ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຄົນ​ເຊື້ອ​ສາຍ​ລາວ ຢູ່ ສ​ຫລ ມີຄວາມສົນໃຈ ຢາກປະ​ກອບ​ສ່ວນ ໃນການສົ່ງເສີມການຄ້າ ແລະ​ປະ​ຊາ​ຊົນ ໃນລາວ ແລະ ສະຫະລັດ


​ທ່ານ​ເສ​ຣີ ເທບ​ພະ​ພອນ (ຫລັງ​ສຸດ), ທ່ານ​ແສງ ສຸ​ຂະ​ທິ​ວົງ (ທີ 3 ຈາກ​ຂາວ), ອະ​ດີດ​ເອກ​ອັກ​ຄະ​ລັດ​ຖະ​ທູ​ດລາວ ປະ​ຈຳ ສ​ຫລ ແລະ​ກາ​ນາ​ດາ ພ້ອມ​ດ້ວຍ​ຊາວ​ລາວ​ໃນ​ເຂດ​ນະ​ຄອນ​ຊານ ຟ​ຣານຊິ​ສ​ໂກ, ຄາ​ລິ​ຟໍ​ເນຍ, ໃນ​ໂອ​ກາດ​ທີ່​ເພິ່ນ​ໄປ​ຢ້ຽມ​ຢາມ​ເຂດ​ດັ່ງ​ກ່າວ​ໃນ​ປີ 2011
​ທ່ານ​ເສ​ຣີ ເທບ​ພະ​ພອນ (ຫລັງ​ສຸດ), ທ່ານ​ແສງ ສຸ​ຂະ​ທິ​ວົງ (ທີ 3 ຈາກ​ຂາວ), ອະ​ດີດ​ເອກ​ອັກ​ຄະ​ລັດ​ຖະ​ທູ​ດລາວ ປະ​ຈຳ ສ​ຫລ ແລະ​ກາ​ນາ​ດາ ພ້ອມ​ດ້ວຍ​ຊາວ​ລາວ​ໃນ​ເຂດ​ນະ​ຄອນ​ຊານ ຟ​ຣານຊິ​ສ​ໂກ, ຄາ​ລິ​ຟໍ​ເນຍ, ໃນ​ໂອ​ກາດ​ທີ່​ເພິ່ນ​ໄປ​ຢ້ຽມ​ຢາມ​ເຂດ​ດັ່ງ​ກ່າວ​ໃນ​ປີ 2011

ຄົນເຊື້ອ​ສາຍ​ລາວໃນ​ສະ​ຫະ​ລັດ​ ແລະ​ກາ​ນາ​ດາ​ບາງ​ຄົນ​ໄດ້​ເຂົ້າ​ຮ່ວມກອງ​ປະ​ຊຸມ​ທາງ​ໄກທີ່​ຈັດ​ຂຶ້ນໂດຍ​ແນວ​ລາວ​ສ້າງ​ຊາດໃນ​ທ້າຍ​ອາ​ທິດ​ຜ່ານ​ມານີ້. ໃນ​ນັ້ນ ກໍ​ມີ​ທ່ານ​ເສ​ຣີ ເທບ​ພາ​ພອນ​ທີ່​ຜູ້​ນຳ​ອະ​ວຸ​ໂສ​ໃນ​ການ​ພັດ​ທະ​ນາ​ປະ​ຊາ​ຄົມ​ລາວໃນ​ເຂດ​ພາກ​ເໜືອລັດ​ຄາ​ລິ​ຟໍ​ເນຍຜູ້ທີ່​ມີ​ຄວາມ​ສົນ​ໃຈຢາກ​ມີ​ສ່ວນ​ຮ່ວມໃນ​ການ​ສົ່ງ​ເສີມ​ການ​ຄ້າ ລະ​ຫວ່າງ​ລາວ-ສະ​ຫະ​ລັດ ຊຶ່ງ​ປັດ​ຈຸ​ບັນ​ນີ້ ຍັງ​ຢູ່​ໃນ​ລະ​ດັບ​ຕ່ຳ.

