ເວລານີ້ ປະຊາຊົນໃນລັດຣາ
ວາຍ ກາງມະຫາສະມຸດປາຊີຟິກ ກໍາລັງຮືຮາຕື່ນເຕ້ນກັນໃຫຍ່ ກັບນັກອອກແບບເສື້ອຜ້າໜ້າໃໝ່ Andy South ທີ່ເປັນຄົນລັດຮາ
ວາຍ ຜູ້ຊຶ່ງກຳລັງສ້າງຊື່ສຽງໃຫ້
ລັດບ້ານເກີດ ຍ້ອນກຳລັງທຳ
ຄະແນນໄດ້ດີເລີດໃນການແຂ່ງ
ຂັນອອກແບບເສື້ອຜ້າ ໃນລາຍ
ການໂທລະພາບ Project
Runway ສຳລັບປີນີ້ ຊຶ່ງເປັນ
ປີທີ 8 ຫລື Season 8 ຊຶ່ງ
ກໍາລັງ on air ຫລືອອກອາກາດຢູ່ໃນເວລານີ້ ແລະພ້ອມດຽວກັນ ກໍສ້າງຊື່ສຽງໃຫ້ຕົນ
ເອງໃນລະດັບຊາດ ຍ້ອນເສື້ອຜ້າທີ່ເຂົາອອກແບບ ທີ່ຕ້ອງຕາຕ້ອງໃຈກຳມະການຕັດສິນ
ໃນລາຍການ Project Runway ທີ່ເປັນນາງແບບຊື່ດັງ Heidi Klum ທີ່ໄດ້ຊື້ເອົາເສື້ອ
ຜ້າຂອງແອນດີ ເຂົ້າເປັນສ່ວນນຶ່ງຂອງ Collection ເສື້ອຜ້າຍີ່ຫໍ້ຂອງນາງ ທີ່ຫາກໍເປີດໂຕ ແລະນຳອອກຈຳນ່າຍ on line ຫລືທາງອິນເຕີແນັທ ຜ່ານ amazon.com
ແມ່ນໃຜຄືໜຸ່ມນັກອອກແບບເສື້ອຜ້າ ຫລື fashion
designer ໜ້າໃໝ່ຄົນນີ້ ທີ່ສາມາດສ້າງຊື່ສຽງໃຫ້ຕົນເອງ
ໃນລະດັບຊາດໄດ້ ພາຍໃນເວລາພຽງ 11 ອາທິດ ຫລັງ
ຈາກທີ່ໄດ້ອອກອາກາດໃນລາຍການ Project Runway?
ສຳລັບຜູ້ຊົມລາຍການແລະຄົນທົ່ວໆໄປແລ້ວ ເຂົາຄື Andy
South ແຕ່ສໍາລັບປະຊາຄົມລາວແລ້ວ ເຂົາຄື ແອນດີ ຫລື
ແອນດຣູ ສຸດທິພົງ ຊຶ່ງພະຍາງທຳອິດຂອງນາມສະກຸນ
ສຸດທິພົງນັ້ນ ແອນດີໄດ້ເອົາມາ ເປັນນາມສະກຸນຂອງຊື່ອອກ
ແບບຫລືຍີ່ຫໍ້ເສື້ອຜ້າຂອງເຂົາ ໂດຍອ່ານເປັນພາສາອັງກິດວ່າ South ທີ່ແປວ່າທິດໃຕ້ນັ້ນ ເອງ ເພື່ອໃຫ້ສະດວກໃນ ການອອກສຽງ ສຳລັບຊາວອາເມຮິກັນ.
