ລິ້ງ ສຳຫລັບເຂົ້າຫາ

ລາຄາໄມ້ໃນຕ່າງປະເທດ ທີ່ແພງກວ່າຢູ່ໃນລາວ ພາໃຫ້ມີການລັກລອບຕັດໄມ້ ເພີ້ມຂຶ້ນ

  • ຊົງຣິດ ໂພນເງິນ

ສະໜາມໄມ້ທີ່ຖືກລັກລອບຕັດຢ່າງຜິດກົດໝາຍເພື່ອສົ່ງອອກ ໄປຂາຍຢູ່ຕ່າງປະເທດ

ເຈົ້າໜ້າທີ່ລາວຍອມຮັບວ່າ ລາຄາໄມ້ໃນຕ່າງປະເທດແພງກວ່າໃນປະເທດເຖິງ 30% ຄືສາເຫດສໍາຄັນປະການນຶ່ງທີ່ເຮັດໃຫ້ມີການລັກລອບຕັດໄມ້ເພື່ອສົ່ງອອກໄປຕ່າງ ປະເທດຫຼາຍຂຶ້ນນັບມື້.

ທ່ານ ທອງສະຫວັນ ສຸລິຍະມາດ ປະທານສະມາຄົມອຸດສາຫະກໍາໄມ້ແປຮູບແຫ່ງຊາດ
ລາວ ໃຫ້ການຍອມຮັບວ່າ ສາເຫດສໍາຄັນປະການໜຶ່ງທີ່ເຮັດໃຫ້ການລັກລອບຕັດໄມ້ໃນ
ລາວ ເພື່ອສົ່ງອອກໄປຂາຍຍັງຕ່າງປະເທດມີທ່າ ອ່ຽງເພີ່ມຫຼາຍຂຶ້ນນັບມື້ໃນປະຈຸບັນນີ້ ກໍຄືການທີ່ໄມ້ໃນຕະຫຼາດຕ່າງປະເທດ ມີລາຄາແພງກວ່າຕະຫຼາດພາຍໃນປະເທດລາວ
ຄິດເປັນອັດຕາສະເລ່ຍ ລະຫວ່າງ 25%-30%.

ຊຶ່ງດ້ວຍລະດັບລາຄາທີ່ແຕກຕ່າງກັນດັ່ງກ່າວ ຈຶ່ງເຮັດໃຫ້ບັນດາພໍ່ຄ້າໄມ້ຕ້ອງການ ທີ່ ຈະໄດ້ຮັບໂຄຕ້າໄມ້ໃນລາວໃຫ້ໄດ້ຫຼາຍທີ່ສຸດເພື່ອທີ່ວ່າຈະໄດ້ສົ່ງອອກໄປຂາຍໃນຕ່າງ
ປະເທດເປັນດ້ານຫຼັກເພາະຈະເຮັດໃຫ້ໄດ້ຮັບຜົນປະໂຫຍດຫຼາຍກວ່າການຂາຍໄມ້ພາຍ
ໃນປະເທດ, ຫາກແຕ່ເນື່ອງຈາກວ່າລັດຖະບານລາວໄດ້ດໍາເນີນມາດຕະການ ຈໍາກັດ
ໂຄຕ້າ ການຕັດໄມ້ໃຫ້ໜ້ອຍລົງເລື້ອຍໆ ໃນໄລຍະ 10 ປີກວ່າມານີ້ ຈຶງເຮັດໃຫ້ບັນດາ ພໍ່ຄ້າໄມ້ຕ້ອງດໍາເນີນການໃນທຸກວິທີທາງເພື່ອເຮັດໃຫ້ພວກຕົນມີໄມ້ສໍາລັບສົ່ງອອກໄປ
ຕ່າງປະເທດຢ່າງພຽງພໍ.