ທັງ​ນີ້​ກໍ​ຍ້ອນ​ວ່າ ລາວ​ຍັງ​ຂາດ​ສິດ​ທິ​ພິ​ເສດ​ທາງ​ການ​ຄ້າ ຊຶ່ງ​ພາ​ສາ​ອັງ​ກິດ​ເອີ້ນ​ວ່າ Generalized System of Preferences ​ຫລື GSP ທີ່​ອະ​ນຸ​ຍາດ​ໃຫ້​ສິນ​ຄ້າຫລາຍ​ພັນຊະ​ໜິດຈາກ​ປະ​ເທດ​ທີ່​ທຸກ​ຈົນ​ທີ່​ສຸດ​ຂອງ​ໂລກ ​ເຂົ້າ​ມາ​ຂາຍ​ໃນ​ສະ​ຫະ​ລັດໂດຍບໍ່​ຕ້ອງ​ເສຍ​ພາ​ສີຂາ​ເຂົ້າ. ສິນ​ຄ້າ​ຂອງ​ 9 ປະ​ເທດອື່ນ​ໃນອາ​ຊຽນ ທີ່​ໄດ້ GSP ແມ່ນ​ມີ​ຄວາມ​ສາ​ມາດ​ແຂ່ງ​ຂັນ​ຢູ່ໃນ​ຕະ​ຫລາດຂອງ​ສະ​ຫະ​ລັດສູງກວ່າ​ສິນ​ຄ້າ​ຂອງ​ລາວ​ຫລາຍ​ເທົ່າ. ແມ່ນ​ແຕ່ປະ​ເທດ​ເພື່ອ​ບ້ານ​ເຊັ່ນ​ຫວຽດ​ນາມ ແລະ​ກຳ​ປູ​ເຈຍທີ່​ລາວ​ມີ​ການ​ພົວ​ພັນ​ຢ່າງ​ໃກ້​ຊິດ​ມາ​ແຕ່​ດົນ​ນານນັ້ນກໍ​ໄດ້ GSP ຕັ້ງ​ແຕ່​ດົນ​ແລ້ວ ຊຶ່ງທ່ານ​ຕັ້ງ​ຄຳ​ຖາມແລະ​ເລົ່າເລື້ອງຂອງ​ບັນ​ຫານີ້ສູ່​ຟັງ​ວ່າ:

​ສິນ​ຄ້າ​ຫັດ​ຖະ​ກຳ​ໄມ້ຂອງ​ບໍ​ລິ​ສັດ ເອັ​ສ ເອັມ ພີ ວາງ​ຂາຍ​ທີ່​ຮ້ານ​ຢູ່​ບ້ານ ໜອງ​ດ້ວງ ແລະ​ສິນ​ຄ້າ​ບາງ​ຊະ​ນິດ​ເຄີ​ຍ​ສົ່ງ​ມາ​ຂາຍ​ໃນ​ຕະ​ຫລາດ​ອາ​ເມ​ຣິ​ກາ
​ສິນ​ຄ້າ​ຫັດ​ຖະ​ກຳ​ໄມ້ຂອງ​ບໍ​ລິ​ສັດ ເອັ​ສ ເອັມ ພີ ວາງ​ຂາຍ​ທີ່​ຮ້ານ​ຢູ່​ບ້ານ ໜອງ​ດ້ວງ ແລະ​ສິນ​ຄ້າ​ບາງ​ຊະ​ນິດ​ເຄີ​ຍ​ສົ່ງ​ມາ​ຂາຍ​ໃນ​ຕະ​ຫລາດ​ອາ​ເມ​ຣິ​ກາ