ແອນດີ ເກີດແລະໃຫຍ່ທີ່ໂຮໂນລູລູ ເປັນລູກຊາຍຂອງ ທ່ານກົງສະນິດ ແລະທ່ານນາງນີລະ
ພອນ ສຸດທິພົງ. ຕອນນີ້ ມີອາຍຸ 24 ປີ ຮຽນຈົບອະນຸປະລິນຍາຈາກ Honolulu Com-
munity College ຊຶ່ງເປັນມະຫາວິທະຍາໄລສອງປີ. ແອນດີມັກຫຍິບປັກຖັກຮ້ອຍ ມາຕັ້ງ
ແຕ່ຍັງນ້ອຍ ໂດຍໄດ້ຮຽນຈາກມານດາ. ເວລາແມ່ຫຍິບເສື້ອ ແອນດີມັກຈະໄປປ້ວນປ້ຽນຢູ່ ອ້ອມຂ້າງອ້ອມແອວ ສັງເກດເບິ່ງ ແລ້ວກໍເຮັດຕາມ
“ຂະນ້ອຍເຄີຍຫຍິບເຄື່ອງນໍາແມ່. I followed her when I was a kid. I
learned from her…..ຕອນຍັງນ້ອຍ ຂະນ້ອຍຈະເຮັດຕາມແມ່ ແລະຮຽນຮູ້ນໍາ
ເພິ່ນ. ຫລັງຈາກຮຽນຈົບໄຮສະກູລ ຂະນ້ອຍບໍ່ຮູ້ວ່າໂຕເອງຢາກຮຽນຫຍັງ ຫລື
ຢາກເປັນຫຍັງ ແຕ່ກໍຮູ້ວ່າມັກຫຍິບປັກຖັກຮ້ອຍແລະມີສີມືໃນດ້ານນີ້ ຈຶ່ງເຂົ້າຮຽນ
ຕໍ່ທີ່ມະຫາວິທະຍາໄລຊຸມຊົນ 2 ປີ ໃນຂະແໜງວິຊາ Fashion Technology.
ແມ່ນຕອນນັ້ນເອງ ທີ່ຂະນ້ອຍຄົ້ນພົບໂລກຂອງແຟຊັ່ນ ຊຶ່ງເປັນໂລກທີ່ສວຍງາມ
ຫລາຍ ເປັນໂລກທີ່ສາມາດປ່ຽນຮູບລັກສະນະຂອງຄົນໄດ້.”
ແອນດີເວົ້າວ່າ ຄົນເຮົາສາມາດປ່ຽນໂຕເອງ ດ້ວຍເສື້ອຜ້າທີ່ເຮົາໃສ່ ເຂົ້າທໍານອງທີ່ວ່າ ນົກ
ງາມຍ້ອນຂົນ ຄົນງາມຍ້ອນແຕ່ງ ນັ້ນເອງ.
ພໍຈົບໂຮງຮຽນໃນປີ 2004, ແອນດີກໍເລີ້ມສ້າງຜົນງານອອກແບບເສື້ອຜ້າຂອງຕົນ ໂດຍ
ການຕັດເສື້ອຜ້າຊຸດງາມໆໃຫ້ມານດາໃສ່ໄປງານ ແລະຕັດໃຫ້ໝູ່ເພື່ອນທີ່ມັກ sketches
ຫລືຮູບວາດທີ່ລາວອອກແບບ. ຊື່ຂອງແອນດີດັງຂື້ນມາໃນລັດຮາວາຍ ຫລັງຈາກທີ່ລາວ
ອອກແບບຊຸດລາຕີຫລືຊຸດກາງຄືນ ໃຫ້ໝູ່ທີ່ເຂົ້າແຂ່ງຂັນປະກວດນາງງາມ ແລະໄດ້ຊະນະ
ຄືນາງງານ Miss Hawaii 2007 ແລະເອື້ອຍຂອງນາງທີ່ໄດ້ຊະນະນາງງາມ Miss
Hawaii USA 2008. ຫລັງຈາກນັ້ນ ຊື່ຂອງແອນດີກໍເປັນທີ່ຮ້ຈັກຂອງຄົນຫລາຍຂຶ້ນ