ໄມ້ທີ່ອົງການສືບສວນ ດ້ານສະພາບແວດລ້ອມ (EIA) ໄດ້ກວດພົບວ່າ ມີກອງທັບຫວຽດນາມ ກ່ຽວພັນໃນການລັກ ລອບຄ້າໄມ້ເຖື່ອນໄປ ຫວຽດນາມ
ໄມ້ທີ່ອົງການສືບສວນ ດ້ານສະພາບແວດລ້ອມ (EIA) ໄດ້ກວດພົບວ່າ ມີກອງທັບຫວຽດນາມ ກ່ຽວພັນໃນການລັກ ລອບຄ້າໄມ້ເຖື່ອນໄປ ຫວຽດນາມ

ທັງນີ້ໂດຍວິທີການນຶ່ງທີ່ບັນດາພໍ່ຄ້າໄມ້ໃນລາວ ໄດ້
ພາກັນດໍາເນີນການປະຕິບັດຫຼາຍຂຶ້ນນັບມື້ກໍຄືການ
ລັກລອບຕັດໄມ້ເກິນໂຄຕ້າ ໂດຍມີເຈົ້າໜ້າທີ່ຂອງລັດ
ຖະບານລາວໃນລະດັບທ້ອງຖິ່ນໃຫ້ການຮ່ວມມື
ແລະອໍານວຍຄວາມສະດວກໃຫ້ ເພື່ອແລກກັບຜົນ
ປະໂຫຍດຕອບແທນເປັນການສ່ວນຕົວ ຊຶ່ງເຮັດໃຫ້
ສາມາດປະເມີນສະພາບການໄດ້ວ່າໃນຕະຫຼອດໄລ
ຍະ 10 ກວ່າປີມານີ້ປ່າໄມ້ໃນລາວໄດ້ຖືກລັກລອບ
ຕັດໄມ້ທໍາລາຍປ່າໂດຍສະເລ່ຍເຖິງ 130,000 ເຮັກ
ຕາຕໍ່ປີ. ດັ່ງ​ເຈົ້າໜ້າທີ່​ໃນ​ກະຊວງ​ກະສິກໍາ-ປ່າ​ໄມ້​
ລາວໄດ້​ໃຫ້ການ​ອະທິບາຍ​ວ່າ:

ຈໍານວນໄມ້ທີ່ວ່າລັດຢຶດມານັ້ນ ບໍ່ທັນໄດ້ຮັບການຂາຍອອກ ແລະຖືກຢາຍໄວ້
ກອງໄວ້ ຕາກແດດຕາກຝົນມາເປັນເວລາສອງປີກວ່າແລ້ວ ແລະໄມ້ຈຳນວນນຶ່ງ

ກະກາຍເປັນໄມ້ນະພາບເສຍຄຸນ ຕົກເກຣດ ຊໍ້າບໍ່ໜໍາກະຍັງມີຄົນບໍ່ດີຈຳນວນນຶ່ງ
ມາລັກ
ຊໍ້າສອງ ເທື່ອທີນຶ່ງແມ່ນລັກແລ້ວ ລັດຢຶດມາກອງໄວ້ ແລ້ວກໍຍັງມີຄົນບໍ່ດີ
ຈຳນວນນຶ່ງ
ມາ​ລັກ​ເປັນຄັ້ງທີສອງ.”

ຊຶ່ງດ້ວຍສະພາບການດັ່ງກ່າວນີ້ກໍຍ່ອມຈະສົ່ງຜົນກະທົບຕໍ່ແຜນການຮັກສາ ແລະ ນໍາໃຊ້ ຊັບພະຍາກອນທໍາມະຊາດຢ່າງຍືນຍົງຂອງລັດຖະບານລາວຢ່າງຫຼີກລ່ຽງບໍ່ໄດ້ ກໍຄືການ
ສົ່ງເສີມການປູກຕົ້ນໄມ້ ແລະ ການຟຶ້ນຟູ ສະພາບ​ປ່າ​ໄມ້​ຂອງ​ລາວ ໃນປັດຈຸບັນ​ນີ້​ມີ​ຄວາມ
ໜາ​ແໜ້ນຄິດ​ເປັນ 65% ໃນປີ 2015 ແລະເພີ່ມຂຶ້ນໃຫ້ໄດ້ເຖິງ 70% ຂອງພຶ້ນທີ່ທັງໝົດ
ຂອງປະເທດພາຍໃນປີ 2020.