ເນື່ອງ​ຈາກ​ຂາດ​ສິດ​ທິ​ພິ​ເສດ​ທາງການ​ຄ້າ​ເຊັ່ນ​ນີ້ ​ທ່ານບອກວ່າ ມັນເຮັດ​ໃຫ້ການ​ສົ່ງ​ເສີມ​ການ​ພົວ​ພັນລະ​ຫວ່າງ​ປະ​ຊາ​ຊົນ​ລາວ ແລະອາ​ເມ​ຣິ​ກັນ​ທີ່​ນອນ​ຢູ່​ໃນ 20 ຂໍ້​ຂອງ​ຖະ​ແຫລງ​ການ​ຮ່ວມ​ລະ​ຫວ່າງ ​ສະ​ຫະ​ລັດອາ​ເມ​ຣິ​ກາ ແລະ ສ​ປ​ປ ລາວ ​ໃນ​ເດືອນ​ກັນ​ຍາ, 2016 ໂດຍອະ​ດີດ​ປະ​ທາ​ນາ​ທິ​ບໍ​ດີບາ​ຣັກ ໂອ​ບາ​ມາແລະອະ​ດີດ​ປະ​ທານ​ປະ​ເທດ ບຸນ​ຍັງ ວໍ​ລະ​ຈິດນັ້ນ ​ປະ​ຕິ​ບັດ​ໄດ້​ ໃນ​ຂອບ​ເຂດ​ຈຳ​ກັດ.

​ທ່ານ​ເສ​ຣີ ເທບ​ພະ​ພອນ (ທີ 1) , ​ທ່ານ​ໄມ ໄຊ​ຍະ​ວົງ (ທີ​ 2), ອະ​ດິດ​ເອກ​ອັກ​ຄະ​ລັດ​ຖະ​ທູດ​ ສ​ປ​ປ ລາວ ປະ​ຈຳ​ສະ​ຫະ​ລັດ ແລະ​ກາ​ນາ​ດາ ພ້ອມ​ດ້ວຍ​ພັນ​ລະ​ຍາ (ທີ 2 ຈາກ​ຂວາ) ໃນ​ໂອ​ກາດ​ທີ່​ເພິ່ນ​ໄປ​ຢ້ຽມ​ຢາມ​ຊາວ​ລາວ​ໃນ​ເຂດ​ເມືອງ​ຊາ​ຄ​ຣາ​ແມນ​ໂຕ້, ລັດ​ຄາ​ລິ​ຟໍ​ເນຍ​ໃນປີ 2018
​ທ່ານ​ເສ​ຣີ ເທບ​ພະ​ພອນ (ທີ 1) , ​ທ່ານ​ໄມ ໄຊ​ຍະ​ວົງ (ທີ​ 2), ອະ​ດິດ​ເອກ​ອັກ​ຄະ​ລັດ​ຖະ​ທູດ​ ສ​ປ​ປ ລາວ ປະ​ຈຳ​ສະ​ຫະ​ລັດ ແລະ​ກາ​ນາ​ດາ ພ້ອມ​ດ້ວຍ​ພັນ​ລະ​ຍາ (ທີ 2 ຈາກ​ຂວາ) ໃນ​ໂອ​ກາດ​ທີ່​ເພິ່ນ​ໄປ​ຢ້ຽມ​ຢາມ​ຊາວ​ລາວ​ໃນ​ເຂດ​ເມືອງ​ຊາ​ຄ​ຣາ​ແມນ​ໂຕ້, ລັດ​ຄາ​ລິ​ຟໍ​ເນຍ​ໃນປີ 2018

ໃນ​ການ​ເຂົ້າ​ຮ່ວມກອງ​ປະ​ຊຸມ​ຊຸດນີ້ ທ່ານເສ​ຣີ​ໄດ້​ເຫັນອີກ​ວ່າ​ ທາງ​ການ​ລາວໄດ້​ຈັດ​ຕັ້ງຄະ​ນະ​ກຳ​ມ​ະການສະ​ເພາະ​ກິດ​ອັນ​ນຶ່ງ ທີ່​ຮັບ​ຜິດ​ຊອບ​ວຽກ​ງານ​ພົວ​ພັນ​ກັບ​ຕ່າງ​ປະ​ເທດ ຊຶ່ງ​ທ່ານ​ຫຽມ ພົມ​ມະ​ຈັນ, ເປັນ​ປະ​ທານມາ​ໄດ້​ຫລາຍ​ປີແລ້ວ.

XS
SM
MD
LG