ເນຶ່ອງຈາກຮາວາຍເປັນລັດນ້ອຍໆ ແລະແອນດີຄ່ອຍໆສ້າງຊື່ສຽງໃຫ້ຕົນເອງຂຶ້ນມາ ຈາກ
ການຕັດຊຸດລາຕີໃຫ້ບັນດານາງສາວທີ່ເຂົ້າແຂ່ງຂັນໃນງານປະກວດນາງງາມຕ່າງໆ. ຕໍ່ມາ
ແອນດີໄດ້ຢຸດຕັດຊຸດລາຕີ ແລະຕັດສິນໃຈທີ່ຈະເຮັດຊຸດ collection ເສື້ອຜ້າຍີຫໍ້ຂອງຕົນ
ເອງ ກໍພໍດີໄດ້ຮັບການທາບທາມຈາກ Project Runway ຊຶ່ງແອນດີເວົ້າວ່າ ມັນເປັນເວລາ
ພໍເໝາະພໍດີແທ້ໆ ເພາະມັນອໍານວຍໃຫ້ລາວໄດ້ກັບຄືນໄປເຮັດໃນສິ່ງທີ່ລາວຢາກເຮັດໄປ
ຕະຫລອດຊີວິດ. ເຮັດແນວໃດ ແອນດີຈຶ່ງໄດ້ເຂົ້າຮ່ວມໃນລາຍການ Project Runway?
“They called around.
They called people in
Hawaii…ເຂົາເຈົ້າໂທລະ
ສັບໄປຖາມຜູ້ຄົນ ໃນລັດຮາ
ວາຍວ່າ ມີຜູ້ໃດແດ່ທີ່ມີສີມື
ພໍທີ່ຈະຖືກຄັດເລືອກມາອອກ
ລາຍການໄດ້ບໍ່? ແລະທຸກໆ
ຄົນກໍຕອບເປັນສຽງດຽວກັນ ວ່າ Andy South…”
ແອນດີກໍເລີຍໄດ້ຮັບການທາບ
ທາມໃຫ້ໄປຄັດເລືອກເຂົ້າແຂ່ງ
ຂັນ ແຕ່ບໍ່ເປັນຈັ່ງໂຊກ ແອນດີ
ບໍ່ຜ່ານໃນຕອນທໍາອິດນັ້ນ.
“The first time I was
very young. That was
2 years before. I was
still very young
then... ຕອນທໍາອິດນັ້ນ
ຂະນ້ອຍຍັງນ້ອຍຫລາຍ ຄື
ເມື່ອສອງປີກ່ອນນີ້ ຂະນ້ອຍ
ຄິດວ່າໂຕເອງພ້ອມແລ້ວ. ແຕ່ຄວາມຈິງແລ້ວ ຂະນ້ອຍຍັງບໍ່ພ້ອມເລີຍ. ຂະນ້ອຍ
ບໍ່ຮູ້ວ່າ ໃນຖານະເປັນ fashion designer ນັ້ນ ຂະນ້ອຍມັກອອກແບບເສື້ອຜ້າ
ແນວໃດ ຫລືສໄຕລ໌ແບບໃດແທ້. ແຕ່ເທື່ອນີ້ ຕອນທີ່ຂະນ້ອຍກັບຄືນມາອີກ ຂະ
ນ້ອຍຮູ້ແລ້ວວ່າໂຕເອງ ຕ້ອງການຫຍັງແລະຢາກອອກແບບເສື້ອຜ້າແນວໃດ?
ຂະນ້ອຍໃຫຍ່ຂຶ້ນດຽວນີ້. ເທື່ອທໍາອິດນັ້ນ ຂະນ້ອຍມີສີມື ແຕ່ບໍ່ມີສຽງ ໝາຍເຖິງ ວ່າ ບໍ່ມີສະໄຕລ໌ທີ່ເປັນເອກະລັກຂອງຕົນເອງ.”