ປ່າໄມ້ແຫ່ງນຶ່ງໃນລາວ ທີ່ຖືກທໍາລາຍຍ້ອນ ການຕັດໄມ້
ປ່າໄມ້ແຫ່ງນຶ່ງໃນລາວ ທີ່ຖືກທໍາລາຍຍ້ອນ ການຕັດໄມ້

ໂດຍພາຍໃຕ້ເປົ້າໝາຍດັ່ງກ່າວນີ້
ລັດຖະບານລາວກໍໄດ້ມີການຈັດ
ແບ່ງປະເພດຂອງປ່າໄມ້ອອກ
ເປັນ 3 ຊະນິດດ້ວຍກັນ ກໍຄືປ່າ
ປ້ອງກັນ, ປ່າສະຫງວນ ແລະປ່າ
ຜະລິດ ຊຶ່ງການທີ່ຈະເຮັດໃຫ້ສາ
ມາດບັນລຸເປົ້າໝາຍ ທີ່ວາງເອົາ
ໄວ້ດັ່ງກ່າວ ໄດ້ຢ່າງແທ້ຈິງນັ້ນ ກໍ
ມີຄວາມຈໍາເປັນຢ່າງຍິ່ງທີ່ຈະຕ້ອງ
ໄດ້ຮັບການຮ່ວມມື ແລະການມີ
ສ່ວນຮ່ວມຈາກທຸກພາກສ່ວນ
ຢ່າງແທ້ຈິງ.

ສໍາລັບໃນໄລຍະທີ່ຜ່ານມາ ປ່າຜະລິດກໍນັບເປັນພາກສ່ວນທີ່ລັດຖະບານລາວໄດ້ໃຫ້ການ
ສະໜັບສະໜູນ ສົ່ງເສີມຢ່າງກວ້າງຂວາງໂດຍສະເພາະແມ່ນການໃຫ້ສໍາປະທານສິດທິ
ການເຊົ່າທີ່ດິນໄລຍະຍາວເພື່ອການປູກພືດອຸດສາຫະກໍາຕ່າງໆເຊັ່ນ ຢາງພາລາ, ໄມ້ເກດ
ສະໜາ ແລະ ໄມ້ວິກ ຫຼື ຢູຄາລິບຕັສ ຊຶ່ງມາເຖິງປະຈຸບັນນີ້ກໍປະກົດວ່າ ລັດຖະບານລາວ
ໄດ້ໃຫ້ສໍາປະທານສິດທິດັ່ງກ່າວແກ່ເອກະຊົນລາວ ແລະ ຕ່າງປະເທດໄປແລ້ວ ຄິດເປັນ
ເນື້ອທີ່ກວ້າງກວ່າ 4 ແສນເຮັກຕາ ໂດຍເກິນກວ່າ 70% ເປັນການປູກຢາງພາລາ ທີ່ສ່ວນ ໃຫຍ່ເປັນການລົງທຶນຈາກຈີນ, ຫວຽດນາມ ແລະໄທ ຕາມລໍາດັບ.

ແຕ່ຢ່າງໃດກໍຕາມ ຈາກການສໍາຫຼວດສະພາບປ່າໄມ້ໃນລາວໃນປີ 1992 ກໍພົບວ່າລາວ
ຍັງຄົງເຫຼືອປ່າໄມ້ປົກຫຸ້ມຢູ່ 47% ແລະ ກໍໄດ້ລົດລົງເຫຼືອ 42% ໃນປີ 2002 ສ່ວນໃນປັດ
ຈຸບັນນີ້ກໍເຊື່ອວ່າ ລາວຍັງຄົງເຫຼືອປ່າໄມ້ປົກຫຸ້ມຢູ່ ບໍ່ເກິນ 35% ຂອງພຶ້ນທີ່ທັງໝົດຂອງ
ປະເທດ.

XS
SM
MD
LG