ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

“ການຈໍາແນກຜິວພັນ ໃນ ສຫລ ແມ່ນມີຈິງ” ນັ້ນຄືຄໍາເວົ້າ ຂອງແມ່ຍິງລາວ-ອາເມຣິກັນ ທີ່ມີສາມີ ເປັນຄົນຜິວດໍາ


ລູກຊາຍຂອງ ທ.ນ. ລີນາ ເຣດ (ຂວາສຸດ) ຖືປ້າຍປະທ້ວງທີ່ຂຽນວ່າ “ຂ້ອຍເປັນຄົນຜິວດໍາ ແລະຄົນລາວ” ໃນເວລາໄປປະທ້ວງກັບ ທຸກຄົນໃນຄອບຄົວທີ່ເມືອງສປຣິງຟຽວ, ລັດແມັຊຊາຈູແຊັສ, ໃນວັນພຸດ ວັນທີ 10 ມີຖຸນາຜ່ານມາ.
ລູກຊາຍຂອງ ທ.ນ. ລີນາ ເຣດ (ຂວາສຸດ) ຖືປ້າຍປະທ້ວງທີ່ຂຽນວ່າ “ຂ້ອຍເປັນຄົນຜິວດໍາ ແລະຄົນລາວ” ໃນເວລາໄປປະທ້ວງກັບ ທຸກຄົນໃນຄອບຄົວທີ່ເມືອງສປຣິງຟຽວ, ລັດແມັຊຊາຈູແຊັສ, ໃນວັນພຸດ ວັນທີ 10 ມີຖຸນາຜ່ານມາ.

ທ່ານນາງລີນາ ເຣດ, ແມ່ຍິງລາວຄົນນຶ່ງທີ່ອາໄສຢູ່ໃນລັດແມັສຊາຈູແຊສ, ຢູ່ທາງພາກເໜືອຂອງສະຫະລັດນັ້ນ ບອກວ່າການຈໍາແນກຜິວພັນຂອງຄົນຫຼາຍ ຄົນໂດຍສະເພາະຄົນຜິວຂາວຕໍ່ຊາວຜິວດໍາຢູ່ໃນສະຫະລັດນັ້ນ ແມ່ນມີຈິງ, ໂດຍອີງໃສ່ປະສົບການໃນການດໍາລົງຊີວິດຂອງທ່ານນາງເອງຢູ່ກັບສາມີທີ່ເປັນຊາຍ ອາເມຣິກັນເຊື້ອສາຍອາຟຣິກາ.

ທ່ານນາງອະທິບາຍເຖິງສະພາບການ ທີ່ເຮັດໃຫ້ມີຂະບວນການຕໍ່ສູ້ທີ່ເອີ້ນວ່າ Black Lives Matter ຊຶ່ງແປວ່າຊີ ວິດຄົນຜິວດໍາສໍາຄັນ ທີ່ມີຢູ່ໃນເວລານີ້ສູ່ຟັງວ່າ:

ທ່ານນາງ ລີນາ ຍັງເລົ່າສູ່ຟັງອີກວ່າການສົງໄສຂອງຕໍາຫລວດ ໂດຍສະເພາະ ແມ່ນຕໍາຫລວດຄົນຜິວຂາວວ່າຊາວຜິວດໍາອາດຈະເປັນຄົນທີ່ບໍ່ດີ ແບບໃດ ແບບ ນຶ່ງນັ້ນແມ່ນມີຈິງ ໂດຍອີງຕາມປະສົບການຂອງທ່ານນາງຂີ່ລົດໄປກັບສາມີ ທີ່ ບາງຄັ້ງກໍຖືກຕໍາຫລວດສັ່ງໃຫ້ຢຸດລົດ ແລະກວດເບິ່ງເອກະສານ ໂດຍບໍ່ມີເຫດ ຜົນຫຍັງອີ່ຫລີ.

ລູກຊາຍຂອງ ທ.ນ. ລີນາ ເຣດ ຖືປ້າຍປະທ້ວງທີ່ຂຽນເອົາເອງແລະດ້ວຍຄວາມຄິດຂອງຕົນເອງ
ລູກຊາຍຂອງ ທ.ນ. ລີນາ ເຣດ ຖືປ້າຍປະທ້ວງທີ່ຂຽນເອົາເອງແລະດ້ວຍຄວາມຄິດຂອງຕົນເອງ

ແມ່ຍິງລາວ-ອາເມຣິກັນຄົນນີ້ ມີລູກຊາຍຄົນນຶ່ງທີ່ມີຜິວຄ້າຍຄືສາມີຂອງທ່ານນາງ ແລະກໍມີຫລານໆ ເກືອບວ່າໝົດທຸກຄົນ ເປັນລູກຊອດມີຜິວດໍາ ແລະຜິວສີອື່ນທີ່ ບໍ່ແມ່ນສີຂາວ ຫລືເປັນຄົນເອເຊຍແບບເຕັມຮ້ອຍເປີເຊັນທັງໝົດເລີຍ. ສະນັ້ນ ໃນນາມ ທີ່ເປັນແມ່ແລະເປັນປ້າ, ທ່ານນາງກໍຕ້ອງໄດ້ເຮັດຄືກັນກັບພໍ່ແມ່ ແລະປ້າ ລຸງຂອງສາມີທ່ານນາງໃນການສັ່ງສອນລູກຫລານວ່າ ທີ່ການເກີດມາມີຜິວດໍານັ້ນ ຄວນມີໄຫວພິບຮອບຕົວ ແລະ ປ້ອງກັນຕົວເອງແນວໃດເພື່ອຈະດໍາລົງຊີວິດຢູ່ໃນ ສັງຄົມອາເມຣິກັນໄດ້ນີ້ແບບບໍ່ມີບັນຫາແກ່ຕົນໂດຍບໍ່ມີເຫດຜົນຫຍັງ ຊຶ່ງນາງ ເວົ້າສູ່ຟັງດັ່ງນີ້:

ເພື່ອຕໍ່ສູ້ເພື່ອຄວາມສະເໝີພາບທາງຜິວພັນນີ້ ທ່ານນາງລີນາ ພ້ອມດ້ວຍຄອບ ຄົວ, ອ້າຍນ້ອງ, ລູກຊາຍ ແລະຫລານໆ ພ້ອມກັບໝູ່ເພື່ອນໃນຄຸ້ມບ້ານດຽວກັນ ໄດ້ພາກັນໄປຮ່ວມ ການເດີນຂະບວນປະທ້ວງຢ່າງສັນຕິຢູ່ໃນເມືອງສປຣິງຟຽວ, ໃນລັດທີ່ທ່ານນາງອາໄສຢູ່ນັ້ນ ໂດຍພາກັນເດີນໄປຫາກົມຕໍາຫລວດ ແລະຍົກ ປ້າຍສະໜັບສະໜູນຂະບວນການ Black Lives Matter ໃນວັນພຸດຜ່ານມາ ແລະລູກຊາຍຂອງທ່ານນາງອາຍຸ 7 ປີ ກໍຂຽນປ້າຍ ໂດຍໃຊ້ຄວາມຄິດ ຂອງຕົນເອງວ່າ “ມີຕໍາຫລວດບາງຄົນກໍບໍ່ມັກຄົນຜິວດໍາ.

XS
SM
MD
LG