ແລ້ວ ສະໄຕລ໌ແບບໃດ ທີ່ເປັນເອກະລັກຂອງແອນດີ?
“It’s elegance-dramatic elegance, very feminine for a woman
that’s strong. I pulled a lot of inspiration from home –
Laos. ຄວາມສວຍແລະສະງ່າງາມ - ຄວາມງາມສະງ່າແບບໂລດໂຜນ ແບບ
ແມ່ຍິງໆ ສໍາລັບແມ່ຍິງທີ່ເຂ້ມແຂງ ເປັນໂຕຂອງໂຕເອງ. ຂະນ້ອຍໄດ້ຄວາມ
ດົນໃຈມາຫລາຍຈາກບ້ານ ຄືຈາກປະເທດລາວ. ຂະນ້ອຍໃຊ້ແຜ່ນແພລາວ
ຫລາຍສົມຄວນ ແລະໃຊ້ເຄຶ່ອງເງິນ ຈາກປະເທດລາວນໍາ ຄືຂະນ້ອຍເອົາມາ
ແລ້ວກໍມ້າງອອກ ແລ້ວເອົາມາປະດິດໃໝ່ເອົາເອງ ແລ້ວກໍປະດັບປະດາໃສ່ ເສື້ອຜ້າທີ່ຂະນ້ອຍອອກແບບ.”
ຍ້ອນສະໄຕລ໌ ຫລືແນວອອກ
ແບບເສື້ອຜ້າທີ່ໂລດໂຜນ ແຕ່
ກໍງາມສະງ່ານີ້ເອງ ແອນດີຈຶ່ງ
ຖືກທາບທາມໃຫ້ເຂົ້າແຂ່ງຂັນ
ໃນການຄັດເລືອກຂອງ
Project Runway ອີກເທື່ອ
ນຶ່ງ ຊຶ່ງຂັ້ນຕອນໃນການຄັດ
ເລືອກນັ້ນ ບໍ່ແມ່ນຂອງງ່າຍ
ເລີຍ. ແອນດີຕ້ອງໄດ້ເຊັນສັນ
ຍາ ຍາວ 25 ໜ້າ ທີ່ບັງຄັບ
ໃຫ້ຮັກສາທຸກຢ່າງໄວ້ເປັນ
ຄວາມລັບ. ແລ້ວລາວຕ້ອງ
ໄດ້ຫອບ portolio ກໍຄືຜົນ
ງານຮູບຖ່າຍແລະຮູບວາດ
ຂອງເສື້ອຜ້າທີ່ລາວອອກແບບ
ນັ້ນ ໄປໃຫ້ເຈົ້າໜ້າທີ່ Project
Runway ເບິ່ງຢູ່ນະຄອນ
Seattle ລັດວໍຊິງຕັນ, ເຂົ້າ
ສໍາພາດ ແລະສະແດງຜົນງານ
ຕັດຫຍິບເສື້ອຜ້າໃຫ້ເຂົາເຈົ້າ
ເບິ່ງ ໂດຍໃຊ້ເວລາທັງໝົດນຶ່ງ
ເດືອນ. ຫລັງຈາກນັ້ນ ແອນດີ
ກໍກັບຄືນເມືອຮາວາຍ ລໍຖ້າຟັງ
ຜົນວ່າຈະອອກມາແນວໃດ.
ແຕ່ສອງອາທິດຕໍ່ມາ ແອນດີກໍໄດ້ຮັບໂທລະສັບຈາກ Project Runway ພ້ອມກັບຂ່າວດີ
ທີ່ວ່າ ແອນດີເປັນຜູ້ນຶ່ງໃນຈໍານວນ 17 ຄົນ ທີ່ຜ່ານການຄັດເລືອກ. ຫລັງຈາກນັ້ນ ແອນດີ
ກໍເດີນທາງໄປນະຄອນນີວຢ໊ອກ ເພື່ອເຂົ້າແຂ່ງຂັນ ທີ່ມີການຖ່າຍວີດີໂອໄປພ້ອມ ເພື່ອນໍາ
ອອກອາກາດໃນລາຍການ Project Runway ນັ້ນ ຊຶ່ງຂັ້ນຕອນທັງໝົດນີ້ ແມ່ນໃຊ້ເວລາ ປະມານ 2 ເດືອນ.
