີບ​
ໂຕ​ດ້ວຍ​ຈັງຫວະ​ສະ​ເລ່ຍສູງ​ກວ່າ 7% ​ໃນ​ແຕ່ລະ​ປີ ສ່ວນ​ເສດຖະກິດ​ມະຫະພາກ​ກໍ​
ມີ​ຄວາມ​ໝັ້ນ​ທ່ຽງ​ໂດຍ​ພື້ນຖານ​ອັດຕາ​ສ່ວນ​ຄວາມທຸກ​ຍາກ​ຂອງ​ປະຊາຊົນ​ກໍ​ໄດ້
ຫລຸດ​ລົງ​ຈາກ 33.5%​ ​ໃນ​ປີ 2005 ມາ​ເປັນ 26% ​ໃນ​ປີ 2010”

ແຕ່​ຢ່າງ​ໃດ​ກໍ​ຕາມ ທ່ານ​ບົວ​ສອນ ກໍ​ໄດ້​ຖະ​ແຫລ​ງຍອມຮັບໃນ​ໂອກາດ​ດຽວ​ກັນ​ນີ້​ວ່າ ຜົນ​ສໍາ​ເລັດ​ດັ່ງກ່າວ​ກໍ​ເປັນ ຍ້ອນ​ວ່າ​ນານາ​ຊາດ​ໄດ້​ປະກອບສ່ວນ​ໃຫ້ການ​ຊ່ວຍ​ເຫລືອ​ແກ່​ລັດຖະບານ​ລາວ​ມາ​ຢ່າງ​ຕໍ່​ເນື່ອງ​ແລະ​ລັດຖະບານ ລາວ​ກໍ​ຍັງ​ຕ້ອງການ​ທີ່​ຈະ​ໄດ້​ຮັບ​ການ​ຊ່ວຍ​ເຫລືອ​ຈາກ​ນານາ​ຊາດ​ຕໍ່ໄປ​ຢ່າງ​ບໍ່​ຢຸດ​ຢັ້ງ ທັງ​ນີ້​ເພື່ອ​ເຮັດ​ໃຫ້​ປະຊາຊົນ ລາວ​ຫລຸດ​ພົ້ນ​ຈາກ​ຄວາມທຸກ​ຍາກ​ໃຫ້​ໄດ້​ຕາມ​ເປົ້າໝາຍ​ທີ່​ວາງ​ໄວ້​ພາຍ​ໃນ​ປີ 2015 ຊຶ່ງ​ກໍ​ຄື​ການ​ເຮັດ​ໃຫ້​ປະຊາຊົນ​ມີ​ລາຍ​ໄດ້​ສະ​ເລ່ຍບໍ່​ຕໍ່າ​ກວ່າ 1,700 ​ໂດ​ລາ​ຕໍ່​ຄົນ​ພາຍ​ໃນ​ປີ 2015 ດ້ວຍ​ການ​ພັດທະນາ​ໃຫ້​ເສດ​ຖະກິດ​ຂະ ຫຍາ​ຍຕົວ​ເພີ່ມ​ຂຶ້ນ​ໃນ​ອັດຕາ​ສະ​ເລ່ຍບໍ່​ຕໍ່າ​ກວ່າ 8% ຕໍ່​ປີ ​ໂດຍ​ສໍາລັບ​ໃນ​ໄລຍະ​ແຜນການ​ປີ 2010-2011 ນີ້ ທ່ານ​ບົວ​ສອນ​ກໍ​ໄດ້​ສະ​ແດງ​ການ​ຄາດໝາຍ​ວ່າ​ເສດຖ​ະກິດ​ຂອງ​ລາວ​ຈະ​ຂະ​ຫຍາ​ຍຕົວ​ເພີ່ມ​ຂຶ້ນ​ໃນ​ອັດ​ຕາສະ​ເລ່ຍ ລະຫວ່າງ 8-8.5% ຊຶ່ງ​ກໍ​ຈະ​ເຮັດ​ໃຫ້​ຍອດ​ຜະລິດ​ພັນ​ລວມພາຍ​ໃນ​ຫລື GDP ສາມາດ​ຖົວ​ສະ​ເລ່ຍ​ເປັນ​ລາຍ​ໄດ້ ຂອງ​ປະຊາກອນ​ລາວ​ໄດ້​ປະມານ 1,130 ​ໂດ​ລາ ຕໍ່​ຄົນ​ຕໍ່​ປີ.