“I auditioned in April. I started filming in June, and we’re
done in July… ຂະນ້ອຍເອົາຜົນງານໄປສະເໜີໃນເດືອນເມສາ ແລ້ວ
ກໍເລີ້ມຖ່າຍວີດິໂອໃນເດືອນມີຖຸນາ ແລະຖ່າຍແລ້ວໃນເດືອນກໍລະກົດ.
ຂະນ້ອຍເມື່ອຍຫລາຍ ເພາະບໍ່ໄດ້ນອນ ມີແຕ່ຫຍິບເສື້ອໝົດມື້ໝົດເວັນ.”
ມາຮອດອາທິດນີ້(ວັນທີ 14 ຕຸລາ) ລາຍການ Project Runway Season 8 ໄດ້ອອກ
ອາກາດໄປແລ້ວ 11 ຕອນ. ໃນແຕ່ລະຕອນ ຈະມີຜູ້ແຂ່ງຂັນໄດ້ຊະນະຄົນນຶ່ງ ແລະຄົນ ນຶ່ງ ຖືກຄັດອອກ.
ຜ່ານມາ ຊຸດເສື້ອຜ້າຂອງແອນດີ ໄດ້ຊະນະໄປແລ້ວ 2 ຄັ້ງ ຄືເທື່ອທີນຶ່ງ ໃນຕອນທີ 8
ເປັນຊຸດກະໂປງໃສ່ໄປງານ ແລະເທື່ອທີ 2 ແມ່ນໃນຕອນທີ 11 ທີ່ອອກອາກາດໄປໃນ
ອາທິດແລ້ວນີ້(ວັນພະຫັດ ທີ 7 ຕຸລາ) ຊຶ່ງເປັນຊຸດກິລາທີ່ຕ້ອງຕ້ອງຕ້ອງໃຈນາງແບບ
ຊື່ດັງ Heidi Klum ທີ່ເປັນກໍາມະການຄົນນຶ່ງ ແລະໄດ້ເຊັນສັນຍາຊື້ເອົາຊຸດກິລາຂອງ
ແອນດີ ມາເປັນສ່ວນນຶ່ງຂອງ collection ເສື້ອຜ້າຍີ່ຫໍ້ຂອງນາງ ທີ່ເປີດໂຕໄປ ໃນວັນ
ທີ 8 ຕຸລາ ອາທິດແລ້ວນີ້.
ລາຍການ Project Runway ຕອນທີ 12 ຊຶ່ງຈະມີການປະກາດຊື່ສາມຄົນທີ່ຈະໄດ້ເຂົ້າ
ແຂ່ງຂັນໃນຮອບສຸດທ້າຍນັ້ນ ຈະອອກອາກາດ ລໃນແລງວັນພະຫັດມື້ນີ້ - ທີ 14 ຕຸລາ.
ທ່ານສາມາດຕິດຕາມເບິ່ງໄດ້ ທາງຊ່ອງ Lifetime ຫລືທາງ
http://www.mylifetime.com/shows/project-runway/season-8/photos/designers/andy-south-episode-5#id=10
ແລງວັນພະຫັດໜ້າ(ທີ 21 ຕຸລາ) ເຮົາຈະມີຕອນທີສອງຂອງການສໍາພາດກັບແອນດີ
ສຸດທິພົງ ມາສະເໜີທ່ານອີກ ພ້ອມກັບຂ່າວຄືບໜ້າກ່ຽວກັບການແຂ່ງຂັນຂອງເຂົາໃນ
Project Runway. ໂປດຕິດຕາມຟັງ.