ສ່ວນ​ໃນ​ໄລຍະ​ແຜນການ​ປີ 2009-2010 ທີ່​ຜ່າ​ນມາ​ກໍ​ປາກົດ​ວ່າ​ເສດຖະກິດ​ລາວ​ໄດ້​ຂະ
ຫຍາຍຕົວ​ເພີ່ມ​ຂຶ້ນ​ໃນ​ອັດຕາ​ສະ​ເລ່ຍ 7.8% ​ແລະ​ເຮັດ​ໃຫ້​ປະຊາກອນ​ລາວ​ມີ​ລາຍ​ໄດ້​ສະ​
ເລ່ຍ 970 ​ໂດ​ລາ​ຕໍ່​ຄົນ​ຕໍ່​ປີ. ​ແຕ່​ເນື່ອງ​ຈາກ​ວ່າ ລາຍ​ໄດ້​ສະ​ເລ່ຍຂອງ​ປະຊາກອນ​ລາວ ​ເປັນ
ການ​ຄິດ​ສະ​ເລ່ຍຈາກ​ມູນຄ່າ GDP ດຽວ​ກັນ​ທັງ​ປະ​ເທດ ​ໃນ​ຂະນະ​ທີ່ລະດັບ​ຂອງ​ການ
ພັດທະນາ​ທາງ​ເສດຖະກິດ​ລະຫວ່າງ​ເຂດ​ເມືອງ​ ກັບ​ເຂດ​ຊົນ​ນະ​ບົດ​ນັ້ນ​ຍັງ​ຄົງ​ບໍ່ມີ​ຄວາມ
ແຕກ​ຕ່າງກັນ​ຢ່າງ​ຫລວງຫລາຍ ຈຶ່ງ​ເຮັດ​ໃຫ້​ລາຍ​ໄດ້​ທີ່​ເປັນ​ຈິງ​ຂອງ​ປະຊາຊົນ​ໃນ​ເຂດ​ຊົນ
ນະບົດ​ຕໍ່​າກວ່າ​ລາຍ​ໄດ້​ຂອງ​ປະຊາຊົນ​ລາວ​ ໃນ​ເຂດ​ເມືອງ​ຫລາຍ​ເທົ່າ​ຕົວ​ ​ເຊັ່ນ​ໃນ​ຂະນະ
ທີ່​ປະຊາຊົນ​ໃນ​ເຂດ​ນະຄອນ​ວຽງ​ຈັນ​ມີ​ລາຍ​ໄດ້​ສະເລ່ຍ​ເກີນ​ກວ່າ 1,700 ​ໂດ​ລາ​ຕໍ່​ຄົນ​ຕໍ່​ປີ
ແລ້ວ​ໃນ​ປັດຈຸບັນນີ້ ຫາກ​ແຕ່​ວ່າ​ສໍາລັບ​ປະຊາຊົນ​ລາວ​ໃນ​ເຂດ​ແຂວງ​ເຊ​ກອງກັບ​ຍັງ​ຄົງ​ມີ
ລາຍ​ໄດ້​ສະ​ເລ່ຍບໍ່​ເຖິງ 290 ​ໂດ​ລາ​ ຕໍ່​ຄົນເທົ່າ​ນັ້ນ​ໃນ​ເວລາ​ນີ້.

ຊຶ່ງ​ດ້ວຍ​ສະພາບ​ຂອງ​ການ​ແຕກ​ໂຕນ​ກັນ​ລະຫວ່າງ​ລະ​ດັບ​ລາຍ​ໄດ້​ຂອງ​ປະຊາຊົນ​ລາວ​
ໃນ​ເຂດ​ຊົນນະບົດ​ກັບ​ເຂດ​ເມືອງ​ດັ່ງກ່າວ​ຈຶ່ງ​ເປັນ​ການ​ຍາກ​ຢ່າງ​ຍິ່ງ​ທີ່​ຈະ​ສາມາດ​ເຮັດ​ໃຫ້
ປະຊາຊົນ​ລາວ​ທຸກ​ຄົນ​ຫລຸດ​ພົ້ນ​ຈາກ​ຄວາມທຸກ​ຄົນ​ໄດ້​ຕາມ​ເປົ້າໝາຍ​ໃນ​ປີ 2015 ຖ້າ​
ຫາກ​ວ່າການ​ພັດທະນາ​ຕົວ​ຈິງ​ໃນ​ລາວ​ນັ້ນ​ຍັງ​ບໍ່​ມີ​ການ​ກະຈາຍ​ງົບປະມານ​ໄປສູ່​ເຂດ​ຊົນ
ນະບົດ​ຢ່າງ​ແທ້​ຈິງ.

XS
SM
MD
